ভাস্বান্ কাশ্যপগোত্রজোঽ রুণরুচির্য়ঃ সিংহপোঽর্কঃ সমি-
-ত্ষট্ত্রিস্থোঽদশশোভনো গুরুশশী ভৌমাঃ সুমিত্রাঃ সদা ।
শুক্রো মংদরিপুঃ কলিঙ্গজনপশ্চাগ্নীশ্বরৌ দেবতে
মধ্যেবর্তুলপূর্বদিগ্দিনকরঃ কুর্য়াত্সদা মঙ্গলম্ ॥ ২ ॥
চন্দ্রঃ কর্কটকপ্রভুঃ সিতনিভশ্চাত্রেয়গোত্রোদ্ভব-
-শ্চাত্রেয়শ্চতুরশ্রবারুণমুখশ্চাপে উমাধীশ্বরঃ ।
ষট্সপ্তাগ্নি দশৈকশোভনফলো নোরির্বুধার্কৌপ্রিয়ৌ
স্বামী যামুনজশ্চ পর্ণসমিধঃ কুর্য়াত্সদা মঙ্গলম্ ॥ ২ ॥
ভৌমো দক্ষিণদিক্ত্রিকোণয়মদিগ্বিংধ্যেশ্বরঃ খাদিরঃ
স্বামী বৃশ্চিকমেষয়োস্তু সুগুরুশ্চার্কঃ শশী সৌহৃদঃ ।
জ্ঞোঽরিঃ ষট্ত্রিফলপ্রদশ্চ বসুধাস্কংদৌ ক্রমাদ্দেবতে
ভারদ্বাজকুলোদ্বহোঽরুণরুচিঃ কুর্য়াত্সদা মঙ্গলম্ ॥ ৩
সৌম্যঃ পীত উদঙ্মুখঃ সমিদপামার্গোঽত্রিগোত্রোদ্ভবো
বাণেশানদিশঃ সুহৃদ্রবিসুতঃ শান্তঃ সুতঃ শীতগোঃ ।
কন্যায়ুগ্মপতির্দশাষ্টচতুরঃ ষণ্ণেত্রগঃ শোভনো
বিষ্ণুর্দেব্যধিদেবতে মগধপঃ কুর্য়াত্সদা মঙ্গলম্ ॥ ৪ ॥
জীবশ্চাংগিরগোত্রজোত্তরমুখো দীর্ঘোত্তরাশাস্থিতঃ
পীতোঽশ্বত্থসমিচ্চ সিংধুজনিতশ্চাপোঽথ মীনাধিপঃ ।
সূর্য়েংদুক্ষিতিজাঃ প্রিয়া বুধসিতৌ শত্রূ সমাশ্চাপরে
সপ্তদ্বে নবপঞ্চমে শুভকরঃ কুর্য়াত্সদা মঙ্গলম্ ॥ ৫॥
শুক্রো ভার্গবগোত্রজঃ সিতরুচিঃ পূর্বামুখঃ পূর্বদিক্
পাঞ্চালস্থ বৃষস্তুলাধিপমহারাষ্ট্রাধিপৌদুংবরঃ ।
ইংদ্রাণীমঘবা বুধশ্চ রবিজো মিত্রোর্ক চন্দ্রাবরী
ষষ্ঠত্রির্দশবর্জিতে ভৃগুসুতঃ কুর্য়াত্সদা মঙ্গলম্ ॥ ৬ ॥
মংদঃ কৃষ্ণনিভঃ সপশ্চিমমুখঃ সৌরাষ্ট্রপঃ কাশ্যপঃ
স্বামী নক্রসুকুংভয়োর্বুধসিতৌ মিত্রৌ কুজেংদূ দ্বিষৌ ।
স্থানং পশ্চিমদিক্ প্রজাপতিয়মৌ দেবৌ ধনুর্ধারকঃ
ষট্ত্রিস্থঃ শুভকৃচ্ছনী রবিসুতঃ কুর্য়াত্সদা মঙ্গলম্ ॥ ৭
রাহুঃ সিংহলদেশপোঽপি সতমঃ কৃষ্ণাঙ্গশূর্পাসনো
যঃ পৈঠীনসগোত্রসংভবসমিদ্দূর্বামুখো দক্ষিণঃ ।
যঃ সর্পঃ পশুদৈবতোঽখিলগতঃ সূর্যগ্রহে ছাদকঃ
ষট্ত্রিস্থঃ শুভকৃচ্চ সিংহকসুতঃ কুর্য়াত্সদা মঙ্গলম্ ॥ ৮
কেতুর্জৈমিনিগোত্রজঃ কুশসমিদ্বায়ব্যকোণেস্থিত-
-শ্চিত্রাংকধ্বজলাংছনো হি ভগবান্ যো দক্ষিণাশামুখঃ
ব্রহ্মা চৈব তু চিত্রগুপ্তপতিমান্ প্রীত্য়াধিদেবঃ সদা
ষট্ত্রিস্থঃ শুভকৃচ্চ বর্বরপতিঃ কুর্য়াত্সদা মংগলম্ ॥ ৯
।। ইতি নবগ্রহ মঙ্গল স্তোত্রম্ ।।
