শ্রী দুর্গা সহস্রনামস্তোত্রম্ : সমৃদ্ধি, সুরক্ষা এবং সকল বাধা থেকে মুক্তি প্রদানে সহায়ক

শ্রী দুর্গা সহস্রনাম স্তোত্রম্ হলো দেবী দুর্গার ১,০০০টি নাম সম্বলিত একটি শক্তিশালী স্তোত্র, যা ভক্তদের জীবনে সমৃদ্ধি, সুরক্ষা এবং সকল বাধা থেকে মুক্তি প্রদানে সহায়ক বলে বিশ্বাস করা হয়। নারদ ও স্কন্দ কর্তৃক এই স্তোত্রটির উৎপত্তি, যেখানে স্কন্দ দেবীর সহস্র নাম বর্ণনা করেছেন, যা ভক্তিমূলক, পাপনাশক এবং গ্রহপীড়া নিবারক। এই স্তোত্রটি দুর্গাকে শক্তির মূর্ত প্রতীক এবং মহাবিশ্বের রক্ষাকর্ত্রী হিসেবে পূজা করে।

॥ অথ শ্রী দুর্গা সহস্রনামস্তোত্রম্ ॥

নারদ উবাচ –
কুমার গুণগংভীর দেবসেনাপতে প্রভো ।
সর্বাভীষ্টপ্রদং পুংসাং সর্বপাপপ্রণাশনম্ ॥ ১॥

গুহ্যাদ্গুহ্যতরং স্তোত্রং ভক্তিবর্ধকমংজসা ।
মঙ্গলং গ্রহপীড়াদিশাংতিদং বক্তুমর্হসি ॥ ২॥

স্কন্ধ উবাচ –
শৃণু নারদ দেবর্ষে লোকানুগ্রহকাম্যয়া ।
যত্পৃচ্ছসি পরং পুণ্যং তত্তে বক্ষ্য়ামি কৌতুকাত্ ॥ ৩॥

মাতা মে লোকজননী হিমবন্নগসত্তমাত্ ।
মেনায়াং ব্রহ্মবাদিন্যাং প্রাদুর্ভূতা হরপ্রিয়া ॥৪॥

মহতা তপসাঽঽরাধ্য শঙ্করং লোকশঙ্করম্ ।
স্বমেব বল্লভং ভেজে কলেব হি কলানিধিম্ ॥৫॥

নগানামধিরাজস্তু হিমবান্ বিরহাতুরঃ ।
স্বসুতায়াঃ পরিক্ষীণে বসিষ্ঠেন প্রবোধিতঃ ॥ ৬॥

ত্রিলোকজননী সেয়ং প্রসন্না ত্বয়ি পুণ্যতঃ ।
প্রাদুর্ভূতা সুতাত্বেন তদ্বিয়োগং শুভং ত্যজ ॥৭॥

বহুরূপা চ দুর্গেয়ং বহুনাম্নী সনাতনী ।
সনাতনস্য জায়া সা পুত্রীমোহং ত্যজাধুনা ॥৮॥

ইতি প্রবোধিতঃ শৈলঃ তাং তুষ্টাব পরাং শিবাম্ ।
তদা প্রসন্না সা দুর্গা পিতরং প্রাহ নংদিনী ॥৯॥

মত্প্রসাদাত্পরং স্তোত্রং হৃদয়ে প্রতিভাসতাম্ ।
তেন নাম্নাং সহস্রেণ পূজয়ন্ কামমাপ্নুহি ॥১০॥

ইত্য়ুক্ত্বাংতর্হিতায়াং তু হৃদয়ে স্ফুরিতং তদা ।
নাম্নাং সহস্রং দুর্গায়াঃ পৃচ্ছতে মে যদুক্তবান্ ॥১১॥

মঙ্গলানাং মঙ্গলং তদ্ দুর্গানাম সহস্রকম্ ।
সর্বাভীষ্টপ্রদাং পুংসাং ব্রবীম্যখিলকামদম্ ॥ ১২॥

দুর্গাদেবী সমাখ্যাতা হিমবানৃষিরুচ্যতে ।
ছংদোনুষ্টুপ্ জপো দেব্যাঃ প্রীতয়ে ক্রিয়তে সদা ॥১৩॥

অস্য শ্রীদুর্গাস্তোত্রমহামংত্রস্য় । হিমবান্ ঋষিঃ । অনুষ্টুপ্ ছন্দঃ ।
দুর্গাভগবতী দেবতা । শ্রীদুর্গাপ্রসাদসিদ্ধ্যর্থে জপে বিনিয়োগঃ । ।

শ্রীভগবত্য়ৈ দুর্গায়ৈ নমঃ ।

দেবীধ্যানম্
ওং হ্রীং কালাভ্রাভাং কটাক্ষৈররিকুলভয়দাং মৌলিবদ্ধেংদুরেখাং
শংখং চক্রং কৃপাণং ত্রিশিখমপি করৈরুদ্বহংতীং ত্রিনেত্রাম্ ।
সিংহস্কংধাধিরূঢাং ত্রিভুবনমখিলং তেজসা পূরয়ংতীং
ধ্যায়েদ্ দুর্গাং জয়াখ্যাং ত্রিদশপরিবৃতাং সেবিতাং সিদ্ধিকামৈঃ ॥

শ্রী জযদুর্গায়ৈ নমঃ ।

ওং শিবাথোমা রমা শক্তিরনংতা নিষ্কলাঽমলা ।
শাংতা মাহেশ্বরী নিত্যা শাশ্বতা পরমা ক্ষমা ॥ ১॥

অচিংত্যা কেবলানংতা শিবাত্মা পরমাত্মিকা ।
অনাদিরব্যয়া শুদ্ধা সর্বজ্ঞা সর্বগাঽচলা ॥২॥

একানেকবিভাগস্থা মায়াতীতা সুনির্মলা ।
মহামাহেশ্বরী সত্য়া মহাদেবী নিরঞ্জনা ॥৩॥

কাষ্ঠা সর্বাংতরস্থাঽপি চিচ্ছক্তিশ্চাত্রিলালিতা ।
সর্বা সর্বাত্মিকা বিশ্বা জ্য়োতীরূপাক্ষরামৃতা ॥৪॥

শাংতা প্রতিষ্ঠা সর্বেশা নিবৃত্তিরমৃতপ্রদা ।
ব্যেমমূর্তির্ব্যেমসংস্থা ব্যেমধারাঽচ্যুতাঽতুলা ॥৫॥

অনাদিনিধনাঽমোঘা কারণাত্মকলাকুলা ।
ঋতুপ্রথমজাঽনাভিরমৃতাত্মসমাশ্রয়া ॥৬॥

প্রাণেশ্বরপ্রিয়া নম্যা মহামহিষঘাতিনী ।
প্রাণেশ্বরী প্রাণরূপা প্রধানপুরুষেশ্বরী ॥৭॥

সর্বশক্তিকলাঽকামা মহিষেষ্টবিনাশিনী ।
সর্বকার্যনিয়ংত্রী চ সর্বভূতেশ্বরেশ্বরী ॥৮॥

অংগদাদিধরা চৈব তথা মুকুটধারিণী ।
সনাতনী মহানংদাঽঽকাশয়োনিস্তথেচ্যতে ॥৯॥

চিত্প্রকাশস্বরূপা চ মহায়োগেশ্বরেশ্বরী ।
মহামায়া সদুষ্পারা মূলপ্রকৃতিরীশিকা ॥ ১০॥

সংসারয়োনিঃ সকলা সর্বশক্তিসমুদ্ভবা ।
সংসারপারা দুর্বারা দুর্নিরীক্ষা দুরাসদা ॥১১॥

প্রাণশক্তিশ্চ সেব্যা চ যোগিনী পরমাকলা ।
মহাবিভূতির্দুর্দর্শা মূলপ্রকৃতিসংভবা ॥১২॥

অনাদ্যনংতবিভবা পরার্থা পুরুষারণিঃ ।
সর্গস্থিত্য়ংতকৃচ্চৈব সুদুর্বাচ্যা দুরত্যয়া ॥১৩॥

শব্দগম্যা শব্দমায়া শব্দাখ্য়ানংদবিগ্রহা ।
প্রধানপুরুষাতীতা প্রধানপুরুষাত্মিকা ॥ ১৪॥

পুরাণী চিন্ময়া পুংসামিষ্টদা পুষ্টিরূপিণী ।
পূতাংতরস্থা কূটস্থা মহাপুরুষসংজ্ঞিতা ॥ ১৫॥

জন্মমৃত্যুজরাতীতা সর্বশক্তিস্বরূপিণী ।
বাংছাপ্রদাঽনবচ্ছিন্নপ্রধানানুপ্রবেশিনী ॥ ১৬॥

ক্ষেত্রজ্ঞাঽচিংত্যশক্তিস্তু প্রোচ্যতেঽব্যক্তলক্ষণা ।
মলাপবর্জিতাঽঽনাদিমায়া ত্রিতয়তত্ত্বিকা ॥১৭॥

প্রীতিশ্চ প্রকৃতিশ্চৈব গুহাবাসা তথোচ্যতে ।
মহামায়া নগোত্পন্না তামসী চ ধ্রুবা তথা ॥১৮॥

ব্যক্তাঽব্যক্তাত্মিকা কৃষ্ণা রক্তা শুক্লা হ্যকারণা ।
প্রোচ্যতে কার্যজননী নিত্যপ্রসবধর্মিণী ॥১৯॥

সর্গপ্রলয়মুক্তা চ সৃষ্টিস্থিত্য়ংতধর্মিণী ।
ব্রহ্মগর্ভা চতুর্বিংশস্বরূপা পদ্মবাসিনী ॥২০॥

অচ্যুতাহ্লাদিকা বিদ্যুদ্ব্রহ্ময়োনির্মহালয়া ।
মহালক্ষ্মী সমুদ্ভাবভাবিতাত্মামহেশ্বরী ॥২১॥

মহাবিমানমধ্যস্থা মহানিদ্রা সকৌতুকা ।
সর্বার্থধারিণী সূক্ষ্মা হ্যবিদ্ধা পরমার্থদা ॥২২॥

অনন্তরূপাঽনন্তর্থা তথা পুরুষমোহিনী ।
অনেকানেকহস্তা চ কালত্রয়বিবর্জিতা ॥২৩॥

ব্রহ্মজন্মা হরপ্রীতা মতির্ব্রহ্মশিবাত্মিকা ।
ব্রহ্মেশবিষ্ণুসংপূজ্য়া ব্রহ্মাখ্য়া ব্রহ্মসংজ্ঞিতা ॥২৪॥

ব্যক্তা প্রথমজা ব্রাহ্মী মহারাত্রীঃ প্রকীর্তিতা ।
জ্ঞানস্বরূপা বৈরাগ্যরূপা হ্য়ৈশ্বর্যরূপিণী ॥২৫॥

ধর্মাত্মিকা ব্রহ্মমূর্তিঃ প্রতিশ্রুতপুমর্থিকা ।
অপাংয়োনিঃ স্বয়ংভূতা মানসী তত্ত্বসংভবা ॥২৬॥

ঈশ্বরস্য প্রিয়া প্রোক্তা শংকরার্ধশরীরিণী ।
ভবানী চৈব রুদ্রাণী মহালক্ষ্মীস্তথাঽংবিকা ॥২৭॥

মহেশ্বরসমুত্পন্না ভুক্তিমুক্তি প্রদায়িনী ।
সর্বেশ্বরী সর্ববংদ্য়া নিত্যমুক্তা সুমানসা ॥২৮॥

মহেংদ্রোপেংদ্রনমিতা শাংকরীশানুবর্তিনী ।
ঈশ্বরার্ধাসনগতা মাহেশ্বরপতিব্রতা ॥২৯॥

সংসারশোষিণী চৈব পার্বতী হিমবত্সুতা ।
পরমানংদদাত্রী চ গুণাগ্র্য়া যোগদা তথা ॥ ৩০॥

জ্ঞানমূর্তিশ্চ সাবিত্রী লক্ষ্মীঃ শ্রীঃ কমলা তথা ।
অনংতগুণগংভীরা হ্য়ুরোনীলমণিপ্রভা ॥ ৩১॥

সরোজনিলয়া গঙ্গা যোগিধ্য়েয়াঽসুরার্দিনী ।
সরস্বতী সর্ববিদ্য়া জগজ্জ্য়েষ্ঠা সুমঙ্গলা ॥৩২॥

বাগ্দেবী বরদা বর্য়া কীর্তিঃ সর্বার্থসাধিকা ।
বাগীশ্বরী ব্রহ্মবিদ্যা মহাবিদ্যা সুশোভনা ॥৩৩॥

গ্রাহ্যবিদ্যা বেদবিদ্যা ধর্মবিদ্যাঽঽত্মভাবিতা ।
স্বাহা বিশ্বংভরা সিদ্ধিঃ সাধ্য়া মেধা ধৃতিঃ কৃতিঃ ॥৩৪॥

সুনীতিঃ সংকৃতিশ্চৈব কীর্তিতা নরবাহিনী ।
পূজাবিভাবিনী সৌম্যা ভোগ্যভাগ্ ভোগদায়িনী ॥৩৫॥

শোভাবতী শাঙ্করী চ লোলা মালাবিভূষিতা ।
পরমেষ্ঠিপ্রিয়া চৈব ত্রিলোকীসুংদরী মাতা ॥৩৬॥

নংদা সংধ্য়া কামধাত্রী মহাদেবী সুসাত্ত্বিকা ।
মহামহিষদর্পঘ্নী পদ্মমালাঽঘহারিণী ॥৩৭॥

বিচিত্রমুকুটা রামা কামদাতা প্রকীর্তিতা ।
পিতাংবরধরা দিব্যবিভূষণ বিভূষিতা ॥ ৩৮॥

দিব্যাখ্যা সোমবদনা জগত্সংসৃষ্টিবর্জিতা ।
নির্য়ংত্রা যংত্রবাহস্থা নংদিনী রুদ্রকালিকা ॥৩৯॥

আদিত্যবর্ণা কৌমারী ময়ূরবরবাহিনী ।
পদ্মাসনগতা গৌরী মহাকালী সুরার্চিতা ॥৪০॥

অদিতির্নিয়তা রৌদ্রী পদ্মগর্ভা বিবাহনা ।
বিরূপাক্ষা কেশিবাহা গুহাপুরনিবাসিনী ॥৪১॥

মহাফলাঽনবদ্যাংগী কামরূপা সরিদ্বরা ।
ভাস্বদ্রূপা মুক্তিদাত্রী প্রণতক্লেশভংজনা ॥৪২॥

কৌশিকী গোমিনী রাত্রিস্ত্রিদশারিবিনাশিনী ।
বহুরূপা সুরূপা চ বিরূপা রূপবর্জিতা ॥৪৩।।

ভক্তার্তিশমনা ভব্যা ভবভাববিনাশিনী ।
সর্বজ্ঞানপরীতাংগী সর্বাসুরবিমর্দিকা ॥৪৪॥

পিকস্বনী সামগীতা ভবাংকনিলয়া প্রিয়া ।
দীক্ষা বিদ্যাধরী দীপ্তা মহেংদ্রাহিতপাতিনী ॥৪৫॥

সর্বদেবময়া দক্ষা সমুদ্রাংতরবাসিনী ।
অকলংকা নিরাধারা নিত্যসিদ্ধা নিরাময়া ॥৪৬॥

কামধেনুবৃহদ্গর্ভা ধীমতী মৌননাশিনী ।
নিঃসংকল্পা নিরাতংকা বিনয়া বিনযপ্রদা ॥৪৭॥

জ্বালামালা সহস্রাঢ্যা দেবদেবী মনোময়া ।
সুভগা সুবিশুদ্ধা চ বসুদেবসমুদ্ভবা ॥৪৮॥

মহেংদ্রোপেংদ্রভগিনী ভক্তিগম্যা পরাবরা ।
জ্ঞানজ্ঞেয়া পরাতীতা বেদাংতবিষয়া মতিঃ ॥৪৯॥

দক্ষিণা দাহিকা দহ্য়া সর্বভূতহৃদিস্থিতা ।
যোগমায়া বিভাগজ্ঞা মহামোহা গরীযসী ॥৫০॥

সংধ্যা সর্বসমুদ্ভূতা ব্রহ্মবৃক্ষাশ্রিয়াদিতিঃ ।
বীজাংকুরসমুদ্ভূতা মহাশক্তির্মহামতিঃ ॥৫১॥

খ্যাতিঃ প্রজ্ঞাবতী সংজ্ঞা মহাভোগীংদ্রশায়িনী ।
হীংকৃতিঃ শংকরী শাংতির্গংধর্বগণসেবিতা ॥৫২॥

বৈশ্বানরী মহাশূলা দেবসেনা ভবপ্রিয়া ।
মহারাত্রী পরানংদা শচী দুঃস্বপ্ননাশিনী ॥৫৩॥

ঈড্যা জয়া জগদ্ধাত্রী দুর্বিজ্ঞেয়া সুরূপিণী ।
গুহাংবিকা গণোত্পন্না মহাপীঠা মরুত্সুতা ॥৫৪॥

হব্যবাহা ভবানংদা জগদ্যেনিঃ প্রকীর্তিতা ।
জগন্মাতা জগন্মৃত্যুর্জরাতীতা চ বুদ্ধিদা ॥ ৫৫॥

সিদ্ধিদাত্রী রত্নগর্ভা রত্নগর্ভাশ্রয়া পরা ।
দৈত্যহংত্রী স্বেষ্টদাত্রী মংগলৈকসুবিগ্রহা ॥৫৬॥

পুরুষাংতর্গতা চৈব সমাধিস্থা তপস্বিনী ।
দিবিস্থিতা ত্রিণেত্রা চ সর্বেংদ্রিযমনাধৃতিঃ ॥৫৭॥

সর্বভূতহৃদিস্থা চ তথা সংসারতারিণী ।
বেদ্য়া ব্রহ্মবিবেদ্য়া চ মহালীলা প্রকীর্তিতা ॥৫৮॥

ব্রাহ্মণিবৃহতী ব্রাহ্মী ব্রহ্মভূতাঽঘহারিণী ।
হিরণ্ময়ী মহাদাত্রী সংসারপরিবর্তিকা ॥৫৯॥

সুমালিনী সুরূপা চ ভাস্বিনী ধারিণী তথা ।
উন্মূলিনী সর্বসভা সর্বপ্রত্যযসাক্ষিণী ॥৬০॥

সুসৌম্যা চংদ্রবদনা তাংডবাসক্তমানসা ।
সত্ত্বশুদ্ধিকরী শুদ্ধা মলত্রযবিনাশিনী ॥৬১॥

জগত্ত্ত্রয়ী জগন্মূর্তিস্ত্রিমূর্তিরমৃতাশ্রয়া ।
বিমানস্থা বিশোকা চ শোকনাশিন্যনাহতা ॥৬২॥

হেমকুংডলিনী কালী পদ্মবাসা সনাতনী ।
সদাকীর্তিঃ সর্বভূতশয়া দেবী সতাংপ্রিয়া ॥৬৩॥

ব্রহ্মমূর্তিকলা চৈব কৃত্তিকা কংজমালিনী ।
ব্য়োমকেশা ক্রিয়াশক্তিরিচ্ছাশক্তিঃ পরাগতিঃ ॥৬৪॥

ক্ষোভিকা খংডিকাভেদ্যা ভেদাভেদবিবর্জিতা ।
অভিন্না ভিন্নসংস্থানা বশিনী বংশধারিণী ॥৬৫॥

গুহ্যশক্তির্গুহ্যতত্ত্বা সর্বদা সর্বতোমুখী ।
ভগিনী চ নিরাধারা নিরাহারা প্রকীর্তিতা ॥৬৬॥

নিরংকুশপদোদ্ভূতা চক্রহস্তা বিশোধিকা ।
স্রগ্বিণী পদ্মসংভেদকারিণী পরিকীর্তিতা ॥৬৭॥

পরাবরবিধানজ্ঞা মহাপুরুষপূর্বজা ।
পরাবরজ্ঞা বিদ্য়া চ বিদ্য়ুজ্জিহ্বা জিতাশ্রয়া ॥৬৮॥

বিদ্যাময়ী সহস্রাক্ষী সহস্রবদনাত্মজা ।
সহস্ররশ্মিঃসত্বস্থা মহেশ্বরপদাশ্রয়া ॥৬৯॥

জ্বালিনী সন্ময়া ব্যাপ্তা চিন্ময়া পদ্মভেদিকা ।
মহাশ্রয়া মহামংত্রা মহাদেবমনোরমা ॥৭০॥

ব্যেমলক্ষ্মীঃ সিংহরথা চেকিতানাঽমিতপ্রভা ।
বিশ্বেশ্বরী ভগবতী সকলা কালহারিণী ॥৭১॥

সর্ববেদ্যা সর্বভদ্রা গুহ্য়া দূঢা গুহারণী ।
প্রলয়া যোগধাত্রী চ গংগা বিশ্বেশ্বরী তথা ॥৭২॥

কামদা কনকা কাংতা কংজগর্ভপ্রভা তথা ।
পুণ্যদা কালকেশা চ ভোক্ত্ত্রী পুষ্করিণী তথা ॥৭৩॥

সুরেশ্বরী ভূতিদাত্রী ভূতিভূষা প্রকীর্তিতা ।
পংচব্রহ্মসমুত্পন্না পরমার্থাঽর্থবিগ্রহা ॥৭৪॥

বর্ণোদয়া ভানুমূর্তির্বাগ্বিজ্ঞেয়া মনোজবা ।
মনোহরা মহোরস্কা তামসী বেদরূপিণী ॥৭৫॥

বেদশক্তির্বেদমাতা বেদবিদ্যাপ্রকাশিনী ।
যোগেশ্বরেশ্বরী মায়া মহাশক্তির্মহাময়ী ॥৭৬॥

বিশ্বাংতঃস্থা বিয়ন্মূর্তির্ভার্গবী সুরসুংদরী ।
সুরভির্নংদিনী বিদ্য়া নংদগোপতনূদ্ভবা ॥৭৭॥

ভারতী পরমানংদা পরাবরবিভেদিকা ।
সর্বপ্রহরণোপেতা কাম্য়া কামেশ্বরেশ্বরী ॥৭৮॥

অনংতানংদবিভবা হৃল্লেখা কনকপ্রভা ।
কূষ্মাংডা ধনরত্নাঢ্যা সুগংধা গংধদায়িনী ॥৭৯॥

ত্রিবিক্রমপদোদ্ভূতা চতুরাস্যা শিবোদয়া ।
সুদুর্লভা ধনাধ্যক্ষা ধন্যা পিংগললোচনা ॥৮০॥

শাংতা প্রভাস্বরূপা চ পংকজায়তলোচনা ।
ইংদ্রাক্ষী হৃদয়াংতঃস্থা শিবা মাতা চ সত্ক্রিয়া ॥ ৮১॥

গিরিজা চ সুগূঢা চ নিত্যপুষ্টা নিরংতরা ।
দুর্গা কাত্য়াযনী চংডী চংদ্রিকা কাংতবিগ্রহা ॥৮২॥

হিরণ্যবর্ণা জগতী জগদ্যংত্রপ্রবর্তিকা ।
মংদরাদ্রিনিবাসা চ শারদা স্বর্ণমালিনী ॥৮৩॥

রত্নমালা রত্নগর্ভা ব্যুষ্টির্বিশ্বপ্রমাথিনী ।
পদ্মানংদা পদ্মনিভা নিত্যপুষ্টা কৃতোদ্ভবা ॥৮৪॥

নারায়ণী দুষ্টশিক্ষা সূর্যমাতা বৃষপ্রিয়া ।
মহেংদ্রভগিনী সত্য়া সত্যভাষা সুকোমলা ॥৮৫॥

বামা চ পংচতপসাং বরদাত্রী প্রকীর্তিতা ।
বাচ্যবর্ণেশ্বরী বিদ্য়া দুর্জয়া দুরতিক্রমা ॥৮৬॥

কালরাত্রির্মহাবেগা বীরভদ্রপ্রিয়া হিতা ।
ভদ্রকালী জগন্মাতা ভক্তানাং ভদ্রদায়িনী ॥৮৭॥

করালা পিংগলাকারা কামভেত্ত্রী মহামনাঃ ।
যশস্বিনী যশোদা চ ষডধ্বপরিবর্তিকা ॥৮৮॥

শংখিনী পদ্মিনী সংখ্য়া সাংখ্যয়োগপ্রবর্তিকা ।
চৈত্রাদির্বত্সরারূঢা জগত্সংপূরণীংদ্রজা ॥৮৯॥

শুংভঘ্নী খেচরারাধ্য়া কংবুগ্রীবা বলীড়িতা ।
খগারূঢা মহৈশ্বর্য়া সুপদ্মনিলয়া তথা ॥৯০॥

বিরক্তা গরুড়স্থা চ জগতীহৃদ্গুহাশ্রয়া ।
শুংভাদিমথনা ভক্তহৃদ্গহ্বরনিবাসিনী ॥৯১॥

জগত্ত্ত্রয়ারণী সিদ্ধসংকল্পা কামদা তথা ।
সর্ববিজ্ঞানদাত্রী চানল্পকল্মষহারিণী ॥৯২॥

সকলোপনিষদ্গম্যা দুষ্টদুষ্প্রেক্ষ্যসত্তমা ।
সদ্বৃতা লোকসংব্যাপ্তা তুষ্টিঃ পুষ্টিঃ ক্রিয়াবতী ॥৯৩॥

বিশ্বামরেশ্বরী চৈব ভুক্তিমুক্তিপ্রদায়িনী ।
শিবাধৃতা লোহিতাক্ষী সর্পমালাবিভূষণা ॥৯৪॥

নিরানংদা ত্রিশূলাসিধনুর্বাণাদিধারিণী ।
অশেষধ্য়েযমূর্তিশ্চ দেবতানাং চ দেবতা ॥৯৫॥

বরাংবিকা গিরেঃ পুত্রী নিশুংভবিনিপাতিনী ।
সুবর্ণা স্বর্ণলসিতাঽনংতবর্ণা সদাধৃতা ॥৯৬॥

শাংকরী শাংতহৃদয়া অহোরাত্রবিধায়িকা ।
বিশ্বগোপ্ত্রী গূঢরূপা গুণপূর্ণা চ গার্গ্যজা ॥৯৭॥

গৌরী শাকংভরী সত্যসংধা সংধ্যাত্রয়ীধৃতা ।
সর্বপাপবিনির্মুক্তা সর্ববংধবিবর্জিতা ॥৯৮॥

সাংখ্যয়োগসমাখ্যাতা অপ্রমেয়া মুনীডিতা ।
বিশুদ্ধসুকুলোদ্ভূতা বিংদুনাদসমাদৃতা ॥৯৯॥

শংভুবামাংকগা চৈব শশিতুল্যনিভাননা ।
বনমালাবিরাজংতী অনংতশযনাদৃতা ॥১০০॥

নরনারায়ণোদ্ভূতা নারসিংহী প্রকীর্তিতা ।
দৈত্যপ্রমাথিনী শংখচক্রপদ্মগদাধরা ॥১০১॥

সংকর্ষণসমুত্পন্না অংবিকা সজ্জনাশ্রয়া ।
সুবৃতা সুংদরী চৈব ধর্মকামার্থদায়িনী ॥১০২॥

মোক্ষদা ভক্তিনিলয়া পুরাণপুরুষাদৃতা ।
মহাবিভূতিদাঽঽরাধ্য়া সরোজনিলয়াঽসমা ॥১০৩॥

অষ্টাদশভুজাঽনাদির্নীলোত্পলদলাক্ষিণী ।
সর্বশক্তিসমারূঢা ধর্মাধর্মবিবর্জিতা ॥১০৪॥

বৈরাগ্যজ্ঞাননিরতা নিরালোকা নিরিংদ্রিয়া ।
বিচিত্রগহনাধারা শাশ্বতস্থানবাসিনী ॥১০৫॥

জ্ঞানেশ্বরী পীতচেলা বেদবেদাংগপারগা ।
মনস্বিনী মন্য়ুমাতা মহামন্য়ুসমুদ্ভবা ॥১০৬॥

অমন্য়ুরমৃতাস্বাদা পুরংদরপরিষ্টুতা ।
অশোচ্য়া ভিন্নবিষয়া হিরণ্যরজতপ্রিয়া ॥১০৭॥

হিরণ্যজননী ভীমা হেমাভরণভূষিতা ।
বিভ্রাজমানা দুর্জ্ঞেয়া জ্য়োতিষ্টোমফলপ্রদা ॥১০৮॥

মহানিদ্রাসমুত্পত্তিরনিদ্রা সত্যদেবতা ।
দীর্ঘা ককুদ্মিনী পিংগজটাধারা মনোজ্ঞধীঃ ॥১০৯॥

মহাশ্রয়া রমোত্পন্না তমঃপারে প্রতিষ্ঠিতা ।
ত্রিতত্ত্বমাতা ত্রিবিধা সুসূক্ষ্মা পদ্মসংশ্রয়া ॥১১০॥

শাংত্যতীতকলাঽতীতবিকারা শ্বেতচেলিকা ।
চিত্রমায়া শিবজ্ঞানস্বরূপা দৈত্যমাথিনী ॥১১১॥

কাশ্যপী কালসর্পাভবেণিকা শাস্ত্রয়োনিকা ।
ত্রয়ীমূর্তিঃ ক্রিয়ামূর্তিশ্চতুর্বর্গা চ দর্শিনী ॥১১২॥

নারাযণী নরোত্পন্না কৌমুদী কাংতিধারিণী ।
কৌশিকী ললিতা লীলা পরাবরবিভাবিনী ॥১১৩॥

বরেণ্যাঽদ্ভুতমহাত্ম্যা বড়বা বামলোচনা ।
সুভদ্রা চেতনারাধ্যা শাংতিদা শাংতিবর্ধিনী ॥১১৪॥

জয়াদিশক্তিজননী শক্তিচক্রপ্রবর্তিকা ।
ত্রিশক্তিজননী জন্যা ষট্সূত্রপরিবর্ণিতা ॥১১৫॥

সুধৌতকর্মণাঽঽরাধ্যা যুগাংতদহনাত্মিকা ।
সংকর্ষিণী জগদ্ধাত্রী কাময়োনিঃ কিরীটিনী ॥১১৬॥

ঐংদ্রী ত্রৈলোক্যনমিতা বৈষ্ণবী পরমেশ্বরী ।
প্রদ্য়ুম্নজননী বিংবসমোষ্ঠী পদ্মলোচনা ॥১১৭॥

মদোত্কটা হংসগতিঃ প্রচংডা চংডবিক্রমা ।
বৃষাধীশা পরাত্মা চ বিংধ্য়া পর্বতবাসিনী ॥১১৮॥

হিমবন্মেরুনিলয়া কৈলাসপুরবাসিনী ।
চাণূরহংত্রী নীতিজ্ঞা কামরূপা ত্রয়ীতনুঃ ॥১১৯॥

ব্রতস্নাতা ধর্মশীলা সিংহাসননিবাসিনী ।
বীরভদ্রাদৃতা বীরা মহাকালসমুদ্ভবা ॥১২০॥

বিদ্যাধরার্চিতা সিদ্ধসাধ্য়ারাধিতপাদুকা ।
শ্রদ্ধাত্মিকা পাবনী চ মোহিনী অচলাত্মিকা ॥১২১॥

মহাদ্ভুতা বারিজাক্ষী সিংহবাহনগামিনী ।
মনীষিণী সুধাবাণী বীণাবাদনতত্পরা ॥১২২॥

শ্বেতবাহনিষেব্যা চ লসন্মতিররুংধতী ।
হিরণ্যাক্ষী তথা চৈব মহানন্দপ্রদায়িনী ॥১২৩॥

বসুপ্রভা সুমাল্যাপ্তকংধরা পংকজাননা ।
পরাবরা বরারোহা সহস্রনযনার্চিতা ॥১২৪॥

শ্রীরূপা শ্রীমতী শ্রেষ্ঠা শিবনাম্নী শিবপ্রিয়া ।
শ্রীপ্রদা শ্রিতকল্যাণা শ্রীধরার্ধশরীরিণী ॥১২৫॥

শ্রীকলাঽনংতদৃষ্টিশ্চ হ্যক্ষুদ্রারাতিসূদনী ।
রক্তবীজনিহংত্রী চ দৈত্যসংগবিমর্দিনী ॥১২৬॥

সিংহারূঢা সিংহিকাস্যা দৈত্যশোণিতপায়িনী ।
সুকীর্তিসহিতাচ্ছিন্নসংশয়া রসবেদিনী ॥১২৭॥

গুণাভিরামা নাগারিবাহনা নির্জরার্চিতা ।
নিত্য়োদিতা স্বয়ংজ্য়োতিঃ স্বর্ণকায়া প্রকীর্তিতা ॥১২৮॥

বজ্রদংডাংকিতা চৈব তথামৃতসংজীবিনী ।
বজ্রচ্ছন্না দেবদেবী বরবজ্রস্ববিগ্রহা ॥১২৯॥

মাংগল্য়া মংগলাত্মা চ মালিনী মাল্যধারিণী ।
গংধর্বী তরুণী চাংদ্রী খড্গায়ুধধরা তথা ॥১৩০॥

সৌদামিনী প্রজানংদা তথা প্রোক্তা ভৃগূদ্ভবা ।
একানংগা চ শাস্ত্রার্থকুশলা ধর্মচারিণী ॥১৩১॥

ধর্মসর্বস্ববাহা চ ধর্মাধর্মবিনিশ্চয়া ।
ধর্মশক্তির্ধর্মময়া ধার্মিকানাং শিবপ্রদা ॥১৩২॥

বিধর্মা বিশ্বধর্মজ্ঞা ধর্মার্থাংতরবিগ্রহা ।
ধর্মবর্ষ্মা ধর্মপূর্বা ধর্মপারংগতাংতরা ॥১৩৩॥

ধর্মোপদেষ্ট্রী ধর্মাত্মা ধর্মগম্যা ধরাধরা ।
কপালিনী শাকলিনী কলাকলিতবিগ্রহা ॥১৩৪॥

সর্বশক্তিবিমুক্তা চ কর্ণিকারধরাঽক্ষরা।
কংসপ্রাণহরা চৈব যুগধর্মধরা তথা ॥১৩৫॥

যুগপ্রবর্তিকা প্রোক্তা ত্রিসংধ্যা ধ্যেয়বিগ্রহা ।
স্বর্গাপবর্গদাত্রী চ তথা প্রত্যক্ষদেবতা ॥১৩৬॥

আদিত্যা দিব্যগংধা চ দিবাকরনিভপ্রভা ।
পদ্মাসনগতা প্রোক্তা খড্গবাণশরাসনা ॥১৩৭॥

শিষ্টা বিশিষ্টা শিষ্টেষ্টা শিষ্টশ্রেষ্ঠপ্রপূজিতা ।
শতরূপা শতাবর্তা বিততা রাসমোদিনী ॥১৩৮॥

সূর্য়েংদুনেত্রা প্রদ্যুম্নজননী সুষ্ঠুমায়িনী ।
সূর্য়াংতরস্থিতা চৈব সত্প্রতিষ্ঠতবিগ্রহা ॥১৩৯॥

নিবৃত্তা প্রোচ্যতে জ্ঞানপারগা পর্বতাত্মজা ।
কাত্য়াযনী চংডিকা চ চংডী হৈমবতী তথা ॥১৪০॥

দাক্ষায়ণী সতী চৈব ভবানী সর্বমংগলা ।
ধূম্রলোচনহংত্রী চ চংডমুংডবিনাশিনী ॥ ১৪১॥

যোগনিদ্রা যোগভদ্রা সমুদ্রতনয়া তথা ।
দেবপ্রিয়ংকরী শুদ্ধা ভক্তভক্তিপ্রবর্ধিনী ॥১৪২॥

ত্রিণেত্রা চংদ্রমুকুটা প্রমথার্চিতপাদুকা ।
অর্জুনাভীষ্টদাত্রী চ পাংডবপ্রিযকারিণী ॥১৪৩॥

কুমারলালনাসক্তা হরবাহূপধানিকা ।
বিঘ্নেশজননী ভক্তবিঘ্নস্তোমপ্রহারিণী ॥১৪৪॥

সুস্মিতেংদুমুখী নম্যা জয়াপ্রিয়সখী তথা ।
অনাদিনিধনা প্রেষ্ঠা চিত্রমাল্যানুলেপনা ॥১৪৫॥

কোটিচংদ্রপ্রতীকাশা কূটজালপ্রমাথিনী ।
কৃত্য়াপ্রহারিণী চৈব মারণোচ্চাটনী তথা ॥১৪৬॥

সুরাসুরপ্রবংদ্যাংঘ্রির্মোহঘ্নী জ্ঞানদায়িনী ।
ষড্বৈরিনিগ্রহকরী বৈরিবিদ্রাবিণী তথা ॥১৪৭॥

ভূতসেব্য়া ভূতদাত্রী ভূতপীডাবিমর্দিকা ।
নারদস্তুতচারিত্রা বরদেশা বরপ্রদা ॥১৪৮॥

বামদেবস্তুতা চৈব কামদা সোমশেখরা ।
দিক্পালসেবিতা ভব্য়া ভামিনী ভাবদায়িনী ॥১৪৯॥

স্ত্রীসৌভাগ্যপ্রদাত্রী চ ভোগদা রোগনাশিনী ।
ব্য়োমগা ভূমিগা চৈব মুনিপূজ্যপদাংবুজা ।
বনদুর্গা চ দুর্বোধা মহাদুর্গা প্রকীর্তিতা ॥১৫০॥

ফলশ্রুতিঃ

ইতীদং কীর্তিদং ভদ্র দুর্গানামসহস্রকম্ ।
ত্রিসংধ্য়ং যঃ পঠেন্নিত্য়ং তস্য় লক্ষ্মীঃ স্থিরা ভবেত্ ॥ ১ ॥

গ্রহভূতপিশাচাদিপীড়া নশ্যত্যসংশয়ম্ ।
বালগ্রহাদিপীডায়াঃ শাংতির্ভবতি কীর্তনাত্ ॥২॥

মারিকাদিমহারোগে পঠতাং সৌখ্যদং নৃণাম্ ।
ব্যবহারে চ জয়দং শত্রুবাধানিবারকম্ ॥৩॥

দংপত্য়োঃ কলহে প্রাপ্তে মিথঃ প্রেমাভিবর্ধকম্ ।
আয়ুরারোগ্যদং পুংসাং সর্বসংপত্প্রদাযকম্ ॥৪॥

বিদ্য়াভিবর্ধকং নিত্যং পঠতামর্থসাধকম্ ।
শুভদং শুভকার্য়েষু পঠতাং শৃণুতামপি ॥৫॥

যঃ পূজয়তি দুর্গাং তাং দুর্গানামসহস্রকৈঃ ।
পুষ্পৈঃ কুংকুমসম্মিশ্রৈঃ স তু যত্কাংক্ষতে হৃদি ॥৬॥

তত্সর্বং সমবাপ্নোতি নাস্তি নাস্ত্যত্র সংশয়ঃ ।
যন্মুখে ধ্রিয়তে নিত্য়ং দুর্গানামসহস্রকম্ ॥৭॥

কিং তস্যেতরমংত্রৌঘৈঃ কার্য়ং ধন্যতমস্য হি ।
দুর্গানামসহস্রস্য পুস্তকং যদ্গৃহে ভবেত্ ॥৮॥

ন তত্র গ্রহভূতাদিবাধা স্যান্মংগলাস্পদে ।
তদ্গৃহং পুণ্যদং ক্ষেত্রং দেবীসান্নিধ্যকারকম্ ॥৯॥

এতস্য স্তোত্রমুখ্যস্য পাঠকঃ শ্রেষ্ঠমংত্রবিত্ ।
দেবতায়াঃ প্রসাদেন সর্বপূজ্য়ঃ সুখী ভবেত্ ॥১০॥

ইত্য়েতন্নগরাজেন কীর্তিতং মুনিসত্তম ।
গুহ্য়াদ্গুহ্যতরং স্তোত্রং ত্বয়ি স্নেহাত্ প্রকীর্তিতম্ ॥১১॥

ভক্তায় শ্রদ্ধধানায় কেবলং কীর্ত্যতামিদম্ ।
হৃদি ধারয় নিত্যং ত্বং দেব্যনুগ্রহসাধকম্ ॥১২॥

।। ইতি শ্রীস্কন্ধপুরাণে স্কন্ধনারদসংবাদে দুর্গাসহস্রনামস্তোত্রং সংপূর্ণম্ ॥