অষ্টবক্র গীতা অষ্টাদশোঽধ্যায়ঃ : “আমিই ব্রহ্ম” এই অনুভূতির বর্ণনা দেওয়া হয়েছে

অষ্টাবক্র গীতার অষ্টাদশ অধ্যায়টি অত্যন্ত দীর্ঘ এবং এটি সম্পূর্ণ গ্রন্থের সারসংক্ষেপ বা উপসংহার স্বরূপ। এই অধ্যায়ে ঋষি অষ্টাবক্র রাজর্ষি জনককে জীবন্মুক্ত বা আত্মজ্ঞানীর সর্বোচ্চ অবস্থার বর্ণনা দিয়েছেন ৷

অষ্টবক্র উবাচ ॥
যস্য বোধোদয়ে তাবত্স্বপ্নবদ্ ভবতি ভ্রমঃ ।
তস্মৈ সুখৈকরূপায় নমঃ শান্তায় তেজসে ॥ ১৮-১॥

অর্জয়িত্বাখিলান্ অর্থান্ ভোগানাপ্নোতি পুষ্কলান্ ।
ন হি সর্বপরিত্য়াগমংতরেণ সুখী ভবেত্ ॥১৮-২॥

কর্তব্যদুঃখমার্তংডজ্বালাদগ্ধাংতরাত্মনঃ ।
কুতঃ প্রশমপীয়ূষধারাসারমৃতে সুখম্ ॥১৮-৩॥

ভবোঽয়ং ভাবনামাত্রো ন কিংচিত্ পরমার্থতঃ ।
নাস্ত্যভাবঃ স্বভাবানাং ভাবাভাববিভাবিনাম্ ॥১৮-৪॥

ন দূরং ন চ সংকোচাল্লব্ধমেবাত্মনঃ পদম্ ।
নির্বিকল্পং নিরায়াসং নির্বিকারং নিরংজনম্ ॥১৮-৫॥

ব্যামোহমাত্রবিরতৌ স্বরূপাদানমাত্রতঃ ।
বীতশোকা বিরাজংতে নিরাবরণদৃষ্টয়ঃ ॥১৮-৬॥

সমস্তং কল্পনামাত্রমাত্মা মুক্তঃ সনাতনঃ ।
ইতি বিজ্ঞায় ধীরো হি কিমভ্যস্যতি বালবত্ ॥১৮-৭॥

আত্মা ব্রহ্মেতি নিশ্চিত্য় ভাবাভাবৌ চ কল্পিতৌ ।
নিষ্কামঃ কিং বিজানাতি কিং ব্রূতে চ করোতি কিম্ ॥১৮-৮॥

অয়ং সোঽহময়ং নাহমিতি ক্ষীণা বিকল্পনা ।
সর্বমাত্মেতি নিশ্চিত্য় তূষ্ণীংভূতস্য় যোগিনঃ ॥৯॥

ন বিক্ষেপো ন চৈকাগ্র্য়ং নাতিবোধো ন মূঢতা ।
ন সুখং ন চ বা দুঃখমুপশাংতস্য যোগিনঃ ॥১৮-১০॥

স্বারাজ্য়ে ভৈক্ষবৃত্তৌ চ লাভালাভে জনে বনে ।
নির্বিকল্পস্বভাবস্য ন বিশেষোঽস্তি যোগিনঃ ॥১৮-১১॥

ক্ব ধর্মঃ ক্ব চ বা কামঃ ক্ব চার্থঃ ক্ব বিবেকিতা ।
ইদং কৃতমিদং নেতি দ্বংদ্বৈর্মুক্তস্য যোগিনঃ ॥১৮-১২॥

কৃত্যং কিমপি নৈবাস্তি ন কাপি হৃদি রঞ্জনা ।
যথা জীবনমেবেহ জীবন্মুক্তস্য যোগিনঃ ॥১৮-১৩॥

ক্ব মোহঃ ক্ব চ বা বিশ্বং ক্ব তদ্ ধ্য়ানং ক্ব মুক্ততা ।
সর্বসংকল্পসীমায়াং বিশ্রাংতস্য মহাত্মনঃ ॥১৮-১৪॥

যেন বিশ্বমিদং দৃষ্টং স নাস্তীতি করোতু বৈ ।
নির্বাসনঃ কিং কুরুতে পশ্যন্নপি ন পশ্যতি ॥১৮-১৫॥

যেন দৃষ্টং পরং ব্রহ্ম সোঽহং ব্রহ্মেতি চিন্তয়েত্ ।
কিং চিংতযতি নিশ্চিংতো দ্বিতীয়ং যো ন পশ্যতি ॥১৬॥

দৃষ্টো যেনাত্মবিক্ষেপো নিরোধং কুরুতে ত্বসৌ ।
উদারস্তু ন বিক্ষিপ্তঃ সাধ্যাভাবাত্করোতি কিম্ ॥১৭॥

ধীরো লোকবিপর্যস্তো বর্তমানোঽপি লোকবত্ ।
ন সমাধিং ন বিক্ষেপং ন লোপং স্বস্য পশ্যতি ॥১৮॥

ভাবাভাববিহীনো যস্তৃপ্তো নির্বাসনো বুধঃ ।
নৈব কিংচিত্কৃতং তেন লোকদৃষ্ট্যা বিকুর্বতা ॥১৮-১৯॥

প্রবৃত্তৌ বা নিবৃত্তৌ বা নৈব ধীরস্য দুর্গ্রহঃ ।
যদা যত্কর্তুমায়াতি তত্কৃত্বা তিষ্ঠতঃ সুখম্ ॥১৮-২০॥

নির্বাসনো নিরালংবঃ স্বচ্ছংদো মুক্তবন্ধনঃ ।
ক্ষিপ্তঃ সংস্কারবাতেন চেষ্টতে শুষ্কপর্ণবত্ ॥১৮-২১॥

অসংসারস্য তু ক্বাপি ন হর্ষো ন বিষাদতা ।
স শীতলমনা নিত্যং বিদেহ ইব রাজয়ে ॥১৮-২২॥

কুত্রাপি ন জিহাসাস্তি নাশো বাপি ন কুত্রচিত্ ।
আত্মারামস্য ধীরস্য শীতলাচ্ছতরাত্মনঃ ॥১৮-২৩॥

প্রকৃত্যা শূন্যচিত্তস্য কুর্বতোঽস্য যদৃচ্ছয়া ।
প্রাকৃতস্যেব ধীরস্য ন মানো নাবমানতা ॥১৮-২৪॥

কৃতং দেহেন কর্মেদং ন ময়া শুদ্ধরূপিণা ।
ইতি চিংতানুরোধী যঃ কুর্বন্নপি করোতি ন ॥১৮-২৫॥

অতদ্বাদীব কুরুতে ন ভবেদপি বালিশঃ ।
জীবন্মুক্তঃ সুখী শ্রীমান্ সংসরন্নপি শোভতে ॥১৮-২৬॥

নানাবিচারসুশ্রাংতো ধীরো বিশ্রাংতিমাগতঃ ।
ন কল্পতে ন জানাতি ন শৃণোতি ন পশ্যতি ॥১৮-২৭॥

অসমাধেরবিক্ষেপান্ ন মুমুক্ষুর্ন চেতরঃ ।
নিশ্চিত্য কল্পিতং পশ্যন্ ব্রহ্মৈবাস্তে মহাশয়ঃ ॥২৮॥

যস্যাংতঃ স্যাদহংকারো ন করোতি করোতি সঃ ।
নিরহংকারধীরেণ ন কিঞ্চিদকৃতং কৃতম্ ॥১৮-২৯॥

নোদ্বিগ্নং ন চ সংতুষ্টমকর্তৃ স্পংদবর্জিতম্ ।
নিরাশং গতসংদেহং চিত্তং মুক্তস্য রাজতে ॥১৮-৩০॥

নির্ধ্য়াতুং চেষ্টিতুং বাপি যচ্চিত্তং ন প্রবর্ততে ।
নির্নিমিত্তমিদং কিংতু নির্ধ্যায়েতি বিচেষ্টতে ॥১৮-৩১॥

তত্ত্বং যথার্থমাকর্ণ্য মংদঃ প্রাপ্নোতি মূঢতাম্ ।
অথবা যাতি সংকোচমমূঢঃ কোঽপি মূঢবত্ ॥১৮-৩২॥

একাগ্রতা নিরোধো বা মূঢৈরভ্যস্যতে ভৃশম্ ।
ধীরাঃ কৃত্যং ন পশ্যংতি সুপ্তবত্স্বপদে স্থিতাঃ ॥৩৩॥

অপ্রযত্নাত্ প্রযত্নাদ্ বা মূঢো নাপ্নোতি নির্বৃতিম্ ।
তত্ত্বনিশ্চযমাত্রেণ প্রাজ্ঞো ভবতি নির্বৃতঃ ॥১৮-৩৪॥

শুদ্ধং বুদ্ধং প্রিয়ং পূর্ণং নিষ্প্রপঞ্চং নিরাময়ম্ ।
আত্মানং তং ন জানন্তি তত্রাভ্যাসপরা জনাঃ ॥৩৫॥

নাপ্নোতি কর্মণা মোক্ষং বিমূঢোঽভ্যাসরূপিণা ।
ধন্য়ো বিজ্ঞানমাত্রেণ মুক্তস্তিষ্ঠত্যবিক্রিয়ঃ ॥১৮-৩৬॥

মূঢো নাপ্নোতি তদ্ ব্রহ্ম যতো ভবিতুমিচ্ছতি ।
অনিচ্ছন্নপি ধীরো হি পরব্রহ্মস্বরূপভাক্ ॥১৮-৩৭॥

নিরাধারা গ্রহব্যগ্রা মূঢাঃ সংসারপোষকাঃ ।
এতস্য়ানর্থমূলস্য মূলচ্ছেদঃ কৃতো বুধৈঃ ॥১৮-৩৮॥

ন শাংতিং লভতে মূঢো যতঃ শমিতুমিচ্ছতি ।
ধীরস্তত্ত্বং বিনিশ্চিত্য সর্বদা শান্তমানসঃ ॥১৮-৩৯॥

ক্বাত্মনো দর্শনং তস্য যদ্ দৃষ্টমবলংবতে ।
ধীরাস্তং তং ন পশ্যন্তি পশ্যংত্য়াত্মানমব্যযম্ ॥৪০॥

ক্ব নিরোধো বিমূঢস্য যো নির্বংধং করোতি বৈ ।
স্বারামস্যৈব ধীরস্য সর্বদাসাবকৃত্রিমঃ ॥১৮-৪১॥

ভাবস্য ভাবকঃ কশ্চিন্ ন কিঞ্চিদ্ ভাবকোপরঃ ।
উভয়াভাবকঃ কশ্চিদ্ এবমেব নিরাকুলঃ ॥১৮-৪২॥

শুদ্ধমদ্বযমাত্মানং ভাবয়ন্তি কুবুদ্ধয়ঃ ।
ন তু জানন্তি সংমোহাদ্যাবজ্জীবমনির্বৃতাঃ ॥১৮-৪৩॥

মুমুক্ষোর্বুদ্ধিরালংবমংতরেণ ন বিদ্যতে ।
নিরালংবৈব নিষ্কামা বুদ্ধির্মুক্তস্য সর্বদা ॥১৮-৪৪॥

বিষযদ্বীপিনো বীক্ষ্য় চকিতাঃ শরণার্থিনঃ ।
বিশন্তি ঝটিতি ক্রোডং নিরোধৈকাগ্রসিদ্ধয়ে ॥১৮-৪৫॥

নির্বাসনং হরিং দৃষ্ট্বা তূষ্ণীং বিষয়দন্তিনঃ ।
পলায়ন্তে ন শক্তাস্তে সেবন্তে কৃতচাটবঃ ॥১৮-৪৬॥

ন মুক্তিকারিকাং ধত্তে নিঃশংকো যুক্তমানসঃ ।
পশ্যন্ শৃণ্বন্ স্পৃশন্ জিঘ্রন্নশ্নন্নাস্তে যথাসুখম্ ॥৪৭॥

বস্তুশ্রবণমাত্রেণ শুদ্ধবুদ্ধির্নিরাকুলঃ ।
নৈবাচারমনাচারমৌদাস্যং বা প্রপশ্যতি ॥১৮-৪৮॥

যদা যত্কর্তুমায়াতি তদা তত্কুরুতে ঋজুঃ ।
শুভং বাপ্যশুভং বাপি তস্য় চেষ্টা হি বালবত্ ॥ 18-49॥

স্বাতংত্র্য়াত্সুখমাপ্নোতি স্বাতংত্র্য়াল্লভতে পরম্ ।
স্বাতংত্র্য়ান্নির্বৃতিং গচ্ছেত্স্বাতংত্র্যাত্ পরমং পদম্ ॥ ১৮-৫০ ॥

অকর্তৃত্বমভোক্তৃত্বং স্বাত্মনো মন্যতে যদা ।
তদা ক্ষীণা ভবংত্য়েব সমস্তাশ্চিত্তবৃত্তয়ঃ ॥১৮-৫১॥

উচ্ছৃংখলাপ্যকৃতিকা স্থিতির্ধীরস্য রাজতে ।
ন তু সস্পৃহচিত্তস্য শাংতির্মূঢস্য কৃত্রিমা ॥১৮-৫২॥

বিলসংতি মহাভোগৈর্বিশংতি গিরিগহ্বরান্ ।
নিরস্তকল্পনা ধীরা অবদ্ধা মুক্তবুদ্ধয়ঃ ॥১৮-৫৩॥

শ্রোত্রিয়ং দেবতাং তীর্থমংগনাং ভূপতিং প্রিয়ম্ ।
দৃষ্ট্বা সংপূজ্য় ধীরস্য ন কাপি হৃদি বাসনা ॥১৮-৫৪॥

ভৃত্য়ৈঃ পুত্রৈঃ কলত্রৈশ্চ দৌহিত্রৈশ্চাপি গোত্রজৈঃ ।
বিহস্য় ধিক্কৃতো যোগী ন যাতি বিকৃতিং মনাক্ ॥৫৫॥

সংতুষ্টোঽপি ন সংতুষ্টঃ খিন্নোঽপি ন চ খিদ্যতে ।
তস্য়াশ্চর্যদশাং তাং তাং তাদৃশা এব জানতে ॥৫৬॥

কর্তব্যতৈব সংসারো ন তাং পশ্যন্তি সূরয়ঃ ।
শূন্য়াকারা নিরাকারা নির্বিকারা নিরাময়াঃ ॥১৮-৫৭॥

অকুর্বন্নপি সংক্ষোভাদ্ ব্যগ্রঃ সর্বত্র মূঢ়ধীঃ ।
কুর্বন্নপি তু কৃত্য়ানি কুশলো হি নিরাকুলঃ ॥১৮-৫৮॥

সুখমাস্তে সুখং শেতে সুখমায়াতি যাতি চ ।
সুখং বক্তি সুখং ভুংক্তে ব্যবহারেঽপি শান্তধীঃ ॥৫৯॥

স্বভাবাদ্যস্য নৈবার্তির্লোকবদ্ ব্যবহারিণঃ ।
মহাহ্রদ ইবাক্ষোভ্য়ো গতক্লেশঃ সুশোভতে ॥১৮-৬০॥

নিবৃত্তিরপি মূঢস্য় প্রবৃত্তি রুপজায়তে ।
প্রবৃত্তিরপি ধীরস্য নিবৃত্তিফলভাগিনী ॥১৮-৬১॥

পরিগ্রহেষু বৈরাগ্যং প্রায়ো মূঢস্য দৃশ্যতে ।
দেহে বিগলিতাশস্য ক্ব রাগঃ ক্ব বিরাগতা ॥১৮-৬২॥

ভাবনাভাবনাসক্তা দৃষ্টির্মূঢস্য সর্বদা ।
ভাব্যভাবনয়া সা তু স্বস্থস্যাদৃষ্টিরূপিণী ॥১৮-৪৩॥

সর্বারংভেষু নিষ্কামো যশ্চরেদ্ বালবন্ মুনিঃ ।
ন লেপস্তস্য শুদ্ধস্য ক্রিযমাণেঽপি কর্মণি ॥১৮-৬৪॥

স এব ধন্য আত্মজ্ঞঃ সর্বভাবেষু যঃ সমঃ ।
পশ্যন্ শৃণ্বন্ স্পৃশন্ জিঘ্রন্ন্ অশ্নন্নিস্তর্ষমানসঃ ॥৬৫॥

ক্ব সংসারঃ ক্ব চাভাসঃ ক্ব সাধ্য়ং ক্ব চ সাধনম্ ।
আকাশস্যেব ধীরস্য নির্বিকল্পস্য সর্বদা ॥১৮-৬৬॥

স জযত্যর্থসংন্যাসী পূর্ণস্বরসবিগ্রহঃ ।
অকৃত্রিমোঽনবচ্ছিন্নে সমাধির্যস্য বর্ততে ॥১৮-৬৭॥

বহুনাত্র কিমুক্তেন জ্ঞাততত্ত্বো মহাশয়ঃ ।
ভোগমোক্ষনিরাকাংক্ষী সদা সর্বত্র নীরসঃ ॥১৮-৬৮॥

মহদাদি জগদ্দ্বৈতং নামমাত্রবিজৃংভিতম্ ।
বিহায় শুদ্ধবোধস্য কিং কৃত্যমবশিষ্যতে ॥১৮-৬৯॥

ভ্রমভূতমিদং সর্বং কিংচিন্নাস্তীতি নিশ্চয়ী ।
অলক্ষ্যস্ফুরণঃ শুদ্ধঃ স্বভাবেনৈব শাম্যতি ॥১৮-৭০॥

শুদ্ধস্ফুরণরূপস্য দৃশ্যভাবমপশ্যতঃ ।
ক্ব বিধিঃ ক্ব চ বৈরাগ্যং ক্ব ত্যাগঃ ক্ব শমোঽপি বা ॥৭১॥

স্ফুরতোঽনংতরূপেণ প্রকৃতিং চ ন পশ্যতঃ ।
ক্ব বংধঃ ক্ব চ বা মোক্ষঃ ক্ব হর্ষঃ ক্ব বিষাদিতা ॥১৮-৭২॥

বুদ্ধিপর্য়ংতসংসারে মায়ামাত্রং বিবর্ততে ।
নির্মমো নিরহংকারো নিষ্কামঃ শোভতে বুধঃ ॥১৮-৭৩॥

অক্ষয়ং গতসংতাপমাত্মানং পশ্যতো মুনেঃ ।
ক্ব বিদ্যা চ ক্ব বা বিশ্বং ক্ব দেহোঽহং মমেতি বা ॥৭৪॥

নিরোধাদীনি কর্মাণি জহাতি জডধীর্যদি ।
মনোরথান্ প্রলাপাংশ্চ কর্তুমাপ্নোত্যতত্ক্ষণাত্ ॥৭৫॥

মন্দঃ শ্রুত্বাপি তদ্বস্তু ন জহাতি বিমূঢ়তাম্ ।
নির্বিকল্পো বহির্যত্নাদংতর্বিষয়লালসঃ ॥১৮-৭৬॥

জ্ঞানাদ্ গলিতকর্মা যো লোকদৃষ্টয়াপি কর্মকৃত্ ।
নাপ্নোত্যবসরং কর্তুং বক্তুমেব ন কিংচন ॥১৮-৭৭॥

ক্ব তমঃ ক্ব প্রকাশো বা হানং ক্ব চ ন কিংচন ।
নির্বিকারস্য ধীরস্য নিরাতংকস্য সর্বদা ॥১৮-৭৮॥

ক্ব ধৈর্য়ং ক্ব বিবেকিত্বং ক্ব নিরান্তকতাপি বা ।
অনির্বাচ্যস্বভাবস্য নিঃস্বভাবস্য যোগিনঃ ॥১৮-৭৯॥

ন স্বর্গো নৈব নরকো জীবন্মুক্তির্ন চৈব হি ।
বহুনাত্র কিমুক্তেন যোগদৃষ্টয়া ন কিঞ্চন ॥১৮-৮০॥

নৈব প্রার্থয়তে লাভং নালাভেনানুশোচতি ।
ধীরস্য শীতলং চিত্তমমৃতেনৈব পূরিতম্ ॥১৮-৮১॥

ন শান্তং স্তৌতি নিষ্কামো ন দুষ্টমপি নিন্দতি ।
সমদুঃখসুখস্তৃপ্তঃ কিংচিত্ কৃত্য়ং ন পশ্যতি ॥১৮-৮২॥

ধীরো ন দ্বেষ্টি সংসারমাত্মানং ন দিদৃক্ষতি ।
হর্ষামর্ষবিনির্মুক্তো ন মৃতো ন চ জীবতি ॥১৮-৮৩॥

নিঃস্নেহঃ পুত্রদারাদৌ নিষ্কামো বিষয়েষু চ ।
নিশ্চিংতঃ স্বশরীরেঽপি নিরাশঃ শোভতে বুধঃ ॥৮৪॥

তুষ্টিঃ সর্বত্র ধীরস্য যথাপতিতবর্তিনঃ ।
স্বচ্ছন্দং চরতো দেশান্ যত্রস্তমিতশায়িনঃ ॥১৮-৮৫॥

পততূদেতু বা দেহো নাস্য চিন্তা মহাত্মনঃ ।
স্বভাবভূমিবিশ্রাংতিবিস্মৃতাশেষসংসৃতেঃ ॥১৮-৮৬॥

অকিঞ্চনঃ কামচারো নির্দ্বংদ্বশ্ছিন্নসংশয়ঃ ।
অসক্তঃ সর্বভাবেষু কেবলো রমতে বুধঃ ॥১৮-৮৭॥

নির্মমঃ শোভতে ধীরঃ সমলোষ্টাশ্মকাংচনঃ ।
সুভিন্নহৃদয়গ্রংথির্বিনির্ধূতরজস্তমঃ ॥১৮-৮৮॥

সর্বত্রানবধানস্য ন কিঞ্চিদ্ বাসনা হৃদি ।
মুক্তাত্মনো বিতৃপ্তস্য তুলনা কেন জায়তে ॥১৮-৮৯॥

জানন্নপি ন জানাতি পশ্যন্নপি ন পশ্যতি ।
ব্রুবন্ন্ অপি ন চ ব্রূতে কোঽন্যো নির্বাসনাদৃতে ॥৯০॥

ভিক্ষুর্বা ভূপতির্বাপি যো নিষ্কামঃ স শোভতে ।
ভাবেষু গলিতা যস্য শোভনাশোভনা মতিঃ ॥১৮-৯১॥

ক্ব স্বাচ্ছংদ্য়ং ক্ব সংকোচঃ ক্ব বা তত্ত্ববিনিশ্চয়ঃ ।
নির্ব্য়াজার্জবভূতস্য চরিতার্থস্য যোগিনঃ ॥১৮-৯২॥

আত্মবিশ্রাংতিতৃপ্তেন নিরাশেন গতার্তিনা ।
অংতর্যদনুভূয়েত তত্ কথং কস্য কথ্যতে ॥১৮-৯৩॥

সুপ্তোঽপি ন সুষুপ্তৌ চ স্বপ্নেঽপি শয়িতো ন চ ।
জাগরেঽপি ন জাগর্তি ধীরস্তৃপ্তঃ পদে পদে ॥১৮-৯৪॥

জ্ঞঃ সচিংতোঽপি নিশ্চিন্তঃ সেংদ্রিয়োঽপি নিরিংদ্রিয়ঃ
সুবুদ্ধিরপি নির্বুদ্ধিঃ সাহংকারোঽনহংকৃতিঃ ॥১৮-৯৫॥

ন সুখী ন চ বা দুঃখী ন বিরক্তো ন সঙ্গবান্ ।
ন মুমুক্ষুর্ন বা মুক্তা ন কিংচিন্ন চ কিঞ্চন ॥১৮-৯৬॥

বিক্ষেপেঽপি ন বিক্ষিপ্তঃ সমাধৌ ন সমাধিমান্ ।
জাড্য়েঽপি ন জডো ধন্যঃ পান্ডিত্যেঽপি ন পন্ডিতঃ ॥ ১৮-৯৭ ॥

মুক্তো যথাস্থিতিস্বস্থঃ কৃতকর্তব্যনির্বৃতঃ ।
সমঃ সর্বত্র বৈতৃষ্ণ্যান্ন স্মরত্যকৃতং কৃতম্ ॥১৮-৯৮॥

ন প্রীয়তে বংদ্যমানো নিংদ্যমানো ন কুপ্যতি ।
নৈবোদ্বিজতি মরণে জীবনে নাভিনন্দতি ॥১৮-৯৯॥

ন ধাবতি জনাকীর্ণং নারণ্যমুপশান্তধীঃ ।
যথাতথা যত্রতত্র সম এবাবতিষ্ঠতে ॥১৮-১০০॥

অষ্টাদশ অধ্যায়ের প্রধান শিক্ষা :
১. নির্ভয় ও শীতল চিত্ত: ধীর বা জ্ঞানী ব্যক্তির চিত্ত অমৃতের ন্যায় শীতল এবং সর্বদা নিরাতঙ্ক (ভয়হীন) থাকে ।
২. সমতা: জ্ঞানী ব্যক্তি শান্ত হন এবং তিনি নিন্দা বা স্তুতিতে বিচলিত হন না। সুখ ও দুঃখ তার কাছে সমান।
৩. সংসার ও দেহবোধ: তিনি সংসারকে ঘৃণা করেন না, আবার তার প্রতি আসক্তও হন না। তিনি হর্ষ-অর্ষ (আনন্দ-শোক) থেকে মুক্ত এবং দেহের প্রতি কোনো মমতা বা চিন্তা তার থাকে না ।
৪. বাসনাহীনতা: জ্ঞানীর হৃদয়ে কোনো বাসনা থাকে না। তিনি পুত্র, স্ত্রী বা বিষয়ের প্রতি নিঃস্নেহ (আসক্তিহীন) ।
৫. সর্বত্র তৃপ্তি: জ্ঞানী সর্বদা তৃপ্ত থাকেন এবং তিনি যেখানেই থাকুন বা যা-ই করুন, আত্মস্বরূপে প্রতিষ্ঠিত থাকেন ।
৬. সাম্যদৃষ্টি: তিনি মাটি, পাথর বা সোনাকে একই দৃষ্টিতে দেখেন ।

সারকথা:
অষ্টাবক্র গীতার এই অধ্যায়টি অদ্বৈত বেদান্তের সর্বোচ্চ স্তর—অর্থাৎ “আমিই ব্রহ্ম” এই অনুভূতির বর্ণনা দেয়। এখানে কোনো কর্তব্য, নৈতিকতা বা ধর্মাধর্মের স্থান নেই; কেবল আত্মায় অবিরাম স্থিত থাকাই হলো আসল মুক্তির পথ ৷।