শ্রীমদ্ভগবদ্গীতা মূলম্ – অষ্টাদশ অধ্যায়ঃ  : শ্রীমদভগবদগীতার সারসংক্ষেপ

শ্রীমদ্ভগবদ্গীতার অষ্টাদশ অধ্যায়টি  মোক্ষসন্ন্যাসযোগ নামে পরিচিত, যা পূর্ববর্তী সতেরোটি অধ্যায়ের সারসংক্ষেপ ও চূড়ান্ত উপসংহার । ৭৮টি শ্লোকের এই অধ্যায়ে শ্রীকৃষ্ণ সন্ন্যাস, ত্যাগ, কর্ম, গুণত্রয় (সত্ত্ব, রজঃ, তমঃ), জ্ঞান ও ভক্তির মাহাত্ম্য বর্ণনা করে অর্জুনকে অর্পণ (Surrender) বা শরণাগতির মাধ্যমে সর্বোচ্চ সিদ্ধি লাভের উপদেশ দিয়েছেন ।

ওং শ্রী পরমাত্মনে নমঃ
অথ অষ্টাদশোঽধ্যায়ঃ ।
মোক্ষসন্ন্যাসয়োগঃ

অর্জুন উবাচ
সংন্য়াসস্য় মহাবাহো তত্ত্বমিচ্ছামি বেদিতুম্ ।
ত্য়াগস্য চ হৃষীকেশ পৃথক্কেশিনিষূদন ॥ 1 ॥

শ্রীভগবানুবাচ
কাম্যানাং কর্মণাং ন্যাসং সংন্যাসং কবয়ো বিদুঃ ।
সর্বকর্মফলত্য়াগং প্রাহুস্ত্য়াগং বিচক্ষণাঃ ॥ 2 ॥

ত্যাজ্য়ং দোষবদিত্য়েকে কর্ম প্রাহুর্মনীষিণঃ ।
যজ্ঞদানতপঃকর্ম ন ত্য়াজ্যমিতি চাপরে ॥ 3 ॥

নিশ্চয়ং শৃণু মে তত্র ত্যাগে ভরতসত্তম ।
ত্যাগো হি পুরুষব্য়াঘ্র ত্রিবিধঃ সংপ্রকীর্তিতঃ ॥ 4 ॥

যজ্ঞদানতপঃকর্ম ন ত্যাজ্য়ং কার্যমেব তত্ ।
যজ্ঞো দানং তপশ্চৈব পাবনানি মনীষিণাম্ ॥ 5 ॥

এতান্যপি তু কর্মাণি সংগং ত্যক্ত্বা ফলানি চ ।
কর্তব্যানীতি মে পার্থ নিশ্চিতং মতমুত্তমম্ ॥ 6 ॥

নিযতস্য তু সংন্যাসঃ কর্মণো নোপপদ্যতে ।
মোহাত্তস্য পরিত্য়াগস্তামসঃ পরিকীর্তিতঃ ॥ 7 ॥

দুঃখমিত্য়েব যত্কর্ম কাযক্লেশভয়াত্ত্যজেত্ ।
স কৃত্বা রাজসং ত্য়াগং নৈব ত্য়াগফলং লভেত্ ॥ 8 ॥

কার্যমিত্য়েব যত্কর্ম নিযতং ক্রিয়তেঽর্জুন ।
সংগং ত্যক্ত্বা ফলং চৈব স ত্য়াগঃ সাত্ত্বিকো মতঃ ॥ 9

ন দ্বেষ্ট্যকুশলং কর্ম কুশলে নানুষজ্জতে ।
ত্য়াগী সত্ত্বসমাবিষ্টো মেধাবী ছিন্নসংশয়ঃ ॥ 10 ॥

ন হি দেহভৃতা শক্যং ত্যক্তুং কর্মাণ্যশেষতঃ ।
যস্তু কর্মফলত্য়াগী স ত্যাগীত্যভিধীয়তে ॥ 11 ॥

অনিষ্টমিষ্টং মিশ্রং চ ত্রিবিধং কর্মণঃ ফলম্ ।
ভবত্যত্য়াগিনাং প্রেত্য় ন তু সংন্যাসিনাং ক্বচিত্ ॥ 12

পংচৈতানি মহাবাহো কারণানি নিবোধ মে ।
সাংখ্য়ে কৃতাংতে প্রোক্তানি সিদ্ধয়ে সর্বকর্মণাম্ ॥ 13 ॥

অধিষ্ঠানং তথা কর্তা করণং চ পৃথগ্বিধম্ ।
বিবিধাশ্চ পৃথক্চেষ্টা দৈবং চৈবাত্র পঞ্চমম্ ॥ 14 ॥

শরীরবাঙ্মনোভির্যত্কর্ম প্রারভতে নরঃ ।
ন্যায়্য়ং বা বিপরীতং বা পঞ্চৈতে তস্য হেতবঃ ॥ 15 ॥

তত্রৈবং সতি কর্তারমাত্মানং কেবলং তু যঃ ।
পশ্যত্যকৃতবুদ্ধিত্বান্ন স পশ্যতি দুর্মতিঃ ॥ 16 ॥

যস্য নাহংকৃতো ভাবো বুদ্ধির্যস্য ন লিপ্যতে ।
হত্বাঽপি স ইমাল্লোকান্ন হংতি ন নিবধ্যতে ॥ 17 ॥

জ্ঞানং জ্ঞেয়ং পরিজ্ঞাতা ত্রিবিধা কর্মচোদনা ।
করণং কর্ম কর্তেতি ত্রিবিধঃ কর্মসংগ্রহঃ ॥ 18 ॥

জ্ঞানং কর্ম চ কর্তা চ ত্রিধৈব গুণভেদতঃ ।
প্রোচ্যতে গুণসংখ্য়ানে যথাবচ্ছৃণু তান্যপি ॥ 19 ॥

সর্বভূতেষু যেনৈকং ভাবমব্যযমীক্ষতে ।
অবিভক্তং বিভক্তেষু তজ্জ্ঞানং বিদ্ধি সাত্ত্বিকম্ ॥ 20

পৃথক্ত্বেন তু যজ্জ্ঞানং নানাভাবান্পৃথগ্বিধান্ ।
বেত্তি সর্বেষু ভূতেষু তজ্জ্ঞানং বিদ্ধি রাজসম্ ॥ 21 ॥

যত্তু কৃত্স্নবদেকস্মিন্কার্য়ে সক্তমহৈতুকম্ ।
অতত্ত্বার্থবদল্পং চ তত্তামসমুদাহৃতম্ ॥ 22 ॥

নিয়তং সংগরহিতমরাগদ্বেষতঃ কৃতম্ ।
অফলপ্রেপ্সুনা কর্ম যত্তত্সাত্ত্বিকমুচ্যতে ॥ 23 ॥

যত্তু কামেপ্সুনা কর্ম সাহংকারেণ বা পুনঃ ।
ক্রিয়তে বহুলায়াসং তদ্রাজসমুদাহৃতম্ ॥ 24 ॥

অনুবংধং ক্ষয়ং হিংসামনপেক্ষ্য় চ পৌরুষম্ ।
মোহাদারভ্যতে কর্ম যত্তত্তামসমুচ্যতে ॥ 25 ॥

মুক্তসংগোঽনহংবাদী ধৃত্য়ুত্সাহসমন্বিতঃ ।
সিদ্ধ্যসিদ্ধ্য়োর্নির্বিকারঃ কর্তা সাত্ত্বিক উচ্যতে ॥ 26 ॥

রাগী কর্মফলপ্রেপ্সুর্লুব্ধো হিংসাত্মকোঽশুচিঃ ।
হর্ষশোকান্বিতঃ কর্তা রাজসঃ পরিকীর্তিতঃ ॥ 27 ॥

অয়ুক্তঃ প্রাকৃতঃ স্তব্ধঃ শঠো নৈষ্কৃতিকোঽলসঃ ।
বিষাদী দীর্ঘসূত্রী চ কর্তা তামস উচ্যতে ॥ 28 ॥

বুদ্ধের্ভেদং ধৃতেশ্চৈব গুণতস্ত্রিবিধং শৃণু ।
প্রোচ্যমানমশেষেণ পৃথক্ত্বেন ধনঞ্জয় ॥ 29 ॥

প্রবৃত্তিং চ নিবৃত্তিং চ কার্য়াকার্য়ে ভয়াভয়ে ।
বংধং মোক্ষং চ যা বেত্তি বুদ্ধিঃ সা পার্থ সাত্ত্বিকী ॥ 30

যয়া ধর্মমধর্মং চ কার্য়ং চাকার্যমেব চ ।
অযথাবত্প্রজানাতি বুদ্ধিঃ সা পার্থ রাজসী ॥ 31 ॥

অধর্মং ধর্মমিতি যা মন্যতে তমসাবৃতা ।
সর্বার্থান্বিপরীতাংশ্চ বুদ্ধিঃ সা পার্থ তামসী ॥ 32 ॥

ধৃত্য়া যয়া ধারয়তে মনঃপ্রাণেংদ্রিযক্রিয়াঃ ।
যোগেনাব্যভিচারিণ্যা ধৃতিঃ সা পার্থ সাত্ত্বিকী ॥ 33 ॥

যয়া তু ধর্মকামার্থাংধৃত্যা ধারয়তেঽর্জুন ।
প্রসংগেন ফলাকাংক্ষী ধৃতিঃ সা পার্থ রাজসী ॥ 34 ॥

যয়া স্বপ্নং ভয়ং শোকং বিষাদং মদমেব চ ।
ন বিমুংচতি দুর্মেধা ধৃতিঃ সা পার্থ তামসী ॥ 35 ॥

সুখং ত্বিদানীং ত্রিবিধং শৃণু মে ভরতর্ষভ ।
অভ্য়াসাদ্রমতে যত্র দুঃখাংতং চ নিগচ্ছতি ॥ 36 ॥

যত্তদগ্রে বিষমিব পরিণামেঽমৃতোপমম্ ।
তত্সুখং সাত্ত্বিকং প্রোক্তমাত্মবুদ্ধিপ্রসাদজম্ ॥ 37 ॥

বিষয়েংদ্রিয়সংয়োগাদ্যত্তদগ্রেঽমৃতোপমম্ ।
পরিণামে বিষমিব তত্সুখং রাজসং স্মৃতম্ ॥ 38 ॥

যদগ্রে চানুবংধে চ সুখং মোহনমাত্মনঃ ।
নিদ্রালস্যপ্রমাদোত্থং তত্তামসমুদাহৃতম্ ॥ 39 ॥

ন তদস্তি পৃথিব্যাং বা দিবি দেবেষু বা পুনঃ ।
সত্ত্বং প্রকৃতিজৈর্মুক্তং যদেভিঃ স্য়াত্ত্রিভির্গুণৈঃ ॥ 40

ব্রাহ্মণক্ষত্রিয়বিশাং শূদ্রাণাং চ পরন্তপ ।
কর্মাণি প্রবিভক্তানি স্বভাবপ্রভবৈর্গুণৈঃ ॥ 41 ॥

শমো দমস্তপঃ শৌচং ক্ষাংতিরার্জবমেব চ ।
জ্ঞানং বিজ্ঞানমাস্তিক্যং ব্রহ্মকর্ম স্বভাবজম্ ॥ 42 ॥

শৌর্য়ং তেজো ধৃতির্দাক্ষ্য়ং যুদ্ধে চাপ্যপলায়নম্ ।
দানমীশ্বরভাবশ্চ ক্ষাত্রং কর্ম স্বভাবজম্ ॥ 43 ॥

কৃষিগৌরক্ষ্যবাণিজ্যং বৈশ্যকর্ম স্বভাবজম্ ।
পরিচর্য়াত্মকং কর্ম শূদ্রস্যাপি স্বভাবজম্ ॥ 44 ॥

স্বে স্বে কর্মণ্যভিরতঃ সংসিদ্ধিং লভতে নরঃ ।
স্বকর্মনিরতঃ সিদ্ধিং যথা বিংদতি তচ্ছৃণু ॥ 45 ॥

যতঃ প্রবৃত্তির্ভূতানাং যেন সর্বমিদং ততম্ ।
স্বকর্মণা তমভ্যর্চ্য সিদ্ধিং বিংদতি মানবঃ ॥ 46 ॥

শ্রেয়ান্স্বধর্মো বিগুণঃ পরধর্মোত্স্বনুষ্ঠিতাত্ ।
স্বভাবনিয়তং কর্ম কুর্বন্নাপ্নোতি কিল্বিষম্ ॥ 47 ॥

সহজং কর্ম কৌংতেয় সদোষমপি ন ত্যজেত্ ।
সর্বারংভা হি দোষেণ ধূমেনাগ্নিরিবাবৃতাঃ ॥ 48 ॥

অসক্তবুদ্ধিঃ সর্বত্র জিতাত্মা বিগতস্পৃহঃ ।
নৈষ্কর্ম্যসিদ্ধিং পরমাং সংন্যাসেনাধিগচ্ছতি ॥ 49 ॥

সিদ্ধিং প্রাপ্তো যথা ব্রহ্ম তথাপ্নোতি নিবোধ মে ।
সমাসেনৈব কৌংতেয় নিষ্ঠা জ্ঞানস্য় যা পরা ॥ 50 ॥

বুদ্ধ্য়া বিশুদ্ধয়া যুক্তো ধৃত্য়াত্মানং নিযম্য চ ।
শব্দাদীন্বিষয়াংস্ত্যক্ত্বা রাগদ্বেষৌ ব্য়ুদস্য চ ॥ 51 ॥

বিবিক্তসেবী লঘ্বাশী যতবাক্কাযমানসঃ ।
ধ্য়ানয়োগপরো নিত্য়ং বৈরাগ্যং সমুপাশ্রিতঃ ॥ 52 ॥

অহংকারং বলং দর্পং কামং ক্রোধং পরিগ্রহম্ ।
বিমুচ্য নির্মমঃ শাংতো ব্রহ্মভূয়ায় কল্পতে ॥ 53 ॥

ব্রহ্মভূতঃ প্রসন্নাত্মা ন শোচতি ন কাংক্ষতি ।
সমঃ সর্বেষু ভূতেষু মদ্ভক্তিং লভতে পরাম্ ॥ 54 ॥

ভক্ত্যা মামভিজানাতি যাবান্যশ্চাস্মি তত্ত্বতঃ ।
ততো মাং তত্ত্বতো জ্ঞাত্বা বিশতে তদনংতরম্ ॥ 55 ॥

সর্বকর্মাণ্যপি সদা কুর্বাণো মদ্ব্যপাশ্রয়ঃ ।
মত্প্রসাদাদবাপ্নোতি শাশ্বতং পদমব্যযম্ ॥ 56 ॥

চেতসা সর্বকর্মাণি ময়ি সংন্যস্য মত্পরঃ ।
বুদ্ধিয়োগমুপাশ্রিত্য় মচ্চিত্তঃ সততং ভব ॥ 57 ॥

মচ্চিত্তঃ সর্বদুর্গাণি মত্প্রসাদাত্তরিষ্যসি ।
অথ চেত্ত্বমহংকারান্ন শ্রোষ্যসি বিনংক্ষ্যসি ॥ 58 ॥

যদহংকারমাশ্রিত্য় ন যোত্স্য ইতি মন্যসে ।
মিথ্য়ৈষ ব্যবসাযস্তে প্রকৃতিস্ত্বাং নিয়োক্ষ্যতি ॥ 59 ॥

স্বভাবজেন কৌংতেয় নিবদ্ধঃ স্বেন কর্মণা ।
কর্তুং নেচ্ছসি যন্মোহাত্করিষ্যস্যবশোঽপি তত্ ॥ 60

ঈশ্বরঃ সর্বভূতানাং হৃদ্দেশেঽর্জুন তিষ্ঠতি ।
ভ্রামযন্সর্বভূতানি যংত্রারূঢানি মায়য়া ॥ 61 ॥

তমেব শরণং গচ্ছ সর্বভাবেন ভারত ।
তত্প্রসাদাত্পরাং শাংতিং স্থানং প্রাপ্স্যসি শাশ্বতম্ ॥ 62 ॥

ইতি তে জ্ঞানমাখ্য়াতং গুহ্য়াদ্গুহ্যতরং ময়া ।
বিমৃশ্য়ৈতদশেষেণ যথেচ্ছসি তথা কুরু ॥ 63 ॥

সর্বগুহ্যতমং ভূয়ঃ শৃণু মে পরমং বচঃ ।
ইষ্টোঽসি মে দৃঢমিতি ততো বক্ষ্য়ামি তে হিতম্ ॥ 64 ॥

মন্মনা ভব মদ্ভক্তো মদ্য়াজী মাং নমস্কুরু ।
মামেবৈষ্যসি সত্য়ং তে প্রতিজানে প্রিয়োঽসি মে ॥ 65

সর্বধর্মান্ পরিত্যজ্য মামেকং শরণং ব্রজ ।
অহং ত্বা সর্বপাপেভ্য়ো মোক্ষয়িষ্য়ামি মা শুচঃ ॥ 66

ইদং তে নাতপস্কায় নাভক্তায় কদাচন ।
ন চাশুশ্রূষবে বাচ্যং ন চ মাং যোঽভ্যসূয়তি ॥ 67 ॥

য ইমং পরমং গুহ্য়ং মদ্ভক্তেষ্বভিধাস্যতি ।
ভক্তিং ময়ি পরাং কৃত্বা মামেবৈষ্যত্যসংশয়ঃ ॥ 68 ॥

ন চ তস্মান্মনুষ্যেষু কশ্চিন্মে প্রিযকৃত্তমঃ ।
ভবিতা ন চ মে তস্মাদন্যঃ প্রিয়তরো ভুবি ॥ 69 ॥

অধ্যেষ্যতে চ য ইমং ধর্ম্যং সংবাদমাবয়োঃ ।
জ্ঞানযজ্ঞেন তেনাহমিষ্টঃ স্য়ামিতি মে মতিঃ ॥ 70 ॥

শ্রদ্ধাবাননসূযশ্চ শৃণুয়াদপি যো নরঃ ।
সোঽপি মুক্তঃ শুভাఁল্লোকান্প্রাপ্নুয়াত্পুণ্যকর্মণাম্ ॥ 71 ॥

কচ্চিদেতচ্ছ্রুতং পার্থ ত্বয়ৈকাগ্রেণ চেতসা ।
কচ্চিদজ্ঞানসংমোহঃ প্রনষ্টস্তে ধনংজয় ॥ 72 ॥

অর্জুন উবাচ
নষ্টো মোহঃ স্মৃতির্লব্ধা ত্বত্প্রসাদান্ময়াচ্যুত ।
স্থিতোঽস্মি গতসংদেহঃ করিষ্যে বচনং তব ॥ 73 ॥

সঞ্জয় উবাচ
ইত্যহং বাসুদেবস্য পার্থস্য চ মহাত্মনঃ ।
সংবাদমিমমশ্রৌষমদ্ভুতং রোমহর্ষণম্ ॥ 74 ॥

ব্যাসপ্রসাদাচ্ছ্রুতবানেতদ্গুহ্যমহং পরম্ ।
যোগং যোগেশ্বরাত্কৃষ্ণাত্সাক্ষাত্কথযতঃ স্বযম্ ॥ 75

রাজন্সংস্মৃত্য সংস্মৃত্য সংবাদমিমমদ্ভুতম্ ।
কেশবার্জুনয়োঃ পুণ্যং হৃষ্যামি চ মুহুর্মুহুঃ ॥ 76 ॥

তচ্চ সংস্মৃত্য সংস্মৃত্য রূপমত্যদ্ভুতং হরেঃ ।
বিস্ময়ো মে মহান্রাজন্হৃষ্য়ামি চ পুনঃ পুনঃ ॥ 77 ॥

যত্র যোগেশ্বরঃ কৃষ্ণো যত্র পার্থো ধনুর্ধরঃ ।
তত্র শ্রীর্বিজয়ো ভূতির্ধ্রুবা নীতির্মতির্মম ॥ 78 ॥

।। ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে মোক্ষসংন্যাসয়োগো নামাষ্টাদশোঽধ্যায়ঃ ॥

অষ্টাদশ অধ্যায়ের মূল বিষয়বস্তু:
সন্ন্যাস ও ত্যাগ: শ্রীকৃষ্ণ কর্মফল ত্যাগের ওপর জোর দিয়েছেন, যা সাত্ত্বিক ত্যাগ ।
গুণানুসারে কর্ম: জ্ঞান, কর্ম, কর্তা, বুদ্ধি, ধৈর্য ও সুখের ত্রিগুণাত্মক ভেদ ব্যাখ্যা করা হয়েছে ।
বর্ণাশ্রম ধর্ম: নিজ নিজ স্বভাবজাত কর্ম (স্বধর্ম) পালনের মাধ্যমে মোক্ষলাভের পথ দেখানো হয়েছে।
চূড়ান্ত উপদেশ (শ্লোক ১৮.৬৬): “সর্বধর্মান পরিত্যজ্য মামেকং শরণং ব্রজ…” – অর্থাৎ সমস্ত বিধি-নিষেধ ত্যাগ করে শ্রীকৃষ্ণের শরণাপন্ন হওয়াই হলো সর্বোচ্চ ধর্ম । 
এই অধ্যায়ের শেষে অর্জুনের মোহ দূর হয় এবং তিনি কৃষ্ণকে আত্মসমর্পণ করেন ।  যেখানে কৃষ্ণ ও অর্জুন আছেন, সেখানেই বিভূতি, বিজয় ও নীতি অটল থাকে ।।