নীলাংবরো নীলবপুঃ কিরীটী
গৃধ্রস্থিতাস্ত্রকরো ধনুষ্মান্ ।
চতুর্ভুজঃ সূর্যসুতঃ প্রসন্নঃ
সদা মমস্য়াদ্বরদঃ প্রশাংতঃ ॥
ব্রহ্মা উবাচ ।
শৃণুধ্বং ঋষয়ঃ সর্বে শনি পীডাহরং মহত্ ।
কবচং শনিরাজস্য় সৌরৈরিদমনুত্তমম্ ॥
কবচং দেবতাবাসং বজ্র পংজর সংংগকম্ ।
শনৈশ্চর প্রীতিকরং সর্বসৌভাগ্যদাযকম্ ॥
অথ শ্রী শনি বজ্র পংজর কবচম্ ।
ওং শ্রী শনৈশ্চরঃ পাতু ভালং মে সূর্যনংদনঃ ।
নেত্রে ছায়াত্মজঃ পাতু পাতু কর্ণৌ যমানুজঃ ॥ ১ ॥
নাসাং বৈবস্বতঃ পাতু মুখং মে ভাস্করঃ সদা ।
স্নিগ্ধকংঠশ্চ মে কংঠং ভুজৌ পাতু মহাভুজঃ ॥ ২ ॥
স্কংধৌ পাতু শনিশ্চৈব করৌ পাতু শুভপ্রদঃ ।
বক্ষঃ পাতু যমভ্রাতা কুক্ষিং পাত্বসিতস্তথা ॥ ৩ ॥
নাভিং গ্রহপতিঃ পাতু মংদঃ পাতু কটিং তথা ।
ঊরূ মমাংতকঃ পাতু যমো জানুয়ুগং তথা ॥ ৪ ॥
পাদৌ মংদগতিঃ পাতু সর্বাংগং পাতু পিপ্পলঃ ।
অংগোপাংগানি সর্বাণি রক্ষেন্ মে সূর্যনংদনঃ ॥ ৫ ॥
ফলশ্রুতিঃ
ইত্য়েতত্কবচং দিব্যং পঠেত্সূর্যসুতস্য় যঃ ।
ন তস্ময় জাযতে পীডা প্রীতো ভবতি সূর্যজঃ ॥
ব্যযজন্মদ্বিতীযস্থো মৃত্য়ুস্থানগতোপিবা ।
কলত্রস্থো গতোবাপি সুপ্রীতস্তু সদা শনিঃ ॥
অষ্টমস্থো সূর্যসুতে ব্যয়ে জন্মদ্বিতীয়গে ।
কবচং পঠতে নিত্য়ং ন পীড়া জায়তে ক্বচিত্ ॥
ইত্য়েতত্কবচং দিব্য়ং সৌরের্যন্নির্মিতং পুরা ।
দ্বাদশাষ্টমজন্মস্থদোষান্নাশযতে সদা ।
জন্মলগ্নস্থিতান্ দোষান্ সর্বান্নাশযতে প্রভুঃ ॥
।। ইতি শ্রী ব্রহ্মাংডপুরাণে ব্রহ্মনারদসংবাদে শনিবজ্রপংজর কবচং সংপূর্ণম্ ॥
