শিব স্তোত্রম্

ওঁ স্থিরঃ স্থাণুঃ প্রভুর্ভীমঃ প্রবরো বরদো বরঃ।
সর্বাত্মা সর্ববিখ্যাতঃ সর্বঃ সর্বকরো ভবঃ ॥
জটী চর্মী শিখণ্ডী চ সর্বাঙ্গঃ সর্বভাবনঃ ।
হরশ্চ হরিণাক্ষশ্চ সর্বভূতহরঃ প্রভুঃ ॥
প্রবৃত্তিশ্চ নিবৃত্তিশ্চ নিযতঃ শাশ্বতো ধ্রুবঃ ।
শ্মশানবাসী ভগবান্ খচরো গোচরোঽর্দনঃ ॥
অভিবাদ্যো মহাকর্মা তপস্বী ভূতভাবনঃ ।উন্মত্তবেষপ্রচ্ছন্নঃ সর্বলোকপ্রজাপতিঃ ॥
মহারূপো মহাকাযো বৃষরূপো মহাযশাঃ ।
মহাত্মা সর্বভূতাত্মা বিশ্বরূপো মহাহনুঃ ॥
লোকপালোহন্তর্হিতাত্মা প্রসাদো হয়গর্দভিঃ ।
পবিত্রং চ মহাংশ্চৈব নিযমো নিযমাশ্রিতঃ ॥
সর্বকর্মা স্বযংভূত আদিরাদিকরো নিধিঃ ।
সহস্রাক্ষো বিশালাক্ষঃ সোমো নক্ষত্রসাধকঃ ॥
চংদ্রঃ সূর্যঃ শনিঃ কেতুর্গ্রহো গ্রহপতির্বরঃ ।
অত্রিরত্র্যা নমস্কর্তা মৃগবাণার্পণোঽনঘঃ ॥
মহাতপা ঘোরতপা অদীনো দীনসাধকঃ ।সংবত্সরকরো মংত্রঃ প্রমাণং পরমং তপঃ ॥
যোগী যোজ্যো মহাবীজো মহারেতা মহাবলঃ ।সুবর্ণরেতাঃ সর্বজ্ঞঃ সুবীজো বীজবাহনঃ ॥
দশবাহুস্ত্বনিমিষো নীলকন্ঠ উমাপতিঃ ।
বিশ্বরূপঃ স্বযং শ্রেষ্ঠো বলবীরো বলো গণঃ ॥
গণকর্তা গণপতির্দিগ্বাসাঃ কাম এব চ ।
মংত্রবিত্পরমো মংত্রঃ সর্বভাবকরো হরঃ ॥
কমংন্ডলুধরো ধন্বী বাণহস্তঃ কপালবান্ ।
অশনী শতঘ্নী খড়গী পট্টিশী চাযুধী মহান্ ॥
স্রুবহস্তঃ সুরূপশ্চ তেজস্তেজস্করো নিধিঃ ।
উষ্ণীষী চ সুবক্ত্রশ্চ উদগ্রো বিনতস্তথা ॥
দীর্ঘশ্চ হরিকেশশ্চ সুতীর্থঃ কৃষ্ণ এব চ ।
শৃগালরূপঃ সিদ্ধার্থো মুংডঃ সর্বশুভংকরঃ ॥
অজশ্চ বহুরূপশ্চ গংধধারী কপর্দ্যপি ।
ঊর্ধ্বরেতা ঊর্ধ্বলিংগ ঊর্ধ্বশাযী নভঃস্থলঃ ॥
ত্রিজটী চীরবাসাশ্চ রুদ্রঃ সেনাপতির্বিভুঃ ।
অহশ্চরো নক্তংচরস্তিগ্মমন্যুঃ সুবর্চসঃ ॥
গজহা দৈত্যহা কালো লোকধাতা গুণাকরঃ ।সিংহশার্দূলরূপশ্চ আর্দ্রচর্মাংবরাবৃতঃ ॥
কালযোগী মহানাদঃ সর্বকামশ্চতুষ্পথঃ ।
নিশাচরঃ প্রেতচারী ভূতচারী মহেশ্বরঃ ॥
বহুভূতো বহুধরঃ স্বর্ভানুরমিতো গতিঃ ।
নৃত্যপ্রিয়ো নিত্যনর্তো নর্তকঃ সর্বলালসঃ ॥
ঘোরো মহাতপাঃ পাশো নিত্যো গিরিরুহো নভঃ ।সহস্রহস্তো বিজযো ব্যবসাযো হ্যতংদ্রিতঃ ॥
অধর্ষণো ধর্ষণাত্মা যজ্ঞহা কামনাশকঃ । [মর্ষ]দক্ষযাগাপহারী চ সুসহো মধ্যমস্তথা ॥
তেজোপহারী বলহা মুদিতোঽর্থোঽজিতোঽবরঃ ।গংভীরঘোষো গংভীরো গংভীরবলবাহনঃ ॥
ন্যগ্রোধরূপো ন্যগ্রোধো বৃক্ষকর্ণস্থিতির্বিভুঃ ।সুতীক্ষ্ণদশনশ্চৈব মহাকাযো মহাননঃ ॥
বিষ্বক্সেনো হরির্যজ্ঞঃ সংযুগাপীডবাহনঃ ।
তীক্ষ্ণতাপশ্চ হর্যশ্বঃ সহাযঃ কর্মকালবিত্ ॥
বিষ্ণুপ্রসাদিতো যজ্ঞঃ সমুদ্রো বড়বামুখঃ ।হুতাশনসহাযশ্চ প্রশাংতাত্মা হুতাশনঃ ॥
উগ্রতেজা মহাতেজা জন্যো বিজয়কালবিত্ ।জ্যোতিষামযনং সিদ্ধিঃ সর্ববিগ্রহ এব চ ॥
শিখী মুন্ডী জটী জ্বালী মূর্তিজো মূর্ধগো বলী ।
বেণবী পণবী তালী খলী কালকটংকটঃ ॥
নক্ষত্রবিগ্রহমতির্গুণবুদ্ধির্লযোঽগমঃ ।প্রজাপতির্বিশ্ববাহুর্বিভাগঃ সর্বগোঽমুখঃ ॥
বিমোচনঃ সুসরণো হিরণ্যকবচোদ্ভবঃ ।
মেঢ্রজো বলচারী চ মহীচারী স্রুতস্তথা।।
[মেঘজো]সর্বতূর্যনিনাদী চ সর্বাতোদ্যপরিগ্রহঃ ।ব্যালরূপো গুহাবাসী গুহো মালী তরংগবিত্ ॥
ত্রিদশস্ত্রিকালধৃক্কর্মসর্ববংধবিমোচনঃ ।বংধনস্ত্বসুরেংদ্রাণাং যুধিশত্রুবিনাশনঃ ॥
সাংখ্যপ্রসাদো দুর্বাসাঃ সর্বসাধুনিষেবিতঃ ।
প্রস্কংদনো বিভাগজ্ঞো অতুল্যো যজ্ঞভাগবিত্ ॥
সর্ববাসঃ সর্বচারী দুর্বাসা বাসবোঽমরঃ ।
হৈমো হেমকরোঽযজ্ঞঃ সর্বধারী ধরোত্তমঃ ॥ [যজ্ঞঃ]লোহিতাক্ষো মহাক্ষশ্চ বিজযাক্ষো বিশারদঃ ।সংগ্রহো নিগ্রহঃ কর্তা সর্পচীরনিবাসনঃ ॥
মুখ্যোঽমুখ্যশ্চ দেহশ্চ কাহলিঃ সর্বকামদঃ ।সর্বকালপ্রসাদশ্চ সুবলো বলরূপধৃত্ ॥
সর্বকামবরশ্চৈব সর্বদঃ সর্বতোমুখঃ ।আকাশনির্বিরূপশ্চ নিপাতী হ্যবশঃ খগঃ ॥
রৌদ্ররূপোঽংশুরাদিত্যো বহুরশ্মিঃ সুবর্চসী ।
বসুবেগো মহাবেগো মনোবেগো নিশাচরঃ ॥
সর্ববাসী শ্রিযাবাসী উপদেশকরোঽকরঃ ।মুনিরাত্মনিরালোকঃ সংভগ্নশ্চ সহস্রদঃ ॥
পক্ষী চ পক্ষরূপশ্চ অতিদীপ্তো বিশাং পতিঃ ।
উন্মাদো মদনঃ কামো হ্যশ্বত্থোঽর্থকরো যশঃ ॥
বামদেবশ্চ বামশ্চ প্রাগ্দক্ষিণশ্চ বামনঃ ।
সিদ্ধযোগী মহর্ষিশ্চ সিদ্ধার্থঃ সিদ্ধসাধকঃ ॥
ভিক্ষুশ্চ ভিক্ষুরূপশ্চ বিপণো মৃদুরব্যযঃ ।
মহাসেনো বিশাখশ্চ ষষ্টিভাগো গবাং পতিঃ ॥
বজ্রহস্তশ্চ বিষ্কংভী চমূস্তংভন এব চ ।
বৃত্তাবৃত্তকরস্তালো মধুর্মধুকলোচনঃ ॥
বাচস্পত্যো বাজসনো নিত্যমাশ্রমপূজিতঃ ।
ব্রহ্মচারী লোকচারী সর্বচারী বিচারবিত্ ॥
ঈশান ঈশ্বরঃ কালো নিশাচারী পিনাকভৃত্ ।
নিমিত্তস্থো নিমিত্তং চ নংদির্নংদিকরো হরিঃ ॥
নন্দীশ্বরশ্চ নংদী চ নংদনো নংদিবর্ধনঃ ।
ভগহারী নিহংতা চ কালো ব্রহ্মা পিতামহঃ ॥
চতুর্মুখো মহালিঙ্গশ্চারুলিংগস্তথৈব চ ।
লিঙ্গাধ্যক্ষঃ সুরাধ্যক্ষো যোগাধ্যক্ষো যুগাবহঃ ॥
বীজাধ্যক্ষো বীজকর্তা অধ্যাত্মানুগতো বলঃ ।
ইতিহাসঃ সকল্পশ্চ গৌতমোঽথ নিশাকরঃ ॥
দংভো হ্যদংভো বৈদংভো বশ্যো বশকরঃ কলিঃ ।লোককর্তা পশুপতির্মহাকর্তা হ্যনৌষধঃ ॥
অক্ষরং পরমং ব্রহ্ম বলবচ্ছক্র এব চ ।
নীতির্হ্যনীতিঃ শুদ্ধাত্মা শুদ্ধো মান্যো গতাগতঃ ॥
বহুপ্রসাদঃ সুস্বপ্নো দর্পণোঽথ ত্বমিত্রজিত্ ।
বেদকারো মন্ত্রকারো বিদ্বান্ সমরমর্দনঃ ॥
মহামেঘনিবাসী চ মহাঘোরো বশীকরঃ ।
অগ্নিজ্বালো মহাজ্বালো অতিধূম্রো হুতো হবিঃ
বৃষণঃ শংকরো নিত্যবর্চস্বী ধূমকেতনঃ ।নীলস্তথাংগলুব্ধশ্চ শোভনো নিরবগ্রহঃ ॥
স্বস্তিদঃ স্বস্তিভাবশ্চ ভাগী ভাগকরো লঘুঃ ।
উৎসংগশ্চ মহাংগশ্চ মহাগর্ভপরাযণঃ ॥
কৃষ্ণবর্ণঃ সুবর্ণশ্চ ইংদ্রিয়ং সর্বদেহিনাম্ ।
মহাপাদো মহাহস্তো মহাকাযো মহাযশাঃ ॥
মহামূর্ধা মহামাত্রো মহানেত্রো নিশালয়ঃ ।
মহাংতকো মহাকর্ণো মহোষ্ঠশ্চ মহাহনুঃ ॥
মহানাসো মহাকংবুর্মহাগ্রীবঃ শ্মশানভাক্ ।
মহাবক্ষা মহোরস্কো হ্যংতরাত্মা মৃগালয়ঃ ॥
লংবনো লংবিতোষ্ঠশ্চ মহামায়ঃ পযোনিধিঃ ।
মহাদংতো মহাদংষ্ট্রো মহাজিহ্বো মহামুখঃ ॥
মহানখো মহারোমা মহাকেশো মহাজটঃ ।
প্রসন্নশ্চ প্রসাদশ্চ প্রত্যযো গিরিসাধনঃ ॥
স্নেহনোঽস্নেহনশ্চৈব অজিতশ্চ মহামুনিঃ ।
বৃক্ষাকারো বৃক্ষকেতুরনলো বায়ুবাহনঃ ॥
গন্ডলী মেরুধামা চ দেবাধিপতিরেব চ ।
অথর্বশীর্ষঃ সামাস্য ঋক্সহস্রামিতেক্ষণঃ ॥
যজুঃ পাদভুজো গুহ্যঃ প্রকাশো জংগমস্তথা ।অমোঘার্থঃ প্রসাদশ্চ অভিগম্যঃ সুদর্শনঃ ॥
উপকারঃ প্রিযঃ সর্বঃ কনকঃ কাংচনচ্ছবিঃ ।নাভির্নংদিকরো ভাবঃ পুষ্করস্থপতিঃ স্থিরঃ ॥
দ্বাদশস্ত্রাসনশ্চাদ্যো যজ্ঞো যজ্ঞসমাহিতঃ ।
নক্তং কলিশ্চ কালশ্চ মকরঃ কালপূজিতঃ ॥
সগণো গণকারশ্চ ভূতবাহনসারথিঃ ।
ভস্মশয়ো ভস্মগোপ্তা ভস্মভূতস্তরুর্গণঃ ॥
লোকপালস্তথাঽলোকো মহাত্মা সর্বপূজিতঃ ।শুক্লস্ত্রিশুক্লঃ সংপন্নঃ শুচির্ভূতনিষেবিতঃ ॥
আশ্রমস্থঃ ক্রিযাবস্থো বিশ্বকর্মমতির্বরঃ ।বিশালশাখস্তাম্রোষ্ঠো হ্যংবুজালঃ সুনিশ্চলঃ ॥
কপিলঃ কপিশঃ শুক্ল আযুশ্চৈব পরোঽপরঃ ।
গংধর্বো হ্যদিতিস্তার্ক্ষ্যঃ সুবিজ্ঞেযঃ সুশারদঃ ॥
পরশ্বধাযুধো দেবো হ্যনুকারী সুবাংধবঃ ।
তুংববীণো মহাক্রোধ ঊর্ধ্বরেতা জলেশয়ঃ ॥
উগ্রো বংশকরো বংশো বংশনাদো হ্যনিংদিতঃ ।সর্বাংগরূপো মায়াবী সুহৃদো হ্যনিলোঽনলঃ ॥
বন্ধনো বন্ধনকর্তা চ সুবংধনবিমোচনঃ ।
স যজ্ঞারিঃ স কামারির্মহাদংষ্ট্রো মহাযুধঃ ॥
বহুধা নিংদিতঃ শর্বঃ শংকরঃ শংকরোঽধনঃ ।
অমরেশো মহাদেবো বিশ্বদেবঃ সুরারিহা ॥
অহির্বুধ্ন্যোঽনিলাভশ্চ চেকিতানো হবিস্তথা । অজৈকপাচ্চ কাপালী ত্রিশংকুরজিতঃ শিবঃ ॥
ধন্বতরির্ধূমকেতুঃ স্কংদো বৈশ্রবণস্তথা ।
ধাতা শক্রশ্চ বিষ্ণুশ্চ মিত্রস্ত্বষ্টা ধ্রুবো ধরঃ ॥
প্রভাবঃ সর্বগো বাযুরর্যমা সবিতা রবিঃ ।
উষংগুশ্চ বিধাতা চ মান্ধাতা ভূতভাবনঃ ॥
বিভুর্বর্ণবিভাবী চ সর্বকামগুণাবহঃ ।
পদ্মনাভো মহাগর্ভশ্চংদ্রবক্ত্রোঽনিলোঽনলঃ ॥
বলবাংশ্চোপশাংতশ্চ পুরাণঃ পুণ্যচংচুরী ।
কুরুকর্তা কুরুবাসী কুরুভূতো গুণৌষধঃ ॥
সর্বাশযো দর্ভচারী সর্বেষাং প্রাণিনাং পতিঃ ।
দেবদেবঃ সুখাসক্তঃ সদসত্সর্বরত্নবিত্ ॥
কৈলাসগিরিবাসী চ হিমবদগিরিসংশ্রয়ঃ ।
কূলহারী কূলকর্তা বহুবিদ্যো বহুপ্রদঃ ॥
বণিজো বর্ধকী বৃক্ষো বকুলশ্চংদনশ্ছদঃ ।
সারগ্রীবো মহাজত্রুরলোলশ্চ মহৌষধঃ ॥
সিদ্ধার্থকারী সিদ্ধার্থশ্ছংদোব্যাকরণোত্তরঃ ।
সিংহনাদঃ সিংহদংষ্ট্রঃ সিংহগঃ সিংহবাহনঃ ॥
প্রভাবাত্মা জগৎকালস্থালো লোকহিতস্তরুঃ ।
সারংগো নবচক্রাংগঃ কেতুমালী সভাবনঃ ॥
ভূতালয়ো ভূতপতিরহোরাত্রমনিংদিতঃ ॥
বাহিতা সর্বভূতানাং নিলয়শ্চ বিভুর্ভবঃ।
অমোঘঃ সংযতো হ্যশ্বো ভোজনঃ প্রাণধারণঃ ॥
ধৃতিমান্ মতিমান্ দক্ষঃ সকৃতশ্চ যুগাধিপঃ ।গোপালির্গোপতির্গ্রামো গোচর্মবসনো হরিঃ ॥
হিরণ্যবাহুশ্চ তথা গুহাপালঃ প্রবেশিনাম্ ।প্রকৃষ্টারির্মহাহর্ষো জিতকামো জিতেংদ্রিযঃ ॥
গাংধারশ্চ সুবাসশ্চ তপঃসক্তো রতির্নরঃ ।
মহাগীতো মহানৃত্যো হ্যপ্সরোগণসেবিতঃ ॥
মহাকেতুর্মহাধাতুর্নৈকসানুচরশ্চলঃ ।
আবেদনীয় আদেশঃ সর্বগংধসুখাবহঃ ॥
তোরণস্তারণো বাতঃ পরিধী পতিখেচরঃ ।
সংযোগো বর্ধনো বৃদ্ধো অতিবৃদ্ধো গুণাধিকঃ ॥
নিত্য আত্মসহায়শ্চ দেবাসুরপতিঃ পতিঃ ।
যুক্তশ্চ যুক্তবাহুশ্চ দেবো দিবিসুপর্বণঃ ॥
আষাঢ়শ্চ সুষাঢ়শ্চ ধ্রুবোঽথ হরিণো হরঃ ।বপুরাবর্তমানেভ্যো বসুশ্রেষ্ঠো মহাপথঃ ॥
শিরোহারী বিমর্শশ্চ সর্বলক্ষণলক্ষিতঃ ।
অক্ষশ্চ রথযোগী চ সর্বযোগী মহাবলঃ ॥
সমাম্নাযোঽসমাম্নাযস্তীর্থদেবো মহারথঃ ।
নির্জীবো জীবনো মন্ত্রঃ শুভাক্ষো বহুকর্কশঃ ॥
রত্নপ্রভূতো রক্তাংগো মহার্ণবনিপানবিত্ ।
মূলং বিশালো হ্যমৃতো ব্যক্তাব্যক্তস্তপোনিধিঃ ॥
আরোহণোঽধিরোহশ্চ শীলধারী মহাযশাঃ ।
সেনাকল্পো মহাকল্পো যোগো যুগকরো হরিঃ ॥
যুগরূপো মহারূপো মহানাগহনো বধঃ ।
ন্যাযনির্বপণঃ পাদঃ পংডিতো হ্যচলোপমঃ ॥
বহুমালো মহামালঃ শশী হরসুলোচনঃ ।
বিস্তারো লবণঃ কূপস্ত্রিযুগঃ সফলোদয়ঃ ॥
ত্রিলোচনো বিষণ্ণাংগো মণিবিদ্ধো জটাধরঃ ।বিংদুর্বিসর্গঃ সুমুখঃ শরঃ সর্বাযুধঃ সহঃ ॥
নিবেদনঃ সুখাজাতঃ সুগংধারো মহাধনুঃ ।
গন্ধপালী চ ভগবানুত্থানঃ সর্বকর্মণাম্ ॥
মংথানো বহুলো বায়ুঃ সকলঃ সর্বলোচনঃ ।
তলস্তালঃ করস্থালী ঊর্ধ্বসংহননো মহান্ ॥
ছত্রং সুচ্ছত্রো বিখ্যাতো লোকঃ সর্বাশ্রয়ঃ ক্রমঃ ।
মুন্ড বিরূপো বিকৃতো দন্ডী কুন্ডী বিকুর্বণঃ ॥
হর্যক্ষঃ ককুভো বজ্রী শতজিহ্বঃ সহস্রপাত্ ।
সহস্রমূর্ধা দেবেংদ্রঃ সর্বদেবময়ো গুরুঃ ॥
সহস্রবাহুঃ সর্বাঙ্গঃ শরণ্যঃ সর্বলোককৃত্ ।
পবিত্রং ত্রিককুন্মংত্রঃ কনিষ্ঠঃ কৃষ্ণপিঙ্গলঃ ॥
ব্রহ্মদন্ডবিনির্মাতা শতঘ্নীপাশশক্তিমান্ ।
পদ্মগর্ভো মহাগর্ভো ব্রহ্মগর্ভো জলোদ্ভবঃ ॥
গভস্তির্ব্রহ্মকৃদ্ব্রহ্মী ব্রহ্মবিদ্ব্রাহ্মণো গতিঃ ।
অঙ্গতরূপো নৈকাত্মা তিগ্মতেজাঃ স্বযংভুবঃ ॥
ঊর্ধ্বগাত্মা পশুপতির্বাতরংহা মনোজবঃ ।
চংদনী পদ্মনালাগ্রঃ সুরভ্যুত্তরণো নরঃ ॥
কর্ণিকারমহাস্রগ্বী নীলমৌলিঃ পিনাকধৃত্ ।উমাপতিরুমাকান্তো জাহ্নবীধৃদুমাধবঃ ॥
বরো বরাহো বরদো বরেণ্যঃ সুমহাস্বনঃ ।
মহাপ্রসাদো দমনঃ শত্রুহা শ্বেতপিঙ্গলঃ ॥
পীতাত্মা পরমাত্মা চ প্রযতাত্মা প্রধানধৃত্ । সর্বপার্শ্বমুখস্ত্র্যক্ষো ধর্মসাধারণো বরঃ ॥
চরাচরাত্মা সূক্ষ্মাত্মা অমৃতো গোবৃষেশ্বরঃ ।সাধ্যর্ষির্বসুরাদিত্যো বিবস্বান্সবিতামৃতঃ ॥
ব্যাসঃ সর্গঃ সুসংক্ষেপো বিস্তরঃ পর্যয়ো নরঃ ।
ঋতুঃ সংবৎসরো মাসঃ পক্ষঃ সংখ্যাসমাপনঃ ॥
কলা কাষ্ঠা লবা মাত্রা মুহূর্তাহঃ ক্ষপাঃ ক্ষণাঃ ।বিশ্বক্ষেত্রং প্রজাবীজং লিঙ্গমাদ্যস্তু নির্গমঃ ॥
সদসদ্ব্যক্তমব্যক্তং পিতা মাতা পিতামহঃ ।
স্বর্গদ্বারং প্রজাদ্বারং মোক্ষদ্বারং ত্রিবিষ্টপম্ ॥
নির্বাণং হ্লাদনশ্চৈব ব্রহ্মলোকঃ পরা গতিঃ ।দেবাসুরবিনির্মাতা দেবাসুরপরাযণঃ ॥
দেবাসুরগুরুর্দেবো দেবাসুরনমস্কৃতঃ ।দেবাসুরমহামাত্রো দেবাসুরগণাশ্রযঃ ॥
দেবাসুরগণাধ্যক্ষো দেবাসুরগণাগ্রণীঃ ।
দেবাতিদেবো দেবর্ষির্দেবাসুরবরপ্রদঃ ॥
দেবাসুরেশ্বরো বিশ্বো দেবাসুরমহেশ্বরঃ ।সর্বদেবমযোঽচিংত্যো দেবতাত্মাঽঽত্মসংভবঃ ॥
উদ্ভিৎত্রিবিক্রমো বৈদ্যো বিরজো নীরজোঽমরঃ
ঈড্যো হস্তীশ্বরো ব্যাঘ্রো দেবসিংহো নরর্ষভঃ ॥
বিবুধোঽগ্রবরঃ সূক্ষ্মঃ সর্বদেবস্তপোময়ঃ ।
সুযুক্তঃ শোভনো বজ্রী প্রাসানাং প্রভবোঽব্যয়ঃ
গুহঃ কাংতো নিজঃ সর্গঃ পবিত্রং সর্বপাবনঃ ।
শৃংগী শৃংগপ্রিয়ো বভ্রূ রাজরাজো নিরাময়ঃ ॥
অভিরামঃ সুরগণো বিরামঃ সর্বসাধনঃ ।
ললাটাক্ষো বিশ্বদেবো হরিণো ব্রহ্মবর্চসঃ ॥
স্থাবরাণাং পতিশ্চৈব নিয়মেংদ্রিয়বর্ধনঃ ।
সিদ্ধার্থঃ সিদ্ধভূতার্থোঽচিংত্যঃ সত্যব্রতঃ শুচিঃ
ব্রতাধিপঃ পরং ব্রহ্ম ভক্তানাং পরমা গতিঃ ।
বিমুক্ত মুক্ততেজাশ্চ শ্রীমান্ শ্রীবর্ধনো জগত্ ॥