তৈত্তিরীয় উপনিষদ্ – আনন্দবল্লী
(তৈ. আ. 8-1-1)
ওং সহ নাববতু । সহ নৌ ভুনক্তু । স॒হ বী॒র্য়ঙ্করবাবহৈ । তে॒জ॒স্বিনা॒বধীতমস্তু॒ মা বিদ্বিষা॒বহৈ । ওং শান্তি-শান্তি
-শান্তিঃ ॥
ব্রহ্মবিদাপ্নোতি পরম্ । তদেষাঽভয়ুক্তা । সতয়-ঞজ্ঞা॒নমন॒ন্ত-ম্ব্রহ্ম । যো বেদ॒ নিহিতঙ্গুহায়াম্পর॒মে ব্য়ো॑মন্ন্ । সোঽশ্নুতে সর্বান্কামান্থসহ । ব্রহ্মণা বিপশ্চিতেতি ॥ তস্মাদ্বা এ॒তস্মাদা॒ত্মন আকাশস্সম্ভূতঃ । আকাশাদ্বায়ুঃ । বায়োরগ্নিঃ । অগ্নেরাপঃ । অদ্ভয়ঃ পৃথি॒বী । পৃথিব্যা ওষধয়ঃ । ওষধীভয়ো-ঽন্নম্ । অন্নাত্পুরুষঃ । স বা এষ পুরুষো-ঽন্নরসময়ঃ । তস্যেদমেব॒ শিরঃ । অয়ন্দক্ষিণঃ পক্ষঃ । অয়মুত্তরঃ পক্ষঃ । অয়মাত্মা । ইদম্পুচ্ছম্প্রতিষ্ঠা । তদপ্যেষ শ্লোকো ভবতি ॥ 1 ॥
ইতি প্রথমো-ঽনুবাকঃ ॥
অন্নাদ্বৈ প্রজাঃ প্রজায়ন্তে । যাঃ কাশ্চ পৃথিবীগ্ শ্রিতাঃ । অথো অন্নেনৈব জীবন্তি । অথৈনদপি যন্ত্যন্ততঃ । অন্নগ্ম্ হি ভূতানাঞ্জ্য়েষ্ঠম্ । তস্মাথ্সর্বৌষ॒ধমু॑চ্যতে । সর্বং॒-বৈঁ তে-ঽন্ন॑মাপ্নুবন্তি । যে-ঽন্ন॒-ম্ব্রহ্মো॒পাস॑তে । অন্নগ্ম্ হি ভূতানাঞ্জ্য়েষ্ঠম্ । তস্মাথ্সর্বৌষ॒ধমু॑চ্যতে । অন্নাদ্ভূ॒তানি॒ জায়॑ন্তে । জাতা॒ন্যন্নে॑ন বর্ধন্তে । অদ্যতে-ঽত্তি চ॑ ভূতা॒নি । তস্মাদন্ন-ন্তদুচ্য়॑ত ই॒তি । তস্মাদ্বা এতস্মাদন্ন॑রস॒ময়াত্ । অন্যোঽন্তর আত্মা প্রাণ॒ময়ঃ । তেনৈ॑ষ পূ॒র্ণঃ । স বা এষ পুরুষবি॑ধ এ॒ব । তস্য় পুরু॑ষবি॒ধতাম্ । অন্বয়॑-ম্পুরুষ॒বিধঃ । তস্য প্রাণ॑ এব॒ শিরঃ । ব্যানো দক্ষি॑ণঃ প॒ক্ষঃ । অপান উত্ত॑রঃ প॒ক্ষঃ । আকা॑শ আ॒ত্মা । পৃথিবী পুচ্ছ॑-ম্প্রতি॒ষ্ঠা । তদপ্যেষ শ্লো॑কো ভ॒বতি ॥ 1 ॥
ইতি দ্বিতীয়ো-ঽনুবাকঃ ॥
প্রা॒ণ-ন্দে॒বা অনু॒প্রাণ॑ন্তি । ম॒নু॒ষ্যাঃ প॒শব॑শ্চ॒ যে । প্রা॒ণো হি ভূ॒তানা॒মায়ুঃ॑ । তস্মাথ্সর্বায়ু॒ষমু॑চ্যতে । সর্ব॑মে॒ব ত॒ আয়ু॑র্যন্তি । যে প্রা॒ণ-ম্ব্রহ্মো॒পাস॑তে । প্রাণো হি ভূতা॑নামা॒য়ুঃ । তস্মাথ্সর্বায়ুষমুচ্য়॑ত ই॒তি । তস্যৈষ এব শারী॑র আ॒ত্মা । যঃ॑ পূর্ব॒স্য । তস্মাদ্বা এতস্মাত্প্রাণময়াত্ । অন্যো-ঽন্তর আত্মা॑ মনো॒ময়ঃ । তেনৈ॑ষ পূ॒র্ণঃ । স বা এষ পুরুষবি॑ধ এ॒ব । তস্য পুরু॑ষবি॒ধতাম্ । অন্বয়॑-ম্পুরুষ॒বিধঃ । তস্য যজু॑রেব॒ শিরঃ । ঋগ্দক্ষি॑ণঃ প॒ক্ষঃ । সামোত্ত॑রঃ প॒ক্ষঃ । আদে॑শ আ॒ত্মা । অথর্বাঙ্গিরসঃ পুচ্ছ॑-ম্প্রতি॒ষ্ঠা । তদপ্যেষ শ্লো॑কো ভ॒বতি ॥ 1 ॥
ইতি তৃতীয়ো-ঽনুবাকঃ ॥
যতো॒ বাচো॒ নিব॑র্তন্তে । অপ্রাপ্য মনসা সহ । আনন্দ-ম্ব্রহ্ম॑ণো বি॒দ্বান্ । ন বিভেতি কদা॑চনে॒তি । তস্যৈষ এব শারী॑র আ॒ত্মা । যঃ॑ পূর্ব॒স্য । তস্মাদ্বা এতস্মান্মনোময়াত্ । অন্যো-ঽন্তর আত্মা বি॑জ্ঞান॒ময়ঃ । তেনৈ॑ষ পূ॒র্ণঃ । স বা এষ পুরুষবি॑ধ এ॒ব । তস্য পুরু॑ষবি॒ধতাম্ । অন্বয়॑-ম্পুরুষ॒বিধঃ । তস্য শ্র॑দ্ধৈব॒ শিরঃ । ঋত-ন্দক্ষি॑ণঃ প॒ক্ষঃ । সত্যমুত্ত॑রঃ প॒ক্ষঃ । যো॑গ আ॒ত্মা । মহঃ পুচ্ছ॑-ম্প্রতি॒ষ্ঠা । তদপ্য়েষ শ্লো॑কো ভ॒বতি ॥ 1 ॥
ইতি চতুর্থো-ঽনুবাকঃ ॥
বি॒জ্ঞানং॑-য়ঁ॒জ্ঞ-ন্ত॑নুতে । কর্মা॑ণি তনু॒তে-ঽপি॑ চ । বিজ্ঞানন্দেবাসসর্বে । ব্রহ্ম॒ জ্য়েষ্ঠ॒মুপা॑সতে । বি॒জ্ঞান॒-ম্ব্রহ্ম॒ চেদ্বেদ॑ । তস্মা॒চ্চেন্ন প্র॒মাদ্যতি । শ॒রীরে॑ পাপ্ম॑নো হি॒ত্বা । সর্বান্কামান্থ্সমশ্নু॑ত ই॒তি । তস্যৈষ এব শারী॑র আ॒ত্মা । যঃ॑ পূর্ব॒স্য । তস্মাদ্বা এতস্মাদ্বি॑জ্ঞান॒ময়াত্ । অন্যো-ঽন্তর আত্মা॑-ঽঽনন্দ॒ময়ঃ । তেনৈ॑ষ পূ॒র্ণঃ । স বা এষ পুরুষবি॑ধ এ॒ব । তস্য পুরু॑ষবি॒ধতাম্ । অন্বয়॑-ম্পুরুষ॒বিধঃ । তস্য প্রিয়॑মেব॒ শিরঃ । মোদো দক্ষি॑ণঃ প॒ক্ষঃ । প্রমোদ উত্ত॑রঃ প॒ক্ষঃ । আন॑ন্দ আ॒ত্মা । ব্রহ্ম পুচ্ছ॑-ম্প্রতি॒ষ্ঠা । তদপ্যেষ শ্লো॑কো ভ॒বতি ॥ 1 ॥
ইতি পঞ্চমো-ঽনুবাকঃ ॥
অস॑ন্নে॒ব স॑ ভবতি । অস॒দ্ব্রহ্মেতি॒ বেদ॒ চেত্ । অস্তি ব্রহ্মেতি॑ চেদ্বে॒দ । সন্তমেন-ন্ততো বি॑দুরি॒তি । তস্যৈষ এব শারী॑র আ॒ত্মা । যঃ॑ পূর্ব॒স্য । অথাতো॑-ঽনুপ্র॒শ্নাঃ । উ॒তাবি॒দ্বান॒মুং-লোক-ম্প্রেত্য । কশ্চ॒ন গ॑চ্ছ॒তী(3) । আহো॑ বি॒দ্বান॒মুং-লোঁক-ম্প্রেত্য । কশ্চি॒থ্সম॑শ্নু॒তা(3) উ॒ । সো॑-ঽকামযত । ব॒হুস্যা-ম্প্রজা॑য়ে॒য়েতি॑ । স তপো॑-ঽতপ্যত । স তপ॑স্ত॒প্ত্বা । ই॒দগ্ম্ সর্ব॑মসৃজত । যদি॒দ-ঙ্কিঞ্চ॑ । তথ্সৃ॒ষ্ট্বা । তদে॒বানু॒প্রাবি॑শত্ । তদ॑নু প্র॒বিশ্য । সচ্চ॒ ত্যচ্চা॑ভবত্ । নি॒রুক্ত॒-ঞ্চানি॑রুক্ত-ঞ্চ । নি॒লয়॑ন॒-ঞ্চানি॑লযন-ঞ্চ । বি॒জ্ঞান॒-ঞ্চাবি॑জ্ঞান-ঞ্চ । সত্য়-ঞ্চানৃত-ঞ্চ স॑ত্যম॒ভবত্ । যদি॑দ-ঙ্কি॒ঞ্চ । তত্সত্যমি॑ত্য়াচ॒ক্ষতে । তদপ্য়েষ শ্লো॑কো ভ॒বতি ॥ 1 ॥
ইতি ষষ্ঠ-ঽনুবাকঃ ॥
অস॒দ্বা ই॒দমগ্র॑ আসীত্ । ততো॒ বৈ সদ॑জায়ত । তদাত্মানগ্গ্ স্বয়॑মকু॒রুত । তস্মাত্তথ্সুকৃতমুচ্য়॑ত ই॒তি । যদ্বৈ॑ তথ্সু॒কৃতম্ । র॑সো বৈ॒ সঃ । রসগ্গ্ হ্য়েবায়ং-লঁব্ধ্বা-ঽঽন॑ন্দী ভ॒বতি । কো হ্য়েবান্যাত্কঃ প্রা॒ণ্যাত্ । যদেষ আকাশ আন॑ন্দো ন॒ স্যাত্ । এষ হ্য়েবা-ঽঽন॑ন্দয়া॒তি । য॒দা হ্য়ে॑বৈষ॒ এতস্মিন্নদৃশ্যে-ঽনাত্ম্যে-ঽনিরুক্তে-ঽনিলয়নে-ঽভয়ং
প্রতি॑ষ্ঠাং-বিঁ॒ন্দতে । অথ সো-ঽভয়-ঙ্গ॑তো ভ॒বতি । য॒দা হ্য়ে॑বৈষ॒ এতস্মিন্নুদরমন্ত॑র-ঙ্কু॒রুতে । অথ তস্য ভ॑য়- ম্ভ॒বতি । তত্ত্বেব ভয়ং-বিঁদুষো-ঽম॑ন্বান॒স্য । তদপ্যেষ শ্লো॑কো ভ॒বতি ॥ 1 ॥
ইতি সপ্তমো-ঽনুবাকঃ ॥
ভী॒ষা-ঽস্মা॒দ্বাতঃ॑ পবতে । ভী॒ষোদে॑তি॒ সূর্য়ঃ । ভীষা-ঽস্মাদগ্নি॑শ্চেন্দ্র॒শ্চ । মৃত্য়ুর্ধাবতি পঞ্চ॑ম ই॒তি । সৈষা-ঽঽনন্দস্য মীমাগ্ম্॑সা ভ॒বতি । যুবা স্যাথ্সাধুয়ু॑বা-ঽধ্যাযকঃ । আশিষ্ঠো দৃঢিষ্ঠো॑ বলি॒ষ্ঠঃ । তস্যেয়-ম্পৃথিবী সর্বা বিত্তস্য পূর্ণা॒ স্যাত্ । স একো মানুষ॑ আন॒ন্দঃ । তে যে শত-ম্মানুষা॑ আন॒ন্দাঃ ॥ 1
স একো মনুষ্যগন্ধর্বাণা॑মান॒ন্দঃ । শ্রোত্রিযস্য চাকাম॑হত॒স্য । তে যে শত-ম্মনুষ্যগন্ধর্বাণা॑মান॒ন্দাঃ । স একো দেবগন্ধর্বাণা॑মান॒ন্দঃ । শ্রোত্রিয়স্য চাকাম॑হত॒স্য । তে যে শত-ন্দেবগন্ধর্বাণা॑মান॒ন্দাঃ । স একঃ পিতৃণা-ঞ্চিরলোকলোকানা॑মান॒ন্দঃ । শ্রোত্রিযস্য চাকাম॑হত॒স্য । তে যে শত-ম্পিতৃণা- ঞ্চিরলোকলোকানা॑মান॒ন্দাঃ । স এক আজানজানা-ন্দেবানা॑মান॒ন্দঃ ॥ 2 ॥
শ্রোত্রিযস্য চাকাম॑হত॒স্য । তে যে শতমাজানজানা -ন্দেবানা॑মান॒ন্দাঃ । স একঃ কর্মদেবানা -ন্দেবানা॑মান॒ন্দঃ । যে কর্মণা দেবান॑পিয়॒ন্তি । শ্রোত্রিযস্য চাকাম॑হত॒স্য । তে যে শত-ঙ্কর্মদেবানা- ন্দেবানা॑মান॒ন্দাঃ । স একো দেবানা॑মান॒ন্দঃ । শ্রোত্রিযস্য চাকাম॑হত॒স্য । তে যে শত-ন্দেবানা॑মান॒ন্দাঃ । স এক ইন্দ্র॑স্যা-ঽঽন॒ন্দঃ ॥ 3 ॥
শ্রোত্রিযস্য চাকাম॑হত॒স্য । তে যে শতমিন্দ্র॑স্যা-ঽঽন॒ন্দাঃ । স একো বৃহস্পতে॑রান॒ন্দঃ । শ্রোত্রিযস্য চাকাম॑হত॒স্য । তে যে শত-ম্বৃহস্পতে॑রান॒ন্দাঃ । স একঃ প্রজাপতে॑রান॒ন্দঃ । শ্রোত্রিযস্য চাকাম॑হত॒স্য । তে যে শত-ম্প্রজাপতে॑রান॒ন্দাঃ । স একো ব্রহ্মণ॑ আন॒ন্দঃ । শ্রোত্রিযস্য চাকাম॑হত॒স্য ॥ 4 ॥
স যশ্চা॑য়-ম্পু॒রুষে । যশ্চাসা॑বাদি॒ত্য়ে । স একঃ॑ । স য॑ এবং॒বিত্ । অস্মাল্লো॑কাত্প্রে॒ত্য় । এতমন্নমযমাত্মানমুপ॑সঙ্ক্রা॒মতি । এত-ম্প্রাণমযমাত্মানমুপ॑সঙ্ক্রা॒মতি । এত-ম্মনোমযমাত্মানমুপ॑সঙ্ক্রা॒মতি । এতং-বিঁজ্ঞানমযমাত্মানমুপ॑সঙ্ক্রা॒মতি । এতমানন্দমযমাত্মানমুপ॑সঙ্ক্রা॒মতি । তদপ্য়েষ শ্লো॑কো ভ॒বতি ॥ 5 ॥
ইত্যষ্টমো-ঽনুবাকঃ ॥
যতো॒ বাচো॒ নিব॑র্তন্তে । অপ্রাপ্য মন॑সা স॒হ । আনন্দ-ম্ব্রহ্ম॑ণো বি॒দ্বান্ । ন বিভেতি কুত॑শ্চনে॒তি । এতগ্ম্ হ বাব॑ ন ত॒পতি । কিমহগ্ম্ সাধু॑ নাক॒রবম্ । কিমহ-ম্পাপমকর॑বমি॒তি । স য এবং-বিঁদ্বানেতে আত্মা॑নগ্গ্ স্পৃ॒ণুতে । উ॒ভে হ্য়ে॑বৈষ॒ এতে আত্মা॑নগ্গ্ স্পৃ॒ণুতে । য এ॒বং-বেঁদ॑ । ইত্য়ু॑প॒নিষ॑ত্ ॥ 1 ॥
ইতি নবমো-ঽনুবাকঃ ॥
ওং স॒হ না॑ববতু । স॒হ নৌ॑ ভুনক্তু । স॒হ বী॒র্য়॑-ঙ্করবাবহৈ । তেজস্বিনা॒বধীতমস্তু মা বিদ্বিষাবহৈ । ওং শান্তি॒-শান্তি॒- শান্তিঃ॑ ॥
॥ হরি ওম ।।
॥ শ্রী কৃষ্ণার্পণমস্তু ॥
