দেবী দুর্গা সপ্তশতীর মাহাত্ম্য : চতুর্থ অধ্যায়

দুর্গাসপ্তশতী বা দেবীমাহাত্ম্যের চতুর্থ অধ্যায়ে দেবী কর্তৃক মহিষাসুরকে বধ করার পর, তিনি  অন্যান্য দেব-দেবীকে তাদের নিজ নিজ স্থানে ফিরে যেতে বলেন। এই অধ্যায়ে দেবীর অন্যান্য শক্তি ও ক্রিয়ার বর্ণনাও আছে , যা মহিষাসুরকে পরাজিত করার পর প্রকাশিত হয়েছিল। এই অধ্যায় পাঠ করলে জীবনে শান্তি আসে এবং সকল সমস্যা দূর হয় বলে বিশ্বাস করা হয়।  
।। শক্রাদিস্তুতির্নাম চতুর্ধোঽধ্যায়ঃ ॥

ধ্যানং
কালাভ্রাভাং কটাক্ষৈর্ অরি কুল ভযদাং মৌলি বদ্ধেংদু রেখাং
শংখ-চক্রং কৃপাণং ত্রিশিখমপি করৈ-রুদ্বহংতীং ত্রিনেত্রম ।
সিংহ স্কংদাধিরূঢাং ত্রিভুবন-মখিলং তেজসা পূরয়ংতীং
ধ্যায়ে-দ্দুর্গাং জয়াখ্য়াং ত্রিদশ-পরিবৃতাং সেবিতাং সিদ্ধি কামৈঃ ॥

ঋষিরুবাচ ॥১॥

শক্রাদয়ঃ সুরগণা নিহতেঽতিবীর্য়ে
তস্মিংদুরাত্মনি সুরারিবলে চ দেব্যা ।
তাং তুষ্টুবুঃ প্রণতিনম্রশিরোধরাংসা
বাগ্ভিঃ প্রহর্ষপুলকোদ্গমচারুদেহাঃ ॥ ২ ॥

দেব্যা যয়া ততমিদং জগদাত্মশক্ত্য়া
নিঃশেষদেবগণশক্তিসমূহমূর্ত্য়া ।
তামংবিকামখিলদেবমহর্ষিপূজ্য়াং
ভক্ত্য়া নতাঃ স্ম বিদধাতুশুভানি সা নঃ ॥৩॥

যস্যাঃ প্রভাবমতুলং ভগবাননংতো
ব্রহ্মা হরশ্চ নহি বক্তুমলং বলং চ ।
সা চংডিকাঽখিল জগত্পরিপালনায়
নাশায় চাশুভভযস্য় মতিং করোতু ॥৪॥

যা শ্রীঃ স্বয়ং সুকৃতিনাং ভবনেষ্বলক্ষ্মীঃ
পাপাত্মনাং কৃতধিয়াং হৃদয়েষু বুদ্ধিঃ ।
শ্রদ্থা সতাং কুলজনপ্রভবস্য় লজ্জা
তাং ত্বাং নতাঃ স্ম পরিপালয় দেবি বিশ্বম্ ॥৫॥

কিং বর্ণয়াম তবরূপ মচিংত্যমেতত্
কিংচাতিবীর্যমসুরক্ষযকারি ভূরি ।
কিং চাহবেষু চরিতানি তবাত্ভুতানি
সর্বেষু দেব্যসুরদেবগণাদিকেষু ॥৬॥

হেতুঃ সমস্তজগতাং ত্রিগুণাপি দোষৈঃ
ন জ্ঞাযসে হরিহরাদিভিরব্যপারা ।
সর্বাশ্রয়াখিলমিদং জগদংশভূতং
অব্য়াকৃতা হি পরমা প্রকৃতিস্ত্বমাদ্যা ॥৬॥

যস্যাঃ সমস্তসুরতা সমুদীরণেন
তৃপ্তিং প্রয়াতি সকলেষু মখেষু দেবি ।
স্বাহাসি বৈ পিতৃ গণস্য চ তৃপ্তি হেতু
রুচ্চার্যসে ত্বমত এব জনৈঃ স্বধাচ ॥৮॥

যা মুক্তিহেতুরবিচিংত্য় মহাব্রতা ত্বং
অভ্যস্যসে সুনিযতেংদ্রিযতত্বসারৈঃ ।
মোক্ষার্থিভির্মুনিভিরস্তসমস্তদোষৈ
র্বিদ্য়াঽসি সা ভগবতী পরমা হি দেবি ॥৯॥

শব্দাত্মিকা সুবিমলর্গ্যজুষাং নিধানং
মুদ্গীথরম্যপদপাঠবতাং চ সাম্নাম্ ।
দেবী ত্রয়ী ভগবতী ভবভাবনায়
বার্তাসি সর্ব জগতাং পরমার্তিহংত্রী ॥১০॥

মেধাসি দেবি বিদিতাখিলশাস্ত্রসারা
দুর্গাঽসি দুর্গভবসাগরসনৌরসংগা ।
শ্রীঃ কৈট ভারিহৃদয়ৈককৃতাধিবাসা
গৌরী ত্বমেব শশিমৌলিকৃত প্রতিষ্ঠা ॥১১॥

ঈষত্সহাসমমলং পরিপূর্ণ চংদ্র
বিংবানুকারি কনকোত্তমকাংতিকাংতম্ ।
অত্যদ্ভুতং প্রহৃতমাত্তরুষা তথাপি
বক্ত্রং বিলোক্য সহসা মহিষাসুরেণ ॥১২॥

দৃষ্ট্বাতু দেবি কুপিতং ভ্রুকুটীকরাল
মুদ্যচ্ছশাংকসদৃশচ্ছবি যন্ন সদ্যঃ ।
প্রাণান্ মুমোচ মহিষস্তদতীব চিত্রং
কৈর্জীব্যতে হি কুপিতাংতকদর্শনেন ॥১৩॥

দেবিপ্রসীদ পরমা ভবতী ভবায়
সদ্যেঃ বিনাশযসি কোপবতী কুলানি ।
বিজ্ঞাতমেতদধুনৈব যদস্তমেতত্
ন্নীতং বলং সুবিপুলং মহিষাসুরস্য ॥১৪॥

তে সম্মতা জনপদেষু ধনানি তেষাং
তেষাং যশাংসি ন চ সীদতি ধর্মবর্গঃ ।
ধন্য়াস্ত​এব নিভৃতাত্মজভৃত্যদারা
যেষাং সদাভ্য়ুদযদা ভবতী প্রসন্না॥১৫॥

ধর্ম্য়াণি দেবি সকলানি সদৈব কর্মানি
ণ্যত্য়াদৃতঃ প্রতিদিনং সুকৃতী করোতি ।
স্বর্গং প্রয়াতি চ ততো ভবতী প্রসাদা
ল্লোকত্রয়েঽপি ফলদা ননু দেবি তেন ॥১৬॥

দুর্গে স্মৃতা হরসি ভীতি মশেশ জংতোঃ
স্বস্থৈঃ স্মৃতা মতিমতীব শুভাং দদাসি ।
দারিদ্র্যদুঃখভযহারিণি কা ত্বদন্য়া
সর্বোপকারকরণায় সদার্দ্রচিত্তা ॥১৭॥

এভির্হতৈর্জগদুপৈতি সুখং তথৈতে
কুর্বংতু নাম নরকায় চিরায় পাপম্ ।
সংগ্রামমৃত্য়ুমধিগম্য় দিবংপ্রয়াংতু
মত্বেতি নূনমহিতান্বিনিহংসি দেবি ॥১৮॥

দৃষ্ট্বৈব কিং ন ভবতী প্রকরোতি ভস্ম
সর্বাসুরানরিষু যত্প্রহিণোষি শস্ত্রম্ ।
লোকান্প্রয়াংতু রিপবোঽপি হি শস্ত্রপূতা
ইত্থং মতির্ভবতি তেষ্বহি তেঽষুসাধ্বী ॥১৯॥

খড়্গ প্রভানিকরবিস্ফুরণৈস্তধোগ্রৈঃ
শূলাগ্রকাংতিনিবহেন দৃশোঽসুরাণাম্ ।
যন্নাগতা বিলযমংশুমদিংদুখংড
যোগ্য়াননং তব বিলোক যতাং তদেতত্ ॥২০॥

দুর্বৃত্ত বৃত্ত শমনং তব দেবি শীলং
রূপং তথৈতদবিচিংত্যমতুল্যমন্য়ৈঃ ।
বীর্য়ং চ হংতৃ হৃতদেবপরাক্রমাণাং
বৈরিষ্বপি প্রকটিতৈব দয়া ত্বয়েত্থম্ ॥২১॥

কেনোপমা ভবতু তেঽস্য পরাক্রমস্য
রূপং চ শতৃভয় কার্যতিহারি কুত্র ।
চিত্তেকৃপা সমরনিষ্টুরতা চ দৃষ্টা
ত্বয়্য়েব দেবি বরদে ভুবনত্রয়েঽপি ॥২২॥

ত্রৈলোক্যমেতদখিলং রিপুনাশনেন
ত্রাতং ত্বয়া সমরমূর্ধনি তেঽপি হত্বা ।
নীতা দিবং রিপুগণা ভযমপ্যপাস্তং
অস্মাকমুন্মদসুরারিভবং নমস্তে ॥২৩॥

শূলেন পাহি নো দেবি পাহি খড়্গেন চাংভিকে ।
ঘংটাস্বনেন নঃ পাহি চাপজ্য়ানিস্বনেন চ ॥২৪॥

প্রাচ্যাং রক্ষ প্রতীচ্যাং চ চন্ডিকে রক্ষ দক্ষিণে ।
ভ্রামণেনাত্মশূলস্য উত্তরস্যাং তথেশ্বরী॥২৫॥

সৌম্যানি যানি রূপাণি ত্রৈলোক্য়ে বিচরংতিতে ।
যানি চাত্যংত ঘোরাণি তৈরক্ষাস্মাংস্তথাভুবম্ ॥২৬॥

খড্গশূলগদাদীনি যানি চাস্ত্রাণি তেঽংবিকে ।
করপল্লবসংগীনি তৈরস্মান্রক্ষ সর্বতঃ ॥২৭॥

ঋষিরুবাচ ॥২৮॥

এবং স্তুতা সুরৈর্দিব্যৈং কুসুমৈর্নংদনোদ্ভবৈঃ ।
অর্চিতা জগতাং ধাত্রী তথা গংধানু লেপনৈঃ ॥২৯॥

ভক্ত্য়া সমস্তৈস্রি শৈর্দিব্য়ৈর্ধূপৈঃ সুধূপিতা ।
প্রাহ প্রসাদসুমুখী সমস্তান্ প্রণতান্ সুরান্। ॥৩০॥

দেব্যুবাচ ॥৩১॥

ব্রিযতাং ত্রিদশাঃ সর্বে যদস্মত্তোঽভিবাংছিতম্ ॥৩২॥

দেবা ঊচু ॥৩৩॥

ভগবত্য়া কৃতং সর্বং ন কিংচিদবশিষ্যতে ।
যদয়ং নিহতঃ শত্রু রস্মাকং মহিষাসুরঃ ॥৩৪॥

যদিচাপি বরো দেয় স্ত্বয়াঽস্মাকং মহেশ্বরি ।
সংস্মৃতা সংস্মৃতা ত্বং নো হিং সেথাঃপরমাপদঃ॥৩৫॥

যশ্চ মর্ত্য়ঃ স্তবৈরেভিস্ত্বাং স্তোষ্যত্যমলাননে ।
তস্য় বিত্তর্দ্ধিবিভবৈর্ধনদারাদি সংপদাম্ ॥৩৬॥

বৃদ্দয়েঽ স্মত্প্রসন্না ত্বং ভবেথাঃ সর্বদাংভিকে ॥৩৭॥

ঋষিরুবাচ ॥৩৮॥

ইতি প্রসাদিতা দেবৈর্জগতোঽর্থে তথাত্মনঃ ।
তথেত্য়ুক্ত্বা ভদ্রকালী বভূবাংতর্হিতা নৃপ ॥৩৯॥

ইত্য়েতত্কথিতং ভূপ সংভূতা সা যথাপুরা ।
দেবী দেবশরীরেভ্য়ো জগত্প্রযহিতৈষিণী ॥৪০॥

পুনশ্চ গৌরী দেহাত্সা সমুদ্ভূতা যথাভবত্ ।
বধায় দুষ্ট দৈত্য়ানাং তথা শুংভনিশুংভয়োঃ ॥৪১॥

রক্ষণায় চ লোকানাং দেবানামুপকারিণী ।
তচ্ছৃ ণুষ্ব ময়াখ্য়াতং যথাবত্কথয়ামিতে
হ্রীং ওং ॥৪২॥

॥ জয় জয় শ্রী মার্কণ্ডেয় পুরাণে সাবর্নিকে মন্বংতরে দেবি মাহাত্ম্যে শক্রাদিস্তুতির্নাম চতুর্ধোঽধ্যায়ঃ সমাপ্তম্ ॥

আহুতি
হ্রীং জয়ন্তী সাংগায়ৈ সায়ুধায়ৈ সশক্তিকায়ৈ সপরিবারায়ৈ সবাহনায়ৈ শ্রী মহালক্ষ্মৈ লক্ষ্মী বীজাদিষ্টায়ৈ মহাহুতিং সমর্পয়ামি নমঃ স্বাহা ॥