শ্রীবিদ্যে শিববামভাগনিলযে শ্রীরাজরাজার্চিতে
শ্রীনাথাদিগুরুস্বরূপবিভবে চিন্তামণিপিঠিকে ।
শ্রীবাণীগিরিজানুতাংঘ্রিকমলে শ্রীশাংভবি শ্রীশিবে মধ্যাহ্নে মলয়ধ্বজাধিপসুতে মাং পাহি মীনাক্ষীকে ॥ ১ ॥
চক্রস্থেঽচপলে চরাচরজগন্নাথে জগৎপূজিতে
আর্তালীবরদে নতাভযকরে বক্ষোজভারান্বিতে ।
বিদ্যে বেদকলাপমৌলিবিদিতে বিদ্যুল্লতাবিগ্রহে
মাতঃ পূর্ণসুধারসার্দ্রহৃদযে মাং পাহি মীনাক্ষীকে ॥ ২ ॥
কোটীরাংগদরত্নকুংডলধরে কোদংডবাণাংচিতে
কোকাকারকুচদ্বযোপরিলসত্প্রালংবহারাংচিতে
শিংজন্নূপুরপাদসারসমণীশ্রীপাদুকালংকৃতে
মদ্দারিদ্র্যভুজংগগারুডখগে মাং পাহি মীনাক্ষীকে ॥ ৩ ॥
ব্রহ্মেশাচ্যুতগীয়মানচরিতে প্রেতাসনাংতস্থিতে
পাশোদংকুশচাপবাণকলিতে বালেংদুচূড়াংচিতে
বালে বালকুরংগলোলনয়নে বালার্ককোট্যুজ্জ্বলে
মুদ্রারাধিতদৈবতে মুনিসুতে মাং পাহি মীনাক্ষীকে ॥ ৪ ॥
গংধর্বামরযক্ষপন্নগনুতে গংগাধরালিংগিতে
গায়ত্রীগরুডাসনে কমলজে সুশ্যামলে সুস্থিতে ।
খাতীতে খলদারুপাবকশিখে খদ্যোতকোট্যুজ্জ্বলে
মংত্রারাধিতদৈবতে মুনিসুতে মাং পাহী মীনাক্ষীকে ॥ ৫ ॥
নাদে নারদতুংবুরাদ্যবিনুতে নাদাংতনাদাত্মিকে
নিত্যে নীললতাত্মিকে নিরুপমে নীবারশূকোপমে
কাংতে কামকলে কদংবনিলয়ে কামেশ্বরাংকস্থিতে
মদ্বিদ্যে মদভীষ্টকল্পলতিকে মাং পাহি মীনাক্ষীকে ॥ ৬ ॥
বীণানাদনিমীলিতার্ধনযনে বিস্রস্তচূলীভরে
তাংবূলারুণপল্লবাধরযুতে তাটংকহারান্বিতে ।
শ্যামে চংদ্রকলাবতংসকলিতে কস্তূরিকাফালিকে
পূর্ণে পূর্ণকলাভিরামবদনে মাং পাহি মীনাক্ষীকে ॥ ৭ ॥
শব্দব্রহ্মময়ী চরাচরময়ী জ্যোতির্ময়ী বাঙ্ময়ী
নিত্যানংদময়ী নিরংজনময়ী তত্ত্বংময়ী চিন্ময়ী ।
তত্ত্বাতীতময়ী পরাৎপরময়ী মাযাময়ী শ্রীময়ী
সর্বৈশ্বর্যময়ী সদাশিবময়ী মাং পাহি মীনাক্ষীকে ॥ ৮ ॥
।। ইতি শ্রীমত্পরমহংসপরিব্রাজকাচার্যস্য শ্রীগোবিংদভগবত্পূজ্যপাদশিষ্যস্য শ্রীমচ্ছংকরভগবতঃ কৃতৌ মীনাক্ষী স্তোত্রম্ ।।
