মহা সৌর মন্ত্র : শারীরিক ও মানসিক স্বাস্থ্য, রোগ মুক্তি, অকাল মৃত্যু থেকে রক্ষা এবং আধ্যাত্মিক উন্নতির জন্য

মহা সৌর মন্ত্র বা মহাসৌরম হলো ঋগ্বেদের সূর্যদেবের একটি অত্যন্ত শক্তিশালী ও প্রাচীন স্তোত্র, যা সূর্য দেবতাকে উৎসর্গ করে গাওয়া হয়। এটি প্রধানত শারীরিক ও মানসিক স্বাস্থ্য, রোগ মুক্তি, অকাল মৃত্যু থেকে রক্ষা এবং আধ্যাত্মিক উন্নতির জন্য জপ করা হয়।

উদু ত্যং জাতবেদসং দেবং-বহন্তি কেতবঃ ।
দৃশে বিশ্বায় সূর্য়ম্ ॥ ১।।

অপ ত্য়ে তায়বো যথা নক্ষত্রা যন্তয়ক্তুভিঃ ।
সূরায় বিশ্বচক্ষসে ॥২।।

অদৃশ্রমস্য কেতবো বি রশ্ময়ো জনাঙ্ অনু ।
ভ্রাজংতো অগ্নয়ো যথা ॥ ৩।।

তরণির্বিশ্বদর্​শতো জয়োতিষ্কৃদসি সূর্য় ।
বিশ্বমা ভাসি রোচনম্ ॥৪।।

প্রত্যঙ্ দেবানাং বিশঃ প্রত্যঙ্ঙুদেষি মানুষান্ ।
প্রত্যঙ্বিশ্বং স্বর্দৃশে ॥ ৫।।

যেনা পাবক চক্ষসা ভুরণ্যংতং জনা অনু ।
ত্বং-বরুণ পশ্যসি ॥ ৬।।

বি দ্যামেষি রজস্পৃথ্বহা মিমানো অক্তুভিঃ ।
পশ্যংজন্মানি সূর্য় ॥ ৭।।

সপ্ত ত্বা হরিতো রথে বহংতি দেব সূর্য় ।
শোচিষ্কেশং-বিচক্ষণ ॥ ৮।।

অয়ুক্ত সপ্ত শুংধ্য়ুবঃ সূরো রথস্য নপ্ত্য়ঃ ।
তাভির্য়াতি স্বয়ুক্তিভিঃ ॥ ৯।।

উদ্বয়ং তমসস্পরি॒ জ্য়োতিষ্পশ্য়ংত উত্তরম্ ।
দেবং দে॑বত্রা সূর্য়মগন্ম জ্য়োতিরুত্তমম্ ॥ ১০।।

উদ্যন্নদ্য মিত্রমহ আরোহন্নুত্তরাং দিবম্ ।
হৃদ্রোগং মম সূর্য় হরিমাণং চ নাশয় ॥ ১১।।

শুকেষু মে হরিমাণং রোপণাকাসু দধ্মসি ।
অথো হারিদ্রবেষু মে হরিমাণং নি দধ্মসি ॥ ১২।।

উদগাদয়মাদিত্য়ো বিশ্বেন সহসা সহ ।
দ্বিষংতং মহ্য়ং রংধয়ন্মো অহং দ্বিষতে রধম্ ॥ ১৩।।

(1-115-01)
চিত্রং দেবানামুদগাদনীকং চক্ষুর্মিত্রস্য বরুণস্যাগ্নেঃ ।
আপ্রা দ্যাবাপৃথিবী অন্তরিক্ষং সূর্য় আত্মা জগতস্তস্থুষশ্চ ॥ ১৪।।

সূর্য়ো দেবীমুষসং রোচমানাং মর্য়ো ন যোষামভ্য়েতি পশ্চাত্ ।
যত্রা নরো দেবয়ংতো যু॒গানি বিতন্বতে প্রতি ভদ্রায় ভ॒দ্রম্ ॥ ১৫।।

ভদ্রা অশ্বা হরিতঃ সূর্য়স্য চিত্রা এতগ্বা অনু॒মাদ্যাসঃ ।
নমস্যংতো দিব আ পৃষ্ঠমস্থুঃ॒ পরি দ্যাবাপৃথিবী যন্তি সদ্যঃ ॥ ১৬।।

তত্সূর্য়স্য দেবত্বং তন্মহিত্বং মধ্যা কর্তোর্বিততং সং জভার ।
যদেদয়ুক্ত হরিতঃ সধস্থাদাদ্রাত্রী বাসস্তনুতে সিমস্মৈ ॥ ১৭।।

তন্মিত্রস্য বরুণস্যাভিচক্ষে সূর্য়ো রূপং কৃণুতে দ্য়োরুপস্থে ।
অনন্তমন্যদ্রুশদস্য পাজঃ কৃষ্ণমন্যদ্ধরিতঃ সং ভরন্তি ॥১৮।।

অদ্যা দেবা উদিতা সূর্য়স্য নিরংহসঃ পিপৃতা নিরবদ্যাত্
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥ ১৯।।

(1-164-46)
ইংদ্রং মিত্রং-বরুণমগ্নিমাহুরথো দি॒ব্যঃ স সু॑প॒র্ণো গ॒রুত্মা॑ন্ ।
একং॒ সদ্বিপ্রা॑ বহু॒ধা ব॑দংত্য়॒গ্নিং-য়ঁ॒মং মা॑ত॒রিশ্বা॑নমাহুঃ ॥ ২০।।

কৃ॒ষ্ণং নি॒য়ানং॒ হর॑য়ঃ সুপ॒র্ণা অ॒পো বসা॑না॒ দিব॒মুত্প॑তংতি ।
ত আব॑বৃত্রং॒ত্সদ॑নাদৃ॒তস্য়াদিদ্ঘৃ॒তেন॑ পৃথি॒বী ব্য়ু॑দ্যতে ॥ ২১।।

(4-040-05)
হং॒সঃ শু॑চি॒ষদ্বসু॑রংতরিক্ষ॒সদ্ধোতা॑ বেদি॒ষদতি॑থির্দুরোণ॒সত্ ।
নৃ॒ষদ্ব॑র॒সদৃ॑ত॒সদ্ব্য়ো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒তম্ ॥ ২২।।

(5-040-05)
যত্ত্বা॑ সূর্য়॒ স্ব॑র্ভানু॒স্তম॒সাবি॑ধ্যদাসু॒রঃ ।
অক্ষে॑ত্রবি॒দ্যথা॑ মু॒গ্ধো ভুব॑নান্যদীধয়ুঃ ॥ ২৩।।

(7-060-01)
যদ॒দ্য সূ॑র্য়॒ ব্রবোঽনা॑গা উ॒দ্যন্মি॒ত্রায়॒ বরু॑ণায় স॒ত্যম্ ।
ব॒য়ং দে॑ব॒ত্রাদি॑তে স্যাম॒ তব॑ প্রি॒য়াসো॑ অর্যমনগৃণংতঃ॑ ॥ ২৪।।

(7-062-01)
উত্সূর্য়ো॑ বৃ॒হদ॒র্চীংষ্য়॑শ্রেত্পু॒রু বিশ্বা॒ জনি॑ম॒ মানু॑ষাণাম্
স॒মো দি॒বা দ॑দৃশে॒ রোচ॑মানঃ॒ ক্রত্বা॑ কৃ॒তঃ সুকৃ॑তঃ ক॒র্তৃভি॑র্ভূত্ ॥ ২৫।।

স সূ॑র্য়॒ প্রতি॑ পু॒রো ন॒ উদ্গা॑ এ॒ভিঃ স্তোমে॑ভিরেত॒শেভি॒রেবৈঃ॑ ।
প্র নো॑ মি॒ত্রায়॒ বরু॑ণায় বো॒চোঽনা॑গসো অর্য়॒ম্ণে অ॒গ্নয়ে॑ চ ॥ ২৬।।

বি নঃ॑ স॒হস্রং॑ শু॒রুধো॑ রদংত্বৃ॒তাবা॑নো॒ বরু॑ণো মি॒ত্রো অ॒গ্নিঃ ।
যচ্ছং॑তু চং॒দ্রা উ॑প॒মং নো॑ অ॒র্কমা নঃ॒ কামং॑ পূপুরংতু॒ স্তবা॑নাঃ ॥ ২৭।।

(7-063-01)
উদ্বে॑তি সু॒ভগো॑ বি॒শ্বচ॑ক্ষাঃ॒ সাধা॑রণঃ॒ সূর্য়ো॒ মানু॑ষাণাম্ ।
চক্ষু॑র্মি॒ত্রস্য বরু॑ণস্য দে॒বশ্চর্মে॑ব॒ যঃ স॒মবি॑ব্যক্তমাং॑সি ॥ ২৮।।

উদ্বে॑তি প্রসবী॒তা জনা॑নাং ম॒হান্কে॒তুর॑র্ণ॒বঃ সূর্য়॑স্য ।
স॒মা॒নং চ॒ক্রং প॑র্য়া॒বিবৃ॑ত্স॒ন্যদে॑ত॒শো বহ॑তি ধূ॒র্​ষু যু॒ক্তঃ ॥ ২৯।।

বি॒ভ্রাজ॑মান উ॒ষসা॑মু॒পস্থা॑দ্রে॒ভৈরুদে॑ত্যনুম॒দ্যমা॑নঃ ।
এ॒ষ মে॑ দে॒বঃ স॑বি॒তা চ॑চ্ছংদ॒ যঃ স॑মা॒নং ন প্র॑মি॒নাতি॒ ধাম॑ ॥ ৩০।।

দি॒বো রু॒ক্ম উ॑রু॒চক্ষা॒ উদে॑তি দূ॒রে অ॑র্থস্ত॒রণি॒র্ভ্রাজ॑মানঃ
নূ॒নং জনাঃ॒ সূর্য়ে॑ণ॒ প্রসূ॑তা॒ অয়॒ন্নর্থা॑নি কৃ॒ণব॒ন্নপাং॑সি ॥ ৩১।।

যত্রা॑ চ॒ক্রুর॒মৃতা॑ গা॒তুম॑স্মৈ শ্য়ে॒নো ন দীয়॒ন্নন্বে॑তি॒ পাথঃ॑ ॥ ৩২।।

(7-066-14)
উদু॒ ত্যদ্দ॑র্​শ॒তং-বঁপু॑র্দি॒ব এ॑তি প্রতিহ্ব॒রে ।
যদী॑মা॒শুর্বহ॑তি দে॒ব এত॑শো॒ বিশ্ব॑স্মৈ॒ চক্ষ॑সে॒ অর॑ম্ ॥ ৩৩।।

শী॒র্​ষ্ণঃ শী॑র্​ষ্ণো॒ জগ॑তস্ত॒স্থুষ॒স্পতিং॑ স॒ময়া॒ বিশ্ব॒মা রজঃ॑ ।
স॒প্ত স্বসা॑রঃ সুবি॒তায়॒ সূর্য়ং॒ বহং॑তি হ॒রিতো॒ রথে॑ ॥ ৩৪।।

তচ্চক্ষু॑র্দে॒বহি॑তং শু॒ক্রমু॒চ্চর॑ত্ ।
পশ্য়ে॑ম শ॒রদঃ॑ শ॒তং জীবে॑ম শ॒রদঃ॑ শ॒তম্ ॥ ৩৫।।

(8-101-11)
বণ্ম॒হাঁ অ॑সি সূর্য়॒ বলা॑দিত্য় ম॒হাঁ অ॑সি ।
ম॒হস্তে॑ স॒তো ম॑হি॒মা প॑নস্যতে॒ঽদ্ধা দে॑ব ম॒হাঁ অ॑সি ॥ ৩৬।।

বট্ সূ॑র্য়॒ শ্রব॑সা ম॒হাঁ অ॑সি স॒ত্রা দে॑ব ম॒হাঁ অ॑সি ।
ম॒হ্না দে॒বানা॑মসু॒র্য়ঃ॑ পু॒রোহি॑তো বি॒ভু জ্য়োতি॒রদা॑ভ্যম্ ॥ ৩৭।।

(10-037-01)
নমো॑ মি॒ত্রস্য বরু॑ণস্য চক্ষ॑সে ম॒হো দে॒বায়॒ তদৃ॒তং স॑পর্যত ।
দূ॒রে॒দৃশে॑ দে॒বজা॑তায় কে॒তবে॑ দি॒বস্পু॒ত্রায়॒ সূর্য়া॑য় শংসত ॥ ৩৮।।

সা মা॑ স॒ত্য়োক্তিঃ॒ পরি॑ পাতু বি॒শ্বতো॒ দ্যাবা॑ চ॒ যত্র॑ ত॒তন॒ন্নহা॑নি চ ।
বিশ্ব॑ম॒ন্যন্নি বি॑শতে॒ যদেজ॑তি বি॒শ্বাহাপো॑ বি॒শ্বাহোদে॑তি॒ সূর্য়ঃ॑ ॥ ৩৯।।

ন তে॒ অদে॑বঃ প্র॒দিবো॒ নি বা॑সতে॒ যদে॑ত॒শেভিঃ॑ পত॒রৈ র॑থ॒র্যসি॑ ।
প্রা॒চীন॑ম॒ন্যদনু॑ বর্ততে॒ রজ॒ উদ॒ন্য়েন॒ জ্য়োতি॑ষা যাসি সূর্য় ॥ ৪০।।

যেন॑ সূর্য়॒ জ্য়োতি॑ষা॒ বাধ॑সে॒ তমো॒ জগ॑চ্চ॒ বিশ্ব॑মুদি॒যর্​ষি॑ ভা॒নুনা॑ ।
তেনা॒স্মদ্বিশ্বা॒মনি॑রা॒মনা॑হুতি॒মপামী॑বা॒মপ॑ দু॒ষ্বপ্ন্য়ং॑ সুব ॥ ৪১।।

বিশ্ব॑স্য হি প্রেষি॑তো॒ রক্ষ॑সি ব্র॒তমহে॑লযন্নু॒চ্চর॑সি স্ব॒ধা অনু॑ ।
যদ॒দ্য ত্বা॑ সূর্য়োপ॒ব্রবা॑মহৈ॒ তং নো॑ দে॒বা অনু॑ মংসীরত॒ ক্রতু॑ম্ ॥ ৪২।।

তং নো॒ দ্যাবা॑পৃথি॒বী তন্ন॒ আপ॒ ইংদ্রঃ॑ শৃণ্বংতু ম॒রুতো॒ হবং॒ বচঃ॑ ।
মা শূনে॑ ভূম॒ সূর্য়॑স্য সং॒দৃশি॑ ভ॒দ্রং জীবন্তো জরণামশীমহি ॥ ৪৩।।

বি॒শ্বাহা॑ ত্বা সু॒মন॑সঃ সু॒চক্ষ॑সঃ প্র॒জাবং॑তো অনমী॒বা অনা॑গসঃ ।
উ॒দ্য়ংতং॑ ত্বা মিত্রমহো দি॒বেদি॑বে॒ জ্য়োগ্ জী॒বাঃ প্রতি॑ পশ্যেম সূর্য় ॥ ৪৪।।

মহি॒ জ্য়োতি॒র্বিভ্র॑তং ত্বা বিচক্ষণ॒ ভাস্বং॑তং॒ চক্ষু॑ষে চক্ষুষে॒ ময়ঃ॑ ।
আ॒রোহং॑তং বৃহ॒তঃ পাজ॑স॒স্পরি॑ ব॒য়ং জী॒বাঃ প্রতি॑ পশ্যেম সূর্য় ॥ ৪৫।।

যস্য়॑ তে॒ বিশ্বা॒ ভুব॑নানি কে॒তুনা॒ প্র চের॑তে॒ নি চ॑ বি॒শংতে॑ অ॒ক্তুভিঃ॑ ।
অ॒না॒গা॒স্ত্বেন॑ হরিকেশ সূ॒র্য়াহ্না॑হ্না নো॒ বস্য়॑সাবস্য়॒সোদি॑হি ॥ ৪৬।।

শং নো॑ ভব॒ চক্ষ॑সা॒ শং নো॒ অহ্না॒ শং ভা॒নুনা॒ শং হি॒মা শং ঘৃ॒ণেন॑ ।
যথা॒ শমধ্বং॒ছমস॑দ্দুরো॒ণে তত্সূ॑র্য়॒ দ্রবি॑ণং ধেহি চি॒ত্রম্ ॥ ৪৮।।

অ॒স্মাকং॑ দেবা উ॒ভয়া॑য়॒ জন্ম॑নে॒ শর্ম॑ যচ্ছত দ্বি॒পদে॒ চতু॑ষ্পদে ।
অ॒দত্পিব॑দূ॒র্জয়॑মান॒মাশি॑তং॒ তদ॒স্মে শং-য়োঁর॑র॒পো দ॑ধাতন ॥ ৪৮।।

যদ্বো॑ দেবাশ্চকৃ॒ম জি॒হ্বয়া॑ গু॒রু মন॑সো বা॒ প্রয়ু॑তী দেব॒হেল॑নম্ ।
অরা॑বা॒ যো নো॑ অ॒ভি দু॑চ্ছুনা॒য়তে॒ তস্মিং॒তদেনো॑ বসবো॒ নি ধে॑তন ॥ ৪৯।।

(10-158-01)
সূর্য়ো॑ নো দি॒বস্পা॑তু॒ বাতো॑ অং॒তরি॑ক্ষাত্ ।
অ॒গ্নির্নঃ॒ পার্থি॑বেভ্য়ঃ ॥ ৫০।।

জোষা॑ সবিত॒র্যস্য তে॒ হরঃ॑ শ॒তং স॒বাঁ অর্​হ॑তি ।
পা॒হি নো॑ দি॒দ্যুতঃ॒ পতংন্তয়াঃ ॥ ৫১।।

চক্ষু॑র্নো দে॒বঃ স॑বি॒তা চক্ষু॑র্ন উ॒ত পর্ব॑তঃ ।
চক্ষু॑র্ধা॒তা দ॑ধাতু নঃ ॥ ৫২।।

চক্ষু॑র্নো ধেহি॒ চক্ষু॑ষে॒ চক্ষু॑র্বি॒খ্য়ৈ ত॒নূভ্য়ঃ॑ ।
সং চে॒দং-বিঁ চ॑ পশ্যেম ॥ ৫৩।।

সু॒সং॒দৃশং॑ ত্বা ব॒য়ং প্রতি॑ পশ্যেম সূর্য় ।
বি প॑শ্যেম নৃ॒চক্ষ॑সঃ ॥ ৫৪।।

(10-170-01)
বি॒ভ্রাড্বৃ॒হত্পি॑বতু সো॒ম্যং মধ্বায়ুর্দধ॑দ্যজ্ঞপ॑তা॒ববি॑হ্রুতম্ ।
বাত॑জূতো॒ যো অ॑ভি॒রক্ষ॑তি॒ ত্মনা॑ প্র॒জাঃ পু॑পোষ পুরু॒ধা বি রা॑জতি ॥ ৫৫।।

বি॒ভ্রাড্বৃ॒হত্সুভৃ॑তং-বাঁজ॒সাত॑মং॒ ধর্মং॑দি॒বো ধ॒রুণে॑ স॒ত্যমর্পি॑তম্ ।
অ॒মি॒ত্র॒হা বৃ॑ত্র॒হা দ॑স্যুহংত॑মং॒ জ্য়োতি॑র্জজ্ঞে অসুর॒হা স॑পত্ন॒হা ॥ ৫৬।।

ই॒দং শ্রেষ্ঠং॒ জ্য়োতি॑ষাং॒ জ্য়োতি॑রুত্ত॒মং-বিঁ॑শ্ব॒জিদ্ধ॑ন॒জিদু॑চ্যতে বৃ॒হত্ ।
বি॒শ্ব॒ভ্রাড্ ভ্রা॒জো মহি॒ সূর্য়ো॑ দৃ॒শ উ॒রু প॑প্রথে॒ সহ॒ ওজো॒ অচ্যুতম্ ॥ ৫৭।।

বি॒ভ্রাজং॒জ্য়োতি॑ষা॒ স্ব॒রগ॑চ্ছো রোচ॒নং দি॒বঃ ।
যেনে॒মা বিশ্বা॒ ভুব॑না॒ন্যাভৃ॑তা বি॒শ্বক॑র্মণা বি॒শ্বদে॑ব্যাবতা ॥ ৫৮।।

(10-189-02)
আয়ং গৌঃ পৃশ্নি॑রক্রমী॒দস॑দন্মা॒তরং॑ পু॒রঃ ।
পি॒তরং॑ চ প্র॒য়ংত্স্বঃ॑ ॥ ৫৮।।

অং॒তশ্চ॑রতি রোচ॒নাস্য প্রা॒ণাদ॑পান॒তী ।
ব্য়॑খ্যন্মহি॒ষো দিব॑ম্ ॥৬০।।

ত্রিং॒শদ্ধাম॒ বি রা॑জতি॒ বাক্প॑তং॒গায়॑ ধীয়তে ।
প্রতি॒ বস্তো॒রহ॒ দ্যুভিঃ॑ ॥ ৬১।।

(10-190-01)
ঋ॒তং চ॑ স॒ত্যং চা॒ভী॑দ্ধা॒ত্তপ॒সোঽধ্যজায়ত ।
ততো॒ রাত্র্য়॑জাযত॒ ততঃ॑ সমু॒দ্রো অ॑র্ণ॒বঃ ॥ ৬২।।

স॒মু॒দ্রাদ॑র্ণ॒বাদধি॑ সং​বঁত্স॒রো অ॑জায়ত ।
অ॒হো॒রা॒ত্রাণি॑ বি॒দধ॒দ্বিশ্ব॑স্য মিষ॒তো ব॒শী ॥ ৬৩।।

সূ॒র্য়া॒চং॒দ্র॒মসৌ॑ ধা॒তা য॑থাপূ॒র্বম॑কল্পয়ত্ ।
দিবং॑ চ পৃথি॒বীং চাং॒তরি॑ক্ষ॒মথো॒ স্বঃ॑ ॥ ৬৪।।

(10-036-14)
স॒বি॒তা প॒শ্চাতা॑ত্সবি॒তা পু॒রস্তা॑ত্সবি॒তোত্ত॒রাত্তা॑ত্সবি॒তাধ॒রাত্তা॑ত্ ।
স॒বি॒তা নঃ॑ সুবতু স॒র্বতা॑তিং সবি॒তা নো॑ রাসতাং দী॒র্ঘমায়ুঃ॑ ॥ ৬৫।।

।। ইতি মহাসৌরমন্ত্রঃ ।।