শ্রী লক্ষ্মী অষ্টোত্তর শতনাম স্তোত্রম হলো দেবী লক্ষ্মীর ১০৮টি নামের একটি স্তোত্র, যা ইতিবাচকতা, সমৃদ্ধি এবং সুখ অর্জনের জন্য পাঠ করা হয়। এই স্তোত্রটি পাঠ করলে যৌবন, সৌন্দর্য, এবং ধন-সম্পদের বিকাশ ঘটে বলে বিশ্বাস করা হয়। এখানে কিছু নাম উল্লেখ করা হলো, যেমন – প্রকৃতি, বিক্রুতি, বিদ্যা, সর্বভূতহিতপ্রদা, শ্রদ্ধা, বিভূতি, সুরভি, পরমাত্মিকা, জয়প্রদা, পদ্মালয়া, পদ্মা, শুচী, স্বাহা, স্বাধা, সুধা, ধন্যা, হিরন্ময়ী, লক্ষ্মী, নিত্যাপুষ্টা, বিভা, অদিত্যা, দীপা, বসুধা, ক্ষীরোদা এবং কমলাসম্ভবা।
দেব্যুবাচ
দেবদেব! মহাদেব! ত্রিকালজ্ঞ! মহেশ্বর!
করুণাকর দেবেশ! ভক্তানুগ্রহকারক! ॥
অষ্টোত্তর শতং লক্ষ্ম্যাঃ শ্রোতুমিচ্ছামি তত্ত্বতঃ ॥
ঈশ্বর উবাচ
দেবি! সাধু মহাভাগে মহাভাগ্য প্রদায়কম্ ।
সর্বৈশ্বর্যকরং পুণ্যং সর্বপাপ প্রণাশনম্ ॥
সর্বদারিদ্র্য় শমনং শ্রবণাদ্ভুক্তি মুক্তিদম্ ।
রাজবশ্যকরং দিব্যং গুহ্য়াদ্-গুহ্যতরং পরম্ ॥
দুর্লভং সর্বদেবানাং চতুষ্ষষ্টি কলাস্পদম্ ।
পদ্মাদীনাং বরাংতানাং নিধীনাং নিত্যদায়কম্ ॥
সমস্ত দেব সংসেব্যং অণিমাদ্যষ্ট সিদ্ধিদম্ ।
কিমত্র বহুনোক্তেন দেবী প্রত্যক্ষদায়কম্ ॥
তব প্রীত্য়াদ্য বক্ষ্য়ামি সমাহিতমনাশ্শৃণু ।
অষ্টোত্তর শতস্যাস্য মহালক্ষ্মিস্তু দেবতা ॥
ক্লীং বীজ পদমিত্য়ুক্তং শক্তিস্তু ভুবনেশ্বরী ।
অংগন্যাসঃ করন্যাসঃ স ইত্যাদি প্রকীর্তিতঃ ॥
ধ্যানং
বন্দে পদ্মকরাং প্রসন্নবদনাং সৌভাগ্যদাং ভাগ্যদাং
হস্তাভ্য়ামভযপ্রদাং মণিগণৈঃ নানাবিধৈঃ ভূষিতাম্ ।
ভক্তাভীষ্ট ফলপ্রদাং হরিহর ব্রহ্মাধিভিস্বিতাং
পার্শ্বে পঙ্কজ শঙ্খপদ্ম নিধিভিঃ যুক্তাং সদা শক্তিভিঃ
সরসিজ নয়নে সরোজহস্তে ধবল তরাংশুক গন্ধমাল্য শোভে ।
ভগবতি হরিবল্লভে মনোজ্ঞে ত্রিভুবন ভূতিকরি প্রসীদমহ্যম্ ॥
ওং প্রকৃতিং বিকৃতিং বিদ্যাং সর্বভূত-হিতপ্রদাম্ ।
শ্রদ্ধাং বিভূতিং সুরভিং নমামি পরমাত্মিকাম্ ॥ ১॥
বাচং পদ্মালয়াং পদ্মাং শুচিং স্বাহাং স্বধাং সুধাম্ ।
ধন্যাং হিরণ্যয়ীং লক্ষ্মীং নিত্যপুষ্টাং বিভাবরীম্ ॥ ২॥
অদিতিং চ দিতিং দীপ্তাং বসুধাং বসুধারিণীম্ ।
নমামি কমলাং কাংতাং কামাক্ষীং ক্রোধসংভবাম্ [কাম্যাং ক্ষীরোদসংভবাম্] ॥ ৩॥
অনুগ্রহপ্রদাং বুদ্ধি-মনঘাং হরিবল্লভাম্ ।
অশোকা-মমৃতাং দীপ্তাং লোকশোকবিনাশিনীম্ ॥ ৪ ॥
নমামি ধর্মনিলয়াং করুণাং লোকমাতরম্ ।
পদ্মপ্রিয়াং পদ্মহস্তাং পদ্মাক্ষীং পদ্মসুন্দরীম্ ॥ ৫॥
পদ্মোদ্ভবাং পদ্মমুখীং পদ্মনাভপ্রিয়াং রমাম্ ।
পদ্মমালাধরাং দেবীং পদ্মিনীং পদ্মগন্ধিনীম্ ॥ ৬ ॥
পুণ্যগন্ধাং সুপ্রসন্নাং প্রসাদাভিমুখীং প্রভাম্ ।
নমামি চন্দ্রবদনাং চন্দ্রাং চন্দ্রসহোদরীম্ ॥ ৭ ॥
চতুর্ভুজাং চন্দ্ররূপা-মিংদিরা-মিংদুশীতলাম্ ।
আহ্লাদ জননীং পুষ্টিং শিবাং শিবকরীং সতীম্ ॥ ৮ ॥
বিমলাং বিশ্বজননীং তুষ্টিং দারিদ্র্যনাশিনীম্ ।
প্রীতিপুষ্করিণীং শাংতাং শুক্লমাল্যাংবরাং শ্রিয়ম্ ॥ ৯ ॥
ভাস্করীং বিল্বনিলয়াং বরারোহাং যশস্বিনীম্ ।
বসুন্ধরা মুদারাংগাং হরিণীং হেমমালিনীম্ ॥ ১০ ॥
ধনধান্যকরীং সিদ্ধিং স্ত্রৈণসৌম্যাং [সদাসৌম্যাং] শুভপ্রদাম্ ।
নৃপবেশ্মগতাং নংদাং বরলক্ষ্মীং বসুপ্রদাম্ ॥ ১১॥
শুভাং হিরণ্যপ্রাকারাং সমুদ্রতনয়াং জয়াম্ ।
নমামি মঙ্গলাং দেবীং বিষ্ণুবক্ষঃস্থলস্থিতাম্ ॥ ১২॥
বিষ্ণুপত্নীং, প্রসন্নাক্ষীং নারায়ণসমাশ্রিতাম্ ।
দারিদ্র্যধ্বংসিনীং দেবীং সর্বোপদ্রববারিণীম্ ॥ ১৩ ॥
নবদুর্গাং মহাকালীং ব্রহ্মবিষ্ণুশিবাত্মিকাম্ ।
ত্রিকালজ্ঞানসংপন্নাং নমামি ভুবনেশ্বরীম্ ॥ ১৪॥
লক্ষ্মীং ক্ষীরসমুদ্ররাজ তনয়াং শ্রীরংগধামেশ্বরীম্ ।
দাসীভূত সমস্তদেব বনিতাং লোকৈক দীপাংকুরাম্ ॥
শ্রীমন্মংদ কটাক্ষ লব্ধ বিভবদ্-ব্রহ্মেংদ্র গঙ্গাধরাম্ ।
ত্বাং ত্রৈলোক্য কুটুংবিনীং সরসিজাং বন্দে মুকুংদপ্রিয়াম্ ॥ ১৫ ॥
মাতর্নমামি! কমলে! কমলায়তাক্ষি!
শ্রী বিষ্ণু হৃত্-কমলবাসিনি! বিশ্বমাতঃ!
ক্ষীরোদজে কমল কোমল গর্ভগৌরি!
লক্ষ্মী! প্রসীদ সততং সমতাং শরণ্যে ॥ ১৬ ॥
ত্রিকালং যো জপেত্ বিদ্বান্ ষণ্মাসং বিজিতেংদ্রিয়ঃ ।
দারিদ্র্য় ধ্বংসনং কৃত্বা সর্বমাপ্নোত্-যযত্নতঃ ।
দেবীনাম সহস্রেষু পুণ্যমষ্টোত্তরং শতম্ ।
যেন শ্রিয় মবাপ্নোতি কোটিজন্ম দরিদ্রতঃ ॥ ১৭ ॥
ভৃগুবারে শতং ধীমান্ পঠেত্ বত্সরমাত্রকম্ ।
অষ্টৈশ্বর্য় মবাপ্নোতি কুবের ইব ভূতলে ॥
দারিদ্র্য় মোচনং নাম স্তোত্রমংবাপরং শতম্ ।
যেন শ্রিয় মবাপ্নোতি কোটিজন্ম দরিদ্রতঃ ॥ ১৮ ॥
ভুক্ত্বাতু বিপুলান্ ভোগান্ অন্তে সায়ুজ্যমাপ্নুয়াত্ ।
প্রাতঃকালে পঠেন্নিত্য়ং সর্ব দুঃখোপ শাংতয়ে ।
পঠংতু চিংতয়েদ্দেবীং সর্বাভরণ ভূষিতাম্ ॥ ১৯ ॥
।। ইতি শ্রী লক্ষ্ম্যষ্টোত্তরশতনামস্তোত্রং সংপূর্ণং।।
