ভৈরব উবাচ
শতনাম প্রবক্ষ্যামি কালিকায়া বরাননে ।
যস্য় প্রপঠনাদ্বাগ্মী সর্বত্র বিজয়ী ভবেত্ ॥১॥
কালী কপালিনী কাংতা কামদা কামসুংদরী ।
কালরাত্রিঃ কালিকা চ কালভৈরবপূজিতা ॥২॥
কুরুকুল্লা কামিনী চ কমনীয়স্বভাবিনী ।
কুলীনা কুলকর্ত্রী চ কুলবর্ত্মপ্রকাশিনী ॥৩॥
কস্তূরীরসনীলা চ কাম্যা কামস্বরূপিণী ।
ককারবর্ণনিলয়া কামধেনুঃ করালিকা ॥৪॥
কুলকাংতা করালাস্যা কামার্তা চ কলাবতী ।
কৃশোদরী চ কামাখ্যা কৌমারী কুলপালিনী ॥৫॥
কুলজা কুলকন্যা চ কুলহা কুলপূজিতা ।
কামেশ্বরী কামকাংতা কুংজরেশ্বরগামিনী ॥৬॥
কামদাত্রী কামহর্ত্রী কৃষ্ণা চৈব কপর্দিনী ।
কুমুদা কৃষ্ণদেহা চ কালিংদী কুলপূজিতা ॥৭॥
কাশ্যপী কৃষ্ণমাতা চ কুলিশাংগী কলা তথা ।
ক্রীং রূপা কুলগম্যা চ কমলা কৃষ্ণপূজিতা ॥৮॥
কৃশাংগী কিন্নরী কর্ত্রী কলকংঠী চ কার্তিকী ।
কংবুকংঠী কৌলিনী চ কুমুদা কামজীবিনী ॥৯॥
কুলস্ত্রী কীর্তিকা কৃত্যা কীর্তিশ্চ কুলপালিকা ।
কামদেবকলা কল্পলতা কামাংগবর্ধিনী ॥১০॥
কুংতা চ কুমুদপ্রীতা কদংবকুসুমোত্সুকা ।
কাদংবিনী কমলিনী কৃষ্ণানংদপ্রদায়িনী ॥১১॥
কুমারীপূজনরতা কুমারীগণশোভিতা ।
কুমারীরংজনরতা কুমারীব্রতধারিণী ॥১২॥
কংকালী কমনীয়া চ কামশাস্ত্রবিশারদা ।
কপালখট্বাংগধরা কালভৈরবরূপিণী ॥১৩॥
কোটরী কোটরাক্ষী চ কাশীকৈলাসবাসিনী ।
কাত্য়াযনী কার্যকরী কাব্যশাস্ত্রপ্রমোদিনী ॥১৪॥
কামাকর্ষণরূপা চ কামপীঠনিবাসিনী ।
কংকিনী কাকিনী ক্রীডা কুত্সিতা কলহপ্রিয়া ॥১৫॥
কুংডগোলোদ্ভবপ্রাণা কৌশিকী কীর্তিবর্ধিনী ।
কুংভস্তনী কটাক্ষা চ কাব্যা কোকনদপ্রিয়া ॥১৬॥
কাংতারবাসিনী কাংতিঃ কঠিনা কৃষ্ণবল্লভা ।
ইতি তে কথিতং দেবি গুহ্য়াদ্গুহ্যতরং পরম্ ॥১৭॥
প্রপঠেদ্য ইদং নিত্যং কালীনামশতাষ্টকম্ ।
ত্রিষু লোকেষু দেবেশি তস্যাঽসাধ্যং ন বিদ্যতে ॥১৮ ॥
প্রাতঃকালে চ মধ্য়াহ্নে সায়াহ্নে চ সদা নিশি ।
যঃ পঠেত্পরয়া ভক্ত্যা কালীনামশতাষ্টকম্ ॥১৯॥
কালিকা তস্য গেহে চ সংস্থানং কুরুতে সদা ।
শূন্য়াগারে শ্মশানে বা প্রাংতরে জলমধ্যতঃ ॥২০॥
বহ্নিমধ্যে চ সংগ্রামে তথা প্রাণস্য সংশয়ে ।
শতাষ্টকং জপন্মংত্রী লভতে ক্ষেমমুত্তমম্ ॥২১॥
কালীং সংস্থাপ্য বিধিবত্ স্তুত্বা নামশতাষ্টকৈঃ ।
সাধকঃ সিদ্ধিমাপ্নোতি কালিকায়াঃ প্রসাদতঃ ॥২২॥
।। ইতি শ্রী কালী ককারাষ্টোত্তরশতনাম স্তোত্রম্ ।।
