দেবী মাহাত্ম্যম দুর্গা সপ্তসতী : দ্বিতীয় অধ্যায়

দুর্গাসপ্তশতী-র দ্বিতীয় অধ্যায়টি “মহিষাসুর সৈন্যবধো” নামে পরিচিত এবং এতে মহিষাসুরের সৈন্যদের বধ করার বর্ণনা রয়েছে। এই অধ্যায়ের মূল বিষয়বস্তু হলো মহিষাসুরকে বধ করার জন্য দেবী দুর্গার যুদ্ধের প্রস্তুতি এবং যুদ্ধের মাধ্যমে দেবী কীভাবে মহিষাসুরকে পরাজিত করেন তার বিবরণ দেওয়া। 

।। মহিষাসুর সৈন্যবধো নাম দ্বিতীয়োঽধ্যায়ঃ ॥

অস্য সপ্ত সতীমধ্যম চরিত্রস্য বিষ্ণুর্ ঋষিঃ । উষ্ণিক্ ছংদঃ । শ্রীমহালক্ষ্মীদেবতা। শাকংভরী শক্তিঃ । দুর্গা বীজম্ । বায়ুস্তত্ত্বম্ । যজুর্বেদঃ স্বরূপম্ । শ্রী মহালক্ষ্মীপ্রীত্যর্থে মধ্যম চরিত্র জপে বিনিয়োগঃ ॥

ধ্যানং
ওং অক্ষস্রক্পরশুং গদেষুকুলিশং পদ্মং ধনুঃ কুন্ডিকাং
দন্ডং শক্তিমসিং চ চর্ম জলজং ঘন্টাং সুরাভাজনম্ ।
শূলং পাশসুদর্শনে চ দধতীং হস্তৈঃ প্রবাল প্রভাং
সেবে সৈরিভমর্দিনীমিহ মহলক্ষ্মীং সরোজস্থিতাম্ ॥

ঋষিরুবাচ ॥1॥

দেবাসুরমভূদ্য়ুদ্ধং পূর্ণমব্দশতং পুরা।
মহিষেঽসুরাণাং অধিপে দেবানাংচ পুরন্দরে

তত্রাসুরৈর্মহাবীর্য়ির্দেবসৈন্যং পরাজিতং।
জিত্বা চ সকলান্ দেবান্ ইংদ্রোঽভূন্মহিষাসুরঃ ॥3॥

ততঃ পরাজিতা দেবাঃ পদ্ময়োনিং প্রজাপতিম্।
পুরস্কৃত্যগতাস্তত্র যত্রেশ গরুড়ধ্বজৌ ॥4॥

যথাবৃত্তং তয়োস্তদ্বন্ মহিষাসুরচেষ্টিতম্।
ত্রিদশাঃ কথয়ামাসুর্দেবাভিভববিস্তরম্ ॥5॥

সূর্য়েংদ্রাগ্ন্যনিলেংদূনাং যমস্য বরুণস্য চঃ
অন্য়েষাং চাধিকারান্স স্বযমেবাধিতিষ্টতি ॥6॥

স্বর্গান্নিরাকৃতাঃ সর্বে তেন দেব গণা ভুবিঃ।
বিচরংতি যথা মর্ত্য়া মহিষেণ দুরাত্মনা ॥6॥

এতদ্বঃ কথিতং সর্বং অমরারিবিচেষ্টিতম্।
শরণং বঃ প্রপন্নাঃ স্মো বধস্তস্য বিচিংত্যতাম্ ॥8॥

ইত্থং নিশম্য দেবানাং বচাংসি মধুসূধনঃ
চকার কোপং শংভুশ্চ ভ্রুকুটীকুটিলাননৌ ॥9॥

ততোঽতিকোপপূর্ণস্য চক্রিণো বদনাত্ততঃ।
নিশ্চক্রাম মহত্তেজো ব্রহ্মণঃ শংকরস্য চঃ ॥10॥

অন্য়েষাং চৈব দেবানাং শক্রাদীনাং শরীরতঃ।
নির্গতং সুমহত্তেজঃ স্তচ্চৈক্যং সমগচ্ছত ॥11॥

অতীব তেজসঃ কূটং জ্বলংতমিব পর্বতম্।
দদৃশুস্তে সুরাস্তত্র জ্বালাব্যাপ্তদিগংতরম্ ॥12॥

অতুলং তত্র তত্তেজঃ সর্বদেব শরীরজম্।
একস্থং তদভূন্নারী ব্যাপ্তলোকত্রয়ং ত্বিষা ॥13॥

যদভূচ্ছাংভবং তেজঃ স্তেনাজায়ত তন্মুখম্।
যাম্য়েন চাভবন্ কেশা বাহবো বিষ্ণুতেজসা ॥14॥

সৌম্যেন স্তনয়োর্য়ুগ্মং মধ্যং চৈংদ্রেণ চাভবত্।
বারুণেন চ জংঘোরূ নিতংবস্তেজসা ভুবঃ ॥15॥

ব্রহ্মণস্তেজসা পাদৌ তদংগুল্য়োঽর্ক তেজসা।
বসূনাং চ করাংগুল্য়ঃ কৌবেরেণ চ নাসিকা ॥16॥

তস্যাস্তু দংতাঃ সংভূতা প্রাজাপত্য়েন তেজসা
নযনত্রিতয়ং জজ্ঞে তথা পাবকতেজসা ॥17॥

ভ্রুবৌ চ সংধ্যয়োস্তেজঃ শ্রবণাবনিলস্য চঃ
অন্য়েষাং চৈব দেবানাং সংভবস্তেজসাং শিব ॥18॥

ততঃ সমস্ত দেবানাং তেজোরাশিসমুদ্ভবাম্।
তাং বিলোক্য মুদং প্রাপুঃ অমরা মহিষার্দিতাঃ ॥19॥

শূলং শূলাদ্বিনিষ্কৃষ্য় দদৌ তস্য়ৈ পিনাকধৃক্।
চক্রং চ দত্তবান্ কৃষ্ণঃ সমুত্পাট্য স্বচক্রতঃ ॥20॥

শংখং চ বরুণঃ শক্তিং দদৌ তস্য়ৈ হুতাশনঃ
মারুতো দত্তবাংশ্চাপং বাণপূর্ণে তথেষুধী ॥21॥

বজ্রমিংদ্রঃ সমুত্পাট্য কুলিশাদমরাধিপঃ।
দদৌ তস্য়ৈ সহস্রাক্ষো ঘংটামৈরাবতাদ্গজাত্ ॥22॥

কালদন্ডাদ্যমো দংডং পাশং চাংবুপতির্দদৌ।
প্রজাপতিশ্চাক্ষমালাং দদৌ ব্রহ্মা কমংডলং ॥23॥

সমস্তরোমকূপেষু নিজ রশ্মীন্ দিবাকরঃ
কালশ্চ দত্তবান্ খড়্গং তস্যাঃ শ্চর্ম চঃ নির্মলম্ ॥24॥

ক্ষীরোদশ্চামলং হারং অজরে চঃ তথাংবরে
চূডামণিং তথাদিব্যং কুণ্ডলে কটকানিচ ॥25॥

অর্ধচংদ্রং তধা শুভ্রং কেয়ূরান্ সর্ব বাহুষু
নূপুরৌ বিমলৌ তদ্ব দ্গ্রৈবেয়কমনুত্তমম্ ॥26॥

অংগুলীয়করত্নানি সমস্তাস্বংগুলীষু চঃ
বিশ্ব কর্মা দদৌ তস্য়ৈ পরশুং চাতি নির্মলং ॥27॥

অস্ত্রাণ্যনেকরূপাণি তথাঽভেদ্যং চঃ দংশনম্।
অম্লান পংকজাং মালাং শিরস্যু রসি চাপরাম্॥28॥

অদদজ্জলধিস্তস্যৈ পংকজং চাতিশোভনম্।
হিমবান্ বাহনং সিংহং রত্নানি বিবিধানিচ॥29॥

দদাবশূন্যং সুরয়া পানপাত্রং দনাধিপঃ।
শেষশ্চ সর্ব নাগেশো মহামণি বিভূষিতম্ ॥30॥

নাগহারং দদৌ তস্যৈ ধত্তে যঃ পৃথিবীমিমাম্।
অন্যৈরপি সুরৈর্দেবী ভূষণৈঃ আয়ুধৈস্তথাঃ ॥31॥

সম্মানিতা ননাদোচ্চৈঃ সাট্টহাসং মুহুর্মুহু।
তস্যানাদেন ঘোরেণ কৃত্স্ন মাপূরিতং নভঃ ॥32॥

অমায়তাতিমহতা প্রতিশব্দো মহানভূত্।
চুক্ষুভুঃ সকলালোকাঃ সমুদ্রাশ্চ চকংপিরে ॥33॥

চচাল বসুধা চেলুঃ সকলাশ্চ মহীধরাঃ।
জয়েতি দেবাশ্চ মুদা তামূচুঃ সিংহবাহিনীম্ ॥34॥

তুষ্টুবুর্মুনযশ্চৈনাং ভক্তিনম্রাত্মমূর্তয়ঃ।
দৃষ্ট্বা সমস্তং সংক্ষুব্ধং ত্রৈলোক্যং অমরারয়ঃ ॥35॥

সন্নদ্ধাখিলসৈন্যাস্তে সমুত্তস্থুরুদায়ুদাঃ।
আঃ কিমেতদিতি ক্রোধাদাভাষ্য মহিষাসুরঃ ॥36॥

অভ্যধাবত তং শব্দং অশেষৈরসুরৈর্বৃতঃ।
স দদর্ষ ততো দেবীং ব্যাপ্তলোকত্রয়াং ত্বিষা॥37॥

পাদাক্রাংত্য়া নতভুবং কিরীটোল্লিখিতাংবরাম্।
ক্ষোভিতাশেষপাতালাং ধনুর্জ্য়ানিঃস্বনেন তাম্ ॥38॥

দিশো ভুজসহস্রেণ সমংতাদ্ব্য়াপ্য সংস্থিতাম্।
ততঃ প্রববৃতে যুদ্ধং তয়া দেব্যা সুরদ্বিষাং ॥39॥

শস্ত্রাস্ত্রৈর্ভহুধা মুক্তৈরাদীপিতদিগংতরম্।
মহিষাসুরসেনানীশ্চিক্ষুরাখ্য়ো মহাসুরঃ ॥40॥

যুয়ুধে চমরশ্চান্যৈশ্চতুরংগবলান্বিতঃ।
রথানাময়ুতৈঃ ষড্ভিঃ রুদগ্রাখ্য়ো মহাসুরঃ ॥41॥

অয়ুধ্যতায়ুতানাং চ সহস্রেণ মহাহনুঃ।
পংচাশদ্ভিশ্চ নিয়ুতৈরসিলোমা মহাসুরঃ ॥42॥

অয়ুতানাং শতৈঃ ষড্ভিঃর্ভাষ্কলো যুয়ুধে রণে।
গজবাজি সহস্রৌঘৈ রনেকৈঃ পরিবারিতঃ ॥43॥

বৃতো রথানাং কোট্যা চ যুদ্ধে তস্মিন্নয়ুধ্যত।
বিডালাখ্য়োঽয়ুতানাং চ পংচাশদ্ভিরথায়ুতৈঃ ॥44॥

যুয়ুধে সংয়ুগে তত্র রথানাং পরিবারিতঃ।
অন্যে চ তত্রায়ুতশো রথনাগহয়ৈর্বৃতাঃ ॥45॥

যুয়ুধুঃ সংয়ুগে দেব্যা সহ তত্র মহাসুরাঃ।
কোটিকোটিসহস্ত্রৈস্তু রথানাং দংতিনাং তথা ॥46॥

হয়ানাং চ বৃতো যুদ্ধে তত্রাভূন্মহিষাসুরঃ।
তোমরৈর্ভিংধিপালৈশ্চ শক্তিভির্মুসলৈস্তথা ॥47॥

যুয়ুধুঃ সংয়ুগে দেব্যা খড্গৈঃ পরসুপট্টিসৈঃ।
কেচিচ্ছ চিক্ষিপুঃ শক্তীঃ কেচিত্ পাশাংস্তথাপরে ॥48॥

দেবীং খড্গপ্রহারৈস্তু তে তাং হংতুং প্রচক্রমুঃ।
সাপি দেবী ততস্তানি শস্ত্রাণ্যস্ত্রাণি চংডিকা ॥49॥

লীল যৈব প্রচিচ্ছেদ নিজশস্ত্রাস্ত্রবর্ষিণী।
অনাযস্তাননা দেবী স্তূযমানা সুরর্ষিভিঃ ॥50॥

মুমোচাসুরদেহেষু শস্ত্রাণ্যস্ত্রাণি চেশ্বরী।
সোঽপি ক্রুদ্ধো ধুতসটো দেব্যা বাহনকেসরী ॥51॥

চচারাসুর সৈন্যেষু বনেষ্বিব হুতাশনঃ।
নিঃশ্বাসান্ মুমুচেয়াংশ্চ যুধ্যমানারণেঽংবিকা॥52॥

ত এব সধ্যসংভূতা গণাঃ শতসহস্রশঃ।
যুয়ুধুস্তে পরশুভির্ভিংদিপালাসিপট্টিশৈঃ ॥53॥

নাশয়ংতোঽঅসুরগণান্ দেবীশক্ত্য়ুপবৃংহিতাঃ।
অবাদয়ংতা পটহান্ গণাঃ শঙাং স্তথাপরে॥54॥

মৃদংগাংশ্চ তথৈবান্যে তস্মিন্য়ুদ্ধ মহোত্সবে।
ততোদেবী ত্রিশূলেন গদয়া শক্তিবৃষ্টিভিঃ॥55॥

খড্গাদিভিশ্চ শতশো নিজঘান মহাসুরান্।
পাতয়ামাস চৈবান্যান্ ঘংটাস্বনবিমোহিতান্ ॥56॥

অসুরান্ ভুবিপাশেন বধ্বাচান্য়ানকর্ষযত্।
কেচিদ্ দ্বিধাকৃতা স্তীক্ষ্ণৈঃ খড্গপাতৈস্তথাপরে॥57॥

বিপোথিতা নিপাতেন গদয়া ভুবি শেরতে।
বেমুশ্চ কেচিদ্রুধিরং মুসলেন ভৃশং হতাঃ ॥58॥

কেচিন্নিপতিতা ভূমৌ ভিন্নাঃ শূলেন বক্ষসি।
নিরংতরাঃ শরৌঘেন কৃতাঃ কেচিদ্রণাজিরে ॥59॥

শল্য়ানুকারিণঃ প্রাণান্ মমুচুস্ত্রিদশার্দনাঃ।
কেষাংচিদ্বাহবশ্চিন্নাশ্চিন্নগ্রীবাস্তথাপরে ॥60॥

শিরাংসি পেতুরন্যেষাং অন্যে মধ্যে বিদারিতাঃ।
বিচ্ছিন্নজজ্ঘাস্বপরে পেতুরুর্ব্য়াং মহাসুরাঃ ॥61॥

একবাহ্বক্ষিচরণাঃ কেচিদ্দেব্যা দ্বিধাকৃতাঃ।
ছিন্নেপি চান্য়ে শিরসি পতিতাঃ পুনরুত্থিতাঃ ॥62॥

কবংধা যুয়ুধুর্দেব্যা গৃহীতপরমায়ুধাঃ।
ননৃতুশ্চাপরে তত্র যুদ্দে তূর্যলয়াশ্রিতাঃ ॥63॥

কবংধাশ্চিন্নশিরসঃ খড্গশক্যতৃষ্টিপাণয়ঃ।
তিষ্ঠ তিষ্ঠেতি ভাষংতো দেবী মন্যে মহাসুরাঃ ॥64॥

পাতিতৈ রথনাগাশ্বৈঃ আসুরৈশ্চ বসুংধরা।
অগম্য়া সাভবত্তত্র যত্রাভূত্ স মহারণঃ ॥65॥

শোণিতৌঘা মহানদ্যসসদ্যস্তত্র বিসুস্রুবুঃ।
মধ্যে চাসুরসৈন্যস্য বারণাসুরবাজিনাম্ ॥66॥

ক্ষণেন তন্মহাসৈন্যমসুরাণাং তথাঽংবিকা।
নিন্যে ক্ষয়ং যথা বহ্নিস্তৃণদারু মহাচযম্ ॥67॥

সচ সিংহো মহানাদমুত্সৃজন্ ধুতকেসরঃ।
শরীরেভ্য়োঽমরারীণামসূনিব বিচিন্বতি ॥68॥

দেব্যা গণৈশ্চ তৈস্তত্র কৃতং যুদ্ধং তথাসুরৈঃ।
যথৈষাং তুষ্টুবুর্দেবাঃ পুষ্পবৃষ্টিমুচো দিবি ॥69॥

জয় জয় শ্রী মার্কংডেয় পুরাণে সাবর্নিকে মন্বংতরে দেবি মহত্ম্যমে মহিষাসুরসৈন্যবধো নাম দ্বিতীয়োঽধ্যায়ঃ॥

আহুতি
ওং হ্রীং সাংগায়ৈ সায়ুধায়ৈ সশক্তিকায়ৈ সপরিবারায়ৈ সবাহনায়ৈ অষ্টাবিংশতি বর্ণাত্মিকায়ৈ লক্ষ্মী বীজাদিষ্টায়ৈ মহাহুতিং সমর্পয়ামি নমঃ স্বাহা ।