অস্য শ্রী আদিত্যকবচস্তোত্রমহামন্ত্রস্য অগস্তো ভগবানৃষিঃ অনুষ্টুপছন্দঃ আদিত্যো দেবতা শ্রীং বীজং নীং শক্তিঃ সুং কিলকং মম আদিত্য প্রসাদসিদ্ধ্যর্থে জপে বিনিয়োগঃ।
ধ্যানম
জপাকুসুমসংকাশম দ্বিভুজং পদ্মহাষ্টকং
সিন্দুরামবরমাল্যং চ রক্তগন্ধানুলেপনম।
মানিক্যরত্নখচিত-সর্বভারণভূষিতং
সপ্তাশ্বরথভাহং তু মেরুং চৈব প্রদক্ষিণম্ ॥
দেবাসুরবরৈরবন্দ্যং ঘৃণিভিঃ পরিসেবিতম্।
ধ্যায়েৎপঠেৎসুবর্ণাভং সূর্যস্য কবচং মুদা ॥
কবচং
ঘৃণিঃ পাতু শিরোদেশে সূর্য়ঃ পাতু ললাটকম্ ।
আদিত্য়ো লোচনে পাতু শ্রুতী পাতু দিবাকরঃ ॥
ঘ্রাণং পাতু সদা ভানুঃ মুখং পাতু সদারবিঃ ।
জিহ্বাং পাতু জগন্নেত্রঃ কংঠং পাতু বিভাবসুঃ ॥
স্কংধৌ গ্রহপতিঃ পাতু ভুজৌ পাতু প্রভাকরঃ ।
করাবব্জকরঃ পাতু হৃদয়ং পাতু নভোমণিঃ ॥
দ্বাদশাত্মা কটিং পাতু সবিতা পাতু সক্থিনী ।
ঊরূ পাতু সুরশ্রেষ্টো জানুনী পাতু ভাস্করঃ ॥
জংঘে মে পাতু মার্তাংডো গুল্ফৌ পাতু ত্বিষাংপতিঃ ।
পাদৌ দিনমণিঃ পাতু পাতু মিত্রোঽখিলং বপুঃ ॥
আদিত্যকবচং পুণ্যমভেদ্যং বজ্রসন্নিভম্ ।
সর্বরোগভয়াদিভ্য়ো মুচ্যতে নাত্র সংশয়ঃ ॥
সংবত্সরমুপাসিত্বা সাম্রাজ্যপদবীং লভেত্ ।
অশেষরোগশাংত্যর্থং ধ্যায়েদাদিত্যমন্ডলম্ ।
আদিত্য মন্ডল স্তুতিঃ –
অনেকরত্নসংয়ুক্তং স্বর্ণমাণিক্যভূষণম্ ।
কল্পবৃক্ষসমাকীর্ণং কদংবকুসুমপ্রিয়ম্ ॥
সিংদূরবর্ণায় সুমন্ডলায়
সুবর্ণরত্নাভরণায় তুভ্যম্ ।
পদ্মাদিনেত্রে চ সুপংকজায়
ব্রহ্মেংদ্র-নারাযণ-শংকরায় ॥
সংরক্তচূর্ণং সসুবর্ণতোয়ং
সকুংকুমাভং সকুশং সপুষ্পম্ ।
প্রদত্তমাদায় চ হেমপাত্রে
প্রশস্তনাদং ভগবন্ প্রসীদ ॥
।। ইতি আদিত্যকবচম্ ।।
