দেবী মাহাত্ম্যং দুর্গা সপ্তশতি প্রথমোঽধ্যায়ঃ

দুর্গাসপ্তশতী বা দেবী মাহাত্ম্যম্-এর প্রথম অধ্যায়ে মধুকৈটভবধের কাহিনী বর্ণনা করা হয়েছে, যেখানে  ব্রহ্মা যোগনিদ্রা দেবীর স্তুতি করে বিষ্ণুকে রাক্ষস মধুকৈটভের হাত থেকে রক্ষা করতে সাহায্য করেন।এই প্রথম অধ্যায়টি ‘অসুর বধ’ নামেও পরিচিত এবং এটি দুর্গা সপ্তশতীর প্রথম পর্বের অংশ, যেখানে দেবী দুর্গার শক্তি ও মহিমা প্রকাশ পায়। 

॥ দেবী মাহাত্ম্যম্ ॥
॥ শ্রীদুর্গায়ৈ নমঃ ॥
॥ অথ শ্রীদুর্গাসপ্তশতী ॥
॥ মধুকৈটভবধো নাম প্রথমোঽধ্যায়ঃ ॥

অস্য শ্রী প্রধম চরিত্রস্য ব্রহ্মা ঋষিঃ । মহাকালী দেবতা । গায়ত্রী ছংদঃ । নংদা শক্তিঃ । রক্ত দংতিকা বীজম্ । অগ্নিস্তত্বম্ । ঋগ্বেদঃ স্বরূপম্ । শ্রী মহাকালী প্রীত্যর্ধে প্রধম চরিত্র জপে বিনিয়োগঃ ।

ধ্যানং
খড্গং চক্র গদেষুচাপ পরিঘা শূলং ভুশুংডীং শিরঃ
শংংখং সংদধতীং করৈস্ত্রিনযনাং সর্বাংংগভূষাবৃতাম্ ।
যাং হংতুং মধুকৈভৌ জলজভূস্তুষ্টাব সুপ্তে হরৌ
নীলাশ্মদ্য়ুতি মাস্যপাদদশকাং সেবে মহাকালিকাং॥

ওং নমশ্চংডিকায়ৈ
ওং ঐং মার্কংডেয় উবাচ॥১॥

সাবর্ণিঃ সূর্যতনয়ো যোমনুঃ কথ্যতেঽষ্টমঃ।
নিশাময় তদুত্পত্তিং বিস্তরাদ্গদতো মম ॥২॥

মহামায়ানুভাবেন যথা মন্বংতরাধিপঃ
স বভূব মহাভাগঃ সাবর্ণিস্তনয়ো রবেঃ ॥৩॥

স্বারোচিষেঽংতরে পূর্বং চৈত্রবংশসমুদ্ভবঃ।
সুরথো নাম রাজাঽভূত্ সমস্তে ক্ষিতিমংডলে ॥৪॥

তস্য় পালযতঃ সম্যক্ প্রজাঃ পুত্রানিবৌরসান্।
বভূবুঃ শত্রবো ভূপাঃ কোলাবিধ্বংসিনস্তদা ॥৫॥

তস্য় তৈরভবদ্য়ুদ্ধং অতিপ্রবলদংডিনঃ।
ন্য়ূনৈরপি স তৈর্য়ুদ্ধে কোলাবিধ্বংসিভির্জিতঃ ॥৬॥

ততঃ স্বপুরমায়াতো নিজদেশাধিপোঽভবত্।
আক্রাংতঃ স মহাভাগস্তৈস্তদা প্রবলারিভিঃ ॥৭॥

অমাত্য়ৈর্বলিভির্দুষ্টৈ র্দুর্বলস্য় দুরাত্মভিঃ।
কোশো বলং চাপহৃতং তত্রাপি স্বপুরে ততঃ ॥৮॥

ততো মৃগয়াব্য়াজেন হৃতস্বাম্য়ঃ স ভূপতিঃ।
একাকী হযমারুহ্য় জগাম গহনং বনম্ ॥৯॥

সতত্রাশ্রমমদ্রাক্ষী দ্দ্বিজবর্যস্য মেধসঃ।
প্রশাংতশ্বাপদাকীর্ণ মুনিশিষ্য়োপশোভিতম্ ॥১০॥

তস্থৌ কংচিত্স কালং চ মুনিনা তেন সত্কৃতঃ।
ইতশ্চেতশ্চ বিচরংস্তস্মিন্ মুনিবরাশ্রমে॥১১॥

সোঽচিংতযত্তদা তত্র মমত্বাকৃষ্টচেতনঃ ॥ ১২॥

মত্পূর্বৈঃ পালিতং পূর্বং ময়াহীনং পুরং হি তত্
মদ্ভৃত্য়ৈস্তৈরসদ্বৃত্তৈঃ র্ধর্মতঃ পাল্যতে ন বা ॥১৩॥

ন জানে স প্রধানো মে শূর হস্তীসদামদঃ
মম বৈরিবশং যাতঃ কান্ভোগানুপলপ্স্যতে ॥১৪॥

যে মমানুগতা নিত্য়ং প্রসাদধনভোজনৈঃ
অনুবৃত্তিং ধ্রুবং তেঽদ্য কুর্বংত্যন্যমহীভৃতাং ॥১৫॥

অসম্যগ্ব্যযশীলৈস্তৈঃ কুর্বদ্ভিঃ সততং ব্যয়ং
সংচিতঃ সোঽতিদুঃখেন ক্ষয়ং কোশো গমিষ্যতি ॥১৬॥

এতচ্চান্যচ্চ সততং চিংতয়ামাস পার্থিবঃ
তত্র বিপ্রাশ্রমাভ্য়াশে বৈশ্যমেকং দদর্শ সঃ ॥১৭॥

স পৃষ্টস্তেন কস্ত্বং ভো হেতুশ্চ আগমনেঽত্র কঃ
সশোক ইব কস্মাত্বং দুর্মনা ইব লক্ষ্যসে। ॥১৮॥

ইত্য়াকর্ণ্য় বচস্তস্য় ভূপতেঃ প্রণায়োদিতম্
প্রত্য়ুবাচ স তং বৈশ্য়ঃ প্রশ্রয়াবনতো নৃপম্॥১৯॥

বৈশ্য উবাচ ॥২০॥

সমাধির্নাম বৈশ্য়োঽহমুত্পন্নো ধনিনাং কুলে
পুত্রদারৈর্নিরস্তশ্চ ধনলোভাদ্ অসাধুভিঃ॥২১॥

বিহীনশ্চ ধনৈদারৈঃ পুত্রৈরাদায় মে ধনম্।
বনমভ্য়াগতো দুঃখী নিরস্তশ্চাপ্তবংধুভিঃ॥২২॥

সোঽহং ন বেদ্মি পুত্রাণাং কুশলাকুশলাত্মিকাম্।
প্রবৃত্তিং স্বজনানাং চ দারাণাং চাত্র সংস্থিতঃ॥২৩॥

কিং নু তেষাং গৃহে ক্ষেমং অক্ষেমং কিংনু সাংপ্রতং
কথং তেকিংনুসদ্বৃত্তা দুর্বৃত্তা কিংনুমেসুতাঃ॥২৪॥

রাজোবাচ॥২৫॥

যৈর্নিরস্তো ভবাল্লুব্ধৈঃ পুত্রদারাদিভির্ধনৈঃ॥২৬॥
তেষু কিং ভবতঃ স্নেহ মনুবধ্নাতি মানসম্॥২৭॥

বৈশ্য উবাচ ॥২৮॥

এবমেতদ্যথা প্রাহ ভবানস্মদ্গতং বচঃ
কিং করোমি ন বধ্নাতি মম নিষ্টুরতাং মনঃ॥২৯॥
ঐঃ সংত্যজ্য় পিতৃস্নেহং ধন লুব্ধৈর্নিরাকৃতঃ
পতিঃস্বজনহার্দং চ হার্দিতেষ্বেব মে মনঃ ॥৩০॥
কিমেতন্নাভিজানামি জানন্নপি মহামতে
যত্প্রেম প্রবণং চিত্তং বিগুণেষ্বপি বংধুষু॥৩১॥
তেষাং কৃতে মে নিঃশ্বাসো দৌর্মনস্য়ং চজাযতে॥৩২॥
অরোমি কিং যন্ন মনস্তেষ্বপ্রীতিষু নিষ্ঠুরম্ ॥৩৩॥

মার্কংডেয় উবাচ ॥৩৪॥

ততস্তৌ সহিতৌ বিপ্র তংমুনিং সমুপস্থিতৌ॥৩৫॥
সমাধির্নাম বৈশ্য়োঽসৌ স চ পার্ধিব সত্তমঃ॥৩৬॥
কৃত্বা তু তৌ যথান্য়ায়্য়ং যথার্হং তেন সংবিদম্।
উপবিষ্টৌ কথাঃ কাশ্চিত্​চ্চক্রতুর্বৈশ্যপার্ধিবৌ॥৩৭॥

রাজোবাচ ॥৩৮॥
ভগবংস্ত্বামহং প্রষ্টুমিচ্ছাম্য়েকং বদস্বতত্ ॥৩৯॥
দুঃখায় যন্মে মনসঃ স্বচিত্তাযত্ততাং বিনা॥৪০॥
মমত্বং গতরাজ্যস্য় রাজ্য়াংগেষ্বখিলেষ্বপি ।
জানতোঽপি যথাজ্ঞস্য় কিমেতন্মুনিসত্তম ॥ ৪১॥
অয়ং চ ইকৃতঃ পুত্রৈঃ দারৈর্ভৃত্য়ৈস্তথোজ্ঘিতঃ
স্বজনেন চ সংত্যক্তঃ স্তেষু হার্দী তথাপ্যতি ॥৪২॥
এব মেষ তথাহং চ দ্বাবপ্ত্য়ংতদুঃখিতৌ।
দৃষ্টদোষেঽপি বিষয়ে মমত্বাকৃষ্টমানসৌ ॥৪৩॥
তত্কেনৈতন্মহাভাগ যন্মোহো জ্ঞানিনোরপি
মমাস্য় চ ভবত্য়েষা বিবেকাংধস্য় মূঢতা ॥৪৪॥

ঋষিরুবাচ॥৪৫॥

জ্ঞান মস্তি সমস্তস্য় জংতোর্ব্ষয় গোচরে।
বিষযশ্চ মহাভাগ যাংতি চৈবং পৃথক্পৃথক্॥৪৬॥

কেচিদ্দিবা তথা রাত্রৌ প্রাণিনঃ স্তুল্যদৃষ্টয়ঃ ॥৪৭॥
জ্ঞানিনো মনুজাঃ সত্য়ং কিং তু তে ন হি কেবলম্।
যতো হি জ্ঞানিনঃ সর্বে পশুপক্ষিমৃগাদয়ঃ॥৪৮॥
জ্ঞানং চ তন্মনুষ্য়াণাং যত্তেষাং মৃগপক্ষিণাং
মনুষ্য়াণাং চ যত্তেষাং তুল্যমন্যত্তথোভয়োঃ॥৪৯॥
জ্ঞানেঽপি সতি পশ্য়ৈতান্ পতগাংছাবচংচুষু।
কণমোক্ষাদৃতান্ মোহাত্পীড্যমানানপি ক্ষুধা॥৫০॥
মানুষা মনুজব্যাঘ্র সাভিলাষাঃ সুতান্ প্রতি
লোভাত্ প্রত্য়ুপকারায় নন্বেতান্ কিং ন পশ্যসি॥৫১॥
তথাপি মমতাবর্তে মোহগর্তে নিপাতিতাঃ
মহামায়া প্রভাবেণ সংসারস্থিতিকারিণা॥৫২॥
তন্নাত্র বিস্ময়ঃ কার্য়ো যোগনিদ্রা জগত্পতেঃ।
মহামায়া হরেশ্চৈষা তয়া সম্মোহ্যতে জগত্॥৫৩॥
জ্ঙানিনামপি চেতাংসি দেবী ভগবতী হি সা
বলাদাক্঱্ষ্যমোহায় মহামায়া প্রযচ্ছতি ॥৫৪॥
তয়া বিসৃজ্যতে বিশ্বং জগদেতচ্চরাচরম্ ।
সৈষা প্রসন্না বরদা নৃণাং ভবতি মুক্তয়ে ॥৫৫॥
সা বিদ্যা পরমা মুক্তের্হেতুভূতা সনাতনী
সংসারবংধহেতুশ্চ সৈব সর্বেশ্বরেশ্বরী॥৫৬॥

রাজোবাচ॥৫৭॥

ভগবন্ কাহি সা দেবী মামায়েতি যাং ভবান্ ।
ব্রবীতি ক্থমুত্পন্না সা কর্মাস্য়াশ্চ কিং দ্বিজ॥৫৮॥
যত্প্রভাবা চ সা দেবী যত্স্বরূপা যদুদ্ভবা।
তত্সর্বং শ্রোতুমিচ্ছামি ত্বত্তো ব্রহ্মবিদাং বর॥৫৯॥

ঋষিরুবাচ ॥৬০॥

নিত্য়ৈব সা জগন্মূর্তিস্তয়া সর্বমিদং ততম্॥৬১॥
তথাপি তত্সমুত্পত্তির্বহুধা শ্রূযতাং মমঃ॥৬২॥
দেবানাং কার্যসিদ্ধ্যর্থং আবির্ভবতি সা যদা।
উত্পন্নেতি তদা লোকে সা নিত্য়াপ্যভিধীযতে ॥৬৩॥
যোগনিদ্রাং যদা বিষ্ণুর্জগত্য়েকার্ণবীকৃতে।
আস্তীর্য় শেষমভজত্ কল্পাংতে ভগবান্ প্রভুঃ॥৬৪॥
তদা দ্বাবসুরৌ ঘোরৌ বিখ্য়াতৌ মধুকৈটভৌ।
বিষ্ণুকর্ণমলোদ্ভূতৌ হংতুং ব্রহ্মাণমুদ্যতৌ॥৬৫॥
স নাভি কমলে বিষ্ণোঃ স্থিতো ব্রহ্মা প্রজাপতিঃ
দৃষ্ট্বা তাবসুরৌ চোগ্রৌ প্রসুপ্তং চ জনার্দনম্॥৬৬॥
তুষ্টাব যোগনিদ্রাং তামেকাগ্রহৃদয়ঃ স্থিতঃ
বিবোধনার্ধায় হরের্হরিনেত্রকৃতালয়াম্ ॥৬৭॥
বিশ্বেশ্বরীং জগদ্ধাত্রীং স্থিতিসংহারকারিণীম্।
নিদ্রাং ভগবতীং বিষ্ণোরতুলাং তেজসঃ প্রভুঃ ॥৬৮॥

ব্রহ্মোবাচ ॥৬৯॥

ত্বং স্বাহা ত্বং স্বধা ত্বংহি বষট্কারঃ স্বরাত্মিকা।
সুধা ত্বমক্ষরে নিত্য়ে ত্রিধা মাত্রাত্মিকা স্থিতা॥৭০॥
অর্ধমাত্রা স্থিতা নিত্য়া যানুচ্চার্য়াবিশেষতঃ
ত্বমেব সা ত্বং সাবিত্রী ত্বং দেব জননী পরা ॥৭১॥
ত্বয়ৈতদ্ধার্যতে বিশ্বং ত্বয়ৈতত্ সৃজ্যতে জগত্।
ত্বয়ৈতত্ পাল্যতে দেবি ত্বমত্স্য়ংতে চ সর্বদা॥৭২॥
বিসৃষ্টৌ সৃষ্টিরূপাত্বং স্থিতি রূপা চ পালনে।
তথা সংহৃতিরূপাংতে জগতোঽস্য় জগন্ময়ে ॥৭৩॥
মহাবিদ্যা মহামায়া মহামেধা মহাস্মৃতিঃ।
মহামোহা চ ভবতী মহাদেবী মহাসুরী ॥৭৪॥
প্রকৃতিস্ত্বং চ সর্বস্য গুণত্রয় বিভাবিনী।
কালরাত্রির্মহারাত্রির্মোহরাত্রিশ্চ দারুণা॥৭৫॥
ত্বং শ্রীস্ত্বমীশ্বরী ত্বং হ্রীস্ত্বং বুদ্ধির্ভোধলক্ষণা।
লজ্জাপুষ্টিস্তথা তুষ্টিস্ত্বং শাংতিঃ ক্ষাংতি রেব চ॥৭৬॥
খড্গিনী শূলিনী ঘোরা গদিনী চক্রিণী তথা।
শংখিণী চাপিনী বাণাভুশুংডীপরিঘায়ুধা॥৭৭॥
সৌম্যা সৌম্যতরাশেষসৌম্য়েভ্যস্ত্বতিসুংদরী
পরাপরাণাং পরমা ত্বমেব পরমেশ্বরী॥৭৮॥
যচ্চ কিংচিত্ক্বচিদ্বস্তু সদসদ্বাখিলাত্মিকে।
তস্য় সর্বস্য যা শক্তিঃ সা ত্বং কিং স্তূযসেময়া॥৭৯॥
যয়া ত্বয়া জগত্ স্রষ্টা জগত্পাতাত্তি যো জগত্।
সোঽপি নিদ্রাবশং নীতঃ কস্ত্বাং স্তোতুমিহেশ্বরঃ॥৮০॥
বিষ্ণুঃ শরীরগ্রহণং অহমীশান এব চ
কারিতাস্তে যতোঽতস্ত্বাং কঃ স্তোতুং শক্তিমান্ ভবেত্॥৮১॥
সা ত্বমিত্থং প্রভাবৈঃ স্বৈরুদারৈর্দেবি সংস্তুতা।
মোহয়ৈতৌ দুরাধর্ষাবসুরৌ মধুকৈটভৌ ॥৮২॥
প্রবোধং চ জগত্স্বামী নীযতামচ্য়ুতা লঘু ॥৮৩॥
বোধশ্চ ক্রিযতামস্য় হংতুমেতৌ মহাসুরৌ ॥৮৪॥

ঋষিরুবাচ ॥৮৫॥

এবং স্তুতা তদা দেবী তামসী তত্র বেধসা
বিষ্ণোঃ প্রভোধনার্ধায় নিহংতুং মধুকৈটভৌ ॥৮৬॥
নেত্রাস্যনাসিকাবাহুহৃদয়েভ্যস্তথোরসঃ।
নির্গম্য় দর্শনে তস্থৌ ব্রহ্মণো অব্যক্তজন্মনঃ ॥৮৭॥
উত্তস্থৌ চ জগন্নাথঃ স্তয়া মুক্তো জনার্দনঃ।
একার্ণবে অহিশযনাত্ততঃ স দদৃশে চ তৌ ॥৮৮॥
মধুকৈটভৌ দুরাত্মানা বতিবীর্যপরাক্রমৌ
ক্রোধরক্তেক্ষণাবত্তুং ব্রহ্মণাং জনিতোদ্যমৌ ॥৮৯॥
সমুত্থায় ততস্তাভ্য়াং যুয়ুধে ভগবান্ হরিঃ
পংচবর্ষসহস্ত্রাণি বাহুপ্রহরণো বিভুঃ ॥৯০॥
তাবপ্যতিবলোন্মত্তৌ মহামায়াবিমোহিতৌ ॥৯১॥
উক্তবংতৌ বরোঽস্মত্তো ব্রিযতামিতি কেশবম্ ॥৯২॥

শ্রী ভগবানুবাচ ॥৯৩॥

ভবেতামদ্য মে তুষ্টৌ মম বধ্য়াবুভাবপি ॥৯৪॥
কিমন্যেন বরেণাত্র এতাবৃদ্দি বৃতং মম ॥৯৫॥

ঋষিরুবাচ ॥৯৬॥

বংচিতাভ্য়ামিতি তদা সর্বমাপোময়ং জগত্।
বিলোক্য় তাভ্য়াং গদিতো ভগবান্ কমলেক্ষণঃ ॥৯৭॥
আবাং জহি ন যত্রোর্বী সলিলেন পরিপ্লুতা। ॥৯৮॥

ঋষিরুবাচ ॥৯৯॥

তথেত্য়ুক্ত্বা ভগবতা শংখচক্রগদাভৃতা।
কৃত্বা চক্রেণ বৈ ছিন্নে জঘনে শিরসী তয়োঃ ॥১০০॥
এবমেষা সমুত্পন্না ব্রহ্মণা সংস্তুতা স্বযম্।
প্রভাবমস্য়া দেব্য়াস্তু ভূয়ঃ শৃণু বদামি তে ॥১০১॥

॥ জয় জয় শ্রী স্বস্তি শ্রীমার্কণ্ডেয় পুরাণে সাবর্ণিকে মন্বংতরে দেবীমহাত্ম্য মধুকৈটভবধো নাম প্রধমোঽধ্য়ায়ঃ ॥

আহুতি

ওং এং সাংগায়ৈ সায়ুধায়ৈ সশক্তিকায়ৈ সপরিবারায়ৈ সবাহনায়ৈ এং বীজাধিষ্টায়ৈ মহা কালিকায়ৈ মহা অহুতিং সমর্পয়ামি নমঃ স্বাহা ॥