শ্রী গায়ত্রী সহস্রনাম স্তোত্রম্ হলো দেবী গায়ত্রীর এক হাজার পবিত্র নামের একটি গভীর ধর্মীয় ও আধ্যাত্মিক স্তোত্র।এই স্তোত্রটি মূলত দেবীভাগবত পুরাণ থেকে সংগৃহীত হয়েছে। দেবর্ষি নারদ এবং ভগবান নারায়ণ বা ব্রহ্মার কথোপকথনের মাধ্যমে এই স্তোত্র ও ব্রহ্মবিজ্ঞানের রহস্য প্রকাশিত হয়েছে। বিশ্বাস করা হয় যে এই সহস্রনাম পাঠ করলে পাপ নাশ হয়, বুদ্ধি তীক্ষ্ণ হয় এবং মানসিক শান্তি লাভ করা যায়।
শ্রী গায়ত্রী সহস্র নাম স্তোত্রম্
নারদ উবাচ –
ভগবন্সর্বধর্মজ্ঞ সর্বশাস্ত্রবিশারদ ।
শ্রুতিস্মৃতিপুরাণানাং রহস্যং ত্বন্মুখাচ্ছ্রুতম্ ॥১॥
সর্বপাপহরং দেব যেন বিদ্য়া প্রবর্ততে ।
কেন বা ব্রহ্মবিজ্ঞানং কিং নু বা মোক্ষসাধনম্ ॥২॥
ব্রাহ্মণানাং গতিঃ কেন কেন বা মৃত্যু নাশনম্ ।
ঐহিকামুষ্মিকফলং কেন বা পদ্মলোচন ॥৩ ॥
বক্তুমর্হস্যশেষেণ সর্বে নিখিলমাদিতঃ ।
শ্রীনারায়ণ উবাচ –
সাধু সাধু মহাপ্রাজ্ঞ সম্যক্ পৃষ্টং ত্বয়াঽনঘ ॥৪ ॥
শৃণু বক্ষ্য়ামি যত্নেন গাযত্র্যষ্টসহস্রকম্ ।
নাম্নাং শুভানাং দিব্য়ানাং সর্বপাপবিনাশনম্ ॥৫॥
সৃষ্ট্যাদৌ যদ্ভগবতা পূর্বে প্রোক্তং ব্রবীমি তে ।
অষ্টোত্তরসহস্রস্য ঋষির্ব্রহ্মা প্রকীর্তিতঃ ॥৬॥
ছংদোঽনুষ্টুপ্তথা দেবী গাযত্রীং দেবতা স্মৃতা ।
হলোবীজানি তস্যৈব স্বরাঃ শক্তয় ঈরিতাঃ ॥৭॥
অংগন্য়াসকরন্যাসাবুচ্যেতে মাতৃকাক্ষরৈঃ ।
অথ ধ্যানং প্রবক্ষ্য়ামি সাধকানাং হিতায় বৈ ॥৮॥
শ্রীগণেশায় নমঃ ।
ধ্যানম্ –
রক্তশ্বেতহিরণ্যনীলধবলৈর্যুক্তাং ত্রিনেত্রোজ্জ্বলাং রক্তরক্তনবস্রজং মণিগণৈর্যুক্তাং কুমারীমিমাম্ । গায়ত্রী কমলাসনাং করালব্যানদ্ধকুণ্ডাম্বুজাং
পদ্মাক্ষীং চ বরস্রজঞ্চ দধতীং হংসধিরূঢাং ভজে ॥ ৯।
অচিংত্যলক্ষণাব্যক্তাপ্যর্থমাতৃমহেশ্বরী ।
অমৃতার্ণবমধ্যস্থাপ্যজিতা চাপরাজিতা ॥১০॥
অণিমাদিগুণাধারাপ্যর্কমংডলসংস্থিতা ।
অজরাজাপরাধর্মা অক্ষসূত্রধরাধরা ॥১১॥
অকারাদিক্ষকারাংতাপ্যরিষড্বর্গভেদিনী ।
অংজনাদ্রিপ্রতীকাশাপ্য়ংজনাদ্রিনিবাসিনী ॥১২॥
অদিতিশ্চাজপাবিদ্য়াপ্যরবিংদনিভেক্ষণা ।
অংতর্বহিঃস্থিতাবিদ্য়াধ্বংসিনী চাংতরাত্মিকা ॥১৩॥
অজা চাজমুখাবাসাপ্যরবিংদনিভাননা ।
অর্ধমাত্রার্থদানজ্ঞাপ্যরিমংডলমর্দিনী ॥১৪॥
অসুরঘ্নী হ্যমাবাস্যাপ্যলক্ষ্মীঘ্ন্যংত্যজার্চিতা ।
আদিলক্ষ্মীশ্চাদিশক্তিরাকৃতিশ্চায়তাননা ॥১৫॥
আদিত্যপদবীচারাপ্যাদিত্যপরিসেবিতা ।
আচার্য়াবর্তনাচারাপ্যাদিমূর্তিনিবাসিনী ॥১৬॥
আগ্নেয়ী চামরী চাদ্যা চারাধ্যা চাসনস্থিতা ।
আধারনিলয়াধারা চাকাশাংতনিবাসিনী ॥১৭॥
আদ্য়াক্ষরসমায়ুক্তা চাংতরাকাশরূপিণী ।
আদিত্যমংডলগতা চাংতরধ্বাংতনাশিনী ॥১৮॥
ইংদিরা চেষ্টদা চেষ্টা চেংদীবরনিভেক্ষণা ।
ইরাবতী চেংদ্রপদা চেংদ্রাণী চেংদুরূপিণী ॥১৯॥
ইক্ষুকোদংডসংয়ুক্তা চেষুসংধানকারিণী ।
ইংদ্রনীলসমাকারা চেডাপিংগলরূপিণী ॥২০॥
ইংদ্রাক্ষীচেশ্বরী দেবী চেহাত্রয়বিবর্জিতা ।
উমা চোষা হ্য়ুডুনিভা উর্বারুকফলাননা ॥২১॥
উডুপ্রভা চোডুমতী হ্য়ুডুপা হ্য়ুডুমধ্যগা ।
ঊর্ধ্বা চাপ্যূর্ধ্বকেশী চাপ্য়ূর্ধ্বাধোগতিভেদিনী ॥২২॥
ঊর্ধ্ববাহুপ্রিয়া চোর্মিমালাবাগ্ গ্রংথদায়িনী ।
ঋতং চর্ষিরৃতুমতী ঋষিদেবনমস্কৃতা ॥২৩ ॥
ঋগ্বেদা ঋণহর্ত্রী চ ঋষিমংডলচারিণী ।
ঋদ্ধিদা ঋজুমার্গস্থা ঋজুধর্মা ঋজুপ্রদা ॥২৪॥
ঋগ্বেদনিলয়া ঋজ্বী লুপ্তধর্মপ্রবর্তিনী ।
লূতারিবরসংভূতা লূতাদিবিষহারিণী ॥২৫॥
একাক্ষরা চৈকমাত্রা চৈকা চৈকৈকনিষ্ঠিতা ।
ঐংদ্রী হ্য়ৈরাবতারূঢা চৈহিকামুষ্মিকপ্রদা ॥২৬॥
ওংকারা হ্য়োষধী চোতা চোতপ্রোতনিবাসিনী ।
ঔর্বা হ্য়ৌষধসংপন্না ঔপাসনফলপ্রদা ॥২৭॥
অংডমধ্যস্থিতা দেবী চাঃকারমনুরূপিণী ।
কাত্য়াযনী কালরাত্রিঃ কামাক্ষী কামসুংদরী ॥২৮॥
কমলা কামিনী কাংতা কামদা কালকংঠিনী ।
করিকুংভস্তনভরা করবীরসুবাসিনী ॥২৯ ॥
কল্যাণী কুংডলবতী কুরুক্ষেত্রনিবাসিনী ।
কুরুবিংদদলাকারা কুংডলী কুমুদালয়া ॥৩০॥
কালজিহ্বা করালাস্যা কালিকা কালরূপিণী ।
কমনীযগুণা কাংতিঃ কলাধারা কুমুদ্বতী ॥৩১॥
কৌশিকী কমলাকারা কামচারপ্রভংজিনী ।
কৌমারী করুণাপাংগী ককুবংতা করিপ্রিয়া ॥৩২॥
কেসরী কেশবনুতা কদংবকুসুমপ্রিয়া ।
কালিংদী কালিকা কাংচী কলশোদ্ভবসংস্তুতা ॥৩৩॥
কামমাতা ক্রতুমতী কামরূপা কৃপাবতী ।
কুমারী কুংডনিলয়া কিরাতী কীরবাহনা ॥৩৪॥
কৈকেয়ী কোকিলালাপা কেতকী কুসুমপ্রিয়া ।
কমংডলুধরা কালী কর্মনির্মূলকারিণী ॥৩৫॥
কলহংসগতিঃ কক্ষা কৃতকৌতুকমংগলা ।
কস্তূরীতিলকা কংপ্রা করীংদ্রগমনা কুহূঃ ॥৩৬॥
কর্পূরলেপনা কৃষ্ণা কপিলা কুহরাশ্রয়া ।
কূটস্থা কুধরা কম্রা কুক্ষিস্থাখিলবিষ্টপা ॥৩৭॥
খড্গখেটধরা খর্বা খেচরী খগবাহনা ।
খট্বাংগধারিণী খ্য়াতা খগরাজোপরিস্থিতা ॥৩৮॥
খলঘ্নী খংডিতজরা খংডাখ্যানপ্রদায়িনী ।
খংডেংদুতিলকা গংগা গণেশগুহপূজিতা ॥৩৯॥
গাযত্রী গোমতী গীতা গাংধারী গানলোলুপা ।
গৌতমী গামিনী গাধা গংধর্বাপ্সরসেবিতা ॥৪০॥
গোবিংদচরণাক্রাংতা গুণত্রয়বিভাবিতা ।
গংধর্বী গহ্বরী গোত্রা গিরীশা গহনা গমী ॥৪১॥
গুহাবাসা গুণবতী গুরুপাপপ্রণাশিনী ।
গুর্বী গুণবতী গুহ্য়া গোপ্তব্যা গুণদায়িনী ॥৪২॥
গিরিজা গুহ্যমাতংগী গরুডধ্বজবল্লভা ।
গর্বাপহারিণী গোদা গোকুলস্থা গদাধরা ॥৪৩ ॥
গোকর্ণনিলয়াসক্তা গুহ্যমংডলবর্তিনী ।
ঘর্মদা ঘনদা ঘংটা ঘোরদানবমর্দিনী ॥৪৪॥
ঘৃণিমংত্রময়ী ঘোষা ঘনসংপাতদায়িনী ।
ঘংটারবপ্রিয়া ঘ্রাণা ঘৃণিসংতুষ্টকারিণী ॥৪৫॥
ঘনারিমংডলা ঘূর্ণা ঘৃতাচী ঘনবেগিনী ।
জ্ঞানধাতুময়ী চর্চা চর্চিতা চারুহাসিনী ॥৪৬॥
চটুলা চংডিকা চিত্রা চিত্রমাল্যবিভূষিতা ।
চতুর্ভুজা চারুদংতা চাতুরী চরিতপ্রদা ॥৪৭॥
চূলিকা চিত্রবস্ত্রাংতা চংদ্রমঃকর্ণকুংডলা ।
চংদ্রহাসা চারুদাত্রী চকোরী চংদ্রহাসিনী ॥৪৮॥
চংদ্রিকা চংদ্রধাত্রী চ চৌরী চৌরা চ চংডিকা ।
চংচদ্বাগ্বাদিনী চংদ্রচূডা চোরবিনাশিনী ॥৪৯॥
চারুচংদনলিপ্তাংগী চংচচ্চামরবীজিতা ।
চারুমধ্য়া চারুগতিশ্চংদিলা চংদ্ররূপিণী ॥৫০॥
চারুহোমপ্রিয়া চার্বাচরিতা চক্রবাহুকা ।
চংদ্রমংডলমধ্যস্থা চংদ্রমংডলদর্পণা ॥৫১॥
চক্রবাকস্তনী চেষ্টা চিত্রা চারুবিলাসিনী ।
চিত্স্বরূপা চংদ্রবতী চংদ্রমাশ্চংদনপ্রিয়া ॥৫২॥
চোদয়িত্রী চিরপ্রজ্ঞা চাতকা চারুহেতুকী ।
ছত্রয়াতা ছত্রধরা ছায়া ছংদঃপরিচ্ছদা ॥৫৩॥
ছায়াদেবী ছিদ্রনখা ছন্নেংদ্রিযবিসর্পিণী ।
ছংদোঽনুষ্টুপ্প্রতিষ্ঠাংতা ছিদ্রোপদ্রবভেদিনী ॥৫৪ ॥
ছেদা ছত্রেশ্বরী ছিন্না ছুরিকা ছেদনপ্রিয়া ।
জননী জন্মরহিতা জাতবেদা জগন্ময়ী ॥৫৫ ॥
জাহ্নবী জটিলা জেত্রী জরামরণবর্জিতা ।
জংবূদ্বীপবতী জ্বালা জয়ংতী জলশালিনী ॥৫৬॥
জিতেংদ্রিয়া জিতক্রোধা জিতামিত্রা জগত্প্রিয়া ।
জাতরূপময়ী জিহ্বা জানকী জগতী জরা ॥৫৭॥
জনিত্রী জহ্নুতনয়া জগত্ত্রযহিতৈষিণী ।
জ্বালামুখী জপবতী জ্বরঘ্নী জিতবিষ্টপা ॥৫৮॥
জিতাক্রাংতময়ী জ্বালা জাগ্রতী জ্বরদেবতা ।
জ্বলংতী জলদা জ্য়েষ্ঠা জ্য়াঘোষাস্ফোটদিঙ্মুখী ॥ ৫৯॥
জংভিনী জৃংভণা জৃংভা জ্বলন্মাণিক্যকুংডলা ।
ঝিংঝিকা ঝণনির্ঘোষা ঝংঝামারুতবেগিনী ॥৬০॥
ঝল্লরীবাদ্যকুশলা ঞরূপা ঞভুজা স্মৃতা ।
টংকবাণসমায়ুক্তা টংকিনী টংকভেদিনী ॥৬১॥
টংকীগণকৃতাঘোষা টংকনীযমহোরসা ।
টংকারকারিণী দেবী ঠঠশব্দনিনাদিনী ॥৬২॥
ডামরী ডাকিনী ডিংভা ডুংডুমারৈকনির্জিতা ।
ডামরীতংত্রমার্গস্থা ডমড্ডমরুনাদিনী ॥৬৩॥
ডিংডীরবসহা ডিংভলসত্ক্রীডাপরায়ণা ।
ঢুংঢিবিঘ্নেশজননী ঢক্কাহস্তা ঢিলিব্রজা ॥৬৪॥
নিত্যজ্ঞানা নিরুপমা নির্গুণা নর্মদা নদী ।
ত্রিগুণা ত্রিপদা তংত্রী তুলসী তরুণা তরুঃ ॥৬৫ ॥
ত্রিবিক্রমপদাক্রাংতা তুরীয়পদগামিনী ।
তরুণাদিত্যসংকাশা তামসী তুহিনা তুরা ॥৬৬॥
ত্রিকালজ্ঞানসংপন্না ত্রিবেণী চ ত্রিলোচনা ।
ত্রিশক্তিস্ত্রিপুরা তুংগা তুরংগবদনা তথা ॥ ৬৭ ॥
তিমিংগিলগিলা তীব্রা ত্রিস্রোতা তামসাদিনী ।
তংত্রমংত্রবিশেষজ্ঞা তনুমধ্য়া ত্রিবিষ্টপা ॥ ৬৮ ॥
ত্রিসংধ্য়া ত্রিস্তনী তোষাসংস্থা তালপ্রতাপিনী ।
তাটংকিনী তুষারাভা তুহিনাচলবাসিনী ॥ ৬৯॥
তংতুজালসমায়ুক্তা তারহারাবলিপ্রিয়া ।
তিলহোমপ্রিয়া তীর্থা তমালকুসুমাকৃতিঃ ॥৭০॥
তারকা ত্রিয়ুতা তন্বী ত্রিশংকুপরিবারিতা ।
তলোদরী তিলাভূষা তাটংকপ্রিযবাদিনী ॥৭১॥
ত্রিজটা তিত্তিরী তৃষ্ণা ত্রিবিধা তরুণাকৃতিঃ ।
তপ্তকাংচনসংকাশা তপ্তকাংচনভূষণা ॥ ৭২ ॥
ত্রৈয়ংবকা ত্রিবর্গা চ ত্রিকালজ্ঞানদায়িনী ।
তর্পণা তৃপ্তিদা তৃপ্তা তামসী তুংবুরুস্তুতা ॥ ৭৩ ॥
তার্ক্ষ্যস্থা ত্রিগুণাকারা ত্রিভংগী তনুবল্লরিঃ ।
থাত্কারী থারবা থাংতা দোহিনী দীনবত্সলা ॥৭৪॥
দানবাংতকরী দুর্গা দুর্গাসুরনিবর্হিণী ।
দেবরীতির্দিবারাত্রির্দ্রৌপদী দুংদুভিস্বনা ॥৭৫ ॥
দেবয়ানী দুরাবাসা দারিদ্র্য়োদ্ভেদিনী দিবা ।
দামোদরপ্রিয়া দীপ্তা দিগ্বাসা দিগ্বিমোহিনী ॥ ৭৬ ॥
দংডকারণ্যনিলয়া দংডিনী দেবপূজিতা ।
দেববংদ্য়া দিবিষদা দ্বেষিণী দানবাকৃতিঃ ॥ ৭৭ ॥
দীনানাথস্তুতা দীক্ষা দৈবতাদিস্বরূপিণী ।
ধাত্রী ধনুর্ধরা ধেনুর্ধারিণী ধর্মচারিণী ॥ ৭৮ ॥
ধুরংধরা ধরাধারা ধনদা ধান্যদোহিনী ।
ধর্মশীলা ধনাধ্যক্ষা ধনুর্বেদবিশারদা ॥ ৭৯ ॥
ধৃতির্ধন্যা ধৃতপদা ধর্মরাজপ্রিয়া ধ্রুবা ।
ধূমাবতী ধূমকেশী ধর্মশাস্ত্রপ্রকাশিনী ॥৮০॥
নংদা নংদপ্রিয়া নিদ্রা নৃনুতা নংদনাত্মিকা ।
নর্মদা নলিনী নীলা নীলকংঠসমাশ্রয়া ॥৮১॥
নারাযণপ্রিয়া নিত্য়া নির্মলা নির্গুণা নিধিঃ ।
নিরাধারা নিরুপমা নিত্যশুদ্ধা নিরংজনা ॥৮২॥
নাদবিংদুকলাতীতা নাদবিংদুকলাত্মিকা ।
নৃসিংহিনী নগধরা নৃপনাগবিভূষিতা ॥৮৩ ॥
নরকক্লেশশমনী নারাযণপদোদ্ভবা ।
নিরবদ্য়া নিরাকারা নারদপ্রিযকারিণী ॥৮৪ ॥
নানাজ্য়োতিঃ সমাখ্য়াতা নিধিদা নির্মলাত্মিকা ।
নবসূত্রধরা নীতির্নিরুপদ্রবকারিণী ॥ ৮৫ ॥
নংদজা নবরত্নাঢ্য়া নৈমিষারণ্যবাসিনী ।
নবনীতপ্রিয়া নারী নীলজীমূতনিস্বনা ॥ ৮৬ ॥
নিমেষিণী নদীরূপা নীলগ্রীবা নিশীশ্বরী ।
নামাবলির্নিশুংভঘ্নী নাগলোকনিবাসিনী ॥ ৮৭॥
নবজাংবূনদপ্রখ্যা নাগলোকাধিদেবতা ।
নূপুরাক্রাংতচরণা নরচিত্তপ্রমোদিনী ॥ ৮৮ ॥
নিমগ্নারক্তনযনা নির্ঘাতসমনিস্বনা ।
নংদনোদ্য়াননিলয়া নির্ব্য়ূহোপরিচারিণী ॥৮৯॥
পার্বতী পরমোদারা পরব্রহ্মাত্মিকা পরা ।
পংচকোশবিনির্মুক্তা পংচপাতকনাশিনী ॥ ৯০ ॥
পরচিত্তবিধানজ্ঞা পংচিকা পংচরূপিণী ।
পূর্ণিমা পরমা প্রীতিঃ পরতেজঃ প্রকাশিনী ॥৯১॥
পুরাণী পৌরুষী পুণ্যা পুন্ডরীকনিভেক্ষণা ।
পাতালতলনির্মগ্না প্রীতা প্রীতিবিবর্ধিনী ॥৯২ ॥
পাবনী পাদসহিতা পেশলা পবনাশিনী ।
প্রজাপতিঃ পরিশ্রাংতা পর্বতস্তনমন্ডলা ॥৯৩ ॥
পদ্মপ্রিয়া পদ্মসংস্থা পদ্মাক্ষী পদ্মসংভবা ।
পদ্মপত্রা পদ্মপদা পদ্মিনী প্রিযভাষিণী ॥৯৪ ॥
পশুপাশবিনির্মুক্তা পুরংধ্রী পুরবাসিনী ।
পুষ্কলা পুরুষা পর্বা পারিজাতসুমপ্রিয়া ॥৯৫ ॥
পতিব্রতা পবিত্রাংগী পুষ্পহাসপরায়ণা ।
প্রজ্ঞাবতীসুতা পৌত্রী পুত্রপূজ্যা পযস্বিনী ॥ ৯৬॥
পট্টিপাশধরা পংক্তিঃ পিতৃলোকপ্রদায়িনী ।
পুরাণী পুণ্যশীলা চ প্রণতার্তিবিনাশিনী ॥ ৯৭ ॥
প্রদ্য়ুম্নজননী পুষ্টা পিতামহপরিগ্রহা ।
পুংডরীকপুরাবাসা পুন্ডরীকসমাননা ॥ ৯৮ ॥
পৃথুজংঘা পৃথুভুজা পৃথুপাদা পৃথূদরী ।
প্রবালশোভা পিংগাক্ষী পীতবাসাঃ প্রচাপলা ॥ ৯৯॥
প্রসবা পুষ্টিদা পুণ্য়া প্রতিষ্ঠা প্রণবাগতিঃ ।
পঞ্চবর্ণা পঞ্চবাণী পঞ্চিকা পঞ্জরস্থিতা ॥১০০॥
পরমায়া পরজ্য়োতিঃ পরপ্রীতিঃ পরাগতিঃ ।
পরাকাষ্ঠা পরেশানী পাবনী পাবকদ্য়ুতিঃ ॥১০১॥
পুণ্যভদ্রা পরিচ্ছেদ্যা পুষ্পহাসা পৃথূদরী ।
পীতাংগী পীতবসনা পীতশয়্যা পিশাচিনী ॥১০২॥
পীতক্রিয়া পিশাচঘ্নী পাটলাক্ষী পটুক্রিয়া ।
পংচভক্ষপ্রিয়াচারা পূতনাপ্রাণঘাতিনী ॥১০৩॥
পুন্নাগবনমধ্যস্থা পুণ্যতীর্থনিষেবিতা ।
পংচাংগী চ পরাশক্তিঃ পরমাহ্লাদকারিণী ॥১০৪॥
পুষ্পকাংডস্থিতা পূষা পোষিতাখিলবিষ্টপা ।
প্রাণপ্রিয়া পংচশিখা পন্নগোপরিশায়িনী ॥১০৫॥
পংচমাত্রাত্মিকা পৃথ্বী পথিকা পৃথুদোহিনী ।
পুরাণন্য়াযমীমাংসা পাটলী পুষ্পগংধিনী ॥১০৬॥
পুণ্যপ্রজা পারদাত্রী পরমার্গৈকগোচরা ।
প্রবালশোভা পূর্ণাশা প্রণবা পল্লবোদরী ॥১০৭ ॥
ফলিনী ফলদা ফল্গুঃ ফূত্কারী ফলকাকৃতিঃ ।
ফণীংদ্রভোগশযনা ফণিমংডলমংডিতা ॥১০৮॥
বালবালা বহুমতা বালাতপনিভাংশুকা ।
বলভদ্রপ্রিয়া বংদ্যা বডবা বুদ্ধিসংস্তুতা ॥১০৯॥
বংদীদেবী বিলবতী বড়িশঘ্নী বলিপ্রিয়া ।
বাংধবী বোধিতা বুদ্ধির্বংধূককুসুমপ্রিয়া ॥১১০॥
বালভানুপ্রভাকারা ব্রাহ্মী ব্রাহ্মণদেবতা ।
বৃহস্পতিস্তুতা বৃংদা বৃন্দাবনবিহারিণী ॥১১১॥
বালাকিনী বিলাহারা বিলবাসা বহূদকা ।
বহুনেত্রা বহুপদা বহুকর্ণাবতংসিকা ॥১১২॥
বহুবাহুয়ুতা বীজরূপিণী বহুরূপিণী ।
বিংদুনাদকলাতীতা বিংদুনাদস্বরূপিণী ॥১১৩ ॥
বদ্ধগোধাংগুলিত্রাণা বদর্য়াশ্রমবাসিনী ।
বৃংদারকা বৃহত্স্কংধা বৃহতী বাণপাতিনী ॥১১৪॥
বৃংদাধ্যক্ষা বহুনুতা বনিতা বহুবিক্রমা ।
বদ্ধপদ্মাসনাসীনা বিল্বপত্রতলস্থিতা ॥১১৫॥
বোধিদ্রুমনিজাবাসা বড়িস্থা বিংদুদর্পণা ।
বালা বাণাসনবতী বডবানলবেগিনী ॥১১৬॥
ব্রহ্মাংডবহিরংতঃস্থা ব্রহ্মকংকণসূত্রিণী ।
ভবানী ভীষণবতী ভাবিনী ভযহারিণী ॥১১৭॥
ভদ্রকালী ভুজংগাক্ষী ভারতী ভারতাশয়া ।
ভৈরবী ভীষণাকারা ভূতিদা ভূতিমালিনী ॥১১৮॥
ভামিনী ভোগনিরতা ভদ্রদা ভূরিবিক্রমা ।
ভূতবাসা ভৃগুলতা ভার্গবী ভূসুরার্চিতা ॥১১৯॥
ভাগীরথী ভোগবতী ভবনস্থা ভিষগ্বরা ।
ভামিনী ভোগিনী ভাষা ভবানী ভূরিদক্ষিণা ॥১২০॥
ভর্গাত্মিকা ভীমবতী ভববংধবিমোচিনী ।
ভজনীয়া ভূতধাত্রীরংজিতা ভুবনেশ্বরী ॥১২১॥
ভুজংগবলয়া ভীমা ভেরুংডা ভাগধেয়িনী ।
মাতা মায়া মধুমতী মধুজিহ্বা মধুপ্রিয়া ॥ ১২২ ॥
মহাদেবী মহাভাগা মালিনী মীনলোচনা ।
মায়াতীতা মধুমতী মধুমাংসা মধুদ্রবা ॥ ১২৩ ॥
মানবী মধুসংভূতা মিথিলাপুরবাসিনী ।
মধুকৈটভসংহর্ত্রী মেদিনী মেঘমালিনী ॥ ১২৪॥
মংদোদরী মহামায়া মৈথিলী মসৃণপ্রিয়া ।
মহালক্ষ্মীর্মহাকালী মহাকন্য়া মহেশ্বরী ॥১২৫॥
মাহেংদ্রী মেরুতনয়া মন্দারকুসুমার্চিতা ।
মংজুমংজীরচরণা মোক্ষদা মংজুভাষিণী ॥১২৬॥
মধুরদ্রাবিণী মুদ্রা মলয়া মলয়ান্বিতা ।
মেধা মরকতশ্য়ামা মাগধী মেনকাত্মজা ॥১২৭ ॥
মহামারী মহাবীরা মহাশ্যামা মনুস্তুতা ।
মাতৃকা মিহিরাভাসা মুকুংদপদবিক্রমা ॥১২৮॥
মূলাধারস্থিতা মুগ্ধা মণিপূরকবাসিনী ।
মৃগাক্ষী মহিষারূঢা মহিষাসুরমর্দিনী ॥১২৯॥
যোগাসনা যোগগম্যা যোগা যৌবনকাশ্রয়া ।
যৌবনী যুদ্ধমধ্যস্থা যমুনা যুগধারিণী ॥১৩০॥
যক্ষিণী যোগয়ুক্তা চ যক্ষরাজপ্রসূতিনী ।
যাত্রা যানবিধানজ্ঞা যদুবংশসমুদ্ভবা ॥১৩১॥
যকারাদিহকারাংতা যাজুষী যজ্ঞরূপিণী ।
যামিনী যোগনিরতা যাতুধানভয়ংকরী ॥১৩২॥
রুক্মিণী রমণী রামা রেবতী রেণুকা রতিঃ ।
রৌদ্রী রৌদ্রপ্রিয়াকারা রামমাতা রতিপ্রিয়া ॥১৩৩॥
রোহিণী রাজ্যদা রেবা রমা রাজীবলোচনা ।
রাকেশী রূপসংপন্না রত্নসিংহাসনস্থিতা ॥১৩৪ ॥
রক্তমাল্য়াংবরধরা রক্তগংধানুলেপনা ।
রাজহংসসমারূঢ়া রম্ভা রক্তবলিপ্রিয়া ॥১৩৫॥
রমণীযয়ুগাধারা রাজিতাখিলভূতলা ।
রুরুচর্মপরীধানা রথিনী রত্নমালিকা ॥১৩৬ ॥
রোগেশী রোগশমনী রাবিণী রোমহর্ষিণী ।
রামচংদ্রপদাক্রাংতা রাবণচ্ছেদকারিণী ॥ ১৩৭ ॥
রত্নবস্ত্রপরিচ্ছন্না রথস্থা রুক্মভূষণা ।
লজ্জাধিদেবতা লোলা ললিতা লিংগধারিণী ॥১৩৮॥
লক্ষ্মীর্লোলা লুপ্তবিষা লোকিনী লোকবিশ্রুতা ।
লজ্জা লংবোদরী দেবী ললনা লোকধারিণী ॥ ১৩৯ ॥
বরদা বন্দিতা বিদ্যা বৈষ্ণবী বিমলাকৃতিঃ ।
বারাহী বিরজা বর্ষা বরলক্ষ্মীর্বিলাসিনী ॥১৪০॥
বিনতা ব্যোমমধ্যস্থা বারিজাসনসংস্থিতা ।
বারুণী বেণুসংভূতা বীতিহোত্রা বিরূপিণী ॥১৪১॥
বায়ুমণ্ডলমধ্যস্থা বিষ্ণুরূপা বিধিপ্রিয়া ।
বিষ্ণুপত্নী বিষ্ণুমতী বিশালাক্ষী বসুংধরা ॥১৪২॥
বামদেবপ্রিয়া বেলা বজ্রিণী বসুদোহিনী ।
বেদাক্ষরপরীতাংগী বাজপেয়ফলপ্রদা ॥১৪৩॥
বাসবী বামজননী বৈকুণ্ঠনিলয়া বরা ।
ব্যাসপ্রিয়া বর্মধরা বাল্মীকিপরিসেবিতা ॥১৪৪॥
শাকংভরী শিবা শাংতা শারদা শরণাগতিঃ ।
শাতোদরী শুভাচারা শুংভাসুরবিমর্দিনী ॥১৪৫॥
শোভাবতী শিবাকারা শংকরার্ধশরীরিণী ।
শোণা শুভাশয়া শুভ্রা শিরঃসংধানকারিণী ॥১৪৬ ॥
শরাবতী শরানংদা শরজ্জ্য়োত্স্না শুভাননা ।
শরভা শূলিনী শুদ্ধা শবরী শুকবাহনা ॥১৪৭॥
শ্রীমতী শ্রীধরানংদা শ্রবণানংদদায়িনী ।
শর্বাণী শর্বরীবংদ্য়া ষড্ভাষা ষডৃতুপ্রিয়া ॥১৪৮ ॥
ষডাধারস্থিতা দেবী ষণ্মুখপ্রিযকারিণী ।
ষড়ঙ্গরূপসুমতী সুরাসুরনমস্কৃতা ॥১৪৯॥
সরস্বতী সদাধারা সর্বমংগলকারিণী ।
সামগানপ্রিয়া সূক্ষ্মা সাবিত্রী সামসংভবা ॥১৫০॥
সর্বাবাসা সদানংদা সুস্তনী সাগরাংবরা ।
সর্বৈশ্বর্যপ্রিয়া সিদ্ধিঃ সাধুবংধুপরাক্রমা ॥১৫১॥
সপ্তর্ষিমণ্ডলগতা সোমমণ্ডলবাসিনী ।
সর্বজ্ঞা সাংদ্রকরুণা সমানাধিকবর্জিতা ॥১৫২॥
সর্বোত্তুংগা সংগহীনা সদ্গুণা সকলেষ্টদা ।
সরধা সূর্যতনয়া সুকেশী সোমসংহতিঃ ॥১৫৩॥
হিরণ্যবর্ণা হরিণী হ্রীংকারী হংসবাহিনী ।
ক্ষৌমবস্ত্রপরীতাংগী ক্ষীরাব্ধিতনয়া ক্ষমা ॥১৫৪॥
গাযত্রী চৈব সাবিত্রী পার্বতী চ সরস্বতী ।
বেদগর্ভা বরারোহা শ্রীগাযত্রী পরাংবিকা ॥১৫৫॥
ইতি সাহস্রকং নাম্নাং গাযত্র্য়াশ্চৈব নারদ ।
পুণ্যদং সর্বপাপঘ্নং মহাসংপত্তিদায়কম্ ॥১৫৬ ॥
এবং নামানি গাযত্র্য়াস্তোষোত্পত্তিকরাণি হি ।
অষ্টম্যাং চ বিশেষেণ পঠিতব্যং দ্বিজৈঃ সহ ॥১৫৭॥
জপং কৃত্বা হোম পূজা ধ্য়ানং কৃত্বা বিশেষতঃ ।
যস্মৈ কস্মৈ ন দাতব্যং গাযত্র্যাস্তু বিশেষতঃ ॥১৫৮॥
সুভক্তায় সুশিষ্যায় বক্তব্যং ভূসুরায় বৈ ।
ভ্রষ্টেভ্যঃ সাধকেভ্যশ্চ বাংধবেভ্যো ন দর্শয়েত্ ॥১৫৯॥
যদ্গৃহে লিখিতং শাস্ত্রং ভয়ং তস্য ন কস্যচিত্ ।
চংচলাপিস্থিরা ভূত্বা কমলা তত্র তিষ্ঠতি ॥১৬০ ॥
ইদং রহস্যং পরমং গুহ্যাদ্গুহ্যতরং মহত্ ।
পুণ্যপ্রদং মনুষ্যাণাং দরিদ্রাণাং নিধিপ্রদম্ ॥১৬১॥
মোক্ষপ্রদং মুমুক্ষূণাং কামিনাং সর্বকামদম্ ।
রোগাদ্বৈ মুচ্যতে রোগী বদ্ধো মুচ্য়েত বংধনাত্ ॥১৬২॥
ব্রহ্মহত্যা সুরাপানং সুবর্ণস্তেয়িনো নরাঃ ।
গুরুতল্পগতো বাপি পাতকান্মুচ্যতে সকৃত্ ॥১৬৩॥
অসত্প্রতিগ্রহাচ্চৈবাঽভক্ষ্যভক্ষাদ্বিশেষতঃ ।
পাখণ্ডানৃতমুখ্যেভ্যঃ পঠনাদেব মুচ্যতে ॥১৬৪॥
ইদং রহস্যমমলং ময়োক্তং পদ্মজোদ্ভব ।
ব্রহ্মসায়ুজ্যদং নৄণাং সত্যং সত্যং ন সংশয়ঃ ॥১৬৫ ॥
।। ইতি শ্রীদেবীভাগবতে মহাপুরাণে দ্বাদশস্কন্ধে গায়ত্রীসহস্রনাম স্তোত্র কথনং নাম ষষ্ঠোঽধ্যায়ঃ ॥
