শ্রী রাম রক্ষা স্তোত্রম : ভয়, উদ্বেগ ও শত্রু থেকে রক্ষা করে ঋষি বুদ্ধ কৌশিক রচিত এই স্তোত্র

শ্রী রাম রক্ষা স্তোত্রম হলো ঋষি বুদ্ধ কৌশিক রচিত একটি অত্যন্ত শক্তিশালী সংস্কৃত স্তোত্র, যা ভগবান রামের কাছে সুরক্ষার জন্য প্রার্থনা করে । এতে ৩৮টি শ্লোক রয়েছে, যা বিশ্বাস অনুসারে ভক্তের চারপাশে একটি ইতিবাচক ও সুরক্ষামূলক কবচ তৈরি করে এবং ভয়, উদ্বেগ ও শত্রু থেকে রক্ষা করে ।

উপকারিতা:

মানসিক শান্তি: ভয় ও উদ্বেগ দূর করে ।
সুরক্ষা কবচ: নেতিবাচক শক্তি থেকে রক্ষা করে ।
মনোবাসনা পূর্ণ: নিয়মিত পাঠে ইচ্ছাপূরণ হয় ।
নিয়মিত পাঠের জন্য এটি অত্যন্ত পবিত্র ও শক্তিশালী মনে করা হয় ।

শ্রী রাম রক্ষা স্তোত্রম

ওং অস্য শ্রী রামরক্ষা স্তোত্রমন্ত্রস্য
বুধকৌশিক ঋষিঃ
শ্রী সীতারাম চন্দ্রোদেবতা
অনুষ্টুপ্ ছন্দঃ
সীতা শক্তিঃ
শ্রীমদ্ হনুমান্ কীলকম্
শ্রীরামচন্দ্র প্রীত্যর্থে রামরক্ষা স্তোত্রজপে বিনিয়োগঃ ॥

ধ্যানম্
ধ্যায়েদাজানুবাহুং ধৃতশর ধনুষং বদ্ধ পদ্মাসনস্থং
পীতং বাসোবসানং নবকমল দলস্পর্থি নেত্রং প্রসন্নম্ ।
বামাংকারূঢ সীতামুখ কমলমিলল্লোচনং নীরদাভং
নানালংকার দীপ্তং দধতমুরু জটামণ্ডলং রামচন্দ্রম্ ॥

স্তোত্রম্
চরিতং রঘুনাথস্য শতকোটি প্রবিস্তরম্ ।
একৈকমক্ষরং পুংসাং মহাপাতক নাশনম্ ॥১॥

ধ্যাত্বা নীলোত্পল শ্যামং রামং রাজীবলোচনম্ ।
জানকী লক্ষ্মণোপেতং জটামুকুট মণ্ডিতম্ ॥২॥

সাসিতূণ ধনুর্বাণ পাণিং নক্তং চরাংতকম্ ।
স্বলীলয়া জগত্ত্রাতু মাবির্ভূতমজং বিভুম্ ॥৩॥

রামরক্ষাং পঠেত্প্রাজ্ঞঃ পাপঘ্নীং সর্বকামদাম্ ।
শিরো মে রাঘবঃ পাতু ফালং (ভালং) দশরথাত্মজঃ ॥ ৪॥

কৌসল্যেয়ো দৃশৌপাতু বিশ্বামিত্রপ্রিয়ঃ শৃতী ।
ঘ্রাণং পাতু মখত্রাতা মুখং সৌমিত্রিবত্সলঃ ॥৫॥

জিহ্বাং বিদ্যানিধিঃ পাতু কণ্ঠং ভরতবন্দিতঃ ।
স্কংধৌ দিব্যায়ুধঃ পাতু ভুজৌ ভগ্নেশকার্মুকঃ ॥৬॥

করৌ সীতাপতিঃ পাতু হৃদয়ং জামদগ্ন্যজিত্ ।
মধ্যং পাতু খরধ্বংসী নাভিং জাংববদাশ্রয়ঃ ॥৭ ॥

সুগ্রীবেশঃ কটিং পাতু সক্থিনী হনুমত্-প্রভুঃ ।
ঊরূ রঘূত্তমঃ পাতু রক্ষঃকুল বিনাশকৃত্ ॥৮॥

জানুনী সেতুকৃত্-পাতু জংঘে দশমুখাংতকঃ ।
পাদৌ বিভীষণশ্রীদঃ পাতু রামোঽখিলং বপুঃ ॥৯॥

এতাং রামবলোপেতাং রক্ষাং যঃ সুকৃতী পঠেত্ ।
স চিরায়ুঃ সুখী পুত্রী বিজয়ী বিনয়ী ভবেত্ ॥১০॥

পাতাল-ভূতল-ব্যোম-চারিণ-শ্চদ্ম-চারিণঃ ।
ন দ্রষ্টুমপি শক্তাস্তে রক্ষিতং রামনামভিঃ ॥১১॥

রামেতি রামভদ্রেতি রামচংদ্রেতি বা স্মরন্ ।
নরো ন লিপ্যতে পাপৈর্ভুক্তিং মুক্তিং চ বিন্দতি ॥১২॥

জগজ্জৈত্রৈক মন্ত্রেণ রামনাম্নাভি রক্ষিতম্ ।
যঃ কণ্ঠে ধারয়েত্তস্য করস্থাঃ সর্বসিদ্ধয়ঃ ॥১৩ ॥

বজ্রপংজর নামেদং যো রামকবচং স্মরেত্ ।
অব্যাহতাজ্ঞঃ সর্বত্র লভতে জয়মঙ্গলম্ ॥১৪॥

আদিষ্টবান্-যথা স্বপ্নে রামরক্ষামিমাং হরঃ ।
তথা লিখিতবান্-প্রাতঃ প্রবুদ্ধৌ বুধকৌশিকঃ ॥১৫ ॥

আরামঃ কল্পবৃক্ষাণাং বিরামঃ সকলাপদাম্ ।
অভিরাম-স্ত্রিলোকানাং রামঃ শ্রীমান্ স নঃ প্রভুঃ ॥১৬

তরুণৌ রূপসংপন্নৌ সুকুমারৌ মহাবলৌ ।
পুণ্ডরীক বিশালাক্ষৌ চীরকৃষ্ণাজিনাংবরৌ ॥১৭ ॥

ফলমূলাশিনৌ দান্তৌ তাপসৌ ব্রহ্মচারিণৌ ।
পুত্রৌ দশরথস্যৈতৌ ভ্রাতরৌ রামলক্ষ্মণৌ ॥১৮॥

শরণ্যৌ সর্বসত্ত্বানাং শ্রেষ্ঠৌ সর্বধনুষ্মতাম্ ।
রক্ষঃকুল নিহংতারৌ ত্রায়েতাং নো রঘূত্তমৌ ॥১৯॥

আত্ত সজ্য় ধনুষা বিষুস্পৃশা বক্ষয়াশুগ নিষংগ সংগিনৌ ।
রক্ষণায় মম রামলক্ষণাবগ্রতঃ পথি সদৈব গচ্ছতাম্ ॥ ২০ ॥

সন্নদ্ধঃ কবচী খড়গী চাপবাণধরো যুবা ।
গচ্ছন্ মনোরথান্নশ্চ (মনোরথোঽস্মাকং) রামঃ পাতু স লক্ষ্মণঃ ॥২১ ॥

রামো দাশরথি শ্ শূরো লক্ষ্মণানুচরো বলী ।
কাকুত্সঃ পুরুষঃ পূর্ণঃ কৌসল্যেয়ো রঘূত্তমঃ ॥২২॥

বেদাংতবেদ্যো যজ্ঞেশঃ পুরাণ পুরুষোত্তমঃ ।
জানকীবল্লভঃ শ্রীমানপ্রমেয় পরাক্রমঃ ॥২৩॥

ইত্য়েতানি জপেন্নিত্য়ং মদ্ভক্তঃ শ্রদ্ধয়ান্বিতঃ ।
অশ্বমেধাধিকং পুণ্যং সংপ্রাপ্নোতি ন সংশয়ঃ ॥২৪ ॥

রামং দূর্বাদল শ্যামং পদ্মাক্ষং পীতবাসসম্ ।
স্তুবংতি নামভি-র্দিব্যৈর্ন তে সংসারিণো নরাঃ ॥২৫॥

রামং লক্ষ্মণ পূর্বজং রঘুবরং সীতাপতিং সুন্দরম্
কাকুত্স্থং করুণার্ণবং গুণনিধিং বিপ্রপ্রিয়ং ধার্মিকম্ ।
রাজেংদ্রং সত্যসংধং দশরথতনয়ং শ্যামলং শান্তিমূর্তিম্
বন্দে লোকাভিরামং রঘুকুল তিলকং রাঘবং রাবণারিম্ ॥২৬॥

রামায় রামভদ্রায় রামচন্দ্রায় বেধসে ।
রঘুনাথায় নাথায় সীতায়াঃ পতয়ে নমঃ ॥২৭॥

শ্রীরাম রাম রঘুনন্দন রাম রাম
শ্রীরাম রাম ভরতাগ্রজ রাম রাম ।
শ্রীরাম রাম রণকর্কশ রাম রাম
শ্রীরাম রাম শরণং ভব রাম রাম ॥২৮॥

শ্রীরাম চন্দ্র চরণৌ মনসা স্মরামি
শ্রীরাম চন্দ্র চরণৌ বচসা গৃহ্ণামি ।
শ্রীরাম চন্দ্র চরণৌ শিরসা নমামি
শ্রীরাম চন্দ্র চরণৌ শরণং প্রপদ্যে ॥২৯॥

মাতা রামো মত্-পিতা রামচন্দ্রঃ
স্বামী রামো মত্-সখা রামচন্দ্রঃ ।
সর্বস্বং মে রামচন্দ্রঃ দয়ালুঃ
নান্যং জানে নৈব জানে ন জানে ॥৩০॥

দক্ষিণে লক্ষ্মণো যস্য বামে চ (তু) জনকাত্মজা ।
পুরতো মারুতির্যস্য তং বন্দে রঘুনন্দনম্ ॥৩১॥

লোকাভিরামং রণরঙ্গধীরং
রাজীবনেত্রং রঘুবংশনাথম্ ।
কারুণ্যরূপং করুণাকরং তং
শ্রীরামচংদ্রং শরণং প্রপদ্যে ॥৩২॥

মনোজবং মারুত তুল্য বেগং
জিতেন্দ্রিয়ং বুদ্ধিমতাং বরিষ্টম্ ।
বাতাত্মজং বানরয়ূথ মুখ্যং
শ্রীরামদূতং শরণং প্রপদ্যে ॥৩৩॥

কূজন্তং রামরামেতি মধুরং মধুরাক্ষরম্ ।
আরুহ্যকবিতা শাখাং বন্দে বাল্মীকি কোকিলম্ ॥৩৪

আপদামপহর্তারং দাতারং সর্বসংপদাম্ ।
লোকাভিরামং শ্রীরামং ভূয়োভূয়ো নমাম্যহম্ ॥৩৫॥

ভর্জনং ভববীজানামর্জনং সুখসংপদাম্ ।
তর্জনং যমদূতানাং রাম রামেতি গর্জনম্ ॥৩৬॥

রামো রাজমণিঃ সদা বিজয়তে রামং রমেশং ভজে
রামেণাভিহতা নিশাচরচমূ রামায় তস্মৈ নমঃ ।
রামান্নাস্তি পরায়ণং পরতরং রামস্য দাসোস্ম্যহং
রামে চিত্তলয়ঃ সদা ভবতু মে ভো রাম মামুদ্ধর ॥৩৭॥

শ্রীরাম রাম রামেতি রমে রামে মনোরমে ।
সহস্রনাম তত্তুল্যং রাম নাম বরাননে ॥৩৮॥

।। ইতি শ্রীবুধকৌশিকমুনি বিরচিতং শ্রীরাম রক্ষাস্তোত্রং সংপূর্ণম্ ।।

।। শ্রীরাম জয়রাম জয়জয়রাম ।।