লঘু স্তোত্রম্
সৌরাষ্ট্রে সোমানাধাঞ্চ শ্রীশৈলে মল্লিকার্জুনম্ ।
উজ্জয়িণ্যন মহাকালন ওংকারেত্বমামলেশ্বরম্ ॥
পর্ল্যাং বৈদ্যনাধাঞ্চ ঢাকিন্যাং ভীম শঙ্করম্ ।
সেতুবন্ধেতু রামেশং নাগেশং দারুকাবনে ॥
বারণাশ্যাংতু বিশ্বেশং ত্রয়ম্বকং গৌতমীতটে ।
হিমালয়েতু কেদারং ঘৃষ্ণেশংতু বিশালকে ॥
এতানি জ্য়োতির্লিংগানি সায়ং প্রাতঃ পঠেন্নরঃ ।
সপ্ত জন্ম কৃতং পাপং স্মরণেন বিনশ্যতি ॥
সংপূর্ণ স্তোত্রম্
সৌরাষ্ট্রদেশে বিশদেঽতিরম্যে জ্যোতির্ময়ং চন্দ্রকলাবতংসম্ ।
ভক্তপ্রদানায় কৃপাবতীর্ণং তং সোমনাথং শরণং প্রপদ্যে ॥ ১ ॥
শ্রীশৈলশৃংগে বিবিধপ্রসঙ্গে শেষাদ্রিশৃংগেঽপি সদা বসংতম্ ।
তমর্জুনং মল্লিকপূর্বমেনং নমামি সংসারসমুদ্রসেতুম্ ॥ ২ ॥
অবংতিকায়াং বিহিতাবতারং মুক্তিপ্রদানায় চ সজ্জনানাম্ ।
অকালমৃত্যয়োঃ পরিরক্ষণার্থং বন্দে মহাকালমহাসুরেশম্ ॥ ৩ ॥
কাবেরিকানর্মদয়োঃ পবিত্রে সমাগমে সজ্জনতারণায় ।
সদৈব মাংধাতৃপুরে বসংতং ওঙ্কারমীশং শিবমেকমীডে ॥ ৪ ॥
পূর্বোত্তরে প্রজ্বলিকানিধানে সদা বসং তং গিরিজাসমেতম্ ।
সুরাসুরারাধিতপাদপদ্মং শ্রীবৈদ্যনাথং তমহং নমামি ॥ ৫ ॥
যং ডাকিনিশাকিনিকাসমাজে নিষেব্যমাণং পিশিতাশনৈশ্চ ।
সদৈব ভীমাদিপদপ্রসিদ্ধং তং শঙ্করং ভক্তহিতং নমামি ॥ ৬ ॥
শ্রীতাম্রপর্ণীজলরাশিয়োগে নিবধ্য সেতুং বিশিখৈরসংখ্যয়ৈঃ ।
শ্রীরামচন্দ্রেণ সমর্পিতং তং রামেশ্বরাখ্যং নিয়তং নমামি ॥ ৭ ॥
যাম্যে সদঙ্গে নগরেঽতিরম্যে বিভূষিঙ্গাং বিবিধৈশ্চ ভোগৈঃ ।
সদ্ভক্তিমুক্তিপ্রদমীশমেকং শ্রীনাগনাথং শরণং প্রপদ্যে ॥ ৮ ॥
সানংদমানংদবনে বসংতং আনংদকংদং হতপাপবৃন্দম্ ।
বারাণসীনাথমনাথনাথং শ্রীবিশ্বনাথং শরণং প্রপদ্যে ॥ ৯ ॥
সহ্য়াদ্রিশীর্ষে বিমলে বসংতং গোদাবরিতীরপবিত্রদেশে ।
যদ্দর্শনাত্ পাতকং পাশু নাশং প্রয়াতি তং ত্র্য়ম্বকমীশমীডে ॥ ১০ ॥
মহাদ্রিপার্শ্বে চ তটে রমংতং সংপূজ্যমানং সততং মুনীংদ্রৈঃ ।
সুরাসুরৈর্যক্ষ মহোরগাঢ্য়ৈঃ কেদারমীশং শিবমেকমীডে ॥ ১১ ॥
ইলাপুরে রম্যবিশালকেঽস্মিন্ সমুল্লসংতং চ জগদ্বরেণ্যম্ ।
বন্দে মহোদারতরস্বভাবং ঘৃষ্ণেশ্বরাখ্য়ং শরণং প্রপদ্যে ॥ ১২ ॥
জ্যোতির্ময়দ্বাদশলিঙ্গকানাং শিবাত্মনাং প্রোক্তমিদং ক্রমেণ ।
স্তোত্রং পঠিত্বা মনুজোঽতিভক্ত্য়া ফলং তদালোক্য নিজং ভজেচ্চ ॥