শিশির জালি বিরমালি অকয়
অড়াঃ হপন এরা আমদ
সাসাং শাড়ীম বাঁন্দে আকাদ
আৗডি চরক সাজ তামদ।
মুলুচ চাঁন্দো মহর মুঠৗন আমাঃ
লিসয় লসয় কাসো জহর
মচারে মুলুচ্ মেসা লাঁন্দাতাম
নতে তেব়ছা তের়াং নজর।
মেৎ রেতাম আয়নম কাজল
ওহায় ঞেলঃ বঙ্গা কুড়ি
ছেমেক ছেমেক তারাম রেদ
রুনুঝুনু সাডে ঝমর পৗয়ড়ি।
ডাহার ধারে তেঁঙ্গো মেনাম
মেনাঃ মেয়া কয়ঃ হররে
একলা নিঝুম নিশুন অক্তরে
আমদ মাসে অকয় তাঙ্গীরে?
হিসিৎ হালায় হয়তে ডৗরবাহা
হিলৗঃ হানতে নাতে
কৗহিস মনে জিওয়ী জিয়ৗড়
এনা সারি আম ঞেলতে।
কুলি রপড় গেত সানাঞ নাসে
দিল গে বাং ইঞ দিলা
বতর বুঝাঃ পালে তায়ম বিদৗল
আমদ গাতে বাংএম রড় আ।
আঁন্দোড়েনা আমাঃ শ- সধাঁড়
শ-তে বীর বুরু, ধুড়ি, ধারতী
সারি আৗডি মচ এম ঞেলঃকান
শিশির জালি বিরমালি ।।
