শ্রী কামাখ্যা মাতা ধ্যানম্
রবিশশিযুতকর্ণা কুংকুমাপীতবর্ণা
মণিকনকবিচিত্রা লোলজিহ্বা ত্রিনেত্রা ।
অভযবরদহস্তা সাক্ষসূত্রপ্রহস্তা
প্রণতসুরনরেশা সিদ্ধকামেশ্বরী সা ॥ ১॥
অরুণকমলসম্স্থা রক্তপদ্মাসনস্থা
নবতরুণশরীরা মুক্তকেশী সুহারা ।
শবহৃদি পৃথুতুঙ্গা স্বাঙ্ঘ্রিযুগ্মা মনোজ্ঞা
শিশুরবিসমবস্ত্রা সর্বকামেশ্বরী সা ॥ ২॥
বিপুলবিভবদাত্রী স্মেরবক্ত্রা সুকেশী
দলিতকরকদন্তা সামিচন্দ্রাবতংসা ।
মনসিজ-দৃশদিস্থা যোনিমুদ্রালসন্তী
পবনগগনসক্তা সংশ্রুতস্থানভাগা ।
চিন্তা চৈবং দীপ্যদগ্নিপ্রকাশা
ধর্মার্থাদ্যৈঃ সাধকৈর্বাঞ্ছিতার্থা ॥ ৩॥
শ্রী কামাখ্যা মাতা স্তোত্রং
জয় কামেশি চামুণ্ডে জয় ভূতাপহারিণি ।
জয় সর্বগতে দেবি কামেশ্বরি নমোঽস্তু তে ॥১॥
বিশ্বমূর্তে শুভে শুদ্ধে বিরূপাক্ষি ত্রিলোচনে ।
ভীমরূপে শিবে বিদ্যে কামেশ্বরি নমোঽস্তু তে ॥২॥
মালাজয়ে জয়ে জংভে ভূতাক্ষি ক্ষুভিতেঽক্ষয়ে ।
মহামায়ে মহেশানি কামেশ্বরি নমোঽস্তু তে ॥৩॥
ভীমাক্ষি ভীষণে দেবি সর্বভূতক্ষয়ংকরি ।
কালি চ বিকরালি চ কামেশ্বরি নমোঽস্তু তে ॥৩॥
কালি করালবিক্রান্তে কামেশ্বরি হরপ্রিয়ে ।
সর্বশাস্ত্রসারভূতে কামেশ্বরি নমোঽস্তু তে ॥৪॥
কামরূপপ্রদীপে চ নীলকূটনিবাসিনি ।
নিশুম্ভশুম্ভমথনি কামেশ্বরি নমোঽস্তু তে ॥৫॥
কামাখ্যে কামরূপস্থে কামেশ্বরি হরিপ্রিয়ে ।
কামনাং দেহি মে নিত্যং কামেশ্বরি নমোঽস্তু তে ॥৬॥
বপানাঢ্যমহাবক্ত্রে তথা ত্রিভুবনেশ্বরি ।
মহিষাসুরবধে দেবি কামেশ্বরি নমোঽস্তু তে ॥৭॥
ছাগতুষ্টে মহাভীমে কামাখ্যে সুরবন্দিতে ।
জয় কামপ্রদে তুষ্টে কামেশ্বরি নমোঽস্তু তে ॥৮॥
ভ্রষ্টরাজ্যো যদা রাজা নবম্যাং নিয়তঃ শুচিঃ ।
অষ্টম্যাং চ চতুর্দশ্যামুপবাসী নরোত্তমঃ ॥৯॥
সংবত্সরেণ লভতে রাজ্যং নিষ্কন্টকং পুনঃ ।
য ইদং শৃণুয়াদ্ভক্ত্য়া তব দেবি সমুদ্ভবম্ ।
সর্বপাপবিনির্মুক্তঃ পরং নির্বাণমৃচ্ছতি ॥১০॥
শ্রীকামরূপেশ্বরি ভাস্কর প্রভে প্রকাশিতাং ভোজ নিভায়তাননে ।
সুরারিরক্ষঃ স্তুতিপাতনোত্সুকেত্রয়ীময়ে দেবনুতে নমামি ॥১১ ॥
সিতাসিতে রক্তপিশংগবিগ্রহেরূপাণি যস্যাঃ প্রতিভান্তি তানি ।
বিকাররূপা চ বিকল্পিতানিশুভাশুভানামপি তাং নমামি ॥১২॥
কামরূপসমুদ্ভূতে কামপীঠাবতংসকে ।
বিশ্বাধারে মহামায়ে কামেশ্বরি নমোঽস্তু তে ॥১৩॥
অব্যক্তবিগ্রহে শাংতে সংততে কামরূপিণি ।
কালগম্যে পরে শাংতে কামেশ্বরি নমোঽস্তু তে ॥১৪॥
যা সুষুম্নাংতরালস্থা চিংত্যতে জ্যোতিরূপিণী ।
প্রণতোঽস্মি পরাং বীরাং কামেশ্বরি নমোঽস্তু তে ॥১৫॥
দংষ্ট্রাকরালবদনে মুণ্ডমালোপশোভিতে ।
সর্বতঃ সর্বগে দেবি কামেশ্বরি নমোঽস্তু তে ॥১৬ ॥
চামুণ্ডে চ মহাকালি কালি কপালহারিণী ।
পাশহস্তে দণ্ডহস্তে কামেশ্বরি নমোঽস্তু তে ॥১৭॥
চামুণ্ডে কুলমালাস্যে তীক্ষ্ণদংষ্ট্রে মহাবলে ।
শবয়ানস্থিতে দেবি কামেশ্বরি নমোঽস্তু তে ॥১৮॥
।। ইতি শ্রী কামাখ্যা স্তোত্রম্ ।।