ন ভূমির্ন তোয়ং ন তেজো ন বায়ূঃ
ন খং নেংদ্রিযং বা ন তেষাং সমূহঃ
অনেকাংতিকত্বাত্সুষুপ্ত্যেকসিদ্ধঃ
তদেকোঽবশিষ্টঃ শিবঃ কেবলোঽহম্ ॥ ১॥
ন বর্ণা ন বর্ণাশ্রমাচারধর্মা
ন মে ধারণাধ্যানযোগাদযোপি
অনাত্মাশ্রযাহং মমাধ্যাসহানা-
তদেকোঽবশিষ্টঃ শিবঃ কেবলোঽহম্ ॥ ২ ॥
ন মাতা পিতা বা ন দেবা ন লোকা
ন বেদা ন যজ্ঞা ন তীর্থ ব্রুবংতি
সুষুপ্তৌ নিরস্তাতিশূন্যাত্মকত্বা-
তদেকোঽবশিষ্টঃ শিবঃ কেবলোঽহম্ ॥ ৩॥
ন সাংখ্যং ন শৈবং ন তত্পাংচরাত্রং
ন জৈনং ন মীমাংসকাদের্মতং বা
বিশিষ্টানুভূত্যা বিশুদ্ধাত্মকত্বা-
তদেকোঽবশিষ্টঃ শিবঃ কেবলোঽহম্ ॥৪ ॥
ন চোর্ধ্বং ন চাধো ন চাংতর্ন বাহ্যং
ন মধ্যং ন তির্যন্ন পূর্বাঽপরা দিক্
বিযদ্ব্যাপকত্বাদখংডৈকরূপঃ
তদেকোঽবশিষ্টঃ শিবঃ কেবলোঽহম্ ॥ ৫॥
ন শুক্লং ন কৃষ্ণং ন রক্তং ন পীতং
ন কুব্জং ন পীনং ন হ্রস্বং ন দীর্ঘং
অরূপং তথা জ্যোতিরাকারকত্বা-
তদেকোঽবশিষ্টঃ শিবঃ কেবলোঽহম্ ॥ ৬ ॥
ন শাস্তা ন শাস্ত্রং ন শিষ্যো ন শিক্ষা
ন চ ত্বং ন চাহং ন চাযং প্রপংচঃ
স্বরূপাববোধী বিকল্পাসহিষ্ণুঃ
তদেকোঽবশিষ্টঃ শিবঃ কেবলোঽহম্ ॥ ৭ ॥
ন জাগ্রন্ন মে স্বপ্নকো বা সুষুপ্তিঃ
ন বিশ্বো ন বা তৈজসঃ পাজ্ঞকো বা
অবিদ্যাত্মকত্বাত্ত্রযাণং তুরীযঃ
তদেকোঽবশিষ্টঃ শিবঃ কেবলোঽহম্ ॥ ৮॥
অপি ব্যাপকত্বাদ্ধিতত্বপ্রযোগা-
ত্স্বতঃ সিদ্ধভাবাদনন্যাশ্রযত্বাত্
জগত্তুচ্ছমেতত্সমস্তং তদন্য-
তদেকোঽবশিষ্টঃ শিবঃ কেবলোঽহম্ ॥ ৯ ॥
ন চৈকং তদন্যদ্দ্বিতীযং কুতঃ স্যাত্
ন কেবলত্বং ন চাকেবলত্বং
ন শূন্যং ন চাশূন্যমদ্বৈতকত্বা-
কথং সর্ববেদাংতসিদ্ধিং ব্রবীমি ॥ ১০ ॥
