পশুপত্যষ্টকম্ (Pashupati Ashtakam) হলো ভগবান শিবকে উৎসর্গীকৃত একটি স্তোত্র, যেখানে শিবের বিভিন্ন রূপের (যেমন পশুপতি, ইন্দু পতি, সতী পতি) মহিমা বর্ণনা করে ভক্তদের তাঁকে ভজনা করার জন্য আহ্বান করা হয়েছে, যা দুঃখ দূর করে এবং পরাক্রমশালী মহেশকে স্মরণ করতে শেখায় ।
পশুপতি অষ্টকম্
পশুপতীন্দুপতিং ধরণীপতিং ভুজগলোকপতিং চ সতীপতিম্ ।প্রণতভক্তজনার্তিহরং পরং ভজত রে মনুজা গিরিজাপতিম্ ॥১॥
ন জনকো জননী ন চ সোদরো ন তনয়ো ন চ ভূরিবলং কুলম্ ।
অবতি কোঽপি ন কালবশং গতং ভজত রে মনুজা গিরিজাপতিম্ ॥২॥
মুরজডিণ্ডিমবাদ্যবিলক্ষণং মধুরপঞ্চমনাদবিশারদম্ ।প্রমথভূতগণৈরপি সেবিতং ভজত রে মনুজা গিরিজাপতিম্ ॥৩॥
শরণদং সুখদং শরণান্বিতং শিব শিবেতি শিবেতি নতং নৃণাম্ ।
অভয়দং করুণাবরুণালয়ং ভজত রে মনুজা গিরিজাপতিম্ ॥৪॥
নরশিরোরচিতং মণিকুণ্ডলং ভুজগহারমুদং বৃষভধ্বজম্ ।চিতিরজোধবলীকৃতবিগ্রহং ভজত রে মনুজা গিরিজাপতিম্ ॥৫॥
মখবিনাশকরং শশিশেখরং সততমধ্বরভাজিফলপ্রদম্ ।প্রল়য়দগ্ধসুরাসুরমানবং ভজত রে মনুজা গিরিজাপতিম্ ॥৬॥
মদমপাস্য চিরং হৃদি সংস্থিতং মরণজন্মজরাময়পীডিতম্ ।
জগদুদীক্ষ্য সমীপভয়াকুলং ভজত রে মনুজা গিরিজাপতিম্ ॥৭॥
হরিবিরঞ্চিসুরাধিপপূজিতং যমজনেশধনেশনমস্কৄতম্ ।
ত্রিনয়নং ভুবনত্রিতয়াধিপং ভজত রে মনুজা গিরিজাপতিম্ ॥৮॥
পশুপতেরিদমষ্টকমদ্ভুতং বিরচিতং পৃথিবীপতিসূরিণা ।
পঠতি সংশৃণুতে মনুজঃ সদা শিবপুরীং বসতে লভতে মুদম্ ॥৯॥
।। ইতি শ্রীপশুপত্যষ্টকম্ সম্পূর্ণম্ ॥