শ্রী কৃষ্ণ সহস্র নাম স্তোত্রম্ : ঋষি পরাশর বিরচিত এই স্তোত্র ভক্তি ও আধ্যাত্মিক সমৃদ্ধি আনে

শ্রী কৃষ্ণ সহস্র নাম স্তোত্রম্ (Shri Krishna Sahasra Nama Stotram) হলো ভগবান শ্রীকৃষ্ণের ১০০০টি নাম, গুণাবলী ও মহিমা সম্বলিত একটি স্তোত্র, যা মূলত পরাশর ঋষি কর্তৃক রচিত এবং এর মাধ্যমে শ্রীকৃষ্ণের পরম সত্তাকে স্মরণ ও আরাধনা করা হয়, যা ভক্তি ও আধ্যাত্মিক সমৃদ্ধি আনে, এবং এটি শ্রীবিষ্ণু সহস্রনামের একটি অংশ বা কৃষ্ণের জন্য নির্দিষ্ট একটি রূপ হিসেবে গণ্য হয়। 

ওং অস্য শ্রীকৃষ্ণসহস্রনামস্তোত্রমন্ত্রস্য পরাশর ঋষিঃ, অনুষ্টুপ্ ছন্দঃ, শ্রীকৃষ্ণঃ পরমাত্মা দেবতা, শ্রীকৃষ্ণেতি বীজম্, শ্রীবল্লভেতি শক্তিঃ, শারংগীতি কীলকং, শ্রীকৃষ্ণপ্রীত্যর্থে জপে বিনিয়োগঃ ॥

ন্যাসঃ
পরাশরায় ঋষয়ে নমঃ ইতি শিরসি,
অনুষ্টুপ্ ছংদসে নমঃ ইতি মুখে,
গোপালকৃষ্ণদেবতায়ৈ নমঃ ইতি হৃদয়ে,
শ্রীকৃষ্ণায় বীজায় নমঃ ইতি গুহ্যে,
শ্রীবল্লভায় শক্ত্য়ৈ নমঃ ইতি পাদয়োঃ,
শার্ঙ্গধরায় কীলকায় নমঃ ইতি সর্বাংগে ॥

করন্যাসঃ
শ্রীকৃষ্ণ ইত্যারভ্য শূরবংশৈকধীরিত্য়ংতানি অংগুষ্ঠাভ্য়াং নমঃ ।
শৌরিরিত্য়ারভ্য় স্বভাসোদ্ভাসিতব্রজ ইত্যংতানি তর্জনীভ্য়াং নমঃ ।
কৃতাত্মবিদ্যাবিন্যাস ইত্যারভ্য প্রস্থানশকটারূঢ ইতি মধ্যমাভ্যাং নমঃ,
বৃংদাবনকৃতালয় ইত্যারভ্য় মধুরাজনবীক্ষিত ইত্যনামিকাভ্যাং নমঃ,
রজকপ্রতিঘাতক ইত্যারভ্য দ্বারকাপুরকল্পন ইতি কনিষ্ঠিকাভ্যাং নমঃ
দ্বারকানিলয় ইত্যারভ্য পরাশর ইতি করতলকরপৃষ্ঠাভ্যাং নমঃ,
এবং হৃদয়াদিন্যাসঃ ॥

ধ্যানম্
কেষাংচিত্প্রেমপুংসাং বিগলিতমনসাং বাললীলাবিলাসং
কেষাং গোপাললীলাংকিতরসিকতনুর্বেণুবাদ্যেন দেবম্
কেষাং বামাসমাজে জনিতমনসিজো দৈত্যদর্পাপহৈবং
জ্ঞাত্বা ভিন্নাভিলাষং স জয়তি জগতামীশ্বরস্তাদৃশোঽভূত্ ॥ 1 ॥

ক্ষীরাব্ধৌ কৃতসংস্তবস্সুরগণৈর্ব্রহ্মাদিভিঃ পংডিতৈঃ
প্রোদ্ভূতো বসুদেবসদ্মনি মুদা চিক্রীড যো গোকুলে ।
কংসধ্বংসকৃতে জগাম মধুরাং সারামসদ্বারকাং
গোপালোঽখিলগোপিকাজনসখঃ পায়াদপায়াত্ স নঃ ॥ 2 ॥

ফুল্লেংদীবরকাংতিমিংদুবদনং বর্হাবতংসপ্রিয়ং
শ্রীবত্সাংকমুদারকৌস্তুভধরং পীতাংবরং সুংদরম্ ।
গোপীনাং নয়নোত্পলার্চিততনুং গোগোপসংঘাবৃতং
গোবিংদং কলবেণুবাদনরতং দিব্য়াংগভূষং ভজে ॥ 3

ওম্ ।
কৃষ্ণঃ শ্রীবল্লভঃ শারংগী বিষ্বক্সেনঃ স্বসিদ্ধিদঃ ।
ক্ষীরোদধামা ব্যূহেশঃ শেষশায়ী জগন্ময়ঃ ॥ 1 ॥

ভক্তিগম্যস্ত্রয়ীমূর্তির্ভারার্তবসুধাস্তুতঃ ।
দেবদেবো দয়াসিংধুর্দেবদেবশিখামণিঃ ॥ 2 ॥

সুখভাবস্সুখাধারো মুকুংদো মুদিতাশয়ঃ ।
অবিক্রিয়ঃ ক্রিয়ামূর্তিরধ্য়াত্মস্বস্বরূপবান্ ॥ 3 ॥

শিষ্টাভিলক্ষ্য়ো ভূতাত্মা ধর্মত্রাণার্থচেষ্টিতঃ ।
অংতর্য়ামী কলারূপঃ কালাবয়বসাক্ষিকঃ ॥ 4 ॥

বসুধায়াসহরণো নারদপ্রেরণোন্মুখঃ ।
প্রভূষ্ণুর্নারদোদ্গীতো লোকরক্ষাপরায়ণঃ ॥ 5 ॥

রৌহিণেযকৃতানংদো যোগজ্ঞাননিয়োজকঃ ।
মহাগুহাংতর্নিক্ষিপ্তঃ পুরাণবপুরাত্মবান্ ॥ 6 ॥

শূরবংশৈকধীশেশৌরিঃ কংসশংকাবিষাদকৃত্ ।
বসুদেবোল্লসচ্ছক্তির্দেবক্যষ্টমগর্ভগঃ ॥ 7 ॥

বসুদেবসুতঃ শ্রীমাংদেবকীনংদনো হরিঃ ।
আশ্চর্যবালঃ শ্রীবত্সলক্ষ্মবক্ষাশ্চতুর্ভুজঃ ॥ 8 ॥

স্বভাবোত্কৃষ্টসদ্ভাবঃ কৃষ্ণাষ্টম্য়ংতসংভবঃ ।
প্রাজাপত্যর্ক্ষসংভূতো নিশীথসময়োদিতঃ ॥ 9 ॥

শংখচক্রগদাপদ্মপাণিঃ পদ্মনিভেক্ষণঃ ।
কিরীটী কৌস্তুভোরস্কঃ স্ফুরন্মকরকুংডলঃ ॥ 10 ॥

পীতবাসা ঘনশ্যামঃ কুংচিতাংচিতকুংতলঃ ।
সুব্যক্তব্যক্তাভরণঃ সূতিকাগৃহভূষণঃ ॥ 11 ॥

কারাগারাংধকারঘ্নঃ পিতৃপ্রাগ্জন্মসূচকঃ ।
বসুদেবস্তুতঃ স্তোত্রং তাপত্রয়নিবারণঃ ॥ 12 ॥

নিরবদ্যঃ ক্রিয়ামূর্তির্ন্যাযবাক্যনিয়োজকঃ ।
অদৃষ্টচেষ্টঃ কূটস্থো ধৃতলৌকিকবিগ্রহঃ ॥ 13 ॥

মহর্ষিমানসোল্লাসো মহীমংগলদায়কঃ ।
সংতোষিতসুরব্রাতঃ সাধুচিত্তপ্রসাদকঃ ॥ 14 ॥

জনকোপায়নির্দেষ্টা দেবকীনয়নোত্সবঃ ।
পিতৃপাণিপরিষ্কারো মোহিতাগাররক্ষকঃ ॥ 15 ॥

স্বশক্ত্য়ুদ্ধাটিতাশেষকপাটঃ পিতৃবাহকঃ ।
শেষোরগফণাচ্ছত্রশেশষোক্তাখ্য়াসহস্রকঃ ॥ 16 ॥

যমুনাপূরবিধ্বংসী স্বভাসোদ্ভাসিতব্রজঃ ।
কৃতাত্মবিদ্যাবিন্যাসো যোগমায়াগ্রসংভবঃ ॥ 17 ॥

দুর্গানিবেদিতোদ্ভাবো যশোদাতল্পশায়কঃ ।
নংদগোপোত্সবস্ফূর্তির্ব্রজানংদকরোদয়ঃ ॥ 18 ॥

সুজাতজাতকর্ম শ্রীর্গোপীভদ্রোক্তিনির্বৃতঃ ।
অলীকনিদ্রোপগমঃ পূতনাস্তনপীডনঃ ॥ 19 ॥

স্তন্যাত্তপূতনাপ্রাণঃ পূতনাক্রোশকারকঃ ।
বিন্যস্তরক্ষাগোধূলির্যশোদাকরলালিতঃ ॥ 20 ॥

নংদাঘ্রাতশিরোমধ্য়ঃ পূতনাসুগতিপ্রদঃ ।
বালঃ পর্য়ংকনিদ্রালুর্মুখার্পিতপদাংগুলিঃ ॥ 21 ॥

অংজনস্নিগ্ধনযনঃ পর্য়ায়াংকুরিতস্মিতঃ ।
লীলাক্ষস্তরলালোকশ্শকটাসুরভংজনঃ ॥ 22 ॥

দ্বিজোদিতস্বস্ত্যযনো মংত্রপূতজলাপ্লুতঃ ।
যশোদোত্সংগপর্য়ংকো যশোদামুখবীক্ষকঃ ॥ 23 ॥

যশোদাস্তন্যমুদিতস্তৃণাবর্তাদিদুস্সহঃ ।
তৃণাবর্তাসুরধ্বংসী মাতৃবিস্মযকারকঃ ॥ 24 ॥

প্রশস্তনামকরণো জানুচংক্রমণোত্সুকঃ ।
ব্য়ালংবিচূলিকারত্নো ঘোষগোপপ্রহর্ষণঃ ॥ 25 ॥

স্বমুখপ্রতিবিংবার্থী গ্রীবাব্য়াঘ্রনখোজ্জ্বলঃ ।
পংকানুলেপরুচিরো মাংসলোরুকটীতটঃ ॥ 26 ॥

ঘৃষ্টজানুকরদ্বংদ্বঃ প্রতিবিংবানুকারকৃত্ ।
অব্যক্তবর্ণবাগ্বৃত্তিঃ স্মিতলক্ষ্যরদোদ্গমঃ ॥ 27 ॥

ধাত্রীকরসমালংবী প্রস্খলচ্চিত্রচংক্রমঃ ।
অনুরূপবযস্য়াঢ্যশ্চারুকৌমারচাপলঃ ॥ 28 ॥

বত্সপুচ্ছসমাকৃষ্টো বত্সপুচ্ছবিকর্ষণঃ ।
বিস্মারিতান্যব্য়াপারো গোপগোপীমুদাবহঃ ॥ 29 ॥

অকালবত্সনির্মোক্তা ব্রজব্য়াক্রোশসুস্মিতঃ ।
নবনীতমহাচোরো দারকাহারদায়কঃ ॥ 30 ॥

পীঠোলূখলসোপানঃ ক্ষীরভাংডবিভেদনঃ ।
শিক্যভাংডসমাকর্ষী ধ্বাংতাগারপ্রবেশকৃত্ ॥ 31 ॥

ভূষারত্নপ্রকাশাঢ্যো গোপ্যুপালংভভর্ত্সিতঃ ।
পরাগধূসরাকারো মৃদ্ভক্ষণকৃতেক্ষণঃ ॥ 32 ॥

বালোক্তমৃত্কথারংভো মিত্রাংতর্গূঢবিগ্রহঃ ।
কৃতসংত্রাসলোলাক্ষো জননীপ্রত্যয়াবহঃ ॥ 33॥

মাতৃদৃশ্যাত্তবদনো বক্ত্রলক্ষ্যচরাচরঃ ।
যশোদালালিতস্বাত্মা স্বয়ং স্বাচ্ছংদ্যমোহনঃ ॥ 34 ॥

সবিত্রীস্নেহসংশ্লিষ্টঃ সবিত্রীস্তনলোলুপঃ ।
নবনীতার্থনাপ্রহ্বো নবনীতমহাশনঃ ॥ 35 ॥

মৃষাকোপপ্রকংপোষ্ঠো গোষ্ঠাংগণবিলোকনঃ ।
দধিমংথঘটীভেত্তা কিংকিণীক্বাণসূচিতঃ ॥ 36 ॥

হৈয়ংগবীনরসিকো মৃষাশ্রুশ্চৌর্যশংকিতঃ ।
জননীশ্রমবিজ্ঞাতা দামবংধনিয়ংত্রিতঃ ॥ 37 ॥

দামাকল্পশ্চলাপাংগো গাঢোলূখলবংধনঃ ।
আকৃষ্টোলূখলোঽনংতঃ কুবেরসুতশাপবিত্ ॥ । 38 ॥

নারদোক্তিপরামর্শী যমলার্জুনভংজনঃ ।
ধনদাত্মজসংঘুষ্টো নংদমোচিতবংধনঃ ॥ 39 ॥

বালকোদ্গীতনিরতো বাহুক্ষেপোদিতপ্রিয়ঃ ।
আত্মজ্ঞো মিত্রবশগো গোপীগীতগুণোদয়ঃ ॥ 40 ॥

প্রস্থানশকটারূঢো বৃংদাবনকৃতালয়ঃ ।
গোবত্সপালনৈকাগ্রো নানাক্রীড়াপরিচ্ছদঃ ॥ 41 ॥

ক্ষেপণীক্ষেপণপ্রীতো বেণুবাদ্যবিশারদঃ ।
বৃষবত্সানুকরণো বৃষধ্বানবিড়ংবনঃ ॥ 42 ॥

নিয়ুদ্ধলীলাসংহৃষ্টঃ কূজানুকৃতকোকিলঃ ।
উপাত্তহংসগমনস্সর্বজংতুরুতানুকৃত্ ॥ 43 ॥

ভৃংগানুকারী দধ্যন্নচোরো বত্সপুরসসরঃ ।
বলী বকাসুরগ্রাহী বকতালুপ্রদাহকঃ ॥ 44 ॥

ভীতগোপার্ভকাহূতো বকচংচুবিদারণঃ ।
বকাসুরারির্গোপালো বালো বালাদ্ভুতাবহঃ ॥ 45 ॥

বলভদ্রসমাশ্লিষ্টঃ কৃতক্রীডানিলায়নঃ ।
ক্রীডাসেতুনিধানজ্ঞঃ প্লবংগোত্প্লবনোঽদ্ভুতঃ ॥ 46 ॥

কংদুকক্রীডনো লুপ্তনংদাদিভববেদনঃ ।
সুমনোঽলংকৃতশিরাঃ স্বাদুস্নিগ্ধান্নশিক্যভৃত্ ॥ 47 ॥

গুংজাপ্রালংবনচ্ছন্নঃ পিংছৈরলকবেষকৃত্ ।
বন্যাশনপ্রিয়ঃ শৃংগরবাকারিতবত্সকঃ ॥ 48 ॥

মনোজ্ঞপল্লবোত্তংসপুষ্পস্বেচ্ছাত্তষটপদঃ ।
মংজুশিংজিতমংজীরচরণঃ করকংকণঃ ॥ 49 ॥

অন্যোন্যশাসনঃ ক্রীডাপটুঃ পরমকৈতবঃ ।
প্রতিধ্বানপ্রমুদিতঃ শাখাচতুরচংক্রমঃ ॥ 50 ॥

অঘদানবসংহর্তা ব্রজবিঘ্নবিনাশনঃ ।
ব্রজসংজীবনঃ শ্রেয়োনিধির্দানবমুক্তিদঃ ॥ 51 ॥

কালিংদীপুলিনাসীনস্সহভুক্তব্রজার্ভকঃ ।
কক্ষাজঠরবিন্যস্তবেণুর্বল্লবচেষ্টিতঃ ॥ 52 ॥

ভুজসংধ্য়ংতরন্যস্তশৃংগবেত্রঃ শুচিস্মিতঃ ।
বামপাণিস্থদধ্যন্নকবলঃ কলভাষণঃ ॥ 53 ॥

অংগুল্যংতরবিন্যস্তফলঃ পরমপাবনঃ ।
অদৃশ্যতর্ণকান্বেষী বল্লবার্ভকভীতিহা ॥ 54 ॥

অদৃষ্টবত্সপব্রাতো ব্রহ্মবিজ্ঞাতবৈভবঃ ।
গোবত্সবত্সপান্বেষী বিরাট্-পুরুষবিগ্রহঃ ॥ 55 ॥

স্বসংকল্পানুরূপার্থো বত্সবত্সপরূপধৃক্ ।
যথাবত্সক্রিয়ারূপো যথাস্থাননিবেশনঃ ॥ 56 ॥

যথাব্রজার্ভকাকারো গোগোপীস্তন্যপস্সুখী ।
চিরাদ্বলোহিতো দাংতো ব্রহ্মবিজ্ঞাতবৈভবঃ ॥ 57 ॥

বিচিত্রশক্তির্ব্যালীনসৃষ্টগোবত্সবত্সপঃ ।
ব্রহ্মত্রপাকরো ধাতৃস্তুতস্সর্বার্থসাধকঃ ॥ 58 ॥

ব্রহ্ম ব্রহ্মময়োঽব্যক্তস্তেজোরূপস্সুখাত্মকঃ ।
নিরুক্তং ব্যাকৃতির্ব্যক্তো নিরালংবনভাবনঃ ॥ 59 ॥

প্রভবিষ্ণুরতংত্রীকো দেবপক্ষার্থরূপধৃক্ ।
অকামস্সর্ববেদাদিরণীযস্থূলরূপবান্ ॥ 60 ॥

ব্য়াপী ব্যাপ্যঃ কৃপাকর্তা বিচিত্রাচারসম্মতঃ ।
ছংদোময়ঃ প্রধানাত্মা মূর্তামূর্তিদ্বয়াকৃতিঃ ॥ 61 ॥

অনেকমূর্তিরক্রোধঃ পরঃ প্রকৃতিরক্রমঃ ।
সকলাবরণোপেতস্সর্বদেবো মহেশ্বরঃ ॥ 62 ॥

মহাপ্রভাবনঃ পূর্ববত্সবত্সপদর্শকঃ ।
কৃষ্ণয়াদবগোপালো গোপালোকনহর্ষিতঃ ॥ 63 ॥

স্মিতেক্ষাহর্ষিতব্রহ্মা ভক্তবত্সলবাক্প্রিয়ঃ ।
ব্রহ্মানংদাশ্রুধৌতাংঘ্রির্লীলাবৈচিত্র্যকোবিদঃ ॥ 64 ॥

বলভদ্রৈকহৃদয়ো নামাকারিতগোকুলঃ ।
গোপালবালকো ভব্য়ো রজ্জুযজ্ঞোপবীতবান্ ॥ 65 ॥

বৃক্ষচ্ছায়াহতাশাংতির্গোপোত্সংগোপবর্হণঃ ।
গোপসংবাহিতপদো গোপব্যজনবীজিতঃ ॥ 66।
গোপগানসুখোন্নিদ্রঃ শ্রীদামার্জিতসৌহৃদঃ ।
সুনংদসুহৃদেকাত্মা সুবলপ্রাণরংজনঃ ॥ 67 ॥

তালীবনকৃতক্রীডো বলপাতিতধেনুকঃ ।
গোপীসৌভাগ্যসংভাব্য়ো গোধূলিচ্ছুরিতালকঃ ॥ 68 ॥

গোপীবিরহসংতপ্তো গোপিকাকৃতমজ্জনঃ ।
প্রলংববাহুরুত্ফুল্লপুংডরীকাবতংসকঃ ॥ 69 ॥

বিলাসললিতস্মেরগর্ভলীলাবলোকনঃ ।
স্রগ্ভূষণানুলেপাঢ্য়ো জনন্য়ুপহৃতান্নভুক্ ॥ 70 ॥

বরশয়্য়াশয়ো রাধাপ্রেমসল্লাপনির্বৃতঃ ।
যমুনাতটসংচারী বিষার্তব্রজহর্ষদঃ ॥ 71 ॥

কালিযক্রোধজনকঃ বৃদ্ধাহিকুলবেষ্টিতঃ ।
কালিয়াহিফণারংগনটঃ কালিয়মর্দনঃ ॥ 72 ॥

নাগপত্নীস্তুতিপ্রীতো নানাবেষসমৃদ্ধিকৃত্ ।
অবিষ্বক্তদৃগাত্মেশঃ স্বদৃগাত্মস্তুতিপ্রিয়ঃ ॥ 73 ॥

সর্বেশ্বরসসর্বগুণঃ প্রসিদ্ধসসর্বসাত্বতঃ ।
অকুংঠধামা চংদ্রার্কদৃষ্টিরাকাশনির্মলঃ ॥ 74 ॥

অনির্দেশ্যগতির্নাগবনিতাপতিভৈক্ষদঃ ।
স্বাংঘ্রিমুদ্রাংকনাগেংদ্রমূর্ধা কালিযসংস্তুতঃ ॥ 75 ॥

অভয়ো বিশ্বতশ্চক্ষুঃ স্তুতোত্তমগুণঃ প্রভুঃ ।
অহমাত্মা মরুত্প্রাণঃ পরমাত্মা দ্য়ুশীর্ষবান্ ॥ 76 ॥

নাগোপাযনহৃষ্টাত্মা হ্রদোত্সারিতকালিয়ঃ ।
বলভদ্রসুখালাপো গোপালিংগননির্বৃতঃ ॥ 77 ॥

দাবাগ্নিভীতগোপালগোপ্তা দাবাগ্নিনাশনঃ ।
নযনাচ্ছাদনক্রীডালংপটো নৃপচেষ্টিতঃ ॥ 78 ॥

কাকপক্ষধরস্সৌম্যো বলবাহককেলিমান্ ।
বলঘাতিতদুর্ধর্ষপ্রলংবো বলবত্সলঃ ॥ 79 ॥

মুংজাটব্যগ্নিশমনঃ প্রাবৃট্কালবিনোদবান্ ।
শিলান্যস্তান্নভৃদ্দৈত্যসংহর্তা শাদ্বলাসনঃ ॥ 80 ॥

সদাপ্তগোপিকোদ্গীতঃ কর্ণিকারাবতংসকঃ ।
নটবেষধরঃ পদ্মমালাংকো গোপিকাবৃতঃ ॥ 81 ॥

গোপীমনোহরাপাংগো বেণুবাদনতত্পরঃ ।
বিন্যস্তবদনাংভোজশ্চারুশব্দকৃতাননঃ ॥ 82 ॥

বিংবাধরার্পিতোদারবেণুর্বিশ্ববিমোহনঃ ।
ব্রজসংবর্ণিতশ্রাব্যবেণুনাদঃ শ্রুতিপ্রিয়ঃ ॥ 83 ॥

গোগোপগোপীজন্মেপ্সুর্ব্রহ্মেংদ্রাদ্যভিবংদিতঃ ।
গীতস্নুতিসরিত্পূরো নাদনর্তিতবর্হিণঃ ॥ 84 ॥

রাগপল্লবিতস্থাণুর্গীতানমিতপাদপঃ ।
বিস্মারিততৃণগ্রাসমৃগো মৃগবিলোভিতঃ ॥ 85 ॥

ব্য়াঘ্রাদিহিংস্রসহজবৈরহর্তা সুগায়নঃ ।
গাঢোদীরিতগোবৃংদপ্রেমোত্কর্ণিততর্ণকঃ ॥ 86 ॥

নিষ্পংদয়ানব্রহ্মাদিবীক্ষিতো বিশ্ববংদিতঃ ।
শাখোত্কর্ণশকুংতৌঘশ্ছত্রায়িতবলাহকঃ ॥ 87 ॥

প্রসন্নঃ পরমানংদশ্চিত্রায়িতচরাচরঃ ।
গোপিকামদনো গোপীকুচকুংকুমমুদ্রিতঃ ॥ 88 ॥

গোপিকন্য়াজলক্রীডাহৃষ্টো গোপ্যংশুকাপহৃত্ ।
স্কংধারোপিতগোপস্ত্রীবাসাঃ কুংদনিভস্মিতঃ ॥ 89 ॥

গোপীনেত্রোত্পলশশী গোপিকায়াচিতাংশুকঃ ।
গোপীনমস্ক্রিয়াদেষ্টা গোপ্য়েককরবংদিতঃ ॥ 90 ॥

গোপ্য়ংজলিবিশেষার্থী গোপক্রীডাবিলোভিতঃ ।
শাংতবাসস্ফুরদ্গোপীকৃতাংজলিরঘাপহঃ ॥ 91 ॥

গোপীকেলিবিলাসার্থী গোপীসংপূর্ণকামদঃ ।
গোপস্ত্রীবস্ত্রদো গোপীচিত্তচোরঃ কুতূহলী ॥ 92 ॥

বৃংদাবনপ্রিয়ো গোপবংধুর্যজ্বান্নয়াচিতা ।
যজ্ঞেশো যজ্ঞভাবজ্ঞো যজ্ঞপত্ন্যভিবাংছিতঃ ॥ 93 ॥

মুনিপত্নীবিতীর্ণান্নতৃপ্তো মুনিবধূপ্রিয়ঃ ।
দ্বিজপত্ন্যভিভাবজ্ঞো দ্বিজপত্নীবরপ্রদঃ ॥ 94 ॥

প্রতিরুদ্ধসতীমোক্ষপ্রদো দ্বিজবিমোহিতা ।
মুনিজ্ঞানপ্রদো যজ্বস্তুতো বাসবয়াগবিত্ ॥ 95 ॥

পিতৃপ্রোক্তক্রিয়ারূপশক্রয়াগনিবারণঃ ।
শক্রাঽমর্ষকরশ্শক্রবৃষ্টিপ্রশমনোন্মুখঃ ॥ 96 ॥

গোবর্ধনধরো গোপগোবৃংদত্রাণতত্পরঃ ।
গোবর্ধনগিরিচ্ছত্রচংডদংডভুজার্গলঃ ॥ 97 ॥

সপ্তাহবিধৃতাদ্রীংদ্রো মেঘবাহনগর্বহা ।
ভুজাগ্রোপরিবিন্যস্তক্ষ্মাধরক্ষ্মাভৃদচ্যুতঃ ॥ 98 ॥

স্বস্থানস্থাপিতগিরির্গোপীদধ্যক্ষতার্চিতঃ ।
সুমনস্সুমনোবৃষ্টিহৃষ্টো বাসববংদিতঃ ॥ 99 ॥

কামধেনুপয়ঃপূরাভিষিক্তস্সুরভিস্তুতঃ ।
ধরাংঘ্রিরোষধীরোমা ধর্মগোপ্তা মনোময়ঃ ॥ 100 ॥

জ্ঞানযজ্ঞপ্রিযশ্শাস্ত্রনেত্রস্সর্বার্থসারথিঃ ।
ঐরাবতকরানীতবিযদ্গংগাপ্লুতো বিভুঃ ॥ 101 ॥

ব্রহ্মাভিষিক্তো গোগোপ্তা সর্বলোকশুভংকরঃ ।
সর্ববেদময়ো মগ্ননংদান্বেষিপিতৃপ্রিয়ঃ ॥ 102 ॥

বরুণোদীরিতাত্মেক্ষাকৌতুকো বরুণার্চিতঃ ।
বরুণানীতজনকো গোপজ্ঞাতাত্মবৈভবঃ ॥ 103 ॥

স্বর্লোকালোকসংহৃষ্টগোপবর্গত্রিবর্গদঃ ।
ব্রহ্মহৃদ্গোপিতো গোপদ্রষ্টা ব্রহ্মপদপ্রদঃ ॥ 104 ॥

শরচ্চংদ্রবিহারোত্কঃ শ্রীপতির্বশকো ক্ষমঃ ।
ভয়াপহো ভর্তৃরুদ্ধগোপিকাধ্য়ানগোচরঃ ॥ 105 ॥

গোপিকানযনাস্বাদ্য়ো গোপীনর্মোক্তিনির্বৃতঃ ।
গোপিকামানহরণো গোপিকাশতয়ূথপঃ ॥ 106 ॥

বৈজয়ংতীস্রগাকল্পো গোপিকামানবর্ধনঃ ।
গোপকাংতাসুনির্দেষ্টা কাংতো মন্মথমন্মথঃ ॥ 107 ॥

স্বাত্মাস্যদত্ততাংবূলঃ ফলিতোত্কৃষ্টয়ৌবনঃ ।
বল্লবীস্তনসক্তাক্ষো বল্লবীপ্রেমচালিতঃ ॥ 108 ॥

গোপীচেলাংচলাসীনো গোপীনেত্রাব্জষট্পদঃ ।
রাসক্রীডাসমাসক্তো গোপীমংডলমংডনঃ ॥ 109 ॥

গোপীহেমমণিশ্রেণিমধ্য়েংদ্রমণিরুজ্জ্বলঃ ।
বিদ্য়াধরেংদুশাপঘ্নশ্শংখচূডশিরোহরঃ ॥ 110 ॥

শংখচূডশিরোরত্নসংপ্রীণিতবলোঽনঘঃ ।
অরিষ্টারিষ্টকৃদ্দুষ্টকেশিদৈত্যনিষূদনঃ ॥ 111 ॥

সরসস্সস্মিতমুখস্সুস্থিরো বিরহাকুলঃ ।
সংকর্ষণার্পিতপ্রীতিরক্রূরধ্য়ানগোচরঃ ॥ 112 ॥

অক্রূরসংস্তুতো গূঢো গুণবৃত্য়ুপলক্ষিতঃ ।
প্রমাণগম্যস্তন্মাত্রাঽবয়বী বুদ্ধিতত্পরঃ ॥ 113 ॥

সর্বপ্রমাণপ্রমধীস্সর্বপ্রত্যয়সাধকঃ ।
পুরুষশ্চ প্রধানাত্মা বিপর্য়াসবিলোচনঃ ॥ 114 ॥

মধুরাজনসংবীক্ষ্য়ো রজকপ্রতিঘাতকঃ ।
বিচিত্রাংবরসংবীতো মালাকারবরপ্রদঃ ॥ 115 ॥

কুব্জাবক্রত্বনির্মোক্তা কুব্জায়ৌবনদাযকঃ ।
কুব্জাংগরাগসুরভিঃ কংসকোদংডখংডনঃ ॥ 116 ॥

ধীরঃ কুবলয়াপীডমর্দনঃ কংসভীতিকৃত্ ।
দংতিদংতায়ুধো রংগত্রাসকো মল্লয়ুদ্ধবিত্ ॥ 117 ॥

চাণূরহংতা কংসারির্দেবকীহর্ষদাযকঃ ।
বসুদেবপদানম্রঃ পিতৃবংধবিমোচনঃ ॥ 118 ॥

উর্বীভয়াপহো ভূপ উগ্রসেনাধিপত্যদঃ ।
আজ্ঞাস্থিতশচীনাথস্সুধর্মানযনক্ষমঃ ॥ 119 ॥

আদ্য়ো দ্বিজাতিসত্কর্তা শিষ্টাচারপ্রদর্শকঃ ।
সাংদীপনিকৃতাভ্যস্তবিদ্য়াভ্য়াসৈকধীস্সুধীঃ ॥ 120 ॥

গুর্বভীষ্টক্রিয়াদক্ষঃ পশ্চিমোদধিপূজিতঃ ।
হতপংচজনপ্রাপ্তপাংচজন্য়ো যমার্চিতঃ ॥ 121 ॥

ধর্মরাজজয়ানীতগুরুপুত্র উরুক্রমঃ ।
গুরুপুত্রপ্রদশ্শাস্তা মধুরাজসভাসদঃ ॥ 122 ॥

জামদগ্ন্যসমভ্যর্চ্য়ো গোমংতগিরিসংচরঃ ।
গোমংতদাবশমনো গরুডানীতভূষণঃ ॥ 123 ॥

চক্রাদ্য়ায়ুধসংশোভী জরাসংধমদাপহঃ ।
সৃগালাবনিপালঘ্নস্সৃগালাত্মজরাজ্যদঃ ॥ 124 ॥

বিধ্বস্তকালযবনো মুচুকুংদবরপ্রদঃ ।
আজ্ঞাপিতমহাংভোধির্দ্বারকাপুরকল্পনঃ ॥ 125 ॥

দ্বারকানিলয়ো রুক্মিমানহংতা যদূদ্বহঃ ।
রুচিরো রুক্মিণীজানিঃ প্রদ্য়ুম্নজনকঃ প্রভুঃ ॥ 126 ॥

অপাকৃতত্রিলোকার্তিরনিরুদ্ধপিতামহঃ ।
অনিরুদ্ধপদান্বেষী চক্রী গরুডবাহনঃ ॥ 127 ॥

বাণাসুরপুরীরোদ্ধা রক্ষাজ্বলনয়ংত্রজিত্ ।
ধূতপ্রমথসংরংভো জিতমাহেশ্বরজ্বরঃ ॥ 128 ॥

ষট্চক্রশক্তিনির্জেতা ভূতবেতালমোহকৃত্ ।
শংভুত্রিশূলজিচ্ছংভুজৃংভণশ্শংভুসংস্তুতঃ ॥ 129 ॥

ইংদ্রিয়াত্মেংদুহৃদযস্সর্বয়োগেশ্বরেশ্বরঃ ।
হিরণ্যগর্ভহৃদয়ো মোহাবর্তনিবর্তনঃ ॥ 130 ॥

আত্মজ্ঞাননিধির্মেধা কোশস্তন্মাত্ররূপবান্ ।
ইংদ্রোঽগ্নিবদনঃ কালনাভস্সর্বাগমাধ্বগঃ ॥ 131 ॥

তুরীযসর্বধীসাক্ষী দ্বংদ্বারামাত্মদূরগঃ ।
অজ্ঞাতপারো বশ্যশ্রীরব্য়াকৃতবিহারবান্ ॥ 132 ॥

আত্মপ্রদীপো বিজ্ঞানমাত্রাত্মা শ্রীনিকেতনঃ ।
বাণবাহুবনচ্ছেত্তা মহেংদ্রপ্রীতিবর্ধনঃ ॥ 133 ॥

অনিরুদ্ধনিরোধজ্ঞো জলেশাহৃতগোকুলঃ ।
জলেশবিজয়ী বীরস্সত্রাজিদ্রত্নয়াচকঃ ॥ 134 ॥

প্রসেনান্বেষণোদ্য়ুক্তো জাংববদ্ধৃতরত্নদঃ ।
জিতর্ক্ষরাজতনয়াহর্তা জাংববতীপ্রিয়ঃ ॥ 135 ॥

সত্যভামাপ্রিয়ঃ কামশ্শতধন্বশিরোহরঃ ।
কালিংদীপতিরক্রূরবংধুরক্রূররত্নদঃ ॥ 136 ॥

কৈকেয়ীরমণো ভদ্রাভর্তা নাগ্নজিতীধবঃ ।
মাদ্রীমনোহরশ্শৈব্য়াপ্রাণবংধুরুরুক্রমঃ ॥ 137 ॥

সুশীলাদয়িতো মিত্রবিংদানেত্রমহোত্সবঃ ।
লক্ষ্মণাবল্লভো রুদ্ধপ্রাগ্জ্য়োতিষমহাপুরঃ ॥ 138 ॥

সুরপাশাবৃতিচ্ছেদী মুরারিঃ ক্রূরয়ুদ্ধবিত্ ।
হযগ্রীবশিরোহর্তা সর্বাত্মা সর্বদর্শনঃ ॥ 139 ॥

নরকাসুরবিচ্ছেত্তা নরকাত্মজরাজ্যদঃ।
পৃথ্বীস্তুতঃ প্রকাশাত্মা হৃদ্য়ো যজ্ঞফলপ্রদঃ ॥ 140 ॥

গুণগ্রাহী গুণদ্রষ্টা গূঢস্বাত্মা বিভূতিমান্ ।
কবির্জগদুপদ্রষ্টা পরমাক্ষরবিগ্রহঃ ॥ 141 ॥

প্রপন্নপালনো মালী মহদ্ব্রহ্মবিবর্ধনঃ ।
বাচ্যবাচকশক্ত্যর্থস্সর্বব্য়াকৃতসিদ্ধিদঃ ॥ 142 ॥

স্বয়ংপ্রভুরনির্বেদ্যস্স্বপ্রকাশশ্চিরংতনঃ ।
নাদাত্মা মংত্রকোটীশো নানাবাদনিরোধকঃ ॥ 143 ॥

কংদর্পকোটিলাবণ্য়ঃ পরার্থৈকপ্রয়োজকঃ ।
অমরীকৃতদেবৌঘঃ কন্যকাবংধমোচনঃ ॥ 144 ॥

ষোডশস্ত্রীসহস্রেশঃ কাংতঃ কাংতামনোভবঃ ।
ক্রীডারত্নাচলাহর্তা বরুণচ্ছত্রশোভিতঃ ॥ 145 ॥

শক্রাভিবংদিতশ্শক্রজননীকুংডলপ্রদঃ ।
অদিতিপ্রস্তুতস্তোত্রো ব্রাহ্মণোদ্ঘুষ্টচেষ্টনঃ ॥ 146 ॥

পুরাণস্সংযমী জন্মালিপ্তঃ ষড্বিংশকোঽর্থদঃ ।
যশস্যনীতিরাদ্য়ংতরহিতস্সত্কথাপ্রিয়ঃ ॥ 147 ॥

ব্রহ্মবোধঃ পরানংদঃ পারিজাতাপহারকঃ ।
পৌংড্রকপ্রাণহরণঃ কাশিরাজনিষূদনঃ ॥ 148 ॥

কৃত্য়াগর্বপ্রশমনো বিচক্রবধদীক্ষিতঃ ।
কংসবিধ্বংসনস্সাংবজনকো ডিংভকার্দনঃ ॥ 149 ॥

মুনির্গোপ্তা পিতৃবরপ্রদস্সবনদীক্ষিতঃ ।
রথী সারথ্যনির্দেষ্টা ফাল্গুনঃ ফাল্গুনিপ্রিয়ঃ ॥ 150 ॥

সপ্তাব্ধিস্তংভনোদ্ভাতো হরিস্সপ্তাব্ধিভেদনঃ ।
আত্মপ্রকাশঃ পূর্ণশ্রীরাদিনারাযণেক্ষিতঃ ॥ 151 ॥

বিপ্রপুত্রপ্রদশ্চৈব সর্বমাতৃসুতপ্রদঃ ।
পার্থবিস্মযকৃত্পার্থপ্রণবার্থপ্রবোধনঃ ॥ 152 ॥

কৈলাসয়াত্রাসুমুখো বদর্য়াশ্রমভূষণঃ ।
ঘংটাকর্ণক্রিয়ামৌঢ্যাত্তোষিতো ভক্তবত্সলঃ ॥ 153 ॥

মুনিবৃংদাদিভির্ধ্য়েয়ো ঘংটাকর্ণবরপ্রদঃ ।
তপশ্চর্য়াপরশ্চীরবাসাঃ পিংগজটাধরঃ ॥ 154 ॥

প্রত্যক্ষীকৃতভূতেশশিশবস্তোতা শিবস্তুতঃ ।
কৃষ্ণাস্বয়ংবরালোককৌতুকী সর্বসম্মতঃ ॥ 155 ॥

বলসংরংভশমনো বলদর্শিতপাংডবঃ ।
যতিবেষার্জুনাভীষ্টদায়ী সর্বাত্মগোচরঃ ॥ 156 ॥

সুভদ্রাফাল্গুনোদ্বাহকর্তা প্রীণিতফাল্গুনঃ ।
খাংডবপ্রীণিতার্চিষ্মান্মযদানবমোচনঃ ॥ 157 ॥

সুলভো রাজসূয়ার্হয়ুধিষ্ঠিরনিয়োজকঃ ।
ভীমার্দিতজরাসংধো মাগধাত্মজরাজ্যদঃ ॥ 158 ॥

রাজবংধননির্মোক্তা রাজসূয়াগ্রপূজনঃ ।
চৈদ্যাদ্যসহনো ভীষ্মস্তুতস্সাত্বতপূর্বজঃ ॥ 159 ॥

সর্বাত্মার্থসমাহর্তা মংদরাচলধারকঃ ।
যজ্ঞাবতারঃ প্রহ্লাদপ্রতিজ্ঞাপ্রতিপালকঃ ॥ 160 ॥

বলিযজ্ঞসভাধ্বংসী দৃপ্তক্ষত্রকুলাংতকঃ ।
দশগ্রীবাংতকো জেতা রেবতীপ্রেমবল্লভঃ ॥ 161 ॥

সর্বাবতারাধিষ্ঠাতা বেদবাহ্যবিমোহনঃ ।
কলিদোষনিরাকর্তা দশনামা দৃঢব্রতঃ ॥ 162 ॥

অমেয়াত্মা জগত্স্বামী বাগ্মী চৈদ্যশিরোহরঃ ।
দ্রৌপদীরচিতস্তোত্রঃ কেশবঃ পুরুষোত্তমঃ ॥ 163 ॥

নারাযণো মধুপতির্মাধবো দোষবর্জিতঃ ।
গোবিংদঃ পুংডরীকাক্ষো বিষ্ণুশ্চ মধুসূদনঃ ॥ 164 ॥

ত্রিবিক্রমস্ত্রিলোকেশো বামনঃ শ্রীধরঃ পুমান্ ।
হৃষীকেশো বাসুদেবঃ পদ্মনাভো মহাহ্রদঃ ॥ 165 ॥

দামোদরশ্চতুর্ব্যূহঃ পাংচালীমানরক্ষণঃ ।
সাল্বঘ্নস্ সমরশ্লাঘী দংতবক্ত্রনিবর্হণঃ ॥ 166 ॥

দামোদরপ্রিযসখা পৃথুকাস্বাদনপ্রিয়ঃ ॥

ঘৃণী দামোদরঃ শ্রীদো গোপীপুনরবেক্ষকঃ ॥ 167 ॥

গোপিকামুক্তিদো যোগী দুর্বাসস্তৃপ্তিকারকঃ ।
অবিজ্ঞাতব্রজাকীর্ণপাংডবালোকনো জয়ী ॥ 168 ॥

পার্থসারথ্যনিরতঃ প্রাজ্ঞঃ পাংডবদূত্যকৃত্ ।
বিদুরাতিথ্যসংতুষ্টঃ কুংতীসংতোষদাযকঃ ॥ 169 ॥

সুয়োধনতিরস্কর্তা দুর্য়োধনবিকারবিত্ ।
বিদুরাভিষ্ঠুতো নিত্য়ো বার্ষ্ণেয়ো মংগলাত্মকঃ ॥ 170

পংচবিংশতিতত্ত্বেশশ্চতুর্বিংশতিদেহভাক্ ।
সর্বানুগ্রাহকস্সর্বদাশার্হসততার্চিতঃ ॥ 171 ॥

অচিংত্য়ো মধুরালাপসসাধুদর্শী দুরাসদঃ ।
মনুষ্যধর্মানুগতঃ কৌরবেংদ্রক্ষয়েক্ষিতা ॥ 172 ॥

উপেংদ্রো দানবারাতিরুরুগীতো মহাদ্যুতিঃ ।
ব্রহ্মণ্যদেবঃ শ্রুতিমান্ গোব্রাহ্মণহিতাশয়ঃ ॥ 173 ॥

বরশীলশ্বারংভসসুবিজ্ঞানবিমূর্তিমান্ ।
স্বভাবশুদ্ধসসন্মিত্রসসুশরণ্যসসুলক্ষণঃ ॥ 174 ॥

ধৃতরাষ্ট্রগতৌদৃষ্টিপ্রদঃ কর্ণবিভেদনঃ ।
প্রতোদধৃগ্বিশ্বরূপবিস্মারিতধনংজয়ঃ ॥ 175 ॥

সামগানপ্রিয়ো ধর্মধেনুর্বর্ণোত্তমোঽব্যয়ঃ ।
চতুর্য়ুগক্রিয়াকর্তা বিশ্বরূপপ্রদর্শকঃ ॥ 176 ॥

ব্রহ্মবোধপরিত্রাতপার্থো ভীষ্মার্থচক্রভৃত্ ।
অর্জুনায়াসবিধ্বংসী কালদংষ্ট্রাবিভূষণঃ ॥ 177 ॥

সুজাতানংতমহিমা স্বপ্নব্য়াপারিতার্জুনঃ ।
অকালসংধ্য়াঘটনশ্চক্রাংতরিতভাস্করঃ ॥ 178 ॥

দুষ্টপ্রমথনঃ পার্থপ্রতিজ্ঞাপরিপালকঃ ।
সিংধুরাজশিরঃপাতস্থানবক্তা বিবেকদৃক্ ॥ 179 ॥

সুভদ্রাশোকহরণো দ্রোণোত্সেকাদিবিস্মিতঃ ।
পার্থমন্যুনিরাকর্তা পাংডবোত্সবদায়কঃ ॥ 180 ॥

অংগুষ্ঠাক্রাংতকৌংতেযরথশ্শক্তোঽহিশীর্ষজিত্ ।
কালকোপপ্রশমনো ভীমসেনজয়প্রদঃ ॥ 181 ॥

অশ্বত্থামবধায়াসত্রাতপাংডুসুতঃ কৃতী ।
ইষীকাস্ত্রপ্রশমনো দ্রৌণিরক্ষাবিচক্ষণঃ ॥ 182 ॥

পার্থাপহারিতদ্রৌণিচূডামণিরভংগুরঃ ।
ধৃতরাষ্ট্রপরামৃষ্টভীমপ্রতিকৃতিস্ময়ঃ ॥ 183 ॥

ভীষ্মবুদ্ধিপ্রদশশাংতশশরচ্চংদ্রনিভাননঃ ।
গদাগ্রজন্মা পাংচালীপ্রতিজ্ঞাপরিপালকঃ ॥ 184 ॥

গাংধারীকোপদৃগ্গুপ্তধর্মসূনুরনাময়ঃ ।
প্রপন্নার্তিভয়চ্ছেত্তা ভীষ্মশল্যব্যধাবহঃ ॥ 185 ॥

শাংতশশাংতনবোদীর্ণসর্বধর্মসমাহিতঃ ।
স্মারিতব্রহ্মবিদ্যার্থপ্রীতপার্থো মহাস্ত্রবিত্ ॥ 186 ॥

প্রসাদপরমোদারো গাংগেয়সুগতিপ্রদঃ ।
বিপক্ষপক্ষক্ষযকৃত্পরীক্ষিত্প্রাণরক্ষণঃ ॥ 187 ॥

জগদ্গুরুর্ধর্মসূনোর্বাজিমেধপ্রবর্তকঃ ।
বিহিতার্থাপ্তসত্কারো মাসকাত্পরিবর্তদঃ ॥ 188 ॥

উত্তংকহর্ষদাত্মীযদিব্যরূপপ্রদর্শকঃ ।
জনকাবগতস্বোক্তভারতসসর্বভাবনঃ ॥ 189 ॥

অসোঢয়াদবোদ্রেকো বিহিতাপ্তাদিপূজনঃ ॥

সমুদ্রস্থাপিতাশ্চর্যমুসলো বৃষ্ণিবাহকঃ ॥ 190 ॥

মুনিশাপায়ুধঃ পদ্মাসনাদিত্রিদশার্থিতঃ ।
বৃষ্টিপ্রত্যবহারোত্কস্স্বধামগমনোত্সুকঃ ॥ 191 ॥

প্রভাসালোকনোদ্য়ুক্তো নানাবিধনিমিত্তকৃত্ ।
সর্বয়াদবসংসেব্যস্সর্বোত্কৃষ্টপরিচ্ছদঃ ॥ 192 ॥

বেলাকাননসংচারী বেলানিলহৃতশ্রমঃ ।
কালাত্মা যাদবোঽনংতস্স্তুতিসংতুষ্টমানসঃ ॥ 193 ॥

দ্বিজালোকনসংতুষ্টঃ পুণ্যতীর্থমহোত্সবঃ ।
সত্কারাহ্লাদিতাশেষভূসুরসসুরবল্লভঃ ॥ 194 ॥

পুণ্যতীর্থাপ্লুতঃ পুণ্যঃ পুণ্যদস্তীর্থপাবনঃ ।
বিপ্রসাত্কৃতগোকোটিশ্শতকোটিসুবর্ণদঃ ॥ 195 ॥

স্বমায়ামোহিতাঽশেষবৃষ্ণিবীরো বিশেষবিত্ ।
জলজায়ুধনির্দেষ্টা স্বাত্মাবেশিতয়াদবঃ ॥ 196 ॥

দেবতাভীষ্টবরদঃ কৃতকৃত্যঃ প্রসন্নধীঃ ।
স্থিরশেষায়ুতবলসসহস্রফণিবীক্ষণঃ ॥ 197 ॥

ব্রহ্মবৃক্ষবরচ্ছায়াসীনঃ পদ্মাসনস্থিতঃ ।
প্রত্যগাত্মা স্বভাবার্থঃ প্রণিধানপরায়ণঃ ॥ 198 ॥

ব্য়াধেষুবিদ্ধপূজ্য়াংঘ্রির্নিষাদভযমোচনঃ ।
পুলিংদস্তুতিসংতুষ্টঃ পুলিংদসুগতিপ্রদঃ ॥ 199 ॥

দারুকার্পিতপার্থাদিকরণীয়োক্তিরীশিতা ।
দিব্যদুংদুভিসংয়ুক্তঃ পুষ্পবৃষ্টিপ্রপূজিতঃ ॥ 200 ॥

পুরাণঃ পরমেশানঃ পূর্ণভূমা পরিষ্টুতঃ ।
পতিরাদ্যঃ পরং ব্রহ্ম পরমাত্মা পরাত্পরঃ ॥ 201 ॥

শ্রীপরমাত্মা পরাত্পরঃ ওং নমঃ ইতি ।
ফলশ্রুতিঃ –
ইদং সহস্রং কৃষ্ণস্য নাম্নাং সর্বার্থদায়কম্ ।
অনংতরূপী ভগবান্ ব্যাখ্য়াতাদৌ স্বয়ংভুবে ॥ 202 ॥

তেন প্রোক্তং বসিষ্ঠায় ততো লব্ধ্বা পরাশরঃ ।
ব্যাসায় তেন সংপ্রোক্তং শুকো ব্য়াসাদবাপ্তবান্ ॥ 203

তচ্ছিষ্যৈর্বহুভির্ভূমৌ খ্যাপিতং দ্বাপরে যুগে ।
কৃষ্ণাজ্ঞয়া হরিহরঃ কলৌ প্রখ্যাপয়দ্বিভুঃ ॥ 204 ॥

ইদং পঠতি ভক্ত্যা যঃ শৃণোতি চ সমাহিতঃ ।
স্বসিদ্ধ্য়ৈ প্রার্থয়ংত্যেনং তীর্থক্ষেত্রাদিদেবতাঃ ॥ 205

প্রাযশ্চিত্তান্যশেষাণি নালং যানি ব্যপোহিতুম্ ।
তানি পাপানি নশ্যংতি সকৃদস্য প্রশংসনাত্ ॥ 206 ॥

ঋণত্রযবিমুক্তস্য শ্রৌতস্মার্তানুবর্তিনঃ ।
ঋষেস্ত্রিমূর্তিরূপস্য ফলং বিংদেদিদং পঠন্ ॥ 207 ॥

ইদং নামসহস্রং যঃ পঠত্য়েতচ্ছৃণোতি চ ।
শিবলিংগসহস্রস্য স প্রতিষ্ঠাফলং লভেত্ ॥ 208 ॥

ইদং কিরীটী সংজপ্য জয়ী পাশুপতাস্ত্রভাক্ ।
কৃষ্ণস্য প্রাণভূতসসন্ কৃষ্ণং সারথিমাপ্তবান্ ॥ 209 ॥

দ্রৌপদ্যা দময়ংত্য়া চ সাবিত্র্য়া চ সুশীলয়া ।
দুরিতানি জিতান্য়েতজ্জপাদাপ্তং চ বাংছিতম্ ॥ 210 ॥

কিমিদং বহুনা শংসন্মানবো মোদনির্ভরঃ ।
ব্রহ্মানংদমবাপ্যাংতে কৃষ্ণসায়ূজ্যমাপ্নুয়াত্ ॥ 211 ॥