নাওয়া সেরমা সহর সেটেরেনা
আৗডি রৗসকৗরাসা হবর আতে,
মাঘ বঙ্গা রেনাঃ হায়াম হিসিৎ হয়
বাজাওয়েনা যুয়ৗন হড়মরে।
নাওয়া সেরমা,নাওয়া দিন,নাওয়া-
বেড়া তারাস পূর্ব নাখারে,
সেতাঃ তরা চেরে চুপড়ি চেরবের
দারে লাফাং ডার রে।
দারে সাকাম হ বৗয় বৗয় তে ঝত
মারুড় ঞুরু ইদিঃকান,
লে-লেগেজ জালি পহা সাকাম
সোতোঃ আগুয়ে ফাগুন।
সাহা সাগিঞ্ মে মনেরেনাঃ আড়িস-
কাহিশ দুখৗলি রাহা,
কুকমু ঞেল নাপায় ডাহার তে
মাড়াংসেৎ তাড়াম রেনাঃ ।
দুক-দরয়া খন রাকাব কাতে,রৗস্কৗয়
মে মনে জিওয়ীরে লান্দা আতে,
নাওয়া সেরমারে কুকমু পুরৗও রেনাঃ
আমরে কিরয়ৗ হাতাও মে।
এগো নাওয়া সেরমা,
আমরে ইঞ্ আশাঞ্ দহয়েদা
নাওয়া সেরমারে মনেরেনাঃ তেতাং
এম্ তিরপিত কাঃ আ।
সানাম হড়াঃ অন্তর বাখোল আশ-
কুকমু সাগুন সারি কঃ মা,
ঝতকগে দেলাবন আতাং দারাম
সাগুন নাওয়া সেরমা।।
