ধ্যানম্
শবারূঢাং মহাভীমাং ঘোরদংষ্ট্রাং বরপ্রদাংহাস্যযুক্তাং ত্রিণেত্রাংচ কপাল কর্ত্রিকা করাম্ ।
মুক্তকেশীং ললজ্জিহ্বাং পিবংতীং রুধিরং মুহুঃচতুর্বাহুযুতাং দেবীং বরাভযকরাং স্মরেত্ ॥
শবারূঢাং মহাভীমাং ঘোরদংষ্ট্রাং হসন্মুখীংচতুর্ভুজাং খড্গমুংডবরাভযকরাং শিবাম্
মুংডমালাধরাং দেবীং ললজ্জিহ্বাং দিগংবরাংএবং সংচিংতযেত্কালীং শ্মশনালযবাসিনীম্ ॥
স্তোত্রম্
বিশ্বেশ্বরীং জগদ্ধাত্রীং স্থিতিসংহারকারিণীম্ ।
নিদ্রাং ভগবতীং বিষ্ণোরতুলাং তেজসঃ প্রভাম্ ॥ ১
ত্বং স্বাহা ত্বং স্বধা ত্বং হি বষট্কারঃ স্বরাত্মিকা ।
সুধা ত্বমক্ষরে নিত্যে ত্রিধা মাত্রাত্মিকা স্থিতা ॥ ২ ॥
অর্থমাত্রাস্থিতা নিত্যা যানুচ্চার্যা বিশেষতঃ ।
ত্বমেব সংধ্যা সাবিত্রী ত্বং দেবী জননী পরা ॥ ৩ ॥
ত্বযৈতদ্ধার্যতে বিশ্বং ত্বযৈতদ্সৃজ্যতে জগত্ ।ত্বযৈতত্পাল্যতে দেবি ত্বমত্স্যংতে চ সর্বদা ॥ ৪ ॥
বিসৃষ্টৌ সৃষ্টিরূপা ত্বং স্থিতিরূপা চ পালনে ।
তথা সংহৃতিরূপাংতে জগতোঽস্য জগন্মযে ॥ ৫ ॥
মহাবিদ্যা মহামাযা মহামেধা মহাস্মৃতিঃ ।
মহামোহা চ ভবতী মহাদেবী মহেশ্বরী ॥ ৬ ॥
প্রকৃতিস্ত্বং চ সর্বস্য গুণত্রযবিভাবিনী ।কালরাত্রির্মহারাত্রির্মোহরাত্রিশ্চ দারুণা ॥ ৭ ॥
ত্বং শ্রীস্ত্বমীশ্বরী ত্বং হ্রীস্ত্বং বুদ্ধির্বোধলক্ষণা ।
লজ্জা পুষ্টিস্তথা তুষ্টিস্ত্বং শাংতিঃ ক্ষাংতিরেব চ ॥ ৮
খড্গিনী শূলিনী ঘোরা গদিনী চক্রিণী তথা ।
শংখিনী চাপিনী বাণভুশুংডীপরিঘাযুধা ॥ ৯ ॥
সৌম্যা সৌম্যতরাশেষা সৌম্যেভ্যস্ত্বতিসুংদরী ।পরাপরাণাং পরমা ত্বমেব পরমেশ্বরী ॥ ১০ ॥
যচ্চ কিংচিত্ ক্বচিদ্বস্তু সদসদ্বাখিলাত্মিকে ।
তস্য সর্বস্য যা শক্তিঃ সা ত্বং কিং স্তূযসে তদা ॥ ১১
যযা ত্বযা জগত্স্রষ্টা জগত্পাত্যত্তি যো জগত্ ।
সোঽপি নিদ্রাবশং নীতঃ কস্ত্বাং স্তোতুমিহেশ্বরঃ ॥ ১২ ॥
বিষ্ণুঃ শরীরগ্রহণমহমীশান এব চ ।
কারিতাস্তে যতোঽতস্ত্বাং কঃ স্তোতুং শক্তিমান্ ভবেত্ ॥ ১৩ ॥
সা ত্বমিত্থং প্রভাবৈঃ স্বৈরুদারৈর্দেবি সংস্তুতা ।মোহযৈতৌ দুরাধর্ষাবসুরৌ মধুকৈটভৌ ॥ ১৪ ॥
প্রবোধং চ জগত্স্বামী নীযতামচ্যুতো লঘু ।
বোধশ্চ ক্রিযতামস্য হংতুমেতৌ মহাসুরৌ ॥ ১৫ ॥
।। ইতি শ্রী মহাকালী স্তোত্রম্ ।।
