ন তাতো ন মাতা ন বন্ধুর্ন দাতা
ন পুত্রো ন পুত্রী ন ভৃত্যয়ো ন ভর্তা
ন জায়া ন বিদ্যা ন বৃত্তির্মমৈব
গতিস্ত্বং গতিস্ত্বং ত্বমেকা ভবানি ॥ ১ ॥
ভবাব্ধাবপারে মহাদুঃখভীরু
পপাত প্রকামী প্রলোভী প্রমত্তঃ
কুসংসারপাশপ্রবদ্ধঃ সদাহং
গতিস্ত্বং গতিস্ত্বং ত্বমেকা ভবানি ॥ ২ ॥
ন জানামি দানং ন চ ধ্য়ানয়োগং
ন জানামি তংত্রং ন চ স্তোত্রমংত্রম্
ন জানামি পূজাং ন চ ন্য়াসয়োগং
গতিস্ত্বং গতিস্ত্বং ত্বমেকা ভবানি ॥ ৩ ॥
ন জানামি পুণ্য়ং ন জানামি তীর্থং
ন জানামি মুক্তিং লয়ং বা কদাচিত্
ন জানামি ভক্তিং ব্রতং বাপি মাতঃ
গতিস্ত্বং গতিস্ত্বং ত্বমেকা ভবানি ॥ ৪ ॥
কুকর্মী কুসংগী কুবুদ্ধিঃ কুদাসঃ
কুলাচারহীনঃ কদাচারলীনঃ
কুদৃষ্টিঃ কুবাক্যপ্রবংধঃ সদাহং
গতিস্ত্বং গতিস্ত্বং ত্বমেকা ভবানি ॥ ৫ ॥
প্রজেশং রমেশং মহেশং সুরেশং
দিনেশং নিশীথেশ্বরং বা কদাচিত্
ন জানামি চান্যত্ সদাহং শরণ্য়ে
গতিস্ত্বং গতিস্ত্বং ত্বমেকা ভবানি ॥ ৬ ॥
বিবাদে বিষাদে প্রমাদে প্রবাসে
জলে চানলে পর্বতে শত্রুমধ্য়ে
অরণ্য়ে শরণ্য়ে সদা মাং প্রপাহি
গতিস্ত্বং গতিস্ত্বং ত্বমেকা ভবানি ॥ ৭ ॥
অনাথো দরিদ্রো জরারোগয়ুক্তো
মহাক্ষীণদীনঃ সদা জাড্যবক্ত্রঃ
বিপত্তৌ প্রবিষ্টঃ প্রনষ্টঃ সদাহং
গতিস্ত্বং গতিস্ত্বং ত্বমেকা ভবানি ॥ ৮ ॥
॥ ইতি শ্রীমদাদিশংকরাচার্যবিরচিতং ভবান্যষ্টকং সংপূর্ণম্ ॥
