লঘু স্তবঃ (Laghu Stavam) হলো একটি পবিত্র সংস্কৃত স্তোত্র বা স্তুতি, যা বৈদিক সাহিত্য বা বিভিন্ন ভক্তিমূলক সংকলনের অন্তর্গত । এটি সাধারণত সংক্ষিপ্ত এবং শান্তিদায়ক মন্ত্র সমন্বিত একটি স্তোত্র হিসেবে পরিচিত, যা ভক্তদের আধ্যাত্মিক প্রশান্তি প্রদান করে ।
লঘু স্তবঃ-এর বিশেষত্ব:
শান্তি মন্ত্র: এটি শান্তিদায়ক মন্ত্রপদ দ্বারা রচিত, যা জল বা অন্যান্য ভয় থেকে রক্ষা করতে সাহায্য করে বলে বিশ্বাস করা হয় ।
ভক্তি ও স্তুতি: এই স্তোত্র পাঠ বা শ্রবণে ভক্তরা শান্তি ও আধ্যাত্মিক উন্নতি লাভ করেন ।
লঘু স্তবঃ :
ঐন্দ্রস্যেব শরাসনস্য দধতী মধ্যেললাটং প্রভাং
শৌক্লীং কাংতিমনুষ্ণগোরিব শিরস্যাতন্বতী সর্বতঃ ।
এষাসৌ ত্রিপুরা হৃদি দ্যুতিরিবোষ্ণাংশোঃ সদাহঃ স্থিতাত্
ছিংদ্যান্নঃ সহসা পদৈস্ত্রিভিরঘং জ্যোতির্ময়ী বাঙ্ময়ী ॥১ ॥
যা মাত্রা ত্রপুসীলতাতনুলসত্তংতূত্থিতিস্পর্ধিনী
বাগ্বীজে প্রথমে স্থিতা তব সদা তাং মন্মহে তে বয়ম্ ।
শক্তিঃ কুংডলিনীতি বিশ্বজননব্যাপারবদ্ধোদ্যমাঃ
জ্ঞাত্বেত্থং ন পুনঃ স্পৃশংতি জননীগর্ভেঽর্ভকত্বং নরাঃ ॥ ২॥
দৃষ্ট্বা সংভ্রমকারি বস্তু সহসা ঐ ঐ ইতি ব্যাহৃতং
যেনাকূতবশাদপীহ বরদে বিংদুং বিনাপ্যক্ষরম্ ।
তস্যাপি ধ্রুবমেব দেবি তরসা জাতে তবানুগ্রহে
বাচঃসূক্তিসুধারসদ্রবমুচো নির্য়াংতি বক্ত্রাংবুজাত্ ॥ ৩
যন্নিত্যে তব কামরাজমপরং মন্ত্রাক্ষরং নিষ্কলং
তত্সারস্বতমিত্যবৈতি বিরলঃ কশ্চিদ্বুধশ্চেদ্ভুবি ।
আখ্যানং প্রতিপর্ব সত্যতপসো যত্কীর্তয়ংতো দ্বিজাঃ
প্রারম্ভে প্রণবাস্পদপ্রণয়িতাং নীত্বোচ্চরংতি স্ফুটম্ ॥ ৪
যত্সদ্যো বচসাং প্রবৃত্তিকরণে দৃষ্টপ্রভাবং বুধৈঃ
তার্তীয়ং তদহং নমামি মনসা ত্বদ্বীজমিংদুপ্রভম্ ।
অস্ত্য়ৌর্বোঽপি সরস্বতীমনুগতো জাড্যাংবুবিচ্ছিত্তয়ে
গোশব্দো গিরি বর্ততে সনিয়তং যোগং বিনা সিদ্ধিদঃ ॥ ৫॥
একৈকং তব দেবি বীজমনঘং সব্যংজনাব্যংজনং
কূটস্থং যদি বা পৃথক্ ক্রমগতং যদ্বা স্থিতং ব্যুত্ক্রমাত্
যং যং কামমপেক্ষ্য় যেন বিধিনা কেনাপি বা চিংতিতং
জপ্তং বা সফলীকরোতি সততং তং তং সমস্তং নৃণাম্ ॥ ৬ ॥
বামে পুস্তকধারিণীমভয়দাং সাক্ষস্রজং দক্ষিণে
ভক্তেভ্যো বরদানপেশলকরাং কর্পূরকুংদোজ্জ্বলাম্ ।
উজ্জৃংভাংবুজপত্রকাংতিনয়নস্নিগ্ধপ্রভালোকিনীং
যে ত্বামংব ন শীলয়ংতি মনসা তেষাং কবিত্বং কুতঃ ॥৭
যে ত্বাং পান্ডুরপুন্ডরীকপটলস্পষ্টাভিরামপ্রভাং
সিংচংতীমমৃতদ্রবৈরিব শিরো ধ্যায়ংতি মূর্ধ্নি স্থিতাম্ ।
অশ্রাংতা বিকটস্ফুটাক্ষরপদা নির্য়াতি বক্ত্রাংবুজাত্
তেষাং ভারতি ভারতী সুরসরিত্কল্লোললোলোর্মিবত্ ॥ ৮ ॥
যে সিংদূরপরাগপিংজপিহিতাং ত্বত্তেজসাদ্যামিমাং
উর্বীং চাপি বিলীনয়াবকরসপ্রস্তারমগ্নামিব ।
পশ্যন্তি ক্ষণমপ্যনন্যমনসস্তেষামনংগজ্বর-
-ক্লাংতস্রস্তকুরংগশাবকদৃশো বশ্যা ভবংতি স্ফুটম্ ॥ ৯
চংচত্কাঞ্চনকুন্ডলাংগদধরামাবদ্ধকাংচীস্রজং
যে ত্বাং চেতসি তদ্গতে ক্ষণমপি ধ্যায়ংতি কৃত্বা স্থিরাম্
তেষাং বেশ্মসু বিভ্রমাদহরহঃ স্ফারীভবংত্যশ্চিরং
মাদ্যত্কুংজরকর্ণতালতরলাঃ স্থৈর্য়ং ভজংতে শ্রিয়ঃ ॥ ১০ ॥
আর্ভট্যা শশিখংডমংডিতজটাজূটাং নৃমুংডস্রজং
বংধূকপ্রসবারুণাংবরধরাং প্রেতাসনাধ্য়াসিনীম্ ।
ত্বাং ধ্য়ায়ংতি চতুর্ভুজাং ত্রিনয়নামাপীনতুংগস্তনীং
মধ্যে নিম্নবলিত্রয়াংকিততনুং ত্বদ্রূপসংবিত্তয়ে ॥১১॥
জাতোঽপ্যল্পপরিচ্ছদে ক্ষিতিভুজাং সামান্যমাত্রে কুলে
নিঃশেষাবনিচক্রবর্তিপদবীং লব্ধ্বা প্রতাপোন্নতঃ ।
যদ্বিদ্যাধর বৃন্দবন্দিতপদঃ শ্রীবত্সরাজোঽভবত্
দেবি ত্বচ্চরণাংবুজ প্রণতিজঃ সোঽয়ং প্রসাদোদয়ঃ ॥ ১২ ॥
চণ্ডি ত্বচ্চরণাংবুজার্চনকৃতে বিল্বাদিলোল্লুংঠন-
-ত্রুট্যত্কংটককোটিভিঃ পরিচয়ং যেষাং ন জগ্মুঃ করাঃ ।
তে দণ্ডাংকুশচক্রচাপকুলিশশ্রীবত্সমত্স্যাংকিতৈঃ
জায়ন্তে পৃথিবীভুজঃ কথমিবাংভোজপ্রভৈঃ পাণিভিঃ ॥ ১৩ ॥
বিপ্রাঃ ক্ষোণিভুজো বিশস্তদিতরে ক্ষীরাজ্যমধ্বাসবৈঃ ।
ত্বাং দেবি ত্রিপুরে পরাপরময়ীং সংতর্প্য পূজাবিধৌ ।
যাং যাং প্রার্থয়তে মনঃ স্থিরধিয়াং তেষাং ত এব ধ্রুবং
তাং তাং সিদ্ধিমবাপ্নুবংতি তরসা বিঘ্নৈরবিঘ্নীকৃতাঃ ॥ ১৪ ॥
শব্দানাং জননী ত্বমত্র ভুবনে বাগ্বাদিনীত্যুচ্যসে
ত্বত্তঃ কেশববাসব প্রভৃতয়োঽপ্যাবির্ভবংতি স্ফুটম্ ।
লীয়ংতে খলু যত্র কল্পবিরমে ব্রহ্মাদযস্তেঽপ্যমী
সা ত্বং কাচিদচিংত্যরূপমহিমা শক্তিঃ পরা গীয়সে ॥১৫
দেবানাং ত্রিতয়ং ত্রয়ী হুতভুজাং শক্তিত্রয়ং ত্রিঃ স্বরাঃ
ত্রৈলোক্যং ত্রিপদী ত্রিপুষ্করমথো ত্রিব্রহ্ম বর্ণাস্ত্রয়ঃ ।
যত্কিংচিজ্জগতি ত্রিধা নিযমিতং বস্তু ত্রিবর্গাদিকং
তত্সর্বং ত্রিপুরেতি নাম ভগবত্যন্বেতি তে তত্ত্বতঃ ॥১৬
লক্ষ্মীং রাজকুলে জয়াং রণভুবি ক্ষেমংকরীমধ্বনি
ক্রব্যাদদ্বিপসর্পভাজি শবরীং কান্তারদুর্গে গিরৌ ।
ভূতপ্রেতপিশাচজংবুকভয়ে স্মৃত্বা মহাভৈরবীং
ব্যামোহে ত্রিপুরাং তরন্তি বিপদস্তারাং চ তোযপ্লবে ॥১৭
মায়া কুণডলিনী ক্রিয়া মধুমতী কালী কলামালিনী
মাতঙ্গী বিজয়া জয়া ভগবতী দেবী শিবা শাম্ভবী ।
শক্তিঃ শংকরবল্লভা ত্রিনয়না বাগ্বাদিনী ভৈরবী
হ্রীংকারী ত্রিপুরা পরাপরময়ী মাতা কুমারীত্যসি ॥ ১৮॥
আঈপল্লবিতৈঃ পরস্পরয়ুতৈর্দ্বিত্রিক্রমাদ্যক্ষরৈ
কাদ্যৈঃ ক্ষান্তগতৈঃ স্বরাদিভিরথ ক্ষাংতৈশ্চ তৈঃ সস্বরৈঃ ।
নামানি ত্রিপুরে ভবন্তি খলু যান্যত্যংতগুহ্যানি তে
তেভ্যো ভৈরবপত্নি বিংশতিসহস্রেভ্যঃ পরেভ্যো নমঃ ॥ ১৯ ॥
বোদ্ধব্যা নিপুণং বুধৈঃ স্তুতিরিয়ং কৃত্বা মনস্তদ্গতং
ভারত্যাস্ত্রিপুরেত্যনন্যমনসা যত্রাদ্যবৃত্তে স্ফুটম্ ।
একদ্বিত্রিপদক্রমেণ কথিতস্তত্পাদসংখ্য়াক্ষরৈঃ
মন্ত্রোদ্ধার বিধির্বিশেষসহিতঃ সত্সংপ্রদায়ান্বিতঃ ॥২০
সাবদ্যং নিরবদ্যমস্তু যদি বা কিং বানয়া চিন্তয়া
নূনং স্তোত্রমিদং পঠিষ্যতি জনো যস্যাস্তি ভক্তিস্ত্বয়ি ।
সংচিংত্যাপি লঘুত্বমাত্মনি দৃঢং সংজাযমানং হঠাত্
ত্বদ্ভক্ত্য়া মুখরীকৃতেন রচিতং যস্মান্ময়াপি ধৃবম্ ॥২১
।। ইতি শ্রীকালিদাস বিরচিত পঞ্চস্তব্যাং প্রথমঃ লঘুস্তবঃ ।।
