ভারত দিশম বর্ডার নাগার
সীমা আড়েরে তেঙ্গো মেনামা
জানাম দিশম বাঞ্চাও লাগিদ
বন্দুক, বারুদ আতেম লাড়হৗয়কান।
চেদ সিঞ্, চেদ ঞিদা সারাঘাড়ি
মেৎ রে জাপিদ বানুঃ আ,
আম চেতানরে মেনাঃ দিসম
রুখয়ৗ রেনাঃ মারাং আঙ্গিভার।
গাডি তেকো সাগাড়পে হানতে নাতে
বানু ঠাওকৗ সাহিজ ঠাও,
তেনেঞ্ নডে, গাপা হাঁডে
তাহেন লাগিত ঘাঁটি পে অডাও।
সিতুং, লল, ঝাতয়াঃ এম সাহাও
বুরু ধারে, ধিরি দানা, বরফ তালা,
লাড়হৗয় লাগিৎ তাহেনাম সাপড়াও
বন্দুক আতে আমরেন বাইরী ক সালাঃ।
আমদ ভারত দিশমরেন গরব
দিশম আয়োয়ীঃ আমদ জুয়ৗন বীর,
আম খাতির তেহেঞ্ উডৗঃকান ভারত
দিশম সীমা আড়েরে চিরগৗল চির।
ঘারঞ্ মায়া, জড়াও শিকড়ি
তপাঃ কাতে মনেম গটা কেদ,
জিওয়ৗ আলায় কাতেরেহ জানাম দিশম
বাঞ্চাও রেনাঃ কিরৗ ম হাতাও কেদ।
বৗইরী কওয়াঃ বন্দুক, বুলেট সেঙ্গেল
ঝাঁঝরা কেদায় আমাঃ কড়াম,
সিঞ অত হাসারে লিঙগী আতুয়েন
আমাঃ হড়মো বেরেল ল ল মায়াং।
আম ঞেলতে তেহেঞ্ দিসম আয়োয়াঃ
কড়াম কেচাগঃ, হমর হালাং কান,
এন্তেরেহ আমদ জুয়ৗন বাং এম আজম
মেনাঃ মেয়া থির চেদ গে বাং এম ররড় কান।
হায়রে জুয়ৗন,জানাম দিশমেম বাগিয়াদ
তেহেঞ্ আমদম হোয়য়েনা শহীদ।
মেৎ জাপিৎ লাহা ,মিৎকাথা মিৎআড়াং
মেন্ লেদাম জয় হিন্দ, জয় হিন্দ।
সাগিঞ দিশম বর্ডার আড়ে লাড়হৗয়রে
জানাম আয়োয় আদকেদে জানাম হপন,
ঞুতুমেম অলকেদ জিওয়ী আলায় কাতে
নওয়া গে তাহেলেনা জানিচ মলং লিখন।
তেহেঞ আম বানুঃমেয়া মেত সামাং
দিশম আয়ো হপন, বীর জুয়ৗন,
আম লাগিদ ইঞাঃ মিদটাং গে আড়াং
জয় হিন্দ, জয় হিন্দ, জয় হিন্দ।।
