বিশ্বেশ্বরায় নরকার্ণব তারণায়
কর্ণামৃতায় শশিশেখর ধারণায় ।
কর্পূরকান্তি ধবলায় জটাধরায়
দারিদ্র্যদুঃখ দহনায় নমশিবায় ॥ ১॥
গৌরীপ্রিয়ায় রজনীশ কলাধরায়
কালান্তকায় ভুজগাধিপ কঙ্কণায় ।
গঙ্গাধরায় গজরাজ বিমর্ধনায়
দারিদ্র্যদুঃখ দহনায় নমশ্শিবায় ॥ ২ ॥
ভক্তপ্রিয়ায় [ভক্তিপ্রিয়ায়] ভবরোগ ভয়াপহায়
উগ্রায় দুঃখ [দুর্গ] ভবসাগর তারণায় ।
জ্যোতির্ময়ায় গুণনাম সুনৃত্যকায়
দারিদ্র্যদুঃখ দহনায় নমশ্শিবায় ॥ ৩ ॥
চর্মাংবরায় শবভস্ম বিলেপনায়
ফালেক্ষণায় মণিকুণ্ডল মণ্ডিতায় ।
মঞ্জীরপাদয়ুগলায় জটাধরায়
দারিদ্র্যদুঃখ দহনায় নমশ্শিবায় ॥ ৪ ॥
পঞ্চাননায় ফণিরাজ বিভূষণায়
হেমাংকুশায় ভুবনত্রয় মণ্ডিতায়
আনন্দ ভূমি বরদায় তমোপয়ায় [তমোময়ায়] ।
দারিদ্র্যদুঃখ দহনায় নমশ্শিবায় ॥ ৫॥
ভানুপ্রিয়ায় ভবসাগর তারণায়
কালান্তকায় কমলাসন পূজিতায় ।
নেত্রত্রয়ায় শুভলক্ষণ লক্ষিতায়
দারিদ্র্যদুঃখ দহনায় নমশ্শিবায় ॥ ৬ ॥
রামপ্রিয়ায় রঘুনাথ বরপ্রদায়
নাগপ্রিয়ায় নরকার্ণব তারণায় ।
পুণ্যায় [পুণ্যেষু] পুণ্যভরিতায় সুরার্চিতায়
দারিদ্র্যদুঃখ দহনায় নমশ্শিবায় ॥ ৭ ॥
মুক্তেশ্বরায় ফলদায় গণেশ্বরায়
গীতাপ্রিয়ায় বৃষভেশ্বর বাহনায় ।
মাতঙ্গচর্ম বসনায় মহেশ্বরায়
দারিদ্র্যদুঃখ দহনায় নমশ্শিবায় ॥ ৮ ॥
বসিষ্ঠেন কৃতং স্তোত্রং সর্বরোগ নিবারণম্ ।
সর্বসংপত্করং শীঘ্রং পুত্রপৌত্রাদি বর্ধনম্ ।
[শুভদং কামদং হৃদ্যং ধনধান্য প্রবর্ধনম্]
ত্রিসংধ্যং যঃ পঠেন্নিত্য়ং স হি স্বর্গ মবাপ্নুয়াত্ ॥ ৯ ॥
॥ ইতি শ্রী বশিষ্ঠ বিরচিতং দারিদ্র্যদহন শিবস্তোত্রং সংপূর্ণম্ ॥
গৌরীবিলাস ভুবনায় মহেশ্বরায়
পঞ্চননায় শরণাগত কল্পদায় ।
শর্বায় সর্বজগতামধিপায়
তস্মৈ দারিদ্র্য দুঃখদহনায় নমঃ শিবায় ॥
