শ্রী মহা কালভৈরব কবচ হলো ভগবান ভৈরবের (বিশেষত কালভৈরব) উদ্দেশ্যে নিবেদিত একটি অত্যন্ত শক্তিশালী সুরক্ষামূলক স্তোত্র বা মন্ত্র। এই কবচ পাঠ বা ধারণ করলে অশুভ শক্তি, শত্রু, দুর্ঘটনা, কালো জাদু এবং অকাল মৃত্যু থেকে রক্ষা পাওয়া যায় বলে সনাতন ধর্মে বিশ্বাস করা হয়।
“ভৈরব” শব্দের অর্থ যিনি বিশ্ব সৃষ্টি, পালন ও ধ্বংসের সময়ও নির্ভীক। কালভৈরব কাল বা মহাকালের নিয়ন্ত্রক।
এটি জীবনের সকল বাধা-বিপত্তি দূর করে সাহস, আত্মবিশ্বাস এবং আধ্যাত্মিক শক্তি প্রদান করে। নিয়মিত ভৈরব কবচ পাঠ করলে সমস্ত অশুভ শক্তি ও নেতিবাচক প্রভাব থেকে ঐশ্বরিক সুরক্ষা লাভ করা যায়।
শ্রীদেব্যুবাচ ।
দেবদেব মহাবাহো ভক্তানাং সুখবর্ধন ।
কেন সিদ্ধিং দদাত্যাশু কালী ত্রৈলোক্যমোহন ॥১॥
তন্মে বদ দয়াঽঽধার সাধকাভীষ্টসিদ্ধয়ে ।
কৃপাং কুরু জগন্নাথ বদ বেদবিদাং বর ॥২॥
শ্রীভৈরব উবাচ ।
গোপনীয়ং প্রযত্নেন তত্ত্বাত্ তত্ত্বং পরাত্পরম্ ।
এষ সিদ্ধিকরঃ সম্যক্ কিমথো কথয়াম্যহম্ ॥৩॥
মহাকালমহং বংদে সর্বসিদ্ধিপ্রদায়কম্ ।
দেবদানবগংধর্বকিন্নরপরিসেবিতম্ ॥৪॥
কবচং তত্ত্বদেবস্য পঠনাদ্ ঘোরদর্শনে ।
সত্যং ভবতি সান্নিধ্যং কবচস্তবনাংতরাত্ ॥৫॥
সিদ্ধিং দদাতি সা তুষ্টা কৃত্বা কবচমুত্তমম্ ।
সাম্রাজ্যত্বং প্রিয়ং দত্বা পুত্রবত্ পরিপালয়েত্ ॥৬॥
কবচস্য ঋষির্দেবী কালিকা দক্ষিণা তথা
বিরাট্ছন্দঃ সুবিজ্ঞেয়ং মহাকালস্তু দেবতা ।
কালিকা সাধনে চৈব বিনিয়োগঃ প্রকীর্ত্তিতঃ ॥৭॥
ওং শ্মশানস্থো মহারুদ্রো মহাকালো দিগম্বরঃ ।
কপালকর্তৃকা বামে শূলং খট্বাংগং দক্ষিণে ॥৮॥
ভুজংগভূষিতে দেবি ভস্মাস্থিমণিমংডিতঃ ।
জ্বলত্পাবকমধ্যস্থো ভস্মশয়্যাব্যবস্থিতঃ ॥৯॥
বিপরীতরতাং তত্র কালিকাং হৃদয়োপরি ।
পেয়ং খাদ্যং চ চোষ্যং চ তৌ কৃত্বা তু পরস্পরম্ ।
এবং ভক্ত্য়া যজেদ্ দেবং সর্বসিদ্ধিঃ প্রজায়তে ॥১০॥
প্রণবং পূর্বমুচ্চার্য় মহাকালায় তত্পদম্ ।
নমঃ পাতু মহামংত্রঃ সর্বশাস্ত্রার্থপারগঃ ॥১১॥
অষ্টক্ষরো মহা মন্ত্রঃ সর্বাশাপরিপূরকঃ ।
সর্বপাপক্ষয়ং যাতি গ্রহণে ভক্তবত্সলে ॥১২॥
কূর্চদ্বংদ্বং মহাকাল প্রসীদেতি পদদ্বয়ম্ ।
লজ্জায়ুগ্মং বহ্নিজায়া স তু রাজেশ্বরো মহান্ ॥১৩॥
মন্ত্রগ্রহণমাত্রেণ ভবেত সত্যং মহাকবিঃ ।
গদ্যপদ্যময়ী বাণী গংগানির্ঝরিতা তথা ॥১৪॥
তস্য নাম তু দেবেশি দেবা গায়ন্তি ভাবুকাঃ ।
শক্তিবীজদ্বয়ং দত্বা কূর্চং স্যাত্ তদনন্তরম্ ॥১৫॥
মহাকালপদং দত্বা মায়াবীজয়ুগং তথা ।
কূর্চমেকং সমুদ্ধৃত্য় মহামংত্রো দশাক্ষরঃ ॥১৬॥
রাজস্থানে দুর্গমে চ পাতু মাং সর্বতো মুদা ।
বেদাদিবীজমাদায় ভগমান্ তদনন্তরম্ ॥১৭॥
মহাকালায় সংপ্রোচ্য কূর্চং দত্বা চ ঠদ্বয়ম্ ।
হ্রীংকারপূর্বমুদ্ধৃত্য় বেদাদিস্তদনন্তরম্ ॥১৮॥
মহাকালস্যাংতভাগে স্বাহাংতমনুমুত্তমম্ ।
ধনং পুত্রং সদা পাতু বংধুদারানিকেতনম্ ॥১৯॥
পিংগলাক্ষো মংজুয়ুদ্ধে যুদ্ধে নিত্যং জয়প্রদঃ ।
সংভাব্যঃ সর্বদুষ্টঘ্নঃ পাতু স্বস্থানবল্লভঃ ॥২০॥
ইতি তে কথিতং তুভ্যং দেবানামপি দুর্লভম্ ।
অনেন পঠনাদ্ দেবি বিঘ্ননাশো যথা ভবেত্ ॥২১॥
সংপূজকঃ শুচিস্নাতঃ ভক্তিয়ুক্তঃ সমাহিতঃ ।
সর্বব্যাধিবিনির্মুক্তঃ বৈরিমধ্যে বিশেষতঃ ॥২২॥
মহাভীমঃ সদা পাতু সর্বস্থান বল্লভম্ । ?
কালীপার্শ্বস্থিতো দেবঃ সর্বদা পাতু মে মুখে ॥২৩॥
॥ ফল শ্রুতি॥
পঠনাত্ কালিকাদেবী পঠেত্ কবচমুত্তমম্ ।
শ্রুণুয়াদ্ বা প্রযত্নেন সদাঽঽনংদময়ো ভবেত্ ॥১॥
শ্রদ্ধয়াঽশ্রদ্ধয়া বাপি পঠনাত্ কবচস্য যত্ ।
সর্বসিদ্ধিমবাপ্নোতি যদ্যন্মনসি বর্ততে ॥২॥
বিল্বমূলে পঠেদ্ যস্তু পঠনাদ্ কবচস্য যত্ ।
ত্রিসংধ্যং পঠনাদ্ দেবি ভবেন্নিত্য়ং মহাকবিঃ ॥৩॥
কুমারীং পূজয়িত্বা তু যঃ পঠেদ্ ভাবতত্পরঃ ।
ন কিংচিদ্ দুর্লভং তস্য় দিবি বা ভুবি মোদতে ॥৪॥
দুর্ভিক্ষে রাজপীড়ায়াং গ্রামে বা বৈরিমধ্যকে ।
যত্র যত্র ভয়ং প্রাপ্তঃ সর্বত্র প্রপঠেন্নরঃ ॥৫॥
তত্র তত্রাভয়ং তস্য ভবত্যেব ন সংশয়ঃ ।
বামপার্শ্বে সমানীয় শোভিতাং বরকামিনীম্।।৬॥
শ্রদ্ধয়াঽশ্রদ্ধয়া বাপি পঠনাত্ কবচস্য তু ।
প্রযত্নতঃ পঠেদ্ যস্তু তস্য সিদ্ধিঃ করে স্থিতা ॥৭॥
ইদং কবচমজ্ঞাত্বা কালং যো ভজতে নরঃ ।
নৈব সিদ্ধির্ভবেত্ তস্য বিঘ্নস্তস্য পদে পদে ।
আদৌ বর্ম পঠিত্বা তু তস্য সিদ্ধির্ভবিষ্যতি ॥৮॥
॥ ইতি রুদ্রয়ামলে মহাতন্ত্রে মহাকালভৈরবকবচং সংপূর্ণম্॥
