শ্রীমদ্ভগবদ্গীতার প্রথম অধ্যায়ের নাম অর্জুন বিষাদ যোগ, যেখানে কুরুক্ষেত্রের যুদ্ধের প্রাক্কালে অর্জুনের মানসিক দ্বিধা ও বিষণ্ণতা প্রকাশিত হয়েছে, যা মূলত যুদ্ধক্ষেত্রে আত্মীয়-স্বজনদের দেখে তার শস্ত্র ত্যাগের সিদ্ধান্তকে কেন্দ্র করে আবর্তিত হয়। ধৃতরাষ্ট্র সঞ্জয়কে তাদের প্রস্তুতি সম্পর্কে জিজ্ঞাসা করলে, সঞ্জয় অর্জুন ও অন্যান্য যোদ্ধাদের প্রস্তুতি বর্ণনা করেন, যা দেখে অর্জুনের মন শোকে ভরে ওঠে।
ওং শ্রী পরমাত্মনে নমঃ
অথ প্রথমোঽধ্য়ায়ঃ ।
অর্জুনবিষাদয়োগঃ
ধৃতরাষ্ট্র উবাচ
ধর্মক্ষেত্রে কুরুক্ষেত্রে সমবেতা যুয়ুত্সবঃ ।
মামকাঃ পান্ডবাশ্চৈব কিমকুর্বত সংজয় ॥ 1 ॥
সঞ্জয় উবাচ
দৃষ্ট্বা তু পান্ডবানীকং ব্যূঢং দুর্য়োধনস্তদা ।
আচার্যমুপসংগম্য রাজা বচনমব্রবীত্ ॥ 2 ॥
পশ্য়ৈতাং পান্ডুপুত্রাণামাচার্য় মহতীং চমূম্ ।
ব্যূঢাং দ্রুপদপুত্রেণ তব শিষ্যেণ ধীমতা ॥ 3 ॥
অত্র শূরা মহেষ্বাসা ভীমার্জুনসমা যুধি ।
যুয়ুধানো বিরাটশ্চ দ্রুপদশ্চ মহারথঃ ॥ 4 ॥
ধৃষ্টকেতুশ্চেকিতানঃ কাশিরাজশ্চ বীর্যবান্ ।
পুরুজিত্কুংতিভোজশ্চ শৈব্যশ্চ নরপুঙ্গবঃ ॥ 5 ॥
যুধামন্যুশ্চ বিক্রান্ত উত্তমৌজাশ্চ বীর্যবান্ ।
সৌভদ্রো দ্রৌপদেয়াশ্চ সর্ব এব মহারথাঃ ॥ 6 ॥
অস্মাকং তু বিশিষ্টা যে তান্নিবোধ দ্বিজোত্তম ।
নাযকা মম সৈন্যস্য সংজ্ঞার্থং তান্ব্রবীমি তে ॥ 7 ॥
ভবান্ভীষ্মশ্চ কর্ণশ্চ কৃপশ্চ সমিতিংজয়ঃ ।
অশ্বত্থামা বিকর্ণশ্চ সৌমদত্তিস্তথৈব চ ॥ 8 ॥
অন্য়ে চ বহবঃ শূরা মদর্থে ত্যক্তজীবিতাঃ ।
নানাশস্ত্রপ্রহরণাঃ সর্বে যুদ্ধবিশারদাঃ ॥ 9 ॥
অপর্য়াপ্তং তদস্মাকং বলং ভীষ্মাভিরক্ষিতম্ ।
পর্য়াপ্তং ত্বিদমেতেষাং বলং ভীমাভিরক্ষিতম্ ॥ 10 ॥
অযনেষু চ সর্বেষু যথাভাগমবস্থিতাঃ ।
ভীষ্মমেবাভিরক্ষংতু ভবংতঃ সর্ব এব হি ॥ 11 ॥
তস্য় সংজনযন্হর্ষং কুরুবৃদ্ধঃ পিতামহঃ ।
সিংহনাদং বিনদ্য়োচ্চৈঃ শংখং দধ্মৌ প্রতাপবান্ ॥ 12
ততঃ শংখাশ্চ ভের্যশ্চ পণবানকগোমুখাঃ ।
সহসৈবাভ্যহন্যংত স শব্দস্তুমুলোঽভবত্ ॥ 13 ॥
ততঃ শ্বেতৈর্হয়ৈর্য়ুক্তে মহতি স্যংদনে স্থিতৌ ।
মাধবঃ পান্ডবশ্চৈব দিব্যৌ শংখৌ প্রদঘ্মতুঃ ॥ 14 ॥
পাংচজন্যং হৃষীকেশো দেবদত্তং ধনংজয়ঃ ।
পৌংড্রং দধ্মৌ মহাশঙ্খং ভীমকর্মা বৃকোদরঃ ॥ 15 ॥
অনন্তবিজয়ং রাজা কুংতীপুত্রো যুধিষ্ঠিরঃ ।
নকুলঃ সহদেবশ্চ সুঘোষমণিপুষ্পকৌ ॥ 16 ॥
কাশ্যশ্চ পরমেষ্বাসঃ শিখংডী চ মহারথঃ ।
ধৃষ্টদ্য়ুম্নো বিরাটশ্চ সাত্যকিশ্চাপরাজিতঃ ॥ 17 ॥
দ্রুপদো দ্রৌপদেয়াশ্চ সর্বশঃ পৃথিবীপতে ।
সৌভদ্রশ্চ মহাবাহুঃ শংখাংদধ্মুঃ পৃথকপৃথক্ ॥ 18 ॥
স ঘোষো ধার্তরাষ্ট্রাণাং হৃদয়ানি ব্যদারযত্ ।
নভশ্চ পৃথিবীং চৈব তুমুলো ব্যনুনাদযন্ ॥ 19 ॥
অথ ব্যবস্থিতাংদৃষ্ট্বা ধার্তরাষ্ট্রান্কপিধ্বজঃ ।
প্রবৃত্তে শস্ত্রসংপাতে ধনুরুদ্যম্য পান্ডবঃ ॥ 20 ॥
হৃষীকেশং তদা বাক্যমিদমাহ মহীপতে।
অর্জুন উবাচ
সেনয়োরুভয়োর্মধ্য়ে রথং স্থাপয় মেঽচ্যুত ॥ 21 ॥
যাবদেতান্নিরীক্ষেঽহং যোদ্ধুকামানবস্থিতান্ ।
কৈর্ময়া সহ যোদ্ধব্যমস্মিন্রণসমুদ্যমে ॥ 22 ॥
যোত্স্যমানানবেক্ষেঽহং য এতেঽত্র সমাগতাঃ ।
ধার্তরাষ্ট্রস্য দুর্বুদ্ধের্য়ুদ্ধে প্রিযচিকীর্ষবঃ ॥ 23 ॥
সঞ্জয় উবাচ
এবমুক্তো হৃষীকেশো গুডাকেশেন ভারত ।
সেনয়োরুভয়োর্মধ্যে স্থাপয়িত্বা রথোত্তমম্ ॥ 24 ॥
ভীষ্মদ্রোণপ্রমুখতঃ সর্বেষাং চ মহীক্ষিতাম্ ।
উবাচ পার্থ পশ্যৈতান্সমবেতান্কুরূনিতি ॥ 25 ॥
তত্রাপশ্যত্স্থিতান্পার্থঃ পিতৄনথ পিতামহান্ ।
আচার্য়ান্মাতুলান্ভ্রাতৄন্পুত্রান্পৌত্রান্সখীংস্তথা ॥ 26 ॥
শ্বশুরান্সুহৃদশ্চৈব সেনয়োরুভয়োরপি ।
তান্সমীক্ষ্য় স কৌংতেয়ঃ সর্বান্বংধূনবস্থিতান্ ॥ 27 ॥
কৃপয়া পরয়াবিষ্টো বিষীদন্নিদমব্রবীত্।
অর্জুন উবাচ
দৃষ্ট্বেমং স্বজনং কৃষ্ণ যুয়ুত্সুং সমুপস্থিতম্ ॥ 28 ॥
সীদংতি মম গাত্রাণি মুখং চ পরিশুষ্যতি ।
বেপথুশ্চ শরীরে মে রোমহর্ষশ্চ জাযতে ॥ 29 ॥
গাংডীবং স্রংসতে হস্তাত্ত্বক্চৈব পরিদহ্যতে ।
ন চ শক্নোম্যবস্থাতুং ভ্রমতীব চ মে মনঃ ॥ 30 ॥
নিমিত্তানি চ পশ্য়ামি বিপরীতানি কেশব ।
ন চ শ্রেয়োঽনুপশ্য়ামি হত্বা স্বজনমাহবে ॥ 31 ॥
ন কাংক্ষে বিজয়ং কৃষ্ণ ন চ রাজ্য়ং সুখানি চ ।
কিং নো রাজ্য়েন গোবিংদ কিং ভোগৈর্জীবিতেন বা ॥ 32 ॥
যেষামর্থে কাংক্ষিতং নো রাজ্যং ভোগাঃ সুখানি চ ।
ত ইমেঽবস্থিতা যুদ্ধে প্রাণাংস্ত্যক্ত্বা ধনানি চ ॥ 33 ॥
আচার্য়াঃ পিতরঃ পুত্রাস্তথৈব চ পিতামহাঃ ।
মাতুলাঃ শ্বশুরাঃ পৌত্রাঃ শ্য়ালাঃ সংবংধিনস্তথা ॥ 34
এতান্ন হংতুমিচ্ছামি ঘ্নতোঽপি মধুসূদন ।
অপি ত্রৈলোক্যরাজ্যস্য হেতোঃ কিং নু মহীকৃতে ॥ 35
নিহত্য় ধার্তরাষ্ট্রান্নঃ কা প্রীতিঃ স্যাজ্জনার্দন ।
পাপমেবাশ্রয়েদস্মান্হত্বৈতানাততায়িনঃ ॥ 36 ॥
তস্মান্নার্হা বয়ং হংতুং ধার্তরাষ্ট্রান্স্ববাংধবান্ ।
স্বজনং হি কথং হত্বা সুখিনঃ স্য়াম মাধব ॥ 37 ॥
যদ্যপ্যেতে ন পশ্যংতি লোভোপহতচেতসঃ ।
কুলক্ষয়কৃতং দোষং মিত্রদ্রোহে চ পাতকম্ ॥ 38 ॥
কথং ন জ্ঞেযমস্মাভিঃ পাপাদস্মান্নিবর্তিতুম্ ।
কুলক্ষযকৃতং দোষং প্রপশ্যদ্ভির্জনার্দন ॥ 39 ॥
কুলক্ষয়ে প্রণশ্যংতি কুলধর্মাঃ সনাতনাঃ ।
ধর্মে নষ্টে কুলং কৃত্স্নমধর্মোঽভিভবত্য়ুত ॥ 40 ॥
অধর্মাভিভবাত্কৃষ্ণ প্রদুষ্যংতি কুলস্ত্রিয়ঃ ।
স্ত্রীষু দুষ্টাসু বার্ষ্ণেয় জাযতে বর্ণসংকরঃ ॥ 41 ॥
সংকরো নরকায়ৈব কুলঘ্নানাং কুলস্য চ ।
পতংতি পিতরো হ্য়েষাং লুপ্তপিংডোদকক্রিয়াঃ ॥ 42
দোষৈরেতৈঃ কুলঘ্নানাং বর্ণসংকরকারকৈঃ ।
উত্সাদ্য়ংতে জাতিধর্মাঃ কুলধর্মাশ্চ শাশ্বতাঃ ॥ 43 ॥
উত্সন্নকুলধর্মাণাং মনুষ্য়াণাং জনার্দন ।
নরকেঽনিযতং বাসো ভবতীত্যনুশুশ্রুম ॥ 44 ॥
অহো বত মহত্পাপং কর্তুং ব্যবসিতা বযম্ ।
যদ্রাজ্যসুখলোভেন হংতুং স্বজনমুদ্যতাঃ ॥ 45 ॥
যদি মামপ্রতীকারমশস্ত্রং শস্ত্রপাণয়ঃ ।
ধার্তরাষ্ট্রা রণে হন্য়ুস্তন্মে ক্ষেমতরং ভবেত্ ॥ 46 ॥
সঞ্জয় উবাচ ।
এবমুক্ত্বার্জুনঃ সংখ্য়ে রথোপস্থ উপাবিশত্ ।
বিসৃজ্য় সশরং চাপং শোকসংবিগ্নমানসঃ ॥ 47 ॥
ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে
শ্রীকৃষ্ণার্জুনসংবাদে অর্জুনবিষাদয়োগো নাম।।
।। প্রথমোঽধ্য়ায়ঃ ॥1 ॥
