ওম নমশ্চণ্ডিকায়াই
ন্যাসঃ
অস্য শ্রী চণ্ডী কবচাস্য। ব্রহ্মা ঋষিঃ। অনুষ্টুপ ছন্দ ।
চামুণ্ডা দেবী । অঙ্গন্যাসোক্ত মাতরো বীজম্ । নবাবরণো মন্ত্রশক্তিঃ । দিগ্বংধ দেবতাঃ তত্বম্ । শ্রী জগদম্বা প্রীত্যর্থে সপ্তশতী পাঠাংগত্বেন জপে বিনিয়োগঃ ॥
ওম নমশ্চণ্ডিকায়াই
মার্কণ্ডেয় উবাচ।
ওং যদ্গুহ্যং পরমং লোকে সর্বরক্ষকরং নৃণাম্।
যন্ন কস্যাচিদাখ্যাতং তন্মে ব্রুহি পিতামহ ॥ ১ ॥
ব্রহ্মোবাচ ।
অস্তি গুহ্যতমং বিপ্র সর্বভূতোপকারকম্ ।
দেব্য়াস্তু কবচং পুণ্য়ং তচ্ছৃণুষ্ব মহামুনে ॥ ২ ॥
প্রথমং শৈলপুত্রী চ দ্বিতীয়ং ব্রহ্মচারিণী ।
তৃতীয়ং চংদ্রঘংটেতি কূষ্মাংডেতি চতুর্থকম্ ॥ ৩
পঞ্চমং স্কংদমাতেতি ষষ্ঠং কাত্য়াযনীতি চ ।
সপ্তমং কালরাত্রীতি মহাগৌরীতি চাষ্টমম্ ॥ ৪ ॥
নবমং সিদ্ধিদাত্রী চ নবদুর্গাঃ প্রকীর্তিতাঃ ।
উক্তান্য়েতানি নামানি ব্রহ্মণৈব মহাত্মনা ॥ ৫ ॥
অগ্নিনা দহ্যমানস্তু শত্রুমধ্যে গতো রণে ।
বিষমে দুর্গমে চৈব ভয়ার্তাঃ শরণং গতাঃ ॥ ৬ ॥
ন তেষাং জায়তে কিংচিদশুভং রণসংকটে ।
নাপদং তস্য পশ্যামি শোকদুঃখভয়ং ন হি ॥ ৭
যৈস্তু ভক্ত্য়া স্মৃতা নূনং তেষাং বৃদ্ধিঃ প্রজাযতে ।
যে ত্বাং স্মরংতি দেবেশি রক্ষসে তান্নসংশয়ঃ ॥ ৮
প্রেতসংস্থা তু চামুন্ডা বারাহী মহিষাসনা ।
ঐংদ্রী গজসমারূঢ়া বৈষ্ণবী গরুডাসনা ॥ ৯ ॥
মাহেশ্বরী বৃষারূঢা কৌমারী শিখিবাহনা ।
লক্ষ্মীঃ পদ্মাসনা দেবী পদ্মহস্তা হরিপ্রিয়া ॥ ১০ ॥
শ্বেতরূপধরা দেবী ঈশ্বরী বৃষবাহনা ।
ব্রাহ্মী হংসসমারূঢা সর্বাভরণভূষিতা ॥ ১১ ॥
ইত্য়েতা মাতরঃ সর্বাঃ সর্বয়োগসমন্বিতাঃ ।
নানাভরণাশোভাঢ্য়া নানারত্নোপশোভিতাঃ ॥ ১২
দৃশ্যংতে রথমারূঢা দেব্য়ঃ ক্রোধসমাকুলাঃ ।
শংখং চক্রং গদাং শক্তিং হলং চ মুসলায়ুধম্ ॥১৩।।
খেটকং তোমরং চৈব পরশুং পাশমেব চ ।
কুংতায়ুধং ত্রিশূলং চ শার্ঙ্গমায়ুধমুত্তমম্ ॥ ১৪ ॥
দৈত্য়ানাং দেহনাশায় ভক্তানামভয়ায় চ ।
ধারয়ংত্য়ায়ুধানীত্থং দেবানাং চ হিতায় বৈ ॥ ১৫
নমস্তেঽস্তু মহারৌদ্রে মহাঘোরপরাক্রমে ।
মহাবলে মহোত্সাহে মহাভয়বিনাশিনি ॥ ১৬ ॥
ত্রাহি মাং দেবি দুষ্প্রেক্ষ্য়ে শত্রূণাং ভয়বর্ধিনি ।
প্রাচ্যাং রক্ষতু মামৈংদ্রী আগ্নেয়্য়ামগ্নিদেবতা ॥ ১৭ ॥
দক্ষিণেঽবতু বারাহী নৈরৃত্য়াং খড্গধারিণী ।
প্রতীচ্য়াং বারুণী রক্ষেদ্বাযব্য়াং মৃগবাহিনী ॥ ১৮
উদীচ্যাং পাতু কৌমারী ঐশান্য়াং শূলধারিণী ।
ঊর্ধ্বং ব্রহ্মাণী মে রক্ষেদধস্তাদ্বৈষ্ণবী তথা ॥ ১৯
এবং দশ দিশো রক্ষেচ্চামুন্ডা শববাহনা ।
জয়া মে চাগ্রতঃ পাতু বিজয়া পাতু পৃষ্ঠতঃ ॥ ২০
অজিতা বামপার্শ্বে তু দক্ষিণে চাপরাজিতা ।
শিখামুদ্যেতিনী রক্ষেদুমা মূর্ধ্নি ব্যবস্থিতা ॥ ২১ ॥
মালাধরী ললাটে চ ভ্রুবৌ রক্ষেদ্যশস্বিনী ।
ত্রিনেত্রা চ ভ্রুবোর্মধ্য়ে যমঘন্টা চ নাসিকে ॥ ২২
শংখিনী চক্ষুষোর্মধ্য়ে শ্রোত্রয়োর্দ্বারবাসিনী ।
কপোলৌ কালিকা রক্ষেত্কর্ণমূলে তু শাঙ্করী ॥ ২৩ ॥
নাসিকায়াং সুগংধা চ উত্তরোষ্ঠে চ চর্চিকা ।
অধরে চামৃতকলা জিহ্বায়াং চ সরস্বতী ॥ ২৪ ॥
দন্তান্ রক্ষতু কৌমারী কংঠদেশে তু চন্ডিকা ।
ঘন্টিকাং চিত্রঘন্টা চ মহামায়া চ তালুকে ॥ ২৫ ॥
কামাক্ষী চিবুকং রক্ষেদ্বাচং মে সর্বমংগলা ।
গ্রীবায়াং ভদ্রকালী চ পৃষ্ঠবংশে ধনুর্ধরী ॥ ২৬॥
নীলগ্রীবা বহিঃ কন্ঠে নলিকাং নলকূবরী ।
স্কন্ধয়োঃ খড্গিনী রক্ষেদ্বাহূ মে বজ্রধারিণী ॥ ২৭
হস্তয়োর্দংডিনী রক্ষেদংবিকা চাংগুলীষু চ ।
নখাংছূলেশ্বরী রক্ষেত্কুক্ষৌ রক্ষেত্কুলেশ্বরী ॥ ২৮ ॥
স্তনৌ রক্ষেন্মহাদেবী মনঃশোকবিনাশিনী ।
হৃদয়ে ললিতা দেবী উদরে শূলধারিণী ॥ ২৯ ॥
নাভৌ চ কামিনী রক্ষেদ্গুহ্য়ং গুহ্য়েশ্বরী তথা ।
পূতনা কামিকা মেঢ্রং গুদে মহিষবাহিনী ॥ ৩০ ॥
কট্য়াং ভগবতী রক্ষেজ্জানুনী বিন্ধ্যবাসিনী ।
জংঘে মহাবলা রক্ষেত্সর্বকামপ্রদায়িনী ॥ ৩১ ॥
গুল্ফয়োর্নারসিংহী চ পাদপৃষ্ঠে তু তৈজসী ।
পাদাংগুলীষু শ্রী রক্ষেত্পাদাধস্তলবাসিনী ॥ ৩২
নখান্ দংষ্ট্রকরালী চ কেশাংশ্চৈবোর্ধ্বকেশিনী ।
রোমকূপেষু কৌমারী ত্বচং বাগীশ্বরী তথা ॥ ৩৩ ॥
রক্তমজ্জাবসামাংসান্যস্থিমেদাংসি পার্বতী ।
অংত্রাণি কালরাত্রিশ্চ পিত্তং চ মুকুটেশ্বরী ॥ ৩৪
পদ্মাবতী পদ্মকোশে কফে চূড়ামণিস্তথা ।
জ্বালামুখী নখজ্বালামভেদ্যা সর্বসংধিষু ॥ ৩৫ ॥
শুক্রং ব্রহ্মাণি! মে রক্ষেচ্ছায়াং ছত্রেশ্বরী তথা ।
অহংকারং মনো বুদ্ধিং রক্ষেন্মে ধর্মধারিণী ॥ ৩৬
প্রাণাপানৌ তথা ব্যানমুদানং চ সমানকম্ ।
বজ্রহস্তা চ মে রক্ষেত্প্রাণং কল্য়াণশোভনা ॥ ৩৭
রসে রূপে চ গন্ধে চ শব্দে স্পর্শে চ যোগিনী ।
সত্ত্বং রজস্তমশ্চৈব রক্ষেন্নারায়ণী সদা ॥ ৩৮ ॥
আয়ূ রক্ষতু বারাহী ধর্মং রক্ষতু বৈষ্ণবী ।
যশঃ কীর্তিং চ লক্ষ্মীং চ ধনং বিদ্যাং চ চক্রিণী ॥ ৩৯ ॥
গোত্রমিংদ্রাণি! মে রক্ষেত্পশূন্মে রক্ষ চন্ডিকে ।
পুত্রান্ রক্ষেন্মহালক্ষ্মীর্ভার্য়াং রক্ষতু ভৈরবী ॥ ৪০
পংথানং সুপথা রক্ষেন্মার্গং ক্ষেমকরী তথা ।
রাজদ্বারে মহালক্ষ্মীর্বিজয়া সর্বতঃ স্থিতা ॥ ৪১ ॥
রক্ষাহীনং তু যত্-স্থানং বর্জিতং কবচেন তু ।
তত্সর্বং রক্ষ মে দেবি! জয়ংতী পাপনাশিনী ॥ ৪২ ॥
পদমেকং ন গচ্ছেত্তু যদীচ্ছেচ্ছুভমাত্মনঃ ।
কবচেনাবৃতো নিত্যয়ং যত্র যত্রৈব গচ্ছতি ॥ ৪৩
তত্র তত্রার্থলাভশ্চ বিজয়ঃ সার্বকামিকঃ ।
যং যং চিংতয়তে কামং তং তং প্রাপ্নোতি নিশ্চিতম্ ॥ ৪৪ ॥
পরমৈশ্বর্যমতুলং প্রাপ্স্যতে ভূতলে পুমান্ ।
নির্ভয়ো জায়তে মর্ত্য়ঃ সংগ্রামেষ্বপরাজিতঃ ॥ ৪৫ ॥
ত্রৈলোক্য়ে তু ভবেত্পূজ্য়ঃ কবচেনাবৃতঃ পুমান্
ইদং তু দেব্যাঃ কবচং দেবানামপি দুর্লভম্ ॥ ৪৬
যঃ পঠেত্প্রয়তো নিত্যং ত্রিসংধ্য়ং শ্রদ্ধয়ান্বিতঃ ।
দৈবীকলা ভবেত্তস্য় ত্রৈলোক্য়েষ্বপরাজিতঃ । ৪৭ ॥
জীবেদ্বর্ষশতং সাগ্রমপমৃত্য়ুবিবর্জিতঃ ।
নশ্যংতি ব্যধয়ঃ সর্বে লূতাবিস্ফোটকাদয়ঃ ॥ ৪৮
স্থাবরং জংগমং চৈব কৃত্রিমং চৈব যদ্বিষম্ ।
অভিচারাণি সর্বাণি মন্ত্রয়ংত্রাণি ভূতলে ॥ ৪৯ ॥
ভূচরাঃ খেচরাশ্চৈব জুলজাশ্চোপদেশিকাঃ ।
সহজা কুলজা মালা ডাকিনী শাকিনী তথা ॥ ৫০
অংতরিক্ষচরা ঘোরা ডাকিন্যশ্চ মহাবলাঃ ।
গ্রহভূতপিশাচাশ্চ যক্ষগংধর্বরাক্ষসাঃ ॥ ৫১ ॥
ব্রহ্মরাক্ষসবেতালাঃ কূষ্মান্ডা ভৈরবাদয়ঃ ।
নশ্যংতি দর্শনাত্তস্য কবচে হৃদি সংস্থিতে ॥ ৫২
মানোন্নতির্ভবেদ্রাজ্ঞস্তেজোবৃদ্ধিকরং পরম্ ।
যশসা বর্ধতে সোঽপি কীর্তিমন্ডিতভূতলে ॥ ৫৩
জপেত্সপ্তশতীং চংডীং কৃত্বা তু কবচং পুরা ।
যাবদ্ভূমংডলং ধত্তে সশৈলবনকাননম্ ॥ ৫৪ ॥
তাবত্তিষ্ঠতি মেদিন্যাং সংততিঃ পুত্রপৌত্রিকী ।
দেহাংতে পরমং স্থানং যত্সুরৈরপি দুর্লভম্ ॥ ৫৫
প্রাপ্নোতি পুরুষো নিত্যং মহামায়াপ্রসাদতঃ ।
লভতে পরমং রূপং শিবেন সহ মোদতে ॥ ৫৬ ॥
॥ ইতি বারাহপুরাণে হরিহরব্রহ্ম বিরচিতং দেব্যাঃ কবচং সংপূর্ণম্ ॥
Goddess Stotra: Goddess Mahatmyam, Goddess Kavacham
