মাঙ্গল্য স্তবঃ : শুভ কাজের শুরুতে বা অমঙ্গল দূর করতে এই স্তব পাঠ করা হয়

শ্রী বিষ্ণু ধর্মোত্তর পুরাণ (বা বিষ্ণুধর্মোত্তর ইতিহাস)-এর তেতাল্লিশতম অধ্যায়ে ঋষি পুলস্ত্য ও ঋষি ধৌলভ্য-এর কথোপকথন হিসেবে শ্রী মাঙ্গল্য স্তব (Mangalya Stavam) বর্ণিত হয়েছে।  যে কোনো শুভ কাজের শুরুতে, অশুভ স্বপ্ন দেখলে বা অমঙ্গল দূর করতে এই স্তব পাঠ করা হয়।
এই স্তোত্রে ঋষি দাল্ভ্য, ঋষি পুলস্ত্যকে সব শুভ কাজে এবং দুঃস্বপ্ন ও অমঙ্গল দূর করতে যে জপ করা উচিত, তা জানতে চান। ঋষি পুলস্ত্য জনার্দন বা বিষ্ণুর স্মরণের মাধ্যমে সব অমঙ্গল দূর ও অশেষ কার্যসিদ্ধির কথা উল্লেখ করেছেন।

ধৌলভ্য
কার্য়ারংভেষু সর্বেষু দুঃস্বপ্নেষু চ সত্তম ।
অমাংগল্যেষু দৃষ্টেষু যজ্জপ্তব্যং তদুচ্যতাম্ ॥১॥

যেনারংভাশ্চ সিদ্ধ্যংতি দুঃস্বপ্নশ্চোপশাম্যতি ।
অমঙ্গলানাং দৃষ্টানাং পরিহারশ্চ জায়তে ॥২॥

শ্রী পুলস্ত্যঃ
জনার্দনং ভূতপতিং জগদ্গুরুং স্মরন্ মনুষ্যঃ সততং মহামুনে ।
দুষ্টান্যশেষণ্যপহংতি সাধয়তি অশেষকার্য়াণি চ যান্যভীপ্সতি ॥৩॥

শৃণুষ্ব চান্যত্ গদতো মমাখিলং বদামি যত্ তে দ্বিজবর্য়! মঙ্গলম্ ।
সর্বার্থসিদ্ধিং প্রদদাতি যত্ সদা নিহংত্য়্শেষাণি চ পাতকানি ॥৪ ॥

প্রতিষ্টিতং যত্র জগচ্চরাচরং জগত্ত্রয়ে যো জগতশ্চ হেতুঃ ।
জগচ্চ পাত্যত্তি চ যঃ স সর্বদা মমাস্তু মাংগল্যবিবৃদ্ধয়ে হরিঃ ॥৫ ॥

ব্যোমাংবুবায়্বগ্নিমহীস্বরূপৈঃ বিস্তারবান্ যোঽণুতরোঽণুভাবাত্ ।
অস্থূলসূক্ষ্মঃ সততং পরেশ্বরো মমাস্তু মাঙ্গল্যবিবৃদ্ধয়ে হরিঃ ॥৬ ॥

যস্মাত্ পরস্মাত্ পুরুষাদনন্তাত্ অনাদিমধ্য়াদধিকং ন কিংচিত্ ।
স হেতুহেতুঃ পরমেশ্বরেশ্বরঃ মমাস্তু মাংগল্যবিবৃদ্ধয়ে হরিঃ ॥৭ ॥

হিরণ্যগর্ভাচ্যুতরুদ্ররূপী সৃজত্যশেষং পরিপাতি হন্তি ।
গুণাগ্রণীর্য়ো ভগবান্ স সর্বদা মমাস্তু মাংগল্যবিবৃদ্ধয়ে হরিঃ ॥ ৮ ॥

পরঃ সুরাণাং পরমোঽসুরাণাং পরো যতীনাং পরমো মুনীনাম্ ।
পরঃ সমস্তস্য চ যঃ স সর্বদা মমাস্তু মাঙ্গল্যবিবৃদ্ধয়ে হরিঃ ॥৯ ॥

ধ্য়াতো মুনীনামপকল্মষৈর্য়ো দদাতি মুক্তিং পরমেশ্বরেশ্বরঃ ।
মনোভিরামঃ পুরুষঃ স সর্বদা মমাস্তু মাঙ্গল্যবিবৃদ্ধয়ে হরিঃ ॥১০॥

সুরেংদ্রবৈবস্বতবিত্তপাংবুপস্বরূপরূপী পরিপাতি যো জগত্ ।
স শুদ্ধশুদ্ধঃ পরমেশ্বরেশ্বরো মমাস্তু মাঙ্গল্যবিবৃদ্ধয়ে হরিঃ ॥১১॥

যন্নামসংকীর্তনতো বিমুচ্যতে হ্যনেকজন্মার্জিতপাপসংচয়াত্ ।
পাপেংধনাগ্নিঃ স সদৈব নির্মলো মমাস্তু মাংগল্যবিবৃদ্ধয়ে হরিঃ ॥১২॥

যেনোদ্ধৃতেয়ং ধরণী রসাতলাত্ অশেষসৃষ্টিস্থিতিকারণাদিকম্ ।
বিভর্তি বিশ্বং জগতঃ স মূলং মমাস্তু মাংগল্যবিবৃদ্ধয়ে হরিঃ ॥১৩ ॥

পাদেষু বেদা জঠরে চরাচরং রোমস্বশেষা মুনয়ো মুখে মখাঃ ।
যস্য়েশ্বরেশস্য স সর্বদা প্রভুঃ মমাস্তু মাংগল্যবিবৃদ্ধয়ে হরিঃ ॥ ১৪ ॥

সমস্ত যজ্ঞাংগময়ং বপুঃ প্রভোঃ যস্যাংগমীশেশ্বরসংস্তুতস্য ।
বরাহরূপী ভগবান্ স সর্বদা মমাস্তু মাঙ্গল্যবিবৃদ্ধয়ে হরিঃ ॥১৫॥

বিক্ষোভ্য সর্বোদধিতোয়সংভবং দধার ধাত্রীং জগতশ্চ যো ভুবম্ ।
যজ্ঞেশ্বরো যজ্ঞপুমান্ স সর্বদা মমাস্তু মাঙ্গল্যবিবৃদ্ধয়ে হরিঃ ॥ ১৬ ॥

পাতালমূলেশ্বরভোগিসংহতো বিন্যস্য পাদৌ পৃতিবীং চ বিভ্রতঃ ।
যস্যোপমানং ন বভূব সোঽচ্যুতো মমাস্তু মাঙ্গল্যবিবৃদ্ধয়ে হরিঃ ॥ ১৭ ॥

সঘর্ঘরং যস্য চ বৃংহিতং মুহুঃ সনংদনাদ্যৈর্জনলোকসংশ্রিতৈঃ ।
শ্রুতং জয়েত্যুক্তিপরৈঃ স সর্বদা মমাস্তু মাঙ্গল্যবিবৃদ্ধয়ে হরিঃ ॥ ১৮ ॥

একার্ণবাদ্ যস্য মহীযসৌ মহীং আদায় বেগেন খমুত্পতিষ্যতঃ ।
নতং বপুর্য়োগিবরৈঃ স সর্বদা মমাস্তু মাঙ্গল্যবিবৃদ্ধয়ে হরিঃ ॥ ১৯ ॥

হতো হিরণ্যাক্ষমহাসুরঃ পুরা পুরাণপুংসা পরমেণ যেন
বরাহরূপঃ স পতিঃ প্রজাপতিঃ মমাস্তু মাঙ্গল্যবিবৃদ্ধয়ে হরিঃ ॥ ২০ ॥

দংষ্ট্রাকরালং সুরভীতিনাশকং কৃতং বপুর্দিব্যনৃসিংহরূপিণা ।
ত্রাতুং জগত্ যেন স সর্বদা প্রভুঃ মমাস্তু মাঙ্গল্যবিবৃদ্ধয়ে হরিঃ ॥ ২১ ॥

দৈত্যেংদ্রবক্ষঃস্থলদারদারুণৈঃ
করেরুহৈর্য়ঃ ক্রকচানুকারিভিঃ ।
বিচ্ছেদ লোকস্য ভয়ানি সোঽচ্যুতো
মমাস্তু মাঙ্গল্যবিবৃদ্ধয়ে হরিঃ ॥ ২২ ॥

দংতাংতদীপ্তদ্যুতিনির্মলানি যঃ চকার সর্বাণি দিশাং মুখানি ।
নিনাদবিত্রাসিতদানবো হ্যসৌ মমাস্তু মাঙ্গল্যবিবৃদ্ধয়ে হরিঃ ॥ ২৩ ॥

যন্নামসংকীর্তনতো মহাভয়াত্ বিমোক্ষমাপ্নোতি ন সংশয়ং নরঃ ।
স সর্বলোকার্তিহরো নৃকেসরী মমাস্তু মাঙ্গল্যবিবৃদ্ধয়ে হরিঃ ॥ ২৪ ॥

সটাকরালভ্রমণানিলাহতাঃ স্ফুটংতি যস্যাংবুধরাঃ সমংততঃ ।
স দিব্যসিংহঃ স্ফুরিতানলেক্ষণো মমাস্তু মাঙ্গল্যবিবৃদ্ধয়ে হরিঃ ॥ ২৫ ॥

যদীক্ষণজ্য়োতিষি রশ্মিমণ্ডলং প্রলীনমীষন্ন ররাজ ভাস্বতঃ ।
কুতঃ শশাংকস্য স দিব্যরূপধৃক্ মমাস্তু মাঙ্গল্যবিবৃদ্ধয়ে হরিঃ ॥ ২৬ ॥

অশেষদেবেশনরেশ্বরেশ্বরৈঃ সদা স্তুতং যচ্চরিতং মহাদ্ভুতম্ ।
স সর্বলোকার্তিহরো মহাহরিঃ মমাস্তু মাঙ্গল্যবিবৃদ্ধয়ে হরিঃ ॥ ২৭ ॥

দ্রবন্তি দৈত্যাঃ প্রণমংতি দেবতাঃ নশ্যংতি রক্ষাংসি অপয়াংতি চারয়ঃ ।
যত্কীর্তনাত্ সোঽদ্ভুতরূপকেসরী মমাস্তু মাঙ্গল্যবিবৃদ্ধয়ে হরিঃ ॥ ২৮ ॥

ঋক্ পাবিতং যো যজুষা হি শ্রীমত্ সামধ্বনিধ্বস্তসমস্তপাতকম্ ।
চক্রে জগত্ বামনকঃ স সর্বদা মমাস্তু মাঙ্গল্যবিবৃদ্ধয়ে হরিঃ ॥ ২৯ ॥

যত্পাদবিন্যাসপবিত্রতাং মহী যয়ৌ বিযচ্চর্গ্যজুষামুদীরণাত্ ।
স বামনো দিব্যশরীররূপদৃং মমাস্তু মাণজ্ঞল্যবিবৃদ্ধয়ে হরিঃ ॥ ৩০ ॥

যস্মিন্ প্রয়াতেঽসুরভূভৃতোঽধ্বরাত্ ননাম খেদাদবনিঃ সসাগরা ।
স বামনঃ সর্বজগন্ময়ঃ সদা মমাস্তু মাঙ্গল্যবিবৃদ্ধয়ে হরিঃ ॥ ৩১ ॥

মহাদ্ভুতে দৈত্যপতের্মহাধ্বরে যস্মিন্ প্রবিষ্টে ক্ষুভিতং মহাসুরৈঃ ।
স বামনোঽংতস্থিতসপ্তলোকধৃং মমাস্তু মাঙ্গল্যবিবৃদ্ধয়ে হরিঃ ॥ ৩২ ॥

সংঘৈঃ সুরাণাং দিবি ভূতলস্থিতৈঃ তথা মনুষ্যৈর্গগনে চ খেচরৈঃ ।
স্তুতঃ ক্রমাদ্ যঃ প্রচ্চার সর্বদা মমাস্তু মাঙ্গল্যবিবৃদ্ধয়ে হরিঃ ॥ ৩৩ ॥

ক্রাংত্বা ধরিত্রীং গগনং তথা দিবং মরুত্পতের্য়ঃ প্রদদৌ ত্রিবিষ্টপম্ ।
স দেবদেবো ভুবনেশ্বরেশ্বরো মমাস্তু মাঙ্গল্যবিবৃদ্ধয়ে হরিঃ ॥ ৩৪ ॥

অনুগ্রহং চাপি বলেরনুত্ত্মং চকার যশ্চেংদ্রপদোপমং ক্ষণাত্ ।
সুরাংশ্চ যজ্ঞাংশভুজঃ স সর্বদা মমাস্তু মাঙ্গল্যবিবৃদ্ধয়ে হরিঃ ॥ ৩৫ ॥

রসাতলাদ্ যেন পুরা সমাহৃতাঃ সমস্তবেদা জলচাররিরূপিণা ।
স কৈটভারিমধুহাঽংবুশায়ী মমাস্তু মাঙ্গল্যবিবৃদ্ধয়ে হরিঃ ॥ ৩৬ ॥

নিঃক্ষত্রিয়ং যশ্চ চকার মেদিনীং অনেকশো বাহুবনং তথাঽচ্ছিনত্ ।
যঃ কার্তবীর্যস্য স ভার্গবোত্তমো মমাস্তু মাঙ্গল্যবিবৃদ্ধয়ে হরিঃ ॥ ৩৭ ॥

নিহত্য যো বালিনমুগ্রবিক্রমং
নিবদ্ধ্য সেতুং জলধৌ দশাননম্ ।
জঘান চান্যান্ রজনীচরান্ অসৌ
মমাস্তু মাঙ্গল্যবিবৃদ্ধয়ে হরিঃ ॥ ৩৮ ॥

চিক্ষেপ বালঃ শকটং, বভংজ যো যমার্জুনং, কংসমরিং জঘান চ ।
মমর্দ চাণূরমুখান্ স সর্বদা মমাস্তু মাঙ্গল্যবিবৃদ্ধয়ে হরিঃ ॥ ৩৯ ॥

প্রাতঃ সহস্রাংশুমরীচিনির্মলং করেণ বিভ্রত্ ভগবান্ সুদর্শনম্ ।
কৌমোদকী চাপি গদামনংতো মমাস্তু মাঙ্গল্যবিবৃদ্ধয়ে হরিঃ ॥ ৪০ ॥

হিমেংদুকুংদস্ফটিকাভনির্মলং মুখানিলাপূরিতমীশ্বরেশ্বরঃ ।
মধ্য়াহ্নকালেঽপি স শন্খমুদ্বহন্ মমাস্তু মাঙ্গল্যবিবৃদ্ধয়ে হরিঃ ॥ ৪১ ॥

তথাপরাহ্ণে প্রবিকাসি পংকজং বক্ষস্থলেন শ্রিয়মুদ্বহন্ হরিঃ ।
বিস্তারিপদ্মায়তপত্রলোচনো মমাস্তু মাঙ্গল্যবিবৃদ্ধয়ে হরিঃ ॥ ৪২ ॥

সর্বেষু কালেষু সমস্তদেশেষু অশেষকার্য়েষু তথেশ্বরেশ্বরঃ ।
সর্বৈঃ স্বরূপৈর্ভগবান্ অনাদিমান্ মমাস্তু মাঙ্গল্যবিবৃদ্ধয়ে হরিঃ ॥ ৪৩ ॥

এতত্ পঠন্ দাল্ভ্য সমস্তপাপৈঃ
বিমুচ্যতে বিষ্ণুপরো মনুষ্যঃ ।
সিদ্ধ্য়ংতি কার্য়াণি তথাঽস্য সর্বান্
অর্থানবাপ্নোতি যথেচ্ছতে তান্ ॥ ৪৪ ॥

দুঃস্বপ্নঃ প্রশমমুপৈতি পঠ্যমানে
স্তোত্রেঽস্মিন্ শ্রবণবিধৌ সদোদ্যতস্য ।
প্রারংভো দ্রুতমুপয়াতি সিদ্ধিমীশঃ
পাপানি ক্ষপয়তি চাস্য দেবদেবঃ ॥ ৪৫ ॥

মাংগল্যং পরমপদং সদাঽর্থসিদ্ধিং
নির্বিঘ্নামধিকফলাং শ্রিয়ং দদাতি ।
কিং লোকে তদিহ পরত্র চাপি পুংসাং
যদ্বিষ্ণুপ্রবণধিয়াং ন দাল্ভ্য ! সাধ্যম্ ॥ ৪৬ ॥

দেবেংদ্রস্ত্রিভুবনমর্থমেকপিংগঃ
সংসিদ্ধিং ত্রিভুবনগাং চ কার্তবীর্য়ঃ ।
বৈদেহঃ পরমপদং প্রসাদ্য বিষ্ণুং
সংপ্রাপ্তাঃ সকলফলপ্রদো হি বিষ্ণুঃ ॥ ৪৭ ॥

সর্বারংভেষু দাল্ভ্যৈতদ্ দুঃস্বপ্নেষু চ পন্ডিতঃ ।
জপেদেকমনা বিষ্ণৌ তথাঽমণঙ্গল্যদর্শনে ॥ ৪৮ ॥

শমং প্রয়াংতি দুষ্টানি গ্রহপীড়াশ্চ দারুণাঃ ।
কর্মারংভাশ্চ সিদ্ধ্যংতি পুণ্যমাপ্নোতি চোত্তমম্ ॥ ৪৯ ॥

হরির্দদাতি ভদ্রাণি মঙ্গল্যস্তুতিসংস্তুতঃ ।
করোত্যখিলরূপৈস্তু রক্ষামক্ষতশক্তিভৃত্ ॥ ৫০ ॥

॥ শ্রীবিষ্ণুধর্মোত্তরান্তর্গতঃ মাঙ্গল্যস্তবঃ সংপূর্ণঃ ॥

মাঙ্গল্য স্তবের পরিচয় ও মাহাত্ম্য
উৎস: বিষ্ণুধর্মোত্তর পুরাণ (অধ্যায় ৪৩)
বক্তা ও শ্রোতা: ঋষি পুলস্ত্য তাঁর শিষ্য ঋষি ধৌলভ্যকে এই স্তব উপদেশ করেছিলেন।
মূল উদ্দেশ্য: সর্বকার্য সিদ্ধি, অমঙ্গল নাশ, পাপক্ষয় এবং জীবনে উত্তরোত্তর মঙ্গল বৃদ্ধি করা। প্রতি শ্লোকের শেষে বা মূল ভাবপ্রকাশে “মমাত্তু মাঙ্গল্য বিবৃদ্ধয়ে হরিঃ” (আমার মঙ্গল বৃদ্ধি হোক, ভগবান হরি সহায় হোন) এই চরণটি অনুসৃত হয়।

স্তবের মূল অর্থ ও ভাবার্থ
ঋষি পুলস্ত্য ধৌলভ্যকে জানান যে, ভগবান বিষ্ণুর বা শ্রীহরির স্বরূপ ও তাঁর বিভিন্ন অবতারের (যেমন বরাহ, নরসিংহ, বামন, রাম, কৃষ্ণ ইত্যাদি) গুণকীর্তন ও স্মরণ সমস্ত প্রকার অমঙ্গল দূর করে:
দুঃস্বপ্ন ও গ্রহপীড়া বিনাশ: এই স্তব পাঠ বা শ্রবণ করলে ভয়ঙ্কর গ্রহপীড়া, অশুভ স্বপ্ন এবং সমস্ত প্রকার অকল্যাণ তৎক্ষণাৎ প্রশমিত হয়।
কার্যসিদ্ধি: যে ব্যক্তি একাগ্রচিত্তে বিষ্ণুকে স্মরণ করে এই মাঙ্গল্য স্তব পাঠ করেন, তাঁর আরাব্ধ সমস্ত কর্ম সফল হয় এবং তিনি উত্তম পুণ্য লাভ করেন।
পাপমুক্তি: ব্রহ্মহত্যাসহ মহাপাপ ও অজ্ঞানকৃত অপরাধ এই স্তবের প্রভাবে বিনাশপ্রাপ্ত হয়।
ঐশ্বর্য প্রাপ্তি: শ্রীহরির কৃপায় ভক্ত সর্বার্থ সিদ্ধি (সমস্ত কাম্য বস্তু ও মঙ্গল) লাভ করেন।