শ্রীমদ্ভগবদ্গীতা মূলম্ – চতুর্থোঽধ্যায়ঃ : অক্ষয় জ্ঞান ও নিষ্কাম কর্মের মাধ্যমে মোক্ষ লাভের পথ দেখিয়েছেন ভগবান শ্রীকৃষ্ণ

শ্রীমদ্ভগবদ্গীতার চতুর্থ অধ্যায়ের নাম ‘জ্ঞান-কর্ম- সন্ন্যাস যোগ’ বা ‘জ্ঞানযোগ’, যেখানে ভগবান কৃষ্ণ অর্জুনকে অক্ষয় জ্ঞান (Transcendental Knowledge) এবং নিষ্কাম কর্মের মাধ্যমে মোক্ষ লাভের পথ দেখান, যেখানে কর্মের ফল থেকে আসক্তি ত্যাগ করে কর্ম করা হয়, যা আত্মজ্ঞান ও ঈশ্বরের উপলব্ধি লাভের পথ খুলে দেয় এবং জন্ম-মৃত্যুর চক্র থেকে মুক্তি দেয়। শ্রীকৃষ্ণ এই প্রাচীন জ্ঞান সূর্যদেবকে দিয়েছিলেন, যা পরম্পরাক্রমে অর্জুনের কাছে এসেছে, এবং এই অধ্যায়ে কর্মের সঠিক ধারণা, জ্ঞান ও কর্মের সমন্বয় এবং ভক্তিযোগের গুরুত্ব ব্যাখ্যা করা হয়েছে। 

ওং শ্রী পরমাত্মনে নমঃ
অথ চতুর্থোঽধ্যায়ঃ ।
জ্ঞানয়োগঃ

শ্রীভগবানুবাচ
ইমং বিবস্বতে যোগং প্রোক্তবানহমব্যয়ম্ ।
বিবস্বান্মনবে প্রাহ মনুরিক্ষ্বাকবেঽব্রবীত্ ॥ 1 ॥

এবং পরংপরাপ্রাপ্তমিমং রাজর্ষয়ো বিদুঃ ।
স কালেনেহ মহতা যোগো নষ্টঃ পরংতপ ॥ 2 ॥

স এবায়ং ময়া তেঽদ্য যোগঃ প্রোক্তঃ পুরাতনঃ ।
ভক্তোঽসি মে সখা চেতি রহস্যং হ্য়েতদুত্তমম্ ॥ 3 ॥

অর্জুন উবাচ
অপরং ভবতো জন্ম পরং জন্ম বিবস্বতঃ ।
কথমেতদ্বিজানীয়াং ত্বমাদৌ প্রোক্তবানিতি ॥ 4 ॥

শ্রীভগবানুবাচ
বহূনি মে ব্যতীতানি জন্মানি তব চার্জুন ।
তান্যহং বেদ সর্বাণি ন ত্বং বেত্থ পরংতপ ॥ 5 ॥

অজোঽপি সন্নব্যয়াত্মা ভূতানামীশ্বরোঽপি সন্ ।
প্রকৃতিং স্বামধিষ্ঠায় সংভবাম্যাত্মমায়য়া ॥ 6 ॥

যদা যদা হি ধর্মস্য গ্লানির্ভবতি ভারত ।
অভ্য়ুত্থানমধর্মস্য তদাত্মানং সৃজাম্যহম্ ॥ 7 ॥

পরিত্রাণায় সাধূনাং বিনাশায় চ দুষ্কৃতাম্ ।
ধর্মসংস্থাপনার্থায় সংভবামি যুগে যুগে ॥ 8 ॥

জন্ম কর্ম চ মে দিব্যমেবং যো বেত্তি তত্ত্বতঃ ।
ত্যক্ত্বা দেহং পুনর্জন্ম নৈতি মামেতি সোঽর্জুন ॥ 9 ॥

বীতরাগভযক্রোধা মন্ময়া মামুপাশ্রিতাঃ ।
বহবো জ্ঞানতপসা পূতা মদ্ভাবমাগতাঃ ॥ 10 ॥

যে যথা মাং প্রপদ্য়ংতে তাংস্তথৈব ভজাম্যহম্ ।
মম বর্ত্মানুবর্তংতে মনুষ্যাঃ পার্থ সর্বশঃ ॥ 11 ॥

কাংক্ষংতঃ কর্মণাং সিদ্ধিং যজংত ইহ দেবতাঃ ।
ক্ষিপ্রং হি মানুষে লোকে সিদ্ধির্ভবতি কর্মজা ॥ 12 ॥

চাতুর্বর্ণ্যং ময়া সৃষ্টং গুণকর্মবিভাগশঃ ।
তস্য কর্তারমপি মাং বিদ্ধ্যকর্তারমব্যয়ম্ ॥ 13 ॥

ন মাং কর্মাণি লিংপংতি ন মে কর্মফলে স্পৃহা ।
ইতি মাং যোঽভিজানাতি কর্মভির্ন স বধ্যতে ॥ 14 ॥

এবং জ্ঞাত্বা কৃতং কর্ম পূর্বৈরপি মুমুক্ষুভিঃ ।
কুরু কর্মৈব তস্মাত্ত্বং পূর্বৈঃ পূর্বতরং কৃতম্ ॥ 15 ॥

কিং কর্ম কিমকর্মেতি কবয়োঽপ্যত্র মোহিতাঃ ।
তত্তে কর্ম প্রবক্ষ্য়ামি যজ্জ্ঞাত্বা মোক্ষ্যসেঽশুভাত্ ॥ 16 ॥

কর্মণো হ্যপি বোদ্ধব্যং বোদ্ধব্যং চ বিকর্মণঃ ।
অকর্মণশ্চ বোদ্ধব্য়ং গহনা কর্মণো গতিঃ ॥ 17 ॥

কর্মণ্যকর্ম যঃ পশ্যেদকর্মণি চ কর্ম যঃ ।
স বুদ্ধিমান্মনুষ্যেষু স যুক্তঃ কৃত্স্নকর্মকৃত্ ॥ 18 ॥

যস্য সর্বে সমারংভাঃ কামসংকল্পবর্জিতাঃ ।
জ্ঞানাগ্নিদগ্ধকর্মাণং তমাহুঃ পংডিতং বুধাঃ ॥ 19 ॥

ত্যক্ত্বা কর্মফলাসংগং নিত্যতৃপ্তো নিরাশ্রয়ঃ ।
কর্মণ্যভিপ্রবৃত্তোঽপি নৈব কিংচিত্করোতি সঃ ॥ 20 ॥

নিরাশীর্যতচিত্তাত্মা ত্যক্তসর্বপরিগ্রহঃ ।
শারীরং কেবলং কর্ম কুর্বন্নাপ্নোতি কিল্বিষম্ ॥ 21 ॥

যদৃচ্ছালাভসংতুষ্টো দ্বংদ্বাতীতো বিমত্সরঃ ।
সমঃ সিদ্ধাবসিদ্ধৌ চ কৃত্বাপি ন নিবধ্যতে ॥ 22 ॥

গতসংগস্য মুক্তস্য জ্ঞানাবস্থিতচেতসঃ ।
যজ্ঞায়াচরতঃ কর্ম সমগ্রং প্রবিলীয়তে ॥ 23 ॥

ব্রহ্মার্পণং ব্রহ্ম হবির্ব্রহ্মাগ্নৌ ব্রহ্মণা হুতম্ ।
ব্রহ্মৈব তেন গন্তব্যং ব্রহ্মকর্মসমাধিনা ॥ 24 ॥

দৈবমেবাপরে যজ্ঞং যোগিনঃ পর্য়ুপাসতে ।
ব্রহ্মাগ্নাবপরে যজ্ঞং যজ্ঞেনৈবোপজুহ্বতি ॥ 25 ॥

শ্রোত্রাদীনীংদ্রিয়াণ্যন্যে সংযমাগ্নিষু জুহ্বতি ।
শব্দাদীন্বিষয়ানন্য ইংদ্রিয়াগ্নিষু জুহ্বতি ॥ 26 ॥

সর্বাণীংদ্রিয়কর্মাণি প্রাণকর্মাণি চাপরে ।
আত্মসংযময়োগাগ্নৌ জুহ্বতি জ্ঞানদীপিতে ॥ 27 ॥

দ্রব্যযজ্ঞাস্তপোযজ্ঞা যোগযজ্ঞাস্তথাপরে ।
স্বাধ্য়াযজ্ঞানযজ্ঞাশ্চ যতয়ঃ সংশিতব্রতাঃ ॥ 28 ॥

অপানে জুহ্বতি প্রাণং প্রাণেঽপানং তথাপরে ।
প্রাণাপানগতী রুদ্ধ্বা প্রাণায়ামপরায়ণাঃ ॥ 29 ॥

অপরে নিয়তাহারাঃ প্রাণান্প্রাণেষু জুহ্বতি ।
সর্বেঽপ্যেতে যজ্ঞবিদো যজ্ঞক্ষপিতকল্মষাঃ ॥ 30 ॥

যজ্ঞশিষ্টামৃতভুজো যাংতি ব্রহ্ম সনাতনম্ ।
নায়ং লোকোঽস্ত্যযজ্ঞস্য কুতোঽন্যঃ কুরুসত্তম ॥ 31

এবং বহুবিধা যজ্ঞা বিততা ব্রহ্মণো মুখে ।
কর্মজান্বিদ্ধি তান্সর্বানেবং জ্ঞাত্বা বিমোক্ষ্যসে ॥ 32 ॥

শ্রেয়াংদ্রব্যময়াদ্যজ্ঞাজ্জ্ঞানযজ্ঞঃ পরংতপ ।
সর্বং কর্মাখিলং পার্থ জ্ঞানে পরিসমাপ্যতে ॥ 33 ॥

তদ্বিদ্ধি প্রণিপাতেন পরিপ্রশ্নেন সেবয়া ।
উপদেক্ষ্য়ংতি তে জ্ঞানং জ্ঞানিনস্তত্ত্বদর্শিনঃ ॥ 34 ॥

যজ্জ্ঞাত্বা ন পুনর্মোহমেবং যাস্যসি পান্ডব ।
যেন ভূতান্যশেষেণ দ্রক্ষ্যস্যাত্মন্যথো ময়ি ॥ 35 ॥

অপি চেদসি পাপেভ্যঃ সর্বেভ্যঃ পাপকৃত্তমঃ ।
সর্বং জ্ঞানপ্লবেনৈব বৃজিনং সংতরিষ্যসি ॥ 36 ॥

যথৈধাংসি সমিদ্ধোঽগ্নির্ভস্মসাত্কুরুতেঽর্জুন ।
জ্ঞানাগ্নিঃ সর্বকর্মাণি ভস্মসাত্কুরুতে তথা ॥ 37 ॥

ন হি জ্ঞানেন সদৃশং পবিত্রমিহ বিদ্যতে ।
তত্স্বয়ং যোগসংসিদ্ধঃ কালেনাত্মনি বিংদতি ॥ 38 ॥

শ্রদ্ধাবাল্লভতে জ্ঞানং তত্পরঃ সংযতেংদ্রিয়ঃ ।
জ্ঞানং লব্ধ্বা পরাং শাংতিমচিরেণাধিগচ্ছতি ॥ 39 ॥

অজ্ঞশ্চাশ্রদ্দধানশ্চ সংশয়াত্মা বিনশ্যতি ।
নায়ং লোকোঽস্তি ন পরো ন সুখং সংশয়াত্মনঃ ॥ 40 ॥

যোগসংন্যস্তকর্মাণং জ্ঞানসংছিন্নসংশয়ম্ ।
আত্মবংতং ন কর্মাণি নিবধ্নংতি ধনঞ্জয় ॥ 41 ॥

তস্মাদজ্ঞানসংভূতং হৃত্স্থং জ্ঞানাসিনাত্মনঃ ।
ছিত্ত্বৈনং সংশয়ং যোগমাতিষ্ঠোত্তিষ্ঠ ভারত ॥ 42 ॥

।। ওম তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যায়াং যোগশাস্ত্রে শ্রীকৃষ্ণার্জুনসংবাদে জ্ঞানকর্মসংন্যাসয়োগো নাম চতুর্থোঽধ্য়ায়ঃ ॥