শ্রী প্রহ্লাদ কৃত শ্রী হর্যষ্টকম্ (Sri Hari Ashtakam) হলো ভগবান বিষ্ণুর বা হ্যার আরাধনায় রচিত একটি অত্যন্ত পবিত্র ও শক্তিশালী স্তোত্র। এটি দুঃখ-কষ্ট নাশকারী হিসেবে পরিচিত।
শ্রী হর্যষ্টকম্ (প্রহ্লাদ কৃতম্) :
হরির্হরতি পাপানি দুষ্টচিত্তৈরপি স্মৃতঃ ।
অনিচ্ছয়াঽপি সংস্পৃষ্টো দহত্য়েব হি পাবকঃ ॥১॥
স গঙ্গা স গয়া সেতুঃ স কাশী স চ পুষ্করম্ ।
জিহ্বাগ্রে বর্ততে যস্য হরিরিত্যক্ষরদ্বয়ম্ ॥২॥
বারাণস্যাং কুরুক্ষেত্রে নৈমিশারণ্য এব চ ।
যত্কৃতং তেন যেনোক্তং হরিরিত্যক্ষরদ্বযম্ ॥৩॥
পৃথিব্যাং যানি তীর্থানি পুণ্যান্যাযতনানি চ ।
তানি সর্বাণ্যশেষাণি হরিরিত্যক্ষরদ্বয়ম্ ॥৪॥
গবাং কোটিসহস্রাণি হেমকন্যাসহস্রকম্ ।
দত্তং স্যাত্তেন যেনোক্তং হরিরিত্যক্ষরদ্বয়ম্ ॥৫॥
ঋগ্বেদোঽথ যজুর্বেদঃ সামবেদোঽপ্যথর্বণঃ ।
অধীতস্তেন যেনোক্তং হরিরিত্যক্ষরদ্বয়ম্ ॥৬॥
অশ্বমেধৈর্মহাযজ্ঞৈর্নরমেধৈস্তথৈব চ ।
ইষ্টং স্যাত্তেন যেনোক্তং হরিরিত্যক্ষরদ্বযম্ ॥৭॥
প্রাণঃ প্রয়াণ পাথেয়ং সংসারব্যাধিনাশনম্ ।
দুঃখাত্য়ংত পরিত্রাণং হরিরিত্যক্ষরদ্বয়ম্ ॥৮॥
বদ্ধঃ পরিকরস্তেন মোক্ষায় গমনং প্রতি ।
সকৃদুচ্চারিতং যেন হরিরিত্যক্ষরদ্বযম্ ॥৯॥
হর্যষ্টকমিদং পুণ্যং প্রাতরুত্থায় যঃ পঠেত্ ।
আয়ুষ্য়ং বলমারোগ্যং যশো বৃদ্ধিঃ শ্রিয়াবহম্ ॥১০॥
প্রহ্লাদেন কৃতং স্তোত্রং দুঃখসাগরশোষণম্ ।
যঃ পঠেত্স নরো যাতি তদ্বিষ্ণোঃ পরমং পদম্ ॥১১॥
।। ইতি প্রহ্লাদকৃত শ্রী হর্যষ্টকম্ ।।
