সন্ত কুলশেখর প্রণীত মুকুন্দমালা স্তোত্র

মুকুন্দমালা স্তোত্রম :

মুকুন্দমালা একটি সংস্কৃত স্তোত্র যা হিন্দু সন্ন্যাসী ও কবি কুলশেখর আলভার দ্বারা রচিত, যাতে ভগবান কৃষ্ণের প্রতি উৎসর্গ ৪০টি শ্লোক রয়েছে এবং এর মাধ্যমে ভক্ত ভগবানের কাছে প্রার্থনা করেন। এই স্তোত্রটি শ্রী বৈষ্ণব ঐতিহ্যের অংশ এবং এটি ভক্তি ও আত্মতত্ত্বের এক গভীর বার্তা বহন করে, যা জন্ম ও মৃত্যুর যন্ত্রণার নিরাময়ের জন্য ভগবানের কাছে সমর্পিত। 

ঘুষ্যতে যস্য নাগরে রাংগায়ত্রা দিনে দিনে।
তমহংস শিরাসা বন্দে রাজানাং কুলশেখরম ॥

শ্রীবল্লভেতি ভারদেতি দায়পরেতি
ভক্তপ্রিয়তি ভবলুণ্ঠনকোভিদেতি।
নাথেতি নাগশয়নেতি জগন্নিবাসে-
-ত্যালাপনাং প্রতিপদং কুরু মে মুকুন্দ ॥ ১ ॥

জযতু জযতু দেবো দেবকীনন্দনোঽয়ং
জয়তু জয়তু কৃষ্ণো বৃষ্ণিবংশপ্রদীপঃ ।
জযতু জযতু মেঘশ্য়ামলঃ কোমলাংগো
জযতু জযতু পৃথ্বীভারনাশো মুকুংদঃ ॥ ২ ॥

মুকুন্দ মূর্ধ্না প্রণিপত্য যাচে
ভবংতমেকাংতমিয়ংতমর্থম্ ।
অবিস্মৃতিস্ত্বচ্চরণারবিংদে
ভবে ভবে মেঽস্তু ভবত্প্রসাদাত্ ॥ ৩॥

নাহং বন্দে তব চরণয়োর্দ্বংদ্বমদ্বংদ্বহেতোঃ
কুংভীপাকং গুরুমপি হরে নারকং নাপনেতুম্ ।
রম্যারামামৃদুতনুলতা নন্দনে নাপি রংতুং
ভাবে ভাবে হৃদয়ভবনে ভাবয়েয়ং ভবংতম্ ॥ ৪ ॥

নাস্থা ধর্মে ন বসুনিচয়ে নৈব কামোপভোগে
যদ্যদ্ভব্যং ভবতু ভগবন্ পূর্বকর্মানুরূপম্ ।
এতত্প্রার্থ্য়ং মম বহুমতং জন্মজন্মাংতরেঽপি
ত্বত্পাদাংভোরুহয়ুগগতা নিশ্চলা ভক্তিরস্তু ॥ ৫ ॥

দিবি বা ভুবি বা মমাস্তু বাসো
নরকে বা নরকান্তক প্রকামম্ ।
অবধীরিত শারদারবিংদৌ
চরণৌ তে মরণেঽপি চিন্তয়ামি ॥ ৬ ॥

কৃষ্ণ ত্বদীয় পদপঙ্কজপংজরাংত-
-মদ্যৈব মে বিশতু মানসরাজহংসঃ ।
প্রাণপ্রয়াণসময়ে কফবাতপিত্তৈঃ
কণ্ঠাবরোধনবিধৌ স্মরণং কুতস্তে ॥ ৭ ॥

চিন্তয়ামি হরিমেব সংততং
মংদমংদ হসিতাননাংবুজং
নন্দগোপতনয়ং পরাত্পরং
নারদাদিমুনিবৃংদবংদিতম্ ॥ ৮ ॥

করচরণসরোজে কাংতিমন্নেত্রমীনে
শ্রমমুষি ভুজবীচিব্যাকুলেঽগাধমার্গে ।
হরিসরসি বিগাহ্য়াপীয় তেজোজলৌঘং
ভবমরুপরিখিন্নঃ খেদমদ্য ত্যজামি ॥ ৯ ॥

সরসিজনয়নে সশংখচক্রে
মুরভিদি মা বিরম স্বচিত্ত রংতুম্ ।
সুখতরমপরং ন জাতু জানে
হরিচরণস্মরণামৃতেন তুল্যম্ ॥ ১০ ॥

মা ভীর্মংদমনো বিচিন্তয় বহুধা যামীশ্চিরং যাতনাঃ
নামী নঃ প্রভবংতি পাপরিপবঃ স্বামী ননু শ্রীধরঃ ।
আলস্যং ব্যপনীয় ভক্তিসুলভং ধ্যায়স্ব নারায়ণং
লোকস্য ব্যসনাপনোদনকরো দাসস্য কিং ন ক্ষমঃ ॥১১

ভবজলধিগতানাং দ্বংদ্ববাতাহতানাং
সুতদুহিতৃকলত্রত্রাণভারার্দিতানাম্ ।
বিষমবিষয়তোয়ে মজ্জতামপ্লবানাং
ভবতু শরণমেকো বিষ্ণুপোতো নরাণাম্ ॥১২॥

ভবজলধিমগাধং দুস্তরং নিস্তরেয়ং
কথমহমিতি চেতো মা স্ম গাঃ কাতরত্বম্ ।
সরসিজদৃশি দেবে তাবকী ভক্তিরেকা
নরকভিদি নিষণ্ণা তারয়িষ্যত্যবশ্যম্ ॥১৩ ॥

তৃষ্ণাতোয়ে মদনপবনোদ্ধূত মোহোর্মিমালে
দারাবর্তে তনয়সহজগ্রাহসংঘাকুলে চ ।
সংসারাখ্য়ে মহতি জলধৌ মজ্জতাং নস্ত্রিধামন্
পাদাংভোজে বরদ ভবতো ভক্তিনাবং প্রযচ্ছ ॥১৪॥

মাদ্রাক্ষং ক্ষীণপুণ্যান্ ক্ষণমপি ভবতো ভক্তিহীনান্পদাব্জে
মাশ্রৌষং শ্রাব্যবন্ধং তব চরিতমপাস্যান্যদাখ্য়ানজাতম্
মাস্মার্ষং মাধব ত্বামপি ভুবনপতে চেতসাপহ্নুবানা-
-ন্মাভূবং ত্বত্সপর্য়াব্যতিকররহিতো জন্মজন্মান্তরেঽপি ॥১৫॥

জিহ্বে কীর্তয় কেশবং মুররিপুং চেতো ভজ শ্রীধরং
পাণিদ্বংদ্ব সমর্চয়াচ্যুতকথাঃ শ্রোত্রদ্বয় ত্বং শৃণু ।
কৃষ্ণং লোকয় লোচনদ্বয় হরের্গচ্ছাংঘ্রিয়ুগ্মালয়ং
জিঘ্র ঘ্রাণ মুকুন্দপাদতুলসীং মূর্ধন্নমাধোক্ষজম্ ॥১৬॥

হে লোকাঃ শৃণুত প্রসূতিমরণব্যাধেশ্চিকিত্সামিমাং
যোগজ্ঞাঃ সমুদাহরংতি মুনয়ো যাং যাজ্ঞবল্কয়াদয়ঃ ।
অন্তর্জ্য়োতিরমেয়মেকমমৃতং কৃষ্ণাখ্যমাপীয়তাং
তত্পীতং পরমৌষধং বিতনুতে নির্বাণমাত্যংতিকম্ ॥১৭ ।

হে মর্ত্যাঃ পরমং হিতং শৃণুত বো বক্ষ্য়ামি সংক্ষেপতঃ
সংসারার্ণবমাপদূর্মিবহুলং সম্যক্প্রবিশ্য স্থিতাঃ ।
নানাজ্ঞানমপাস্য চেতসি নমো নারায়ণায়েত্যমুং
মন্ত্রং সপ্রণবং প্রণামসহিতং প্রাবর্তয়ধ্বং মুহুঃ ॥১৮॥

পৃথ্বীরেণুরণুঃ পয়াংসি কণিকাঃ ফল্গুঃ স্ফুলিংগোঽলঘু-
-স্তেজো নিঃশ্বসনং মরুত্তনুতরং রংধ্রং সুসূক্ষ্মং নভঃ ।
ক্ষুদ্রা রুদ্রপিতামহপ্রভৃতয়ঃ কীটাঃ সমস্তাঃ সুরাঃ
দৃষ্টে যত্র স তাবকো বিজয়তে ভূমাবধূতাবধিঃ ॥১৯॥

বদ্ধেনাংজলিনা নতেন শিরসা গাত্রৈঃ সরোমোদ্গমৈঃ
কণ্ঠেন স্বরগদ্গদেন নয়নেনোদ্গীর্ণবাষ্পাংবুনা ।
নিত্যং ত্বচ্চরণারবিংদয়ুগল ধ্যানামৃতাস্বাদিনা-
-মস্মাকং সরসীরুহাক্ষ সততং সংপদ্যতাং জীবিতম্ ॥ ২০ ॥

হে গোপালক হে কৃপাজলনিধে হে সিন্ধুকন্যাপতে
হে কংসাংতক হে গজেংদ্রকরুণাপারীণ হে মাধব ।
হে রামানুজ হে জগত্ত্রয়গুরো হে পুণ্ডরীকাক্ষ মাং
হে গোপীজননাথ পালয় পরং জানামি ন ত্বাং বিনা ॥২১॥

ভক্তাপায়ভুজংগগারুডমণিস্ত্রৈলোক্যরক্ষামণিঃ
গোপীলোচনচাতকাংবুদমণিঃ সৌংদর্যমুদ্রামণিঃ ।
যঃ কাংতামণি রুক্মিণী ঘনকুচদ্বংদ্বৈকভূষামণিঃ
শ্রেয়ো দেবশিখামণির্দিশতু নো গোপালচূড়ামণিঃ ॥২২

শত্রুচ্ছেদৈকমন্ত্রং সকলমুপনিষদ্বাক্যসংপূজ্যমন্ত্রং
সংসারোত্তারমন্ত্রং সমুপচিততমঃ সংঘনির্য়াণমংত্রম্ ।
সর্বৈশ্বর্য়ৈকমংত্রং ব্যসনভুজগসংদষ্টসংত্রাণমংত্রং
জিহ্বে শ্রীকৃষ্ণমন্ত্রং জপ জপ সততং জন্মসাফল্যমন্ত্রম্ ॥ ২৩ ॥

ব্যামোহ প্রশমৌষধং মুনিমনোবৃত্তি প্রবৃত্ত্য়ৌষধং
দৈত্য়েংদ্রার্তিকরৌষধং ত্রিভুবনী সঞ্জীবনৈকৌষধম্ ।
ভক্তাত্য়ংতহিতৌষধং ভবভয়প্রধ্বংসনৈকৌষধং
শ্রেয়ঃপ্রাপ্তিকরৌষধং পিব মনঃ শ্রীকৃষ্ণদিব্যৌষধম্ ॥২৪ ॥

আম্নায়াভ্যসনান্যরণ্যরুদিতং বেদব্রতান্যন্বহং
মেদশ্ছেদফলানি পূর্তবিধয়ঃ সর্বে হুতং ভস্মনি ।
তীর্থানামবগাহনানি চ গজস্নানং বিনা যত্পদ-
-দ্বংদ্বাংভোরুহসংস্মৃতির্বিজযতে দেবঃ স নারাযণঃ ॥ ২৫ ॥

শ্রীমন্নাম প্রোচ্য নারায়ণাখ্য়ং
কে ন প্রাপুর্বাংছিতং পাপিনোঽপি ।
হা নঃ পূর্বং বাক্প্রবৃত্তা ন তস্মিন্
তেন প্রাপ্তং গর্ভবাসাদিদুঃখম্ ॥ ২৬ ॥

মজ্জন্মনঃ ফলমিদং মধুকৈটভারে
মত্প্রার্থনীয় মদনুগ্রহ এষ এব ।
ত্বদ্ভৃত্যভৃত্য পরিচারক ভৃত্যভৃত্য
ভৃত্যস্য ভৃত্য ইতি মাং স্মর লোকনাথ ॥ ২৭ ॥

নাথে নঃ পুরুষোত্তমে ত্রিজগতামেকাধিপে চেতসা
সেব্যে স্বস্য় পদস্য দাতরি সুরে নারায়ণে তিষ্ঠতি ।
যং কঞ্চিত্পুরুষাধমং কতিপয়গ্রামেশমল্পার্থদং
সেবায়ৈ মৃগয়ামহে নরমহো মূকা বরাকা বয়ম্ ॥ ২৮॥

মদন পরিহর স্থিতিং মদীয়ে
মনসি মুকুংদপদারবিংদধাম্নি ।
হরনয়নকৃশানুনা কৃশোঽসি
স্মরসি ন চক্রপরাক্রমং মুরারেঃ ॥২৯ ॥

তত্ত্বং ব্রুবাণানি পরং পরস্মা-
-ন্মধু ক্ষরংতীব সতাং ফলানি ।
প্রাবর্তয় প্রাংজলিরস্মি জিহ্বে
নামানি নারাযণ গোচরাণি ॥ ৩০ ॥

ইদং শরীরং পরিণামপেশলং
পতত্যবশ্য়ং শ্লথসংধিজর্জরম্ ।
কিমৌষধৈঃ ক্লিশ্যসি মূঢ দুর্মতে
নিরাময়ং কৃষ্ণরসাযনং পিব ॥ ৩১॥

দারা বারাকরবরসুতা তে তনূজো বিরিঞ্চিঃ
স্তোতা বেদস্তব সুরগণো ভৃত্যবর্গঃ প্রসাদঃ ।
মুক্তির্মায়া জগদবিকলং তাবকী দেবকী তে
মাতা মিত্রং বলরিপুসুতস্ত্বয়্যতোঽন্যন্ন জানে ॥৩২॥

কৃষ্ণো রক্ষতু নো জগত্ত্রয়গুরুঃ কৃষ্ণং নমস্যাম্যহং
কৃষ্ণেনামরশত্রবো বিনিহতাঃ কৃষ্ণায় তস্মৈ নমঃ ।
কৃষ্ণাদেব সমুত্থিতং জগদিদং কৃষ্ণস্য় দাসোঽস্ম্যহং
কৃষ্ণে তিষ্ঠতি সর্বমেতদখিলং হে কৃষ্ণ রক্ষস্ব মাম্ ॥ ৩৩

তত্ত্বং প্রসীদ ভগবন্ কুরু ময়্যনাথে
বিষ্ণো কৃপাং পরমকারুণিকঃ কিল ত্বম্ ।
সংসারসাগরনিমগ্নমনংতদীন-
-মুদ্ধর্তুমর্হসি হরে পুরুষোত্তমোঽসি ॥ ৩৪॥

নমামি নারায়ণপাদপঙ্কজং
করোমি নারায়ণপূজনং সদা ।
বদামি নারায়ণনাম নির্মলং
স্মরামি নারায়ণতত্ত্বমব্যয়ম্ ॥৩৫॥

শ্রীনাথ নারায়ণ বাসুদেব
শ্রীকৃষ্ণ ভক্তপ্রিয় চক্রপাণে ।
শ্রীপদ্মনাভাচ্যুত কৈটভারে
শ্রীরাম পদ্মাক্ষ হরে মুরারে ॥ ৩৬ ॥

অনন্ত বৈকুংঠ মুকুন্দ কৃষ্ণ
গোবিন্দ দামোদর মাধবেতি ।
বক্তুং সমর্থোঽপি ন বক্তি কশ্চি-
-দহো জনানাং ব্যসনাভিমুখ্যম্ ॥ ৩৭॥

ধ্যায়ংতি যে বিষ্ণুমনংতমব্যয়ং
হৃত্পদ্মমধ্যে সততং ব্যবস্থিতম্ ।
সমাহিতানাং সততাভয়প্রদং
তে যাংতি সিদ্ধিং পরমাং চ বৈষ্ণবীম্ ॥৩৮॥

ক্ষীরসাগরতরংগশীকরা-
-ঽঽসারতারকিতচারুমূর্তয়ে ।
ভোগিভোগশয়নীয়শায়িনে
মাধবায় মধুবিদ্বিষে নমঃ ॥ 39 ॥

যস্য প্রিয়ৌ শ্রুতিধরৌ কবিলোকবীরৌ
মিত্রে দ্বিজন্মবরপদ্মশরাবভূতাম্ ।
তেনাংবুজাক্ষচরণাংবুজষট্পদেন
রাজ্ঞা কৃতা কৃতিরিয়ং কুলশেখরেণ ॥ ৪০॥

।। ইতি কুলশেখর প্রণীতং মুকুন্ডমালা ।।