মহা সৌর মন্ত্রম্ : স্বাস্থ্য, শক্তি, দীর্ঘায়ু, জ্ঞান এবং জীবনের উন্নতির জন্য একটি বৈদিক মন্ত্র

মহা সৌর মন্ত্রম্ (Maha Saura Mantram) হলো বৈদিক সাহিত্যের এমন কিছু শক্তিশালী মন্ত্রের সমষ্টি যা প্রধানত সূর্য দেবকে উৎসর্গীকৃত; এই মন্ত্রগুলো স্বাস্থ্য, শক্তি, দীর্ঘায়ু, জ্ঞান এবং জীবনের উন্নতির জন্য জপ করা হয়, যার মধ্যে ঋগ্বেদের কিছু অংশ, আদিত্য হৃদয়ম, এবং অরুণা প্রশনার মতো অংশও অন্তর্ভুক্ত থাকে, যা সূর্যকে তুষ্ট করে শুভ ফল লাভ করতে সাহায্য করে। 

(1-50-1)
উদু ত্যং জাতবেদসং দেবং-বঁহংতি কেতবঃ ।
দৃশে বিশ্বায় সূর্য়ম্ ॥ ১।।

অপ তয়ে তায়বো যথা নক্ষত্রা যংত্য়ক্তুভিঃ ।
সূরায় বিশ্বচক্ষসে ॥ ২।।

অদৃশ্রমস্য কেতবো বি রশ্ময়ো জনাঙ্ অনু ।
ভ্রাজংতো অগ্নয়ো যথা ॥ ৩।।

তরণির্বিশ্বদর্রশতো জয়োতিষ্কৃদসি সূর্য় ।
বিশ্বমা ভাসি রোচনম্ ॥ ৪।।

প্রত্যঙ্ দেবানাং বিশঃ প্রত্যঙ্ঙুদেষি মানুষান্ ।
প্রত্যঙ্বিশ্বং স্বর্দৃ॒শে ॥ ৫।।

যেনা পাবক চক্ষসা ভুরণ্যংতং জনা  অনু ।
ত্বং-বঁরুণ পশ্যসি ॥ ৬।।

বি দ্যামেষি রজস্পৃথ্বহা মিমানো অক্তুভিঃ ।
পশ্য়ংজন্মানি সূর্য় ॥ ৭৷।

সপ্ত ত্বা হ॒রিতো রথে বহংতি দেব সূর্য় ।
শোচিষ্কেশং-বিচক্ষণ ॥ ৮ ।।

অয়ুক্ত সপ্ত শুংধ্য়ুবঃ সূরো রথস্য নপ্তয়ঃ ।
তাভির্য়তি স্বয়ুক্তিভিঃ ॥ ৯।।

উদ্বয়ং তমসস্পরি জয়োতি॒ষ্পশ্যংত উত্তরম্ ।
দেবং দেবত্রা সূর্য়মগন্ম॒ জ্য়োতিরুত্ত॒মম্ ॥ ১০।।

উদ্যন্নদ্য মিত্রমহ আরোহন্নুত্তরাং দিবম্ ।
হৃদ্রোগং মম সূর্য় হরিমাণং চ নাশয় ॥ ১১৷।

শুকেষু মে হরিমাণং রোপণাকাসু দধ্মসি ।
অথো হারিদ্রবেষু মে হরিমাণং নি দধ্মসি ॥ ১২৷।

উদগাদয়মাদিত্য়ো বিশ্বেন সহসা সহ ।
দ্বিষংতং মহয়ং রংধয়ন্মো অহং দ্বিষতে রধম্ ॥ ১৩৷।

(1-115-01)
চি॒ত্রং দে॒বানা॒মুদ॑গা॒দনী॑কং॒ চক্ষু॑র্মি॒ত্রস্য বরু॑ণস্যাগ্নেঃ ।
আপ্রা॒ দ্য়াবা॑পৃথি॒বী অং॒তরি॑ক্ষং॒ সূর্য়॑ আ॒ত্মা জগ॑তস্ত॒স্থুষ॑শ্চ ॥ ১৪।।

সূর্য়ো দে॒বীমুষসং রোচ॑মানাং॒ মর্য়ো॒ ন যোষা॑ম॒ভ্য়ে॑তি প॒শ্চাত্ ।
যত্রা॒ নরো॑ দেব॒য়ংতো॑ যু॒গানি॑ বিতন্ব॒তে প্রতি॑ ভ॒দ্রায়॑ ভ॒দ্রম্ ॥ ১৫।।

ভ॒দ্রা অশ্বা॑ হ॒রিতঃ॒ সূর্য়॑স্য চি॒ত্রা এত॑গ্বা অনু॒মাদ্যাসঃ ।
ন॒ম॒স্যংতো॑ দি॒ব আ পৃষ্ঠমস্থুঃ॒ পরি॒ দ্যাবা॑পৃথি॒বী যংতি স॒দ্যঃ ॥ ১৬।।

তত্সূর্য়স্য দেব॒ত্বং তন্ম॑হি॒ত্বং ম॒ধ্য়া কর্তো॒র্বিত॑তং॒ সং জ॑ভার ।
য॒দেদয়ু॑ক্ত হ॒রিতঃ॑ স॒ধস্থা॒দাদ্রাত্রী॒ বাস॑স্তনুতে সি॒মস্মৈ॑ ॥ ১৭।।

তন্মি॒ত্রস্য বরু॑ণস্য়াভি॒চক্ষে॒ সূর্য়ো॑ রূ॒পং কৃ॑ণুতে॒ দ্য়োরু॒পস্থে॑ ।
অ॒নং॒তম॒ন্যদ্রুশ॑দস্য়॒ পাজঃ॑ কৃ॒ষ্ণম॒ন্যদ্ধ॒রিতঃ॒ সং ভ॑রংতি ॥ ১৮।।

অ॒দ্যা দে॑বা॒ উদি॑তা॒ সূর্য়॑স্য নিরংহ॑সঃ পিপৃ॒তা নির॑ব॒দ্যাত্
তন্নো॑ মি॒ত্রো বরু॑ণো মামহংতা॒মদি॑তিঃ॒ সিংধুঃ॑ পৃথি॒বী উ॒ত দ্যৌঃ ॥ ১৯।।

(1-164-46)
ইংদ্রং॑ মি॒ত্রং-বঁরু॑ণম॒গ্নিমা॑হু॒রথো॑ দি॒ব্য়ঃ স সু॑প॒র্ণো গ॒রুত্মা॑ন্ ।
একং॒ সদ্বিপ্রা॑ বহু॒ধা ব॑দংত্য়॒গ্নিং-য়ঁ॒মং মা॑ত॒রিশ্বা॑নমাহুঃ ॥ ২০ ।।

কৃ॒ষ্ণং নি॒য়ানং॒ হর॑য়ঃ সুপ॒র্ণা অ॒পো বসা॑না॒ দিব॒মুত্প॑তংতি ।
ত আব॑বৃত্রং॒ত্সদ॑নাদৃ॒তস্য়াদিদ্ঘৃ॒তেন॑ পৃথি॒বী ব্য়ু॑দ্যতে ॥ ২১।।

(4-040-05)
হং॒সঃ শু॑চি॒ষদ্বসু॑রংতরিক্ষ॒সদ্ধোতা॑ বেদি॒ষদতি॑থির্দুরোণ॒সত্ ।
নৃ॒ষদ্ব॑র॒সদৃ॑ত॒সদ্ব্য়ো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒তম্ ॥ ২২।।

(5-040-05)
যত্ত্বা॑ সূর্য়॒ স্ব॑র্ভানু॒স্তম॒সাবি॑ধ্যদাসু॒রঃ ।
অক্ষে॑ত্রবি॒দ্যথা॑ মু॒গ্ধো ভুব॑নান্যদীধয়ুঃ ॥ ২৩।।

(7-060-01)
যদ॒দ্য় সূ॑র্য়॒ ব্রবোঽনা॑গা উ॒দ্যন্মি॒ত্রায়॒ বরু॑ণায় স॒ত্যম্ ।
ব॒য়ং দে॑ব॒ত্রাদি॑তে স্যাম॒ তব॑ প্রি॒য়াসো॑ অর্যমন্গৃ॒ণংতঃ॑ ॥ ২৪ ।।

(7-062-01)
উত্সূর্য়ো॑ বৃ॒হদ॒র্চীংষ্যশ্রেত্পু॒রু বিশ্বা॒ জনি॑ম॒ মানু॑ষাণাম্ ।
স॒মো দি॒বা দ॑দৃশে॒ রোচ॑মানঃ॒ ক্রত্বা॑ কৃ॒তঃ সুকৃ॑তঃ ক॒র্তৃভি॑র্ভূত্ ॥ ২৫ ।।

স সূ॑র্য়॒ প্রতি॑ পু॒রো ন॒ উদ্গা॑ এ॒ভিঃ স্তোমে॑ভিরেত॒শেভি॒রেবৈঃ॑ ।
প্র নো॑ মি॒ত্রায়॒ বরু॑ণায় বো॒চোঽনা॑গসো অর্য়॒ম্ণে অ॒গ্নয়ে॑ চ ॥ ২৬।।

বি নঃ॑ স॒হস্রং॑ শু॒রুধো॑ রদংত্বৃ॒তাবা॑নো॒ বরু॑ণো মি॒ত্রো অ॒গ্নিঃ ।
যচ্ছং॑তু চং॒দ্রা উ॑প॒মং নো॑ অ॒র্কমা নঃ॒ কামং॑ পূপুরংতু॒ স্তবা॑নাঃ ॥ ২৭।।

(7-063-01)
উদ্বে॑তি সু॒ভগো॑ বি॒শ্বচ॑ক্ষাঃ॒ সাধা॑রণঃ॒ সূর্য়ো॒ মানু॑ষাণাম্ ।
চক্ষু॑র্মি॒ত্রস্য বরু॑ণস্য দে॒বশ্চর্মে॑ব॒ যঃ স॒মবি॑ব্য়॒ক্তমাং॑সি ॥ ২৮ ।।

উদ্বে॑তি প্রসবী॒তা জনা॑নাং ম॒হান্কে॒তুর॑র্ণ॒বঃ সূর্য়॑স্য ।
স॒মা॒নং চ॒ক্রং প॑র্য়া॒বিবৃ॑ত্স॒ন্যদে॑ত॒শো বহ॑তি ধূ॒র্​ষু যু॒ক্তঃ ॥ ২৯ ।।

বি॒ভ্রাজ॑মান উ॒ষসা॑মু॒পস্থা॑দ্রে॒ভৈরুদে॑ত্যনুম॒দ্যমা॑নঃ ।
এ॒ষ মে॑ দে॒বঃ স॑বি॒তা চ॑চ্ছংদ॒ যঃ স॑মা॒নং ন প্র॑মি॒নাতি॒ ধাম॑ ॥ ৩০।।

দি॒বো রু॒ক্ম উ॑রু॒চক্ষা॒ উদে॑তি দূ॒রে অ॑র্থস্ত॒রণি॒র্ভ্রাজ॑মানঃ
নূ॒নং জনাঃ॒ সূর্য়ে॑ণ॒ প্রসূ॑তা॒ অয়॒ন্নর্থা॑নি কৃ॒ণব॒ন্নপাং॑সি ॥ ৩১।।

যত্রা॑ চ॒ক্রুর॒মৃতা॑ গা॒তুম॑স্মৈ শ্য়ে॒নো ন দীয়॒ন্নন্বে॑তি॒ পাথঃ॑ ॥ ৩২৷

(7-066-14)
উদু॒ ত্যদ্দ॑র্​শ॒তং-বঁপু॑র্দি॒ব এ॑তি প্রতিহ্ব॒রে ।
যদী॑মা॒শুর্বহ॑তি দে॒ব এত॑শো॒ বিশ্ব॑স্মৈ॒ চক্ষ॑সে॒ অর॑ম্ ॥ ৩৩।।

শী॒র্​ষ্ণঃ শী॑র্​ষ্ণো॒ জগ॑তস্ত॒স্থুষ॒স্পতিং॑ স॒ময়া॒ বিশ্ব॒মা রজঃ॑ ।
স॒প্ত স্বসা॑রঃ সুবি॒তায়॒ সূর্য়ং॒ বহং॑তি হ॒রিতো॒ রথে॑ ॥ ৩৪।।

তচ্চক্ষু॑র্দে॒বহি॑তং শু॒ক্রমু॒চ্চর॑ত্ ।
পশ্য়ে॑ম শ॒রদঃ॑ শ॒তং জীবে॑ম শ॒রদঃ॑ শ॒তম্ ॥ ৩৫।।

(8-101-11)
বণ্ম॒হাঁ অ॑সি সূর্য়॒ বলা॑দিত্য় ম॒হাঁ অ॑সি ।
ম॒হস্তে॑ স॒তো ম॑হি॒মা প॑নস্যতে॒ঽদ্ধা দে॑ব ম॒হাঁ অ॑সি ॥ ৩৬

বট্ সূ॑র্য়॒ শ্রব॑সা ম॒হাঁ অ॑সি স॒ত্রা দে॑ব ম॒হাঁ অ॑সি ।
ম॒হ্না দে॒বানা॑মসু॒র্য়ঃ॑ পু॒রোহি॑তো বি॒ভু জ্য়োতি॒রদা॑ভ্যম্ ॥ ৩৭।।

(10-037-01)
নমো॑ মি॒ত্রস্য বরু॑ণস্য চক্ষ॑সে ম॒হো দে॒বায়॒ তদৃ॒তং স॑পর্যত ।
দূ॒রে॒দৃশে॑ দে॒বজা॑তায় কে॒তবে॑ দি॒বস্পু॒ত্রায়॒ সূর্য়া॑য় শংসত ॥ ৩৮।।

সা মা॑ স॒ত্য়োক্তিঃ॒ পরি॑ পাতু বি॒শ্বতো॒ দ্য়াবা॑ চ॒ যত্র॑ ত॒তন॒ন্নহা॑নি চ ।
বিশ্ব॑ম॒ন্যন্নি বি॑শতে॒ যদেজ॑তি বি॒শ্বাহাপো॑ বি॒শ্বাহোদে॑তি॒ সূর্য়ঃ॑ ॥ ৩৯।।

ন তে॒ অদে॑বঃ প্র॒দিবো॒ নি বা॑সতে॒ যদে॑ত॒শেভিঃ॑ পত॒রৈ র॑থ॒র্যসি॑ ।
প্রা॒চীন॑ম॒ন্যদনু॑ বর্ততে॒ রজ॒ উদ॒ন্য়েন॒ জ্য়োতি॑ষা যাসি সূর্য় ॥ ৪০।।

যেন॑ সূর্য়॒ জ্য়োতি॑ষা॒ বাধ॑সে॒ তমো॒ জগ॑চ্চ॒ বিশ্ব॑মুদি॒যর্​ষি॑ ভা॒নুনা॑ ।
তেনা॒স্মদ্বিশ্বা॒মনি॑রা॒মনা॑হুতি॒মপামী॑বা॒মপ॑ দু॒ষ্বপন্যং সুব ॥ ৪১।।

বিশ্ব॑স্য হি প্রেষি॑তো॒ রক্ষ॑সি ব্র॒তমহে॑লযন্নু॒চ্চর॑সি স্ব॒ধা অনু॑ ।
যদ॒দ্য ত্বা॑ সূর্য়োপ॒ব্রবা॑মহৈ॒ তং নো॑ দে॒বা অনু॑ মংসীরত॒ ক্রতু॑ম্ ॥ ৪২।।

তং নো॒ দ্যাবা॑পৃথি॒বী তন্ন॒ আপ॒ ইংদ্রঃ॑ শৃণ্বংতু ম॒রুতো॒ হবং॒ বচঃ॑ ।
মা শূনে॑ ভূম॒ সূর্য়॑স্য় সং॒দৃশি॑ ভ॒দ্রং জীবং॑তো জর॒ণাম॑শীমহি ॥ ৪৩ ৷।

বি॒শ্বাহা॑ ত্বা সু॒মন॑সঃ সু॒চক্ষ॑সঃ প্র॒জাবং॑তো অনমী॒বা অনা॑গসঃ ।
উ॒দ্যংতং॑ ত্বা মিত্রমহো দি॒বেদি॑বে॒ জ্য়োগ্জী॒বাঃ প্রতি॑ পশ্যেম সূর্য় ॥ ৪৪।।

মহি॒ জ্য়োতি॒র্বিভ্র॑তং ত্বা বিচক্ষণ॒ ভাস্বং॑তং॒ চক্ষু॑ষে চক্ষুষে॒ ময়ঃ॑ ।
আ॒রোহং॑তং বৃহ॒তঃ পাজ॑স॒স্পরি॑ ব॒য়ং জী॒বাঃ প্রতি॑ পশ্য়েম সূর্য় ॥ ৪৫ ।।

যস্য তে॒ বিশ্বা॒ ভুব॑নানি কে॒তুনা॒ প্র চের॑তে॒ নি চ॑ বি॒শংতে॑ অ॒ক্তুভিঃ॑ ।
অ॒না॒গা॒স্ত্বেন॑ হরিকেশ সূ॒র্য়াহ্না॑হ্না নো॒ বস্য়॑সাবস্যসোদি॑হি ॥ ৪৬।।

শং নো॑ ভব॒ চক্ষ॑সা॒ শং নো॒ অহ্না॒ শং ভা॒নুনা॒ শং হি॒মা শং ঘৃ॒ণেন॑ ।
যথা॒ শমধ্বং॒ছমস॑দ্দুরো॒ণে তত্সূ॑র্য়॒ দ্রবি॑ণং ধেহি চি॒ত্রম্ ॥ ৪৭।।

অ॒স্মাকং॑ দেবা উ॒ভয়া॑য়॒ জন্ম॑নে॒ শর্ম॑ যচ্ছত দ্বি॒পদে॒ চতু॑ষ্পদে ।
অ॒দত্পিব॑দূ॒র্জয়॑মান॒মাশি॑তং॒ তদ॒স্মে শং-য়োঁর॑র॒পো দ॑ধাতন ॥ ৪৮।।

যদ্বো॑ দেবাশ্চকৃ॒ম জি॒হ্বয়া॑ গু॒রু মন॑সো বা॒ প্রয়ু॑তী দেব॒হেল॑নম্ ।
অরা॑বা॒ যো নো॑ অ॒ভি দু॑চ্ছুনা॒যতে॒ তস্মিং॒তদেনো॑ বসবো॒ নি ধে॑তন ॥ ৪৯।।

(10-158-01)
সূর্য়ো॑ নো দি॒বস্পা॑তু॒ বাতো॑ অং॒তরি॑ক্ষাত্ ।
অ॒গ্নির্নঃ॒ পার্থি॑বেভ্য়ঃ ॥ ৫০।।

জোষা॑ সবিত॒র্যস্য তে॒ হরঃ॑ শ॒তং স॒বাঁ অর্​হ॑তি ।
পা॒হি নো॑ দি॒দ্যুতঃ॒ পতং॑ত্য়াঃ ॥ ৫১।।

চক্ষু॑র্নো দে॒বঃ স॑বি॒তা চক্ষু॑র্ন উ॒ত পর্ব॑তঃ ।
চক্ষু॑র্ধা॒তা দ॑ধাতু নঃ ॥ ৫২।।

চক্ষু॑র্নো ধেহি॒ চক্ষু॑ষে॒ চক্ষু॑র্বি॒খ্য়ৈ ত॒নূভ্য়ঃ॑ ।
সং চে॒দং-বিঁ চ॑ পশ্যেম ॥ ৫৩।।

সু॒সং॒দৃশং॑ ত্বা ব॒য়ং প্রতি॑ পশ্যেম সূর্য় ।
বি প॑শ্য়েম নৃ॒চক্ষ॑সঃ ॥ ৫৪।।

(10-170-01)
বি॒ভ্রাড্বৃহত্পি॑বতু সো॒ম্য়ং মধ্বায়ু॒র্দধ॑দ্য়॒জ্ঞপ॑তা॒ববি॑হ্রুতম্ ।
বাত॑জূতো॒ যো অ॑ভি॒রক্ষ॑তি॒ ত্মনা॑ প্র॒জাঃ পু॑পোষ পুরু॒ধা বি রা॑জতি ॥ ৫৫।।

বি॒ভ্রাড্বৃ॒হত্সুভৃ॑তং-বাঁজ॒সাত॑মং॒ ধর্মং॑দি॒বো ধ॒রুণে॑ স॒ত্যমর্পি॑তম্ ।
অ॒মি॒ত্র॒হা বৃ॑ত্র॒হা দ॑স্য়ু॒হংত॑মং॒ জ্য়োতি॑র্জজ্ঞে অসুর॒হা স॑পত্ন॒হা ॥ ৫৬।।

ই॒দং শ্রেষ্ঠং॒ জ্য়োতি॑ষাং॒ জ্য়োতি॑রুত্ত॒মং-বিঁ॑শ্ব॒জিদ্ধ॑ন॒জিদু॑চ্যতে বৃ॒হত্ ।
বি॒শ্ব॒ভ্রাড্ভ্রা॒জো মহি॒ সূর্য়ো॑ দৃ॒শ উ॒রু প॑প্রথে॒ সহ॒ ওজো॒ অচ্যুতম্ ॥ ৫৭।।

বি॒ভ্রাজং॒জ্য়োতি॑ষা॒ স্ব॒1॑রগ॑চ্ছো রোচ॒নং দি॒বঃ ।
যেনে॒মা বিশ্বা॒ ভুব॑না॒ন্য়াভৃ॑তা বি॒শ্বক॑র্মণা বি॒শ্বদে॑ব্য়াবতা ॥ ৫৮।।

(10-189-02)
আয়ং গৌঃ পৃশ্নি॑রক্রমী॒দস॑দন্মা॒তরং॑ পু॒রঃ ।
পি॒তরং॑ চ প্র॒য়ংত্স্বঃ॑ ॥ ৫৯।।

অং॒তশ্চ॑রতি রোচ॒নাস্য় প্রা॒ণাদ॑পান॒তী ।
ব্য়॑খ্যন্মহি॒ষো দিব॑ম্ ॥ ৬০।।

ত্রিং॒শদ্ধাম॒ বি রা॑জতি॒ বাক্প॑তং॒গায়॑ ধীয়তে ।
প্রতি॒ বস্তো॒রহ॒ দ্যুভিঃ॑ ॥ ৬১।।

(10-190-01)
ঋ॒তং চ॑ স॒ত্যং চা॒ভী॑দ্ধা॒ত্তপ॒সোঽধ্য়॑জায়ত ।
ততো॒ রাত্র্য়॑জাযত॒ ততঃ॑ সমু॒দ্রো অ॑র্ণ॒বঃ ॥ ৬২।।

স॒মু॒দ্রাদ॑র্ণ॒বাদধি॑ সং​বঁত্স॒রো অ॑জায়ত ।
অ॒হো॒রা॒ত্রাণি॑ বি॒দধ॒দ্বিশ্ব॑স্য় মিষ॒তো ব॒শী ॥ ৬৩।।

সূ॒র্য়া॒চং॒দ্র॒মসৌ॑ ধা॒তা য॑থাপূ॒র্বম॑কল্পয়ত্ ।
দিবং॑ চ পৃথি॒বীং চাং॒তরি॑ক্ষ॒মথো॒ স্বঃ॑ ॥ ৬৪।।

(10-036-14)
স॒বি॒তা প॒শ্চাতা॑ত্সবি॒তা পু॒রস্তা॑ত্সবি॒তোত্ত॒রাত্তা॑ত্সবি॒তাধ॒রাত্তা॑ত্ ।
স॒বি॒তা নঃ॑ সুবতু স॒র্বতা॑তিং সবি॒তা নো॑ রাসতাং দী॒র্ঘমায়ুঃ॑ ॥ ৬৫।।

।। ইতি মহাসৌরমন্ত্রঃ  ।।