ধ্যানম্
নমস্সবিত্রে জগদেক চক্ষুসে
জগত্প্রসূতি স্থিতি নাশহেতবে
ত্রয়ীময়ায় ত্রিগুণাত্ম ধারিণে
বিরিংচি নারায়ণ শংকরাত্মনে
ততো যুদ্ধ পরিশ্রাংতং সমরে চিংতয়াস্থিতম্ ।
রাবণং চাগ্রতো দৃষ্ট্বা যুদ্ধায় সমুপস্থিতম্ ॥ ১ ॥
দৈবতৈশ্চ সমাগম্য় দ্রষ্টুমভ্য়াগতো রণম্ ।
উপাগম্য়াব্রবীদ্রামং অগস্ত্য়ো ভগবান্ ঋষিঃ ॥ ২ ॥
রাম রাম মহাবাহো শৃণু গুহ্যং সনাতনম্ ।
যেন সর্বানরীন্ বত্স সমরে বিজয়িষ্যসি ॥ ৩॥
আদিত্যহৃদয়ং পুণ্যং সর্বশত্রু-বিনাশনম্ ।
জয়াবহং জপেন্নিত্য়ং অক্ষয়্য়ং পরমং শিবম্ ॥ ৪॥
সর্বমঙ্গল-মাঙ্গল্যং সর্বপাপ-প্রণাশনম্ ।
চিংতাশোক-প্রশমনং আয়ুর্বর্ধনমুত্তমম্ ॥ ৫ ॥
রশ্মিমংতং সমুদদ্যংতং দেবাসুর নমস্কৃতম্ ।
পূজয়স্ব বিবস্বংতং ভাস্করং ভুবনেশ্বরম্ ॥ ৬ ॥
সর্বদেবাত্মকো হ্য়েষ তেজস্বী রশ্মিভাবনঃ ।
এষ দেবাসুর-গণান্ লোকান্ পাতি গভস্তিভিঃ ॥ ৭ ॥
এষ ব্রহ্মা চ বিষ্ণুশ্চ শিবঃ স্কংদঃ প্রজাপতিঃ ।
মহেংদ্রো ধনদঃ কালো যমঃ সোমো হ্যপাং পতিঃ ॥ ৮ ॥
পিতরো বসবঃ সাধ্য়া হ্যশ্বিনৌ মরুতো মনুঃ ।
বায়ুর্বহ্নিঃ প্রজাপ্রাণঃ ঋতুকর্তা প্রভাকরঃ ॥ ৯ ॥
আদিত্যঃ সবিতা সূর্য়ঃ খগঃ পূষা গভস্তিমান্ ।
সুবর্ণসদৃশো ভানুঃ হিরণ্যরেতা দিবাকরঃ ॥ ১০॥
হরিদশ্বঃ সহস্রার্চিঃ সপ্তসপ্তি-র্মরীচিমান্ ।
তিমিরোন্মথনঃ শংভুঃ ত্বষ্টা মার্তাংডকোংঽশুমান্ ॥ ১১ ॥
হিরণ্যগর্ভঃ শিশিরঃ তপনো ভাস্করো রবিঃ ।
অগ্নিগর্ভোঽদিতেঃ পুত্রঃ শংখঃ শিশিরনাশনঃ ॥১২ ॥
ব্যেমনাথ-স্তমোভেদী ঋগ্যজুঃসাম-পারগঃ ।
ঘনাবৃষ্টিরপাং মিত্রঃ বিংধ্যবীথী প্লবংগমঃ ॥ ১৩ ॥
আতপী মন্ডলী মৃত্যুঃ পিংগলঃ সর্বতাপনঃ ।
কবির্বিশ্বো মহাতেজা রক্তঃ সর্বভবোদ্ভবঃ ॥ ১৪ ॥
নক্ষত্র গ্রহ তারাণাং অধিপো বিশ্বভাবনঃ ।
তেজসামপি তেজস্বী দ্বাদশাত্ম-ন্নমোঽস্তু তে ॥১৫॥
নমঃ পূর্বায় গিরয়ে পশ্চিমায়াদ্রয়ে নমঃ ।
জ্য়োতির্গণানাং পতয়ে দিনাধিপতয়ে নমঃ ॥ ১৬
জয়ায় জয়ভদ্রায় হর্যশ্বায় নমো নমঃ ।
নমো নমঃ সহস্রাংশো আদিত্যায় নমো নমঃ ॥১৭
নম উগ্রায় বীরায় সারংগায় নমো নমঃ ।
নমঃ পদ্মপ্রবোধায় মার্তাংডায় নমো নমঃ ॥ ১৮ ॥
ব্রহ্মেশানাচ্যুতেশায় সূর্য়ায়াদিত্য-বর্চসে ।
ভাস্বতে সর্বভক্ষায় রৌদ্রায় বপুষে নমঃ ॥ ১৯॥
তমোঘ্নায় হিমঘ্নায় শত্রুঘ্নায়া মিতাত্মনে ।
কৃতঘ্নঘ্নায় দেবায় জ্য়োতিষাং পতয়ে নমঃ ॥ ২০
তপ্ত চামীকরাভায় বহ্নয়ে বিশ্বকর্মণে ।
নমস্তমোঽভি নিঘ্নায় রবয়ে লোকসাক্ষিণে ॥ ২১
নাশয়ত্য়েষ বৈ ভূতং তদেব সৃজতি প্রভুঃ ।
পাযত্য়েষ তপত্য়েষ বর্ষত্য়েষ গভস্তিভিঃ ॥ ২২
এষ সুপ্তেষু জাগর্তি ভূতেষু পরিনিষ্ঠিতঃ ।
এষ এবাগ্নিহোত্রং চ ফলং চৈবাগ্নি হোত্রিণাম্ ॥২৩ ॥
বেদাশ্চ ক্রতবশ্চৈব ক্রতূনাং ফলমেব চ ।
যানি কৃত্য়ানি লোকেষু সর্ব এষ রবিঃ প্রভুঃ ॥ ২৪।।
ফলশ্রুতিঃ
এন মাপত্সু কৃচ্ছ্রেষু কাংতারেষু ভয়েষু চ ।
কীর্তয়ন্ পুরুষঃ কশ্চিন্নাবশীদতি রাঘব ॥ ২৫॥
পূজয়স্বৈন মেকাগ্রঃ দেবদেবং জগত্পতিম্ ।
এতত্ ত্রিগুণিতং জপ্ত্বা যুদ্ধেষু বিজয়িষ্যসি ॥ ২৬ ॥
অস্মিন্ ক্ষণে মহাবাহো রাবণং ত্বং বধিষ্যসি ।
এবমুক্ত্বা তদাগস্ত্য়ো জগাম চ যথাগতম্ ॥ ২৭ ॥
এতচ্ছ্রুত্বা মহাতেজাঃ নষ্টশোকোঽভবত্তদা ।
ধারয়ামাস সুপ্রীতঃ রাঘবঃ প্রযতাত্মবান্ ॥ ২৮ ॥
আদিত্যং প্রেক্ষ্য় জপ্ত্বা তু পরং হর্ষমবাপ্তবান্ ।
ত্রিরাচম্য় শুচির্ভূত্বা ধনুরাদায় বীর্যবান্ ॥ ২৯॥
রাবণং প্রেক্ষ্য় হৃষ্টাত্মা যুদ্ধায় সমুপাগমত্ ।
সর্বযত্নেন মহতা বধে তস্য় ধৃতোঽভবত্ ॥ ৩০ ॥
অধ রবিরবদন্নিরীক্ষ্য় রামং মুদিতমনাঃ পরমং প্রহৃষ্যমাণঃ ।
নিশিচরপতি সংক্ষয়ং বিদিত্বা সুরগণ মধ্যগতো বচস্ত্বরেতি ॥ ৩১ ॥
৷। ইত্যার্ষে শ্রীমদ্রামাযণে বাল্মিকীয়ে আদিকাব্যে যুদ্ধকান্ডে পঞ্চাধিক শততমঃ সর্গঃ ॥
