বৈশাখ বংগা জারাল সিতুং
সৗরদি সিতুং বারো বাজে,
আলা ঝালা সিতুং লল
তাংগী তাড়াহ রে মিনাঞ
গাতে সাও ঞাপাঞ আসরে।
কয়ঃ কয়ঃ তেমাঞ লাঙগায়েন,
তেঙগো তেঙগো তে জাঙগা
তিঞমা থাকাওয়েন,
এনহ গাতে বাংগেম ঞেলঃকান।
সারদি সিতুং লল তে
ডাহার ধুড়ি অটাং তে,
সাজা আকান সাজ তিঞমা
লসৌ পডোঁ এন।
গাতে মায়া তপল সাগৗই
চিকা তেদঞ হিড়িঞা,
আড়িস,বেজার বুঝাও রেহ
মিনাঞা তাঙগীরে।
গাডি চেতান,মোটর চেতান
হড় মাক পারম সেনঃ
ডাহার ধারে তেংগো মিনাঞ
ইঞমা আম তাঙগীরে,
নিতহ গাতে বাং এম সেটেরলেন।
অক্ত মা পলম সেনঃকান
বেড়া মায় হাসুর ইদিঃকান,
তিকিন খনাঃ তারাসিঞ এন।
এনহ গাতে সাও ঞাপাম আসতে
মিনাঞা তাঙগীরে।।