শ্রীমদ্ভগবদ্গীতা মূলম্ – তৃতীয়োঽধ্যায়ঃ : নিষ্কাম কর্মের গুরুত্ব ব্যাখ্যা করেছেন ভগবান শ্রীকৃষ্ণ

শ্রীমদ্ভগবদ্গীতার তৃতীয় অধ্যায়টি ‘কর্মযোগ’ নামে পরিচিত, যেখানে ভগবান শ্রীকৃষ্ণ অর্জুনকে নিষ্কাম কর্মের (ফলাফলের প্রতি আসক্তিহীন কর্ম) গুরুত্ব বোঝান, কারণ কর্ম অপরিহার্য এবং অহংকার ও কামনাই বন্ধনের কারণ, কর্ম নয়; তাই নিষ্কামভাবে কর্তব্য পালন করলে মোক্ষ লাভ হয় এবং এতে অর্জুনকে যুদ্ধ করতে অনুপ্রাণিত করা হয়। 

ওং শ্রী পরমাত্মনে নমঃ
অথ তৃতীয়োঽধ্য়ায়ঃ ।
কর্ময়োগঃ

অর্জুন উবাচ
জ্য়াযসী চেত্কর্মণস্তে মতা বুদ্ধির্জনার্দন ।
তত্কিং কর্মণি ঘোরে মাং নিয়োজযসি কেশব ॥ 1 ॥

ব্য়ামিশ্রেণেব বাক্য়েন বুদ্ধিং মোহযসীব মে ।
তদেকং বদ নিশ্চিত্য় যেন শ্রেয়োঽহমাপ্নুয়াম্ ॥ 2 ॥

শ্রীভগবানুবাচ
লোকেঽস্মিংদ্বিবিধা নিষ্ঠা পুরা প্রোক্তা ময়ানঘ ।
জ্ঞানয়োগেন সাংখ্য়ানাং কর্ময়োগেন যোগিনাম্ ॥ 3 ॥

ন কর্মণামনারংভান্নৈষ্কর্ম্য়ং পুরুষোঽশ্নুতে ।
ন চ সংন্যসনাদেব সিদ্ধিং সমধিগচ্ছতি ॥ 4 ॥

ন হি কশ্চিত্ক্ষণমপি জাতু তিষ্ঠত্যকর্মকৃত্ ।
কার্যতে হ্যবশঃ কর্ম সর্বঃ প্রকৃতিজৈর্গুণৈঃ ॥ 5 ॥

কর্মেংদ্রিয়াণি সংযম্য য আস্তে মনসা স্মরন্ ।
ইংদ্রিয়ার্থান্বিমূঢাত্মা মিথ্যাচারঃ স উচ্যতে ॥ 6 ॥

যস্ত্বিংদ্রিয়াণি মনসা নিযম্যারভতেঽর্জুন ।
কর্মেংদ্রিয়ৈঃ কর্ময়োগমসক্তঃ স বিশিষ্যতে ॥ 7 ॥

নিযতং কুরু কর্ম ত্বং কর্ম জ্য়ায়ো হ্যকর্মণঃ ।
শরীরয়াত্রাপি চ তে ন প্রসিদ্ধ্য়েদকর্মণঃ ॥ 8 ॥

যজ্ঞার্থাত্কর্মণোঽন্যত্র লোকোঽয়ং কর্মবংধনঃ ।
তদর্থং কর্ম কৌংতেয় মুক্তসংগঃ সমাচর ॥ 9 ॥

সহযজ্ঞাঃ প্রজাঃ সৃষ্ট্বা পুরোবাচ প্রজাপতিঃ ।
অনেন প্রসবিষ্যধ্বমেষ বোঽস্ত্বিষ্টকামধুক্ ॥ 10 ॥

দেবান্ভাবযতানেন তে দেবা ভাবয়ংতু বঃ ।
পরস্পরং ভাবয়ংতঃ শ্রেয়ঃ পরমবাপ্স্যথ ॥ 11 ॥

ইষ্টান্ভোগান্হি বো দেবা দাস্যংতে যজ্ঞভাবিতাঃ ।
তৈর্দত্তানপ্রদায়ৈভ্য়ো যো ভুংক্তে স্তেন এব সঃ ॥ 12 ॥

যজ্ঞশিষ্টাশিনঃ সংতো মুচ্যংতে সর্বকিল্বিষৈঃ ।
ভুংজতে তে ত্বঘং পাপা যে পচংত্য়াত্মকারণাত্ ॥ 13 ॥

অন্নাদ্ভবংতি ভূতানি পর্জন্যাদন্নসংভবঃ ।
যজ্ঞাদ্ভবতি পর্জন্যো যজ্ঞঃ কর্মসমুদ্ভবঃ ॥ 14 ॥

কর্ম ব্রহ্মোদ্ভবং বিদ্ধি ব্রহ্মাক্ষরসমুদ্ভবম্ ।
তস্মাত্সর্বগতং ব্রহ্ম নিত্য়ং যজ্ঞে প্রতিষ্ঠিতম্ ॥ 15 ॥

এবং প্রবর্তিতং চক্রং নানুবর্তযতীহ যঃ ।
অঘায়ুরিংদ্রিয়ারামো মোঘং পার্থ স জীবতি ॥ 16 ॥

যস্ত্বাত্মরতিরেব স্যাদাত্মতৃপ্তশ্চ মানবঃ ।
আত্মন্যেব চ সংতুষ্টস্তস্য কার্য়ং ন বিদ্যতে ॥ 17 ॥

নৈব তস্য কৃতেনার্থো নাকৃতেনেহ কশ্চন ।
ন চাস্য সর্বভূতেষু কশ্চিদর্থব্যপাশ্রয়ঃ ॥ 18 ॥

তস্মাদসক্তঃ সততং কার্য়ং কর্ম সমাচর ।
অসক্তো হ্যাচরন্কর্ম পরমাপ্নোতি পূরুষঃ ॥ 19 ॥

কর্মণৈব হি সংসিদ্ধিমাস্থিতা জনকাদয়ঃ ।
লোকসংগ্রহমেবাপি সংপশ্যন্কর্তুমর্হসি ॥ 20 ॥

যদ্যদাচরতি শ্রেষ্ঠস্তত্তদেবেতরো জনঃ ।
স যত্প্রমাণং কুরুতে লোকস্তদনুবর্ততে ॥ 21 ॥

ন মে পার্থাস্তি কর্তব্যং ত্রিষু লোকেষু কিংচন ।
নানবাপ্তমবাপ্তব্যং বর্ত এব চ কর্মণি ॥ 22 ॥

যদি হ্যহং ন বর্তেয়ং জাতু কর্মণ্যতংদ্রিতঃ ।
মম বর্ত্মানুবর্তংতে মনুষ্যাঃ পার্থ সর্বশঃ ॥ 23 ॥

উত্সীদেয়ুরিমে লোকা ন কুর্য়াং কর্ম চেদহম্ ।
সংকরস্য চ কর্তা স্য়ামুপহন্যামিমাঃ প্রজাঃ ॥ 24 ॥

সক্তাঃ কর্মণ্যবিদ্বাংসো যথা কুর্বংতি ভারত ।
কুর্য়াদ্বিদ্বাংস্তথাসক্তশ্চিকীর্ষুর্লোকসংগ্রহম্ ॥ 25 ॥

ন বুদ্ধিভেদং জনয়েদজ্ঞানাং কর্মসংগিনাম্ ।
জোষয়েত্সর্বকর্মাণি বিদ্বান্য়ুক্তঃ সমাচরন্ ॥ 26 ॥

প্রকৃতেঃ ক্রিযমাণানি গুণৈঃ কর্মাণি সর্বশঃ ।
অহংকারবিমূঢাত্মা কর্তাহমিতি মন্যতে ॥ 27 ॥

তত্ত্ববিত্তু মহাবাহো গুণকর্মবিভাগয়োঃ ।
গুণা গুণেষু বর্তংত ইতি মত্বা ন সজ্জতে ॥ 28 ॥

প্রকৃতের্গুণসংমূঢাঃ সজ্জংতে গুণকর্মসু ।
তানকৃত্স্নবিদো মংদান্কৃত্স্নবিন্ন বিচালয়েত্ ॥ 29 ॥

ময়ি সর্বাণি কর্মাণি সংন্যস্যাধ্য়াত্মচেতসা ।
নিরাশীর্নির্মমো ভূত্বা যুধ্যস্ব বিগতজ্বরঃ ॥ 30 ॥

যে মে মতমিদং নিত্যমনুতিষ্ঠংতি মানবাঃ ।
শ্রদ্ধাবংতোঽনসূয়ংতো মুচ্যংতে তেঽপি কর্মভিঃ ॥ 31

যে ত্বেতদভ্যসূয়ংতো নানুতিষ্ঠংতি মে মতম্ ।
সর্বজ্ঞানবিমূঢাংস্তান্বিদ্ধি নষ্টানচেতসঃ ॥ 32 ॥

সদৃশং চেষ্টতে স্বস্যাঃ প্রকৃতের্জ্ঞানবানপি ।
প্রকৃতিং যাংতি ভূতানি নিগ্রহঃ কিং করিষ্যতি ॥ 33 ॥

ইংদ্রিযস্যেংদ্রিযস্যার্থে রাগদ্বেষৌ ব্যবস্থিতৌ ।
তয়োর্ন বশমাগচ্ছেত্তৌ হ্যস্য পরিপংথিনৌ ॥ 34 ॥

শ্রেয়ান্স্বধর্মো বিগুণঃ পরধর্মাত্স্বনুষ্ঠিতাত্ ।
স্বধর্মে নিধনং শ্রেয়ঃ পরধর্মো ভয়াবহঃ ॥ 35 ॥

অর্জুন উবাচ
অথ কেন প্রয়ুক্তোঽয়ং পাপং চরতি পূরুষঃ ।
অনিচ্ছন্নপি বার্ষ্ণেয় বলাদিব নিয়োজিতঃ ॥ 36 ॥

শ্রীভগবানুবাচ
কাম এষ ক্রোধ এষ রজোগুণসমুদ্ভবঃ ।
মহাশনো মহাপাপ্মা বিদ্ধ্য়েনমিহ বৈরিণম্ ॥ 37 ॥

ধূমেনাব্রিযতে বহ্নির্যথাদর্শো মলেন চ ।
যথোল্বেনাবৃতো গর্ভস্তথা তেনেদমাবৃতম্ ॥ 38 ॥

আবৃতং জ্ঞানমেতেন জ্ঞানিনো নিত্যবৈরিণা ।
কামরূপেণ কৌংতেয় দুষ্পূরেণানলেন চ ॥ 39 ॥

ইংদ্রিয়াণি মনো বুদ্ধিরস্য়াধিষ্ঠানমুচ্যতে ।
এতৈর্বিমোহযত্য়েষ জ্ঞানমাবৃত্য় দেহিনম্ ॥ 40 ॥

তস্মাত্ত্বমিংদ্রিয়াণ্য়াদৌ নিযম্য় ভরতর্ষভ ।
পাপ্মানং প্রজহি হ্য়েনং জ্ঞানবিজ্ঞাননাশনম্ ॥ 41 ॥

ইংদ্রিয়াণি পরাণ্য়াহুরিংদ্রিয়েভ্য়ঃ পরং মনঃ ।
মনসস্তু পরা বুদ্ধির্য়ো বুদ্ধেঃ পরতস্তু সঃ ॥ 42 ॥

এবং বুদ্ধেঃ পরং বুদ্ধ্বা সংস্তভ্য়াত্মানমাত্মনা ।
জহি শত্রুং মহাবাহো কামরূপং দুরাসদম্ ॥ 43 ॥

।। ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যায়াং যোগশাস্ত্রে  শ্রীকৃষ্ণার্জুনসংবাদে কর্ময়োগো নাম তৃতীয়োঽধ্যায়ঃ ॥