শ্রী শ্রীশৈল মল্লিকার্জুন সুপ্রভাতম্ হলো দেবাদিদেব মহাদেব শিবের মল্লিকার্জুন রূপের উদ্দেশ্যে নিবেদিত একটি পবিত্র প্রভাতী স্তোত্র বা আবাহন। এটি অন্ধ্রপ্রদেশের শ্রীশৈলমে অবস্থিত দ্বাদশ জ্যোতির্লিঙ্গের অন্যতম শ্রী মল্লিকার্জুন স্বামী মন্দিরের সঙ্গে গভীরভাবে যুক্ত। ভোরবেলায় মহাদেব শিব ও দেবী ভ্রমরাম্বিকাকে জাগরিত ও স্মরণ করার জন্য এই স্তোত্র পাঠ করা হয়। ভক্তরা প্রতিদিন সকালে ঈশ্বরের আশীর্বাদ প্রার্থনা করতে এই স্তোত্রটি আবৃত্তি বা শ্রবণ করেন।
প্রাতস্ স্মরামি গণনাথমনাথবংধুং
সিংদূরপূরপরিশোভিতগংডয়ুগ্মম্ ।
উদ্দংডবিঘ্নপরিখংডনচংডদংড-
মাখংডলাদিসুরনায়কবৃংদবংদ্যম্ ॥ ১॥
কলাভ্যাং চূডালংকৃতশশিকলাভ্য়াং নিজতপঃ
ফলাভ্যাং ভক্তেষু প্রকটিতফলাভ্যাং ভবতু মে ।
শিবাভ্য়ামাস্তীকত্রিভুবনশিবাভ্যাং হৃদি পুন-
র্ভবাভ্যামানংদস্ফুরদনুভবাভ্যাং নতিরিযম্ ॥ ২॥
নমস্তে নমস্তে মহাদেব! শংভো!
নমস্তে নমস্তে দয়াপূর্ণসিংধো!
নমস্তে নমস্তে প্রপন্নাত্মবংধো!
নমস্তে নমস্তে নমস্তে মহেশ ॥ ৩ ॥
শশ্বচ্ছ্রীগিরিমূর্ধনি ত্রিজগতাং রক্ষাকৃতৌ লক্ষিতাং
সাক্ষাদক্ষতসত্কটাক্ষসরণিশ্রীমত্সুধাবর্ষিণীম্ ।
সোমার্ধাংকিতমস্তকাং প্রণমতাং নিস্ সীমসংপত্প্রদাং
সুশ্লোকাং ভ্রমরাংবিকাং স্মিতমুখীং শংভোস্ সখীং ত্বাং স্তুমঃ ॥ ৪॥
মাতঃ! প্রসীদ, সদয়া ভব, ভব্যশীলে !
লীলালবাকুলিতদৈত্যকুলাপহারে !
শ্রীচক্ররাজনিলয়ে ! শ্রুতিগীতকীর্তে !
শ্রীশৈলনাথদয়িতে ! তব সুপ্রভাতম্ ॥ ৫ ॥
শংভো ! সুরেংদ্রনুত ! শংকর ! শূলপাণে !
চংদ্রাবতংস ! শিব ! শর্ব ! পিনাকপাণে !
গংগাধর ! ক্রতুপতে ! গরুড়ধ্বজাপ্ত !
শ্রীমল্লিকার্জুন বিভো ! তব সুপ্রভাতম্ ॥ ৬ ॥
বিশ্বেশ ! বিশ্বজনসেবিত ! বিশ্বমূর্তে !
বিশ্বংভর ! ত্রিপুরভেদন ! বিশ্বয়োনে !
ফালাক্ষ ! ভব্যগুণ ! ভোগিবিভূষণেশ !
শ্রীমল্লিকার্জুন বিভো ! তব সুপ্রভাতম্ ॥ ৭ ॥
কল্যাণরূপ ! করুণাকর ! কালকংঠ !
কল্পদ্রুমপ্রসবপূজিত ! কামদায়িন্ !
দুর্নীতিদৈত্যদলনোদ্যত ! দেব দেব !
শ্রীমল্লিকার্জুন বিভো ! তব সুপ্রভাতম্ ॥ ৮ ॥
গৌরীমনোহর ! গণেশ্বরসেবিতাংঘ্রে !
গংধর্বযক্ষসুরকিন্নরগীতকীর্তে !
গংডাবলংবিফণিকুংডলমংডিতাস্য !
শ্রীমল্লিকার্জুন বিভো ! তব সুপ্রভাতম্ ॥ ৯ ॥
নাগেংদ্রভূষণ ! নিরীহিত ! নির্বিকার !
নির্মায় ! নিশ্চল ! নিরর্গল ! নাগভেদিন্ ।
নারাযণীপ্রিয় ! নতেষ্টদ ! নির্মলাত্মন্ !
শ্রীপর্বতাধিপ ! বিভো ! তব সুপ্রভাতম্ ॥ ১০॥
সৃষ্টং ত্বয়ৈব জগদেতদশেষমীশ !
রক্ষাবিধিশ্চ বিধিগোচর ! তাবকীনঃ ।
সংহারশক্তিরপি শংকর ! কিংকরী তে
শ্রীশৈলশেখর বিভো ! তব সুপ্রভাতম্ ॥ ১১ ॥
একস্ত্বমেব বহুধা ভব ! ভাসি লোকে
নিশ্ শংকধীর্বৃষভকেতন ! মল্লিনাথ !
শ্রীভ্রামরীপ্রয় ! সুখাশ্রয় ! লোকনাথ !
শ্রীশৈলশেখর বিভো ! তব সুপ্রভাতম্ ॥ ১২॥
পাতালগাংগজলমজ্জননির্মলাংগাঃ
ভস্মত্রিপুংড্রসমলংকৃতফালভাগাঃ ।
গায়ংতি দেবমুনিভক্তজনা ভবংতং
শ্রীমল্লিকার্জুন বিভো ! তব সুপ্রভাতম্ ॥ ১৩ ॥
সারস্বতাংবুয়ুতভোগবতীশ্রিতায়াঃ
ব্রহ্মেশবিষ্ণুগিরিচুংবিতকৃষ্ণবেণ্যাঃ ।
সোপানমার্গমধিরুহ্য ভজংতি ভক্তাঃ
শ্রীমল্লিকার্জুন বিভো ! তব সুপ্রভাতম্ ॥ ১৪ ॥
শ্রীমল্লিকার্জুনমহেশ্বরসুপ্রভাত-
স্তোত্রং পঠংতি ভুবি যে মনুজাঃ প্রভাতে ।
তে সর্ব সৌখ্যমনুভূয় পরানবাপ্যং
শ্রীশাংভবং পদমবাপ্য মুদং লভংতে ॥ ১৫ ॥
।। ইতি শ্রীমল্লিকার্জুনসুপ্রভাতং সংপূর্ণম্ ।।
