বাণী স্তবনম : গুরুশাপের ফলে স্মৃতিভ্রষ্ট হওয়ার পর দেবী সরস্বতীর এই স্তোত্র রচনা ও পাঠ করে  মেধা ফিরে পেয়েছিলেন ঋষি যাজ্ঞবল্ক্য 

ঋষি যাজ্ঞবল্ক্য রচিত সরস্বতী স্তোত্রম্, যা বাণী স্তবনম নামেও পরিচিত, এটি জ্ঞান ও প্রজ্ঞার দেবী সরস্বতীকে উৎসর্গীকৃত একটি শক্তিশালী স্তুতি, যা যাজ্ঞবল্ক্য মুনি গুরুশাপের ফলে স্মৃতিভ্রষ্ট হওয়ার পর দেবী সরস্বতীকে আরাধনা করে জ্ঞান পুনরুদ্ধারের জন্য রচনা করেন; এই স্তোত্র পাঠ করলে জ্ঞান, মেধা ও বাকশক্তির বৃদ্ধি হয় বলে বিশ্বাস করা হয়, যা আপনাকে একজন সুকবি ও পণ্ডিত করে তুলতে পারে। 

সরস্বতী স্তোত্রম্

নারায়ণ উবাচ ।
বাগ্দেবতায়াঃ স্তবনং শ্রূয়তাং সর্বকামদম্ ।
মহামুনির্য়াজ্ঞবল্ক্যো যেন তুষ্টাব তাং পুরা ॥ 1 ॥

গুরুশাপাচ্চ স মুনির্হতবিদ্যো বভূব হ ।
তদা জগাম দুঃখার্তো রবিস্থানং চ পুণ্যদম্ ॥ 2 ॥

সংপ্রাপ্যতপসা সূর্য়ং কোণার্কে দৃষ্টিগোচরে ।
তুষ্টাব সূর্য়ং শোকেন রুরোদ চ পুনঃ পুনঃ ॥ 3 ॥

সূর্যস্তং পাঠয়ামাস বেদবেদাংগমীশ্বরঃ ।
উবাচ স্তুহি বাগ্দেবীং ভক্ত্যা চ স্মৃতিহেতবে ॥ 4 ॥

তমিত্যুক্ত্বা দীননাথো হ্যংতর্ধানং জগাম সঃ ।
মুনিঃ স্নাত্বা চ তুষ্টাব ভক্তিনম্রাত্মকংধরঃ ॥ 5 ॥

যাজ্ঞবল্ক্য উবাচ ।
কৃপাং কুরু জগন্মাতর্মামেবং হততেজসম্ ।
গুরুশাপাত্স্মৃতিভ্রষ্টং বিদ্যাহীনং চ দুঃখিতম্ ॥ 6 ॥

জ্ঞানং দেহি স্মৃতিং দেহি বিদ্যাং বিদ্যাধিদেবতে ।
প্রতিষ্ঠাং কবিতাং দেহি শক্তিং শিষ্যপ্রবোধিকাম্ ॥ 7 ॥

গ্রংথনির্মিতিশক্তিং চ সচ্ছিষ্যং সুপ্রতিষ্ঠিতম্ ।
প্রতিভাং সত্সভায়াং চ বিচারক্ষমতাং শুভাম্ ॥ 8 ॥

লুপ্তাং সর্বাং দৈববশান্নবং কুরু পুনঃ পুনঃ ।
যথাংকুরং জনযতি ভগবান্যোগমাযয়া ॥ 9 ॥

ব্রহ্মস্বরূপা পরমা জ্য়োতিরূপা সনাতনী ।
সর্ববিদ্যাধিদেবী যা তস্যৈ বাণ্যৈ নমো নমঃ ॥ 10 ॥

যয়া বিনা জগত্সর্বং শশ্বজ্জীবন্মৃতং সদা ।
জ্ঞানাধিদেবী যা তস্যৈ সরস্বত্যৈ নমো নমঃ ॥ 11 ॥

যয়া বিনা জগত্সর্বং মূকমুন্মত্তবত্সদা ।
বাগধিষ্ঠাতৃদেবী যা তস্যৈ বাণ্যৈ নমো নমঃ ॥ 12 ॥

হিমচংদনকুংদেংদুকুমুদাংভোজসন্নিভা ।
বর্ণাধিদেবী যা তস্যৈ চাক্ষরায়ৈ নমো নমঃ ॥ 13 ॥

বিসর্গ বিংদুমাত্রাণাং যদধিষ্ঠানমেব চ ।
ইত্থং ত্বং গীয়সে সদ্ভির্ভারত্য়ৈ তে নমো নমঃ ॥ 14 ॥

যয়া বিনাঽত্র সংখ্য়াকৃত্সংখ্য়াং কর্তুং ন শক্নুতে ।
কালসংখ্য়াস্বরূপা যা তস্যফ দেব্যৈ নমো নমঃ ॥ 15 ॥

ব্যাখ্য়াস্বরূপা যা দেবী ব্যাখ্য়াধিষ্ঠাতৃদেবতা ।
ভ্রমসিদ্ধাংতরূপা যা তস্যৈ দেব্যৈ নমো নমঃ ॥ 16 ॥

স্মৃতিশক্তির্জ্ঞানশক্তির্বুদ্ধিশক্তিস্বরূপিণী ।
প্রতিভা কল্পনাশক্তির্য়া চ তস্যৈ নমো নমঃ ॥ 17 ॥

সনত্কুমারো ব্রহ্মাণং জ্ঞানং পপ্রচ্ছ যত্র বৈ ।
বভূব জডবত্সোঽপি সিদ্ধাংতং কর্তুমক্ষমঃ ॥ 18 ॥

তদাজগাম ভগবানাত্মা শ্রীকৃষ্ণ ঈশ্বরঃ ।
উবাচ সত্তমং স্তোত্রং বাণ্যা ইতি বিধিং তদা ॥ 19 ॥

স চ তুষ্টাব তাং ব্রহ্মা চাজ্ঞয়া পরমাত্মনঃ ।
চকার তত্প্রসাদেন তদা সিদ্ধাংতমুত্তমম্ ॥ 20 ॥

যদাপ্যনংতং পপ্রচ্ছ জ্ঞানমেকং বসুংধরা ।
বভূব মূকবত্সোঽপি সিদ্ধাংতং কর্তুমক্ষমঃ ॥ 21 ॥

তদা ত্বাং চ স তুষ্টাব সংত্রস্তঃ কশ্যপাজ্ঞয়া ।
ততশ্চকার সিদ্ধাংতং নির্মলং ভ্রমভংজনম্ ॥ 22 ॥

ব্য়াসঃ পুরাণসূত্রং চ সমপৃচ্ছত বাল্মিকিম্ ।
মৌনীভূতঃ স সস্মার ত্বামেব জগদংবিকাম্ ॥ 23 ॥

তদা চকার সিদ্ধাংতং ত্বদ্বরেণ মুনীশ্বরঃ ।
স প্রাপ নির্মলং জ্ঞানং প্রমাদধ্বংসকারণম্ ॥ 24 ॥

পুরাণ সূত্রং শ্রুত্বা স ব্যাসঃ কৃষ্ণকলোদ্ভবঃ ।
ত্বাং সিষেবে চ দধ্য়ৌ চ শতবর্ষং চ পুষ্করে ॥ 25 ॥

তদা ত্বত্তো বরং প্রাপ্য স কবীংদ্রো বভূব হ ।
তদা বেদবিভাগং চ পুরাণানি চকার হ ॥ 26 ॥

যদা মহেংদ্রে পপ্রচ্ছ তত্ত্বজ্ঞানং শিবা শিবম্ ।
ক্ষণং ত্বামেব সংচিংত্য তস্যৈ জ্ঞানং দধৌ বিভুঃ ॥ 27

পপ্রচ্ছ শব্দশাস্ত্রং চ মহেংদ্রশ্চ বৃহস্পতিম্ ।
দিব্য়ং বর্ষসহস্রং চ স ত্বাং দধ্যৌ চ পুষ্করে ॥ 28 ॥

তদা ত্বত্তো বরং প্রাপ্য দিব্যং বর্ষসহস্রকম্ ।
উবাচ শব্দশাস্ত্রং চ তদর্থং চ সুরেশ্বরম্ ॥ 29 ॥

অধ্যাপিতাশ্চ যৈঃ শিষ্যাঃ যৈরধীতং মুনীশ্বরৈঃ ।
তে চ ত্বাং পরিসংচিংত্য় প্রবর্তংতে সুরেশ্বরি ॥ 30 ॥

ত্বং সংস্তুতা পূজিতা চ মুনীংদ্রমনুমানবৈঃ ।
দৈত্য়েংদ্রৈশ্চ সুরৈশ্চাপি ব্রহ্মবিষ্ণুশিবাদিভিঃ ॥ 31 ॥

জড়ীভূতঃ সহস্রাস্যঃ পংচবক্ত্রশ্চতুর্মুখঃ ।
যাং স্তোতুং কিমহং স্তৌমি তামেকাস্যেন মানবঃ ॥ 32

ইত্যুক্ত্বা যাজ্ঞবল্ক্যশ্চ ভক্তিনম্রাত্মকংধরঃ ।
প্রণনাম নিরাহারো রুরোদ চ মুহুর্মুহুঃ ॥ 33 ॥

তদা জ্য়োতিসস্বরূপা সা তেনাদৃষ্টাপ্যুবাচ তম্ ।
সুকবীংদ্রো ভবেত্য়ুক্ত্বা বৈকুংঠং চ জগাম হ ॥ 34 ॥

যাজ্ঞবল্ক্য কৃতং বাণীস্তোত্রং যঃ সংযতঃ পঠেত্ ।
স কবীংদ্রো মহাবাগ্মী বৃহস্পতি সমো ভবেত্ ॥ 35 ॥

মহামূর্খশ্চ দুর্মেধা বর্ষমেকং চ যঃ পঠেত্ ।
স পংডিতশ্চ মেধাবী সুকবিশ্চ ভবেদধ্রুবম্ ॥ 35 ॥

।। ইতি শ্রী ব্রহ্মবৈবর্তে মহাপুরাণে প্রকৃতি খংডে নারদ নারাযণ সংবাদে যাজ্ঞবল্ক্যোক্ত বাণী স্তবনং নাম পঞ্চমোঽধ্যায়ঃ ॥