কঠোপনিষদের প্রথম অধ্যায়ের তৃতীয় বল্লীতে জীবন, মৃত্যু এবং আত্মতত্ত্ব সম্পর্কিত গভীর দার্শনিক আলোচনা করা হয়েছে। এই বল্লীতে পরব্রহ্মের ধারণার সাথে আত্মাকে যুক্ত করে এবং শরীরকে বুদ্ধি ও আত্মার বাসস্থানের সাথে তুলনা করে ব্যাখ্যা করা হয়েছে।
ঋতং পিবংতৌ সুকৃতস্য লোকে গুহাং প্রবিষ্টৌ পরমে পরার্ধে।
ছায়াতপৌ ব্রহ্মবিদো বদংতি পংচাগ্নয়ো যে চ ত্রিণাচিকেতাঃ ॥১॥
যঃ সেতুরীজানানামক্ষরং ব্রহ্ম যত্পরম্।
অভয়ং তিতীর্ষতাং পারং নাচিকেতং শকেমহি ॥২॥
আত্মানং রথিনং-বিঁদ্ধি শরীরং রথমেব তু।
বুদ্ধিং তু সারথিং-বিঁদ্ধি মনঃ প্রগ্রহমেব চ ॥৩॥
ইংদ্রিয়াণি হয়ানাহুর্বিষয়াংস্তেষু গোচরান্।
আত্মেংদ্রিযমনোয়ুক্তং ভোক্তেত্য়াহুর্মনীষিণঃ ॥৪॥
যস্ত্ববিজ্ঞানবান্ভবত্যয়ুক্তেন মনসা সদা
তস্য়েংদ্রিয়াণ্যবশ্য়ানি দুষ্টাশ্বা ইব সারথেঃ ॥৫॥
যস্তু বিজ্ঞানবান্ভবতি যুক্তেন মনসা সদা
তস্য়েংদ্রিয়াণি বশ্যানি সদশ্বা ইব সারথেঃ ॥৬॥
যস্ত্ববিজ্ঞানবান্ভবত্যমনস্কঃ সদাঽশুচিঃ।
ন স তত্পদমাপ্নোতি সংসারং চাধিগচ্ছতি ॥৭॥
যস্তু বিজ্ঞানবান্ভবতি সমনস্কঃ সদা শুচিঃ।
স তু তত্পদমাপ্নোতি যস্মাদ্ ভূয়ো ন জায়তে ॥৮॥
বিজ্ঞানসারথির্যস্তু মনঃ প্রগ্রহবান্নরঃ।
সোঽধ্বনঃ পারমাপ্নোতি তদ্বিষ্ণোঃ পরমং পদম্ ॥৯॥
ইংদ্রিয়েভ্য়ঃ পরা হ্যর্থা অর্থেভ্যশ্চ পরং মনঃ।
মনসস্তু পরা বুদ্ধির্বুদ্ধেরাত্মা মহান্পরঃ ॥১০॥
মহতঃ পরমব্যক্তমব্যক্তাত্পুরুষঃ পরঃ।
পুরুষান্ন পরং কিংচিত্সা কাষ্ঠা সা পরা গতিঃ ॥১১॥
এষ সর্বেষু ভূতেষু গূঢোঽঽত্মা ন প্রকাশতে।
দৃশ্যতে ত্বগ্র্যয়া বুদ্ধ্য়া সূক্ষ্ময়া সূক্ষ্মদর্শিভিঃ ॥১২॥
যচ্ছেদ্বাঙ্মনসী প্রাজ্ঞস্তদ্যচ্ছেজ্জ্ঞান আত্মনি।
জ্ঞানমাত্মনি মহতি নিযচ্ছেত্তদ্যচ্ছেচ্ছাংত আত্মনি ॥১৩॥
উত্তিষ্ঠত জাগ্রত প্রাপ্য বরান্নিবোধত।
ক্ষুরস্য ধারা নিশিতা দুরত্যয়া দুর্গং পথস্তত্কবয়ো বদংতি ॥১৪॥
অশব্দমস্পর্শমরূপমব্যয়ং তথাঽরসং নিত্যমগংধবচ্চ যত্।
অনাদ্যনংতং মহতঃ পরং ধ্রুবং নিচায়্য তন্মৃত্য়ুমুখাত্ প্রমুচ্যতে ॥১৫॥
নাচিকেতমুপাখ্য়ানং মৃত্য়ুপ্রোক্তং সনাতনম্।
উক্ত্বা শ্রুত্বা চ মেধাবী ব্রহ্মলোকে মহীয়তে ॥১৬॥
য ইমং পরমং গুহ্য়ং শ্রাবয়েদ্ ব্রহ্মসংসদি।
প্রয়তঃ শ্রাদ্ধকালে বা তদানংত্য়ায় কল্পতে।
তদানংত্য়ায় কল্পত ইতি ॥১৭॥
