ভারত দিসম পুরুব নাখা
বেড়ায় রাকাব সেতাঃ তরা,
ডিগিমিগি গটা মারশাল সিতুং তারাস বাজাঃ।
দিনৗম হিলোঃ বেড়া আহালা
সেতাঃ সাওতে ঞেলঃ,
ঞেল ঞেলতে অক্ত অকালেকা চ পারম সেনঃ।
কিষৗড় করেন গুতি কৗমীন
মারাং বৗত- বৗয়হৗড় তালা,
কৗমি কৗৗমি সেরেঞ-দুরৗং আক রৗস্কৗ জ্বালা।
দিন দ পারমেন অক্ত পলমেন,
বৗয়বৗয়তে ঝত আরুফেরা ইদিঃকান,
নিত মা তিরে অ্যান্ড্রয়েডফোন,অকায়েন চ রাহা রাসা!
অক্ত বানুঃ আ পান্তেকাতে দুড়ুপ
মিদ সাওতে বার কাথা থুতি রপড়,
বানুঃ আনা সেদায় লেকা অনা সিবিল সড়ম।
বির পাকাড় দারে-নাড়ি উজৗড়ঃকান
বেনাওএদ ক বিল্ডিং,কারখানা ,
হানে দিন-দিনতে ঝতয়াঃ সানাম বদল চাবাঃকানা।
নওয়া ক ঞেলতে উইহৗরঃ সেদায় কাথা
রৗস্কৗ-রাসাতে পেরেচ পৗহিল জিয়ন,
আৗডি গেচ্ দামান সারি অক্ত রেনাং গনং।।
